လံာ်မးသဲ 13:15 - Sgaw Karen Common Bible

¹⁵ အဂ့ၢ်ဒ်အံၤ, ပှၤတဖၣ်အံၤအသူၣ်ဃၢအသးဃၢဝဲ, အနၢ်တဖၣ်ဃၢဝဲလၢကနၢ်ဟူတၢ်အဂီၢ်, ဒီးဘံၣ်ဃာ်အမဲာ်ချံဒ်သိးအသုတထံၣ်တၢ် လၢအမဲာ်ချံတဂ့ၤအဂီၢ်လီၤ. မ့တမ့ၢ်ဘၣ်ဒီးကနၢ်ဟူတၢ်လၢအနၢ် ဒီးကနၢ်ပၢၢ်တၢ်လၢအသးဒီး ကဃၣ်ကဒါက့ၤအသးဆူယအိၣ်, ကစၢ်ယွၤစံးဝဲဒၣ်, ဒီးယကမၤဘျါက့ၤအဝဲသ့ၣ်လီၤ’ (ၡါ. ၆:၉-၁၀).

လံာ်မးသဲ 13:15 Iomraidhean Croise

စံးထီၣ်ပတြၢၤ 119:70

ပှၤသ့ၣ်တဖၣ်အံၤတအိၣ်ဒီးတၢ်နၢ်ပၢၢ်ဘၣ်. ဘၣ်ဆၣ်ယထံၣ်န့ၢ်တၢ်မုာ်တၢ်လၤလၢ နတၢ်သိၣ်တၢ်သီအပူၤန့ၣ်လီၤ.

တၢ်ကတိၤဒိ. 16:30

ပလီၢ်သုသးလၢပှၤတဖၣ်လၢအနံၤကမှံထီၣ်ဒီးဖျးတဆံးအမဲာ်လၢ သုတက့ၢ်. အဝဲသ့ၣ်ကူၣ်ထီၣ်တၢ်အၢတၢ်သီတမံၤမံၤလံ.

လံာ်ယၡါယၤ 44:20

တၢ်အံၤအခီပညီအိၣ်ဝဲဒၣ်ထဲသိးသိးဒီးတၢ်အီၣ်ဖၣ်ဆါန့ၣ်လီၤ. အတၢ်ဆိကမိၣ်တဂီာ်တသီၣ်တဖၣ်ဆှၢကမၣ်တ့ၢ်အီၤတုၤဒၣ်လဲာ်တၢ်မၤ စၢၤအီၤတသ့လၢၤဘၣ်. တၢ်ဂီၤတၢ်ဖီၣ်လၢအဟံးဃာ်ဝဲလၢအစုပူၤအံၤတမ့ၢ်ကစၢ်လ့ၤ တက့ၤဘၣ်န့ၣ်လီၤ.

လံာ်ယၡါယၤ 57:18

အဝဲသ့ၣ်ဖံးတၢ်မၤတၢ်ဒ်လဲၣ်န့ၣ်ယထံၣ်တ့ၢ်, နာ်သက့ယကမၤဘျါအဝဲသ့ၣ်လီၤ. ယကဆှၢဒီးမၤစၢၤအဝဲသ့ၣ်ဒီး ယကမၤမုာ်ပှၤလၢအသူၣ်အုးသးအုးတဖၣ်လီၤ.

လံာ်ယၡါယၤ 6:10

ဝံၤဒီးအဝဲစံးဘၣ်ယၤ, “မၤဃၢပှၤတဖၣ်အံၤအသး, မၤတအၢအနၢ်တဖၣ်, ဒီးမၤဘျီၣ်အမဲာ်ချံတဖၣ်ဒ်သိးအဝဲသ့ၣ် အသုတထံၣ်တၢ်, နၢ်ဟူတၢ်, ဒီးနၢ်ပၢၢ်တၢ်တဂ့ၤန့ၣ်တက့ၢ်. အဝဲသ့ၣ်မ့ၢ်ထံၣ်တၢ်, နၢ်ဟူတၢ်, ဒီးနၢ်ပၢၢ်ဘၣ်ဖုးတၢ်ဒီး, အဝဲသ့ၣ်ကဃၣ်ကဒါက့ၤဘၣ်ဖုးအသးဆူယ အိၣ်ဒီးကန့ၢ်ဘၣ်ဖုးတၢ်မၤဘျါက့ၤန့ၣ်လီၤ.”

လံာ်ယံးရမံယၤ 17:14

ယွၤဧၢ, မၤဘျါယၤတက့ၢ်. ဒီးယကဘျါက့ၤလၢလၢပှဲၤပှဲၤန့ၣ်လီၤ. မၤပူၤမၤဖျဲးယၤတက့ၢ်. ဒီးယကပူၤဖျဲးလၢလၢပှဲၤပှဲၤန့ၣ်လီၤ. နမ့ၢ်ပှၤတဂၤလၢယစံးထီၣ်ပတြၢၤအီၤန့ၣ်လီၤ.

လံာ်ယံးရမံယၤ 17:9

မတၤသ့ၣ်ညါနၢ်ပၢၢ်ပှၤကညီအသးကသ့တဂၤလဲၣ်. တၢ်အဂၤလၢအလီန့ၢ်တၢ်သ့ထဲထဲန့ၣ်တအိၣ်ဘၣ်. အၢဝဲသီဝဲကဲၣ်ဆိးလၢတၢ်ကမၤဘျါက့ၤအီၤ အဂီၢ်န့ၣ်လီၤ.

လံာ်ယံးရမံယၤ 3:22

သုဝဲလၢအဃၣ်ယံၤကွံာ်အသးလၢယွၤခဲလၢာ်သ့ၣ်ဧၢ, ဟဲက့ၤ ကဒါက့ၤတက့ၢ်. အဝဲဒၣ်ကမၤဘျါက့ၤသုဒီးဒုးသူၣ်တီသးရၤသုန့ၣ်လီၤ. သုစံးသုဝဲ, “မ့ၢ်လီၤ, ပဟဲဆူယွၤအအိၣ်, မ့ၢ်လၢ အဝဲမ့ၢ်ကစၢ်ယွၤအဃိန့ၣ်လီၤ.

လံာ်ယံးရမံယၤ 33:6

ဘၣ်ဆၣ်ဒီး, ယကမၤဘျါက့ၤဝ့ၢ်အံၤဒီး အပှၤဂီၢ် မုၢ်ဒီး ဟ့ၣ်က့ၤအဝဲသ့ၣ်တၢ်အိၣ်ဆူၣ်အိၣ်ချ့န့ၣ်လီၤ. ယကဒုးနဲၣ်အဝဲသ့ၣ်လၢ တၢ်ဃူတၢ်ဖိးဒီး တၢ်ဘံၣ် တၢ်ဘၢအါအါကလဲာ်လီၤ.

လံာ်ဟိၤၡ့ 14:4

ယွၤစံးဝဲဒၣ်, ယကမိၤကဒါက့ၤယပှၤဂီၢ်မုၢ်ဆူယအိၣ်လီၤ. ယကအဲၣ်အဝဲသ့ၣ်လၢယသးဒီဖျၢၣ်ညါလီၤ. ယတသးထီၣ်လၢၤအဝဲသ့ၣ်နီတဘျီလၢၤဘၣ်.

လံာ်စကၤရယၤ 7:11

ဘၣ်ဆၣ်ယပှၤဂီၢ်မုၢ်ဂ့ၢ်လိာ်ဒိကနၣ်တၢ်အံၤလၢတၢ်ခိၣ်ကိၤအပူၤလီၤ. အဝဲသ့ၣ်ကးတံာ်အသးတဖၣ်,

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်မၢ်ကူး 4:12

လၢတၢ်န့ၣ်အဃိအဝဲသ့ၣ်ကကွၢ်ဝံၤကကွၢ်က့ၤကဒီး, ဘၣ်ဆၣ် တထံၣ်ဝဲဘၣ်. အဝဲသ့ၣ်ကကနၣ်ဝံၤကနၣ်က့ၤကဒီး, ဘၣ်ဆၣ်တနၢ်ပၢၢ်ဝဲဘၣ်. အဂ့ၢ်ဒ်အံၤ, အဝဲသ့ၣ်မ့ၢ်ထံၣ်ဒီးနၢ်ပၢၢ်ဝဲတခီကဃၣ်က့ၤ အသးဆူကစၢ်ယွၤအအိၣ်, ဒီးအဝဲဒၣ်ကပျၢ်ကွံာ်အတၢ်သရူး အတၢ်ကမၣ်လီၤ.”

လံာ်လူၤကၣ် 19:42

စံးဝဲ, “နမ့ၢ်သ့ၣ်ညါနဲမုၢ်မဆါတနံၤအံၤလၢ, တၢ်လိၣ်ဘၣ်မနုၤတဖၣ်လိၣ်ဝဲလၢတၢ်ဃူတၢ်ဖိးအဂီၢ်လဲၣ်န့ၣ်ဒီး, ကဂ့ၤမးလီၤ. မ့မ့ၢ်ခဲကနံၣ်အံၤ, နထံၣ်နဲတသ့ဘၣ်.

မၤတၢ် 28:27

အဂ့ၢ်ဒ်အံၤ, ပှၤတကလုာ်အံၤအသးခံးဝဲလီၤ. အဝဲသ့ၣ်ကးတံာ်အနၢ်ပူၤ, ဒီးကးတံာ်အမဲာ်ချံလီၤ. မ့တမ့ၢ်ဘၣ်ဒီး, အဝဲသ့ၣ်ကထံၣ်တၢ်လၢအမဲာ်ချံ, နၢ်ဟူတၢ်လၢအနၢ်, နၢ်ပၢၢ်တၢ်လၢအသး, ဒီးကဃၣ်က့ၤအသးဆူယအိၣ်, ကစၢ်ယွၤစံးဝဲ, ဒီးယကမၤဘျါက့ၤအဝဲသ့ၣ်န့ၣ်လီၤ.’

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

မၤတၢ် 7:57

အန့ၣ်ဒီးပှၤလၢအမ့ၢ်ကီၣ်ကးဖိတဖၣ်န့ၣ်ကိးပသူထီၣ်လၢ အကလုၢ်ဖးဒိၣ်ဒီးကးတံာ်ဃာ်အနၢ်လၢအစုဝံၤ, ဃ့ၢ်သဖှိဃီၤဝဲတဘျီဃီဆူအဝဲဒၣ်အအိၣ်,

၂ တံၤမသ့း 4:4

အဝဲသ့ၣ်ကဃၣ်ကွံာ်အသးလၢတၢ်ဒိကနၣ်တၢ်မ့ၢ်တၢ်တီဒီးအသးကစၢၢ် ဆၢလၢပူတဖၣ်လၢပှၤကညီဒုးကဲထီၣ်အီၤန့ၣ်လီၤ.

ဧ့ၤဘြံၤ 5:11

ဘၣ်ဃးတၢ်ဂ့ၢ်အံၤတၢ်လၢပကဘၣ်တဲဘၣ်သုအိၣ်အါမးလီၤ. ဘၣ်ဆၣ်မ့ၢ်လၢသုနူၤဃၢနၢ်ဃၢအဃိ, ပကတဲနၢ်ပၢၢ်သုမ့ၢ် တၢ်ကီဝဲလီၤ.

လံာ်လီၣ်ဖျါ 22:2

ဒီးယွၤလီၤလၢဝ့ၢ်အကျဲမုၢ်ခိၣ်အခၢၣ်သးလီၤ. ဖဲထံကျိကၢၢ်ခိၣ် တခီတကပၤန့ၣ်, သ့ၣ်မူအိၣ်ဝဲတထူၣ်စုာ်စုာ်, လၢအသၣ်ထီၣ်တၤသၣ်တနံၣ်တဆံခံဘျီ, တလါတဘျီ, ဒီးအလၣ်သ့ၣ်တဖၣ်န့ၣ်မ့ၢ်ဝဲလၢတၢ်ကမၤ ဘျါက့ၤထံဧိၤကီၢ်ဧိၤတဖၣ်အဂီၢ်လီၤ.