လံာ်မးသဲ 13:19 - Sgaw Karen Common Bible

¹⁹ ပှၤလၢအနၢ်ဟူတၢ်ကစီၣ်ဘၣ်ဃးဒီးဘီမုၢ်ဘၣ်ဆၣ်တနၢ်ပၢၢ်ဝဲ တဖၣ်န့ၣ်, လီၤဂာ်ဒီးတၢ်ချံလၢအလီၤဘၣ်လၢကျဲအသရ့ၤထံးလီၤ. တၢ်အၢတၢ်သီတဂၤန့ၣ်ဟဲဒီးဂုာ်န့ၢ်ကွံာ်တၢ်လၢအဘၣ်တၢ်ဖှံလီၤလၢ အဝဲသ့ၣ်အသးပူၤလီၤ.

လံာ်မးသဲ 13:19 Iomraidhean Croise

တၢ်ကတိၤဒိ. 1:7

ဒ်သိးသုကအိၣ်ဒီးတၢ်ကူၣ်သ့ဒီးအဆိကတၢၢ်သုကဘၣ်ယူးယီၣ် ယွၤန့ၣ်လီၤ. ပှၤဟးဂီၤဖိတဖၣ်တပာ်ကဲတၢ်ကူၣ်သ့ဒီးဂ့ၢ်လိာ် ကမၤလိတၢ်န့ၣ်လီၤ.

တၢ်ကတိၤဒိ. 17:16

ပှၤဟးဂီၤဖိမၤလၢာ်စ့လၢတၢ်မၤလိမၤဒိးအဂီၢ်န့ၣ်တမၤဂ့ၤ ဘၣ်အီၤဘၣ်. အဂ့ၢ်ဒ်အံၤ, အတၢ်ဆိကမိၣ်ကွၢ်ထံကွၢ်ဆးတအိၣ်ဘၣ်အဃိလီၤ.

လံာ်ယဃ့းစက့လး 31:18

သ့ၣ်န့ၣ်မ့ၢ်ကီၢ်အဲၤကူပတူးအစီၤပၤဒီးအဝဲအပှၤဂီၢ်မုၢ်ခဲလၢာ်န့ၣ်လီၤ. သ့ၣ်တဖၣ်လၢဧ့ၤဒ့ၣ်တၤသၣ်လီၢ်အပူၤဒၣ်လဲာ်တထီဒီးတလီၤကဟု ကညီၢ်ထဲသိးအီၤဘၣ်. ဘၣ်ဆၣ်ခဲကနံၣ်အံၤဒ်သ့ၣ်တဖၣ်လၢ ဧ့ၤဒ့ၣ်တၤသၣ်လီၢ်အပူၤအသိးန့ၣ်, အဝဲကလဲၤလီၤဆူတၢ်သံအကီၢ်ပူၤ, ဒီးကအိၣ်ဆိးသကိးဒီးပှၤတဖၣ်လၢအယွၤတအိၣ်ဒီး ပှၤတဖၣ်လၢအဘၣ်တၢ်မၤသံအီၤလၢတၢ်ဒုးပျီအပူၤန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်စံးဝဲယကတိၤလံတၢ်လံ.

လံာ်မးသဲ 12:26

မုၣ်ကီၤလံၢ်မ့ၢ်နီၣ်ထီၣ်ဟီထီၣ်ကွံာ်မုၣ်ကီၤလံၢ်ဒီး, အဝဲလီၤဖးဒီးအကစၢ်ဒၣ်ဝဲလံ. မ့မ့ၢ်ဒ်န့ၣ်ဒီး, အဘီအမုၢ်ကအိၣ်ဂၢၢ်ကျၢၤဒ်လဲၣ်.

လံာ်မးသဲ 13:20

တၢ်ချံလၢအလီၤဘၣ်လၢဟီၣ်ခိၣ်လၢလၢၢ်အိၣ်ဝဲအါမးအလီၢ် တဖၣ်န့ၣ်, မ့ၢ်ပှၤလၢအနၢ်ဟူတၢ်ကစီၣ် ဒီးတဘျီဃီတူၢ်လိာ်ဝဲလၢ တၢ်သူၣ်ဖှံသးညီအပူၤန့ၣ်လီၤ.

လံာ်မးသဲ 13:38

စံာ်ဧိၤပျီဧိၤမ့ၢ်ဟီၣ်ခိၣ်ချၢလီၤ. ဒီးတၢ်ချံလၢအဂ့ၤမ့ၢ်ပှၤဘီဖိမုၢ်ဖိတဖၣ်, ဒီးနီၣ်စံစၣ်မ့ၢ်မုၣ်ကီၤလံၢ်အဖိအလံၤတဖၣ်လီၤ.

