လံာ်မးသဲ 13:2 - Sgaw Karen Common Bible

² ပှၤဂီၢ်မုၢ်ဖးဒိၣ်ပာ်ဖှိၣ်ထီၣ်အသးဝးတရံးအီၤသတးဒီး, အဝဲလဲၤနုာ်ဆ့ၣ်နီၤဝဲလၢချံတဘ့ၣ်အပူၤဒီးပှၤဂီၢ်မုၢ် တခီအိၣ်ဆၢထၢၣ်လၢကၢၢ်ပၤနံၤန့ၣ်လီၤ.

လံာ်မးသဲ 13:2 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

လံာ်မးသဲ 15:30

ဒီးပှၤဂီၢ်မုၢ်ဖးဒိၣ်ဟဲဆူအအိၣ်, ဟဲစိာ်ဃုာ်ဒီးပှၤအခီၣ်ဟးဂီၤ, ပှၤအစုကၢ်အခီၣ်ချံး, ပှၤအမဲာ်ဘျီၣ်, ပှၤအုးအးဒီးပှၤဘၣ်ဆူးဘၣ်ဆါအဂုၤအဂၤအါဂၤ, ဒီးပာ်လီၤဝဲလၢယ့ၣ်ၡူးအခီၣ်ထံး, ဒီးအဝဲဒၣ်မၤဘျါက့ၤအဝဲသ့ၣ်လီၤ.

လံာ်မးသဲ 4:25

ပှၤဂီၢ်မုၢ်ဖးဒိၣ်လၢကီၢ်ကၤလံၤလါ, လၢဝ့ၢ်ဆံဆဲၣ်ဝ့ၢ်အတၢ်ပၢ, လၢဝ့ၢ်ယရူၤၡလ့ၣ်, လၢကီၢ်ယူဒၤဒီးယၢ်ဒ့ၣ်ကျိအမုၢ်ထီၣ်, ပိာ်ထီၣ်ယ့ၣ်ၡူးအခံလီၤ.

လံာ်မၢ်ကူး 4:1

ယ့ၣ်ၡူးသိၣ်လီၤသီလီၤကဒီးတၢ်လၢပီၣ်လဲၣ်ကၤလံၤလါအနံၤ လီၤ. ပှၤဂီၢ်မုၢ်ဟဲပာ်ဖှိၣ်အသးဝးတရံးအီၤအါဝဲတုၤဒၣ်လဲာ်ယ့ၣ်ၡူး လဲၤနုာ်ဆူချံတဘ့ၣ်အပူၤဒီးဆ့ၣ်နီၤဝဲလီၤ. ချံန့ၣ်အိၣ်ဝဲလၢပီၣ်လဲၣ်ထံဖံးခိၣ်ဒီးပှၤဂီၢ်မုၢ်အိၣ်ဆၢ ထၢၣ်ဒိကနၣ်အီၤလၢပီၣ်လဲၣ်အနံၤန့ၣ်လီၤ.

လံာ်လူၤကၣ် 5:3

ယ့ၣ်ၡူးလဲၤနုာ်လီၤဆူချံတဘ့ၣ်အပူၤလၢအမ့ၢ်စီၤပ့းတရူးအတၢ်, ဒီးမၢအီၤလၢအကသုးယံၤထီၣ်အချံလၢထံကၢၢ်ခိၣ်တစဲးဖိလီၤ. အန့ၣ်ဝံၤဒီးယ့ၣ်ၡူးဆ့ၣ်နီၤလၢချံပူၤဒီးသိၣ်လီၤသီလီၤပှၤဂီၢ်မုၢ် တဖၣ်လီၤ.