လံာ်မးသဲ 13:20 - Sgaw Karen Common Bible

²⁰ တၢ်ချံလၢအလီၤဘၣ်လၢဟီၣ်ခိၣ်လၢလၢၢ်အိၣ်ဝဲအါမးအလီၢ် တဖၣ်န့ၣ်, မ့ၢ်ပှၤလၢအနၢ်ဟူတၢ်ကစီၣ် ဒီးတဘျီဃီတူၢ်လိာ်ဝဲလၢ တၢ်သူၣ်ဖှံသးညီအပူၤန့ၣ်လီၤ.

လံာ်မးသဲ 13:20 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 24:14

ဖဲတၢ်ဘှီဂ့ၤက့ၤတဖၣ်ဝံၤဝဲန့ၣ်, ထူစ့လၢအအိၣ်တ့ၢ်တဖၣ်ဘၣ် တၢ်ဟ့ၣ်က့ၤအီၤဆူစီၤပၤဒီးစီၤယဟိယဒါဒီးအဝဲသ့ၣ်ကသူဝဲ လၢကမၤက့ၤလီခီတဖၣ်ဒီးတၢ်အဃၢၤအဃိၢ်အဂၤတဖၣ်လၢယွၤ အတၢ်လုၢ်ဟံၣ်အဂီၢ်န့ၣ်လီၤ. ဖဲစီၤယဟိယဒါအိၣ်မူဒံးဝဲအမုၢ်နံၤတဖၣ်န့ၣ်, တၢ်လုၢ်တၢ်ပာ်တဖၣ်ဘၣ်တၢ်လုၢ်ထီၣ်အီၤဒ်တၢ်အလုၢ်အလၢ်အိၣ်ဝဲအသိး ဘၣ်ဆၢဘၣ်ကတီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:2

ဖဲပှၤလုၢ်တၢ်အခိၣ်စီၤယဟိယဒါအိၣ်မူဒံးဝဲအခါန့ၣ်စီၤယိၤ အၣ်မၤတ့ၢ်တၢ်လၢအဘၣ်ယွၤအသးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:6

လၢတၢ်န့ၣ်အဃိ, အဝဲကိးနုာ်အဝဲသ့ၣ်အပှၤအခိၣ်စီၤယဟိယဒါဒီး ဃ့ဆူၣ်တၢ်စံးဝဲ, တၢ်ခိတၢ်သွဲလၢယွၤအခ့အပှၤစီၤမိၤၡ့ မၢပှၤဂီၢ်မုၢ်ဟ့ၣ်အီၤလၢတၢ်မၤစၢၤယွၤအိၣ်ဝဲဆိးဝဲအဒဲ အဂီၢ်န့ၣ်, ဘၣ်မနုၤလၢနတမၢပှၤလ့ၤဝံဖိတဖၣ်ထၢဖှိၣ်အီၤလၢကီၢ်ယူဒၤ ဒီးဝ့ၢ်ယရူၤရှလ့ၣ်အပူၤလဲၣ်.”

လံာ်ယၡါယၤ 58:2

အဝဲသ့ၣ်ဘူၣ်ထီၣ်ဘါထီၣ်ယၤကိးနံၤဒဲး, စံးလီၤအသးလၢ အသးဆူၣ်လၢကသ့ၣ်ညါဘၣ်ယကျဲတဖၣ်ဒီးစူၢ်ယတၢ်သိၣ် တၢ်သီတဖၣ်အဂီၢ်လီၤ. အဝဲသ့ၣ်စံးဝဲလၢအအဲၣ်ဒိးယက ဟ့ၣ်အဝဲသ့ၣ်ထဲဒၣ်တၢ်သိၣ်တၢ်သီတဖၣ်ဒီးကသူၣ်မံသးမုာ် လၢအဘူၣ်ထီၣ်ဘါထီၣ်ဘၣ်ယၤန့ၣ်လီၤ.”