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်မးသဲ 5:37

တၢ်လၢနအၢၣ်လီၤအီလီၤအီၤမ်အကမ့ၢ်ဒၣ်ဝဲ, ‘မ့ၢ်’ မ့တမ့ၢ်ဘၣ်ဒီး ‘တမ့ၢ်ဘၣ်’ တက့ၢ်. အါန့ၢ်အန့ၣ်မ့ၢ်တၢ်ဟဲလၢတၢ်အၢတၢ်သီ တဂၤအအိၣ်လီၤ.

လံာ်မၢ်ကူး 4:15

ပှၤတနီၤန့ၣ်လီၤဂာ်ဒီးတၢ်ချံလၢအလီၤဘၣ်လၢကျဲသရ့ၤထံး န့ၣ်လီၤ. မ့ၢ်ပှၤတဖၣ်လၢတုၤအနၢ်ဟူဘၣ်တၢ်ကစီၣ်ဝံၤတကီၢ် ခါမုၣ်ကီၤလံၢ်ဟဲဒီးစိာ်ကွံာ်ယွၤအကလုၢ်ကထါလၢအလီၤ ဘၣ်လၢအဝဲသ့ၣ်အပူၤလီၤ.

လံာ်လူၤကၣ် 10:9

မၤဘျါပှၤဆူးပှၤဆါဖဲဝ့ၢ်တဖျၢၣ်န့ၣ်အပူၤ, ဒီးစံးဘၣ်ပှၤအိၣ်ဖဲန့ၣ်တဖၣ်, ‘ကစၢ်ယွၤအဘီအမုၢ်ဟဲဘူးဒီးသုလံ.’

လံာ်လူၤကၣ် 9:2

အန့ၣ်ဝံၤဒီးအဝဲဒၣ်မၢလီၤအဝဲသ့ၣ်ဒ်သိးအကစံၣ်တဲၤတဲလီၤ တၢ်ဘၣ်ဃးကစၢ်ယွၤအဘီအမုၢ်ဒီးအကမၤဘျါပှၤဆူးပှၤဆါတဖၣ် အဂီၢ်န့ၣ်လီၤ.

လံာ်ယိၤဟၣ် 18:38

စီၤပံၤလးသံကွၢ်တၢ်ဒီးစံးဝဲ, “တၢ်မ့ၢ်တၢ်တီမ့ၢ်တၢ်မနုၤ လဲၣ်.” တုၤနုၤတစုစီၤပံၤလးဟးထီၣ်ကဒီးဆူတၢ်ချၢဆူပှၤယူဒၤဖိ တဖၣ်အအိၣ်ဒီးစံးဘၣ်အဝဲသ့ၣ်, “ယတထံၣ်န့ၢ်တၢ်ဂ့ၢ်လၢတၢ်ကစံၣ်ညီၣ်အီၤအဂီၢ်နီတမံၤဘၣ်.

လံာ်ယိၤဟၣ် 8:43

ဘၣ်မနုၤအဃိသုတနၢ်ပၢၢ်တၢ်လၢယစံးကတိၤန့ၣ်လဲၣ်. တၢ်အဝဲအံၤမ့ၢ်ဒၣ်လၢတၢ်လၢယစံးဘၣ်တဲဘၣ်သုန့ၣ်, သုတူၢ်အီၤတပှဲၤဘၣ်အဃိလီၤ.

မၤတၢ် 17:32

ဘၣ်ဆၣ်ဒီး, ဖဲအဝဲသ့ၣ်နၢ်ဟူစီၤပီလူးကတိၤတၢ်ဘၣ်ဃးတၢ် ဒုးဂဲၤဆၢထၢၣ်က့ၤပှၤလၢတၢ်သံန့ၣ်, အဝဲသ့ၣ်တနီၤနံၤဘၣ်ဖၣ်လဲအီၤ, မ့မ့ၢ်အဂၤတဖၣ်စံးဝဲ, “ပသးအိၣ်နၢ်ဟူဘၣ်ကဒီးနကတိၤတၢ်ဂ့ၢ် တမံၤအံၤလီၤ.”

မၤတၢ် 18:15

ဘၣ်ဆၣ်ဒီးမ့ၢ်လၢအမ့ၢ်ဒၣ်တၢ်ဂ့ၢ်လိာ်ဘှီလိာ်ဘၣ်ဃးတၢ် ကတိၤအဖျၢၣ်ဒီးတၢ်မံၤတၢ်သၣ်, ဒီးသုတၢ်သိၣ်တၢ်သီဒၣ်သုဝဲ အဃိ, သုကဘၣ်စံၣ်ညီၣ်သုတၢ်ဒၣ်သုဝဲန့ၣ်လီၤ. ယတကဲစံၣ်ညီၣ်ကွီၢ်လၢတၢ်ဂ့ၢ်ဒ်န့ၣ်အသိးတဖၣ်အဂီၢ်ဘၣ်.”

