လံာ်မးသဲ 13:12 - Sgaw Karen Common Bible

¹² အဂ့ၢ်ဒ်အံၤ, ပှၤလၢတၢ်အိၣ်ဒီးအီၤန့ၣ်, ယွၤကဟ့ၣ်အါထီၣ်အီၤဒီးကအိၣ်ဒီးအီၤအါအါကလဲာ်လီၤ. မ့မ့ၢ်ပှၤလၢအတၢ်တအိၣ်ဘၣ်န့ၣ်, တၢ်တစဲးဖိလၢအအိၣ်ဒီးအီၤဒၣ်လဲာ်ယွၤကဟံးထီၣ်ကွံာ်လၢ အအိၣ်လီၤ.

လံာ်မးသဲ 13:12 Iomraidhean Croise

လံာ်မးသဲ 21:43

ယ့ၣ်ၡူးစံးကဒီးဝဲ, “လၢတၢ်န့ၣ်အဃိ, ယစံးဘၣ်သု, ကစၢ်ယွၤအဘီအမုၢ်ကဘၣ်တၢ်ဟံးထီၣ်ကွံာ်အီၤလၢသုအိၣ်, ဒီးဟ့ၣ်လီၤအီၤဆူပှၤတကလုာ်လၢအဟ့ၣ်ထီၣ်တၤသၣ် လၢအကြၢးဝဲဘၣ်ဝဲန့ၣ်လီၤ.”

လံာ်မးသဲ 25:29

အဂ့ၢ်ဒ်အံၤ, ပှၤလၢအတၢ်အိၣ်တဖၣ်တၢ်ကဟ့ၣ်အါထီၣ် အီၤတၢ်ကိးဂၤဒဲး, ဒီးအတၢ်ကအိၣ်အါအါကလဲာ်လီၤ. ဘၣ်ဆၣ်ဒီး, ပှၤလၢအတၢ်တအိၣ်ဘၣ်တဂၤန့ၣ်, တၢ်တစဲးဖိလၢအအိၣ်ဒီးအီၤဒၣ်လဲာ်ကဘၣ်တၢ်ဟံးန့ၢ်ကွံာ်လၢ အအိၣ်လီၤ.

လံာ်မၢ်ကူး 12:9

ယ့ၣ်ၡူးသံကွၢ်ဝဲ, “မ့မ့ၢ်ဒ်န့ၣ်ဒီးစပံးလီၢ်ကစၢ်တဂၤန့ၣ်ကမၤဝဲဒ်လဲၣ်. အဝဲဒၣ်ကဟဲဒီးမၤသံကွံာ်ပှၤဒိးလဲအီၣ်စပံးလီၢ်တဖၣ်န့ၣ်, ဒီးကဒိးလဲလီၤက့ၤအစပံးလီၢ်လၢပှၤဂၤတဖၣ်လီၤ.

လံာ်လူၤကၣ် 10:42

ဘၣ်ဆၣ်ဒီးတၢ်လၢအလိၣ်အိၣ်ဝဲထဲတမံၤဧိၤလီၤ. နီၢ်မၤရံဃုထၢတ့ၢ်ဝဲတၢ်လၢအဂ့ၤအဘၣ်တမံၤဒီးပှၤ တဟံးထီၣ်ကွံာ်အီၤလၢအအိၣ်နီတဂၤဘၣ်လီၤ.”

လံာ်လူၤကၣ် 12:48

မ့မ့ၢ်တၢ်ခ့တၢ်ပှၤလၢအတသ့ၣ်ညါအကစၢ်အဲၣ်ဒိးတၢ်မနုၤ, ဒီးမၤဘၣ်တၢ်တမံၤလၢအကြၢးဒီးတၢ်ဖျ့အီၤန့ၣ်, ကဘၣ်တၢ်စံၣ်ညီၣ်ဖျ့ဒၣ်အီၤဖဲအကြၢးအဘၣ်လီၤ. ပှၤတဂၤလၢတၢ်ဟ့ၣ်တၢ်လၢအီၤအါအါကလဲာ်န့ၣ်, တၢ်ကမုၢ်လၢ်တၢ်လၢအီၤအါအါကလဲာ်လီၤ. ပှၤတဂၤလၢတၢ်ဟ့ၣ်အီၤတၢ်အါဒိၣ်ဒံးတက့ၢ်န့ၣ်, တၢ်ကမုၢ်လၢ်တၢ်လၢအီၤအါဒိၣ်ဒံးတက့ၢ်လီၤ.

လံာ်လူၤကၣ် 16:2

ပှၤထူးပှၤတီၤကိးဃီၤအပှၤကွၢ်ထွဲတၢ်စုလီၢ်ခီၣ်ခိၣ်အဝဲန့ၣ်ဒီးစံးဘၣ်အီၤ, ‘နဂ့ၢ်နကျိၤလၢယနၢ်ဟူဘၣ်အီၤတမံၤအံၤမ့ၢ်တၢ်ဒ်လဲၣ်. ဟ့ၣ်ထီၣ်တၢ်ပာ်ဖျါအလၢအပှဲၤဘၣ်ဃးဒီးနတၢ်ကွၢ်ထွဲပၢဆှၢ ယတၢ်စုလီၢ်ခီၣ်ခိၣ်တက့ၢ်. အဂ့ၢ်ဒ်အံၤ, နကဲယပှၤကွၢ်ထွဲတၢ်စုလီၢ်ခီၣ်ခိၣ်တသ့လၢၤဘၣ်.’

လံာ်လူၤကၣ် 16:25

ဘၣ်ဆၣ်ဒီးစီၤအၤဘြၤဟၣ်စံးဝဲ, ‘ယဖိခွါဧၢ, သ့ၣ်နီၣ်ထီၣ်တက့ၢ်. လၢနတၢ်အိၣ်မူအဆၢကတီၢ်န့ၣ်, နဘၣ်တၢ်ဟ့ၣ်နၤလၢကယဲၢ်တၢ် အဂ့ၤတဖၣ်, မ့မ့ၢ်စီၤလါစရူးတခီဒိးန့ၢ်ဘၣ်ကယဲၢ်မ့ၢ်တၢ်အအၢ တဖၣ်လီၤ. ဘၣ်ဆၣ်ဒီးခဲကနံၣ်အံၤ, အဝဲအနီၢ်ကစၢ်ဒၣ်ဝဲအိၣ်မုာ်အိၣ်ပၢၤဖဲတၢ