လံာ်မးသဲ 13:19

ပှၤလၢအနၢ်ဟူတၢ်ကစီၣ်ဘၣ်ဃးဒီးဘီမုၢ်ဘၣ်ဆၣ်တနၢ်ပၢၢ်ဝဲ တဖၣ်န့ၣ်, လီၤဂာ်ဒီးတၢ်ချံလၢအလီၤဘၣ်လၢကျဲအသရ့ၤထံးလီၤ. တၢ်အၢတၢ်သီတဂၤန့ၣ်ဟဲဒီးဂုာ်န့ၢ်ကွံာ်တၢ်လၢအဘၣ်တၢ်ဖှံလီၤလၢ အဝဲသ့ၣ်အသးပူၤလီၤ.

လံာ်မးသဲ 13:21

ဘၣ်ဆၣ်ဒီး, အဂံၢ်တယိာ်ဘၣ်သတးဒီး, တမူယံာ်ယံာ်ဘၣ်. တုၤတၢ်နးတၢ်ဖှီၣ်ဒီး တၢ်မၤအၢမၤနးအိၣ်ထီၣ်လၢတၢ်ကစီၣ် အဃိဒီး, အဝဲသ့ၣ်အသးဟးဂီၤတဘျီဃီလီၤ.

လံာ်မးသဲ 7:8

အဂ့ၢ်ဒ်အံၤပှၤကိးဂၤဒဲးလၢအဃ့တၢ်လၢယွၤန့ၣ်ကဒိးန့ၢ်ဝဲ, ဒီးပှၤတဂၤဂ့ၤတဂၤဂ့ၤလၢအဃုတၢ်န့ၣ်ကထံၣ်န့ၢ်ဝဲ, ဒီးယွၤကအိးထီၣ်န့ၢ်တြဲၤလၢပှၤတဂၤလၢ်လၢ်လၢအဒိတကျိာ် တၢ်အဂီၢ်လီၤ.

လံာ်မၢ်ကူး 6:20

စီၤပၤဟ့ၤရိာ်ပျံၤစီၤယိၤဟၣ်မ့ၢ်လၢအသ့ၣ်ညါဝဲလၢစီၤယိၤ ဟၣ်မ့ၢ်ပှၤတီပှၤလိၤဒီးပှၤစီပှၤဆှံတဂၤသတးဒီးကဟုကယာ် ဃာ်ဝဲဂ့ၤဂ့ၤလီၤ. တဘျီလၢ်လၢ်တုၤအနၢ်ဟူဘၣ်အတၢ်စံးတၢ်ကတိၤဒီး, အဝဲဒၣ်အသးဘၣ်တံာ်တာ်ဒိၣ်ဒိၣ်ကလဲာ်ဘၣ်ဆၣ်သးခုဒိကနၣ်အီၤ လီၤ.

လံာ်ယိၤဟၣ် 5:35

စီၤယိၤဟၣ်မၤအသးဒ်မ့ၣ်အူဒၢတဖျၢၣ်အသိး, ကဲၤထီၣ်ဒီး ကပီၤထီၣ်ဝဲဒီးသုသးအိၣ်တစိၢ်တလီၢ်လၢသုကသူၣ်ဖှံသးညီလၢ အတၢ်ကပီၤအပူၤန့ၣ်လီၤ.

မၤတၢ် 8:13

စီၤၡံမိၣ်အနီၢ်ကစၢ်ဒၣ်ဝဲစ့ၢ်ကီးစူၢ်က့ၤနာ်က့ၤတၢ်, ဒီးလၢအဘၣ်တၢ်ဘျၢအီၤလၢထံဝံၤအလီၢ်ခံ, အဝဲဒၣ်လဲၤက့ၤအိၣ်ဆိးဝဲထီဘိဒီးစီၤဖံလံးပူးလီၤ. တုၤအထံၣ်ဘၣ်ဝဲတၢ်ပနီၣ်လီၤလးဒီးတၢ်လီၤလိၢ်လီၤလး တဖၣ်န့ၣ်ဒီး, ကမၢကမၣ်ဝဲဒိၣ်ဒိၣ်ကလဲာ်လီၤ.