မၤတၢ် 20:25

ယဟးဝ့ၤဝီၤတ့ၢ်လံလၢသုဝဲခဲလၢာ်အကျါဒီးစံၣ်တဲၤတဲလီၤယွၤ အဘီအမုၢ်န့ၣ်လီၤ. ဒီးခဲကနံၣ်အံၤ, ယသ့ၣ်ညါလၢသုတထံၣ်ဘၣ်လၢၤယၤနီတဂၤဘၣ်.

မၤတၢ် 28:23

လၢတၢ်န့ၣ်အဃိအဝဲသ့ၣ်သ့ၣ်နံၤဖးသီဒီးစီၤပီလူး, ဒီးဖဲနံၤအဝဲန့ၣ်ပှၤယူဒၤဖိဟဲအါအါဂီၢ်ဂီၢ်ဖဲတၢ်လီၢ် လၢစီၤပီလူးအိၣ်ဝဲန့ၣ်လီၤ. စးထီၣ်လၢဂီၤတုၤလၢမုၢ်နၤခီန့ၣ်, အဝဲဒၣ်တဲဖျါထီၣ်ဒီးဟ့ၣ်အဝဲသ့ၣ်လၢအတၢ်ကစီၣ်ဘၣ်ဃး ကစၢ်ယွၤအဘီအမုၢ်န့ၣ်လီၤ. အဝဲဒၣ်ဂုာ်ကျဲးစၢးဒုးနာ်အဝဲသ့ၣ်ဘၣ်ဃးယ့ၣ်ၡူးအဂ့ၢ်ခီဖျိ အယၢၤထီၣ်စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ် န့ၣ်လီၤ.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

ရိမ့ၤ 2:8

ပှၤအဂၤတနီၤမ့ၢ်ပှၤလၢအအဲၣ်လီၤအသးဒီးတတူၢ်လိာ် တၢ်လၢအဘၣ်မ့ၢ်ဒ်သိးအကလူၤပိာ်ထွဲတၢ်လၢအကမၣ် န့ၣ်လီၤ. ယွၤကလူလီၤအတၢ်သးဒိၣ်ဒီးအတၢ်သးကဲၤထီၣ်လၢ အဝဲသ့ၣ်အလိၤန့ၣ်လီၤ.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

၂ သ့းစၤလနံ 2:12

ဒီးပှၤကိးဂၤဒဲးလၢအတစူၢ်တနာ်တၢ်မ့ၢ်တၢ်တီ, မ့မ့ၢ်မုာ်လၤသးခုလၢတၢ်ဒဲးဘးအပူၤတဖၣ်ကဘၣ် တၢ်စံၣ်ညီၣ်အီၤအဂီၢ်န့ၣ်လီၤ.

ဧ့ၤဘြံၤ 2:1

လၢတၢ်န့ၣ်အဃိပကဘၣ်ဟံးဃာ်တၢ်မ့ၢ်တၢ်တီလၢပနၢ်ဟူ တ့ၢ်လံတဖၣ်ကျၢၤန့ၢ်အလီၢ်တက့ၢ်ဒ်သိးဒီးပသုတဘၣ် တၢ်စိာ်ကွံာ်ပှၤတဂ့ၤအဂီၢ်န့ၣ်လီၤ.

၁ ယိၤဟၣ် 3:12

ပတဘၣ်လီၤဂာ်ဒီးစီၤကၤယံၣ်, လၢအဘၣ်ဃးဒီးတၢ်အၢတၢ်သီ တဂၤ, လၢအမၤသံအဒီပုၢ်ဝဲၢ်ဒၣ်ဝဲန့ၣ်ဘၣ်. ဘၣ်မနုၤအဃိစီၤကၤယံၣ်မၤသံအီၤလဲၣ်. မ့ၢ်လၢအတၢ်မၤဒၣ်ဝဲတဖၣ်မ့ၢ်အအၢအသီ, ဒီးအဒီပုၢ်ဝဲၢ် အတၢ်မၤတဖၣ်န့ၣ်, မ့ၢ်အတီအလိၤအဃိလီၤ.

၁ ယိၤဟၣ် 5:18

ပသ့ၣ်ညါလၢပှၤလၢအမ့ၢ်ကစၢ်ယွၤအဖိန့ၣ်, တမၤလၢၤတၢ်ဒဲးဘးဘၣ်. အဂ့ၢ်ဒ်လဲၣ်န့ၣ်, ယွၤအဖိခွါပၢၤဃာ်အီၤဒီးတၢ်အၢတၢ်သီတဂၤန့ၣ်မၤဘၣ်ဒိဘၣ်ထံးအီၤ တသ့ဘၣ်အဃိန့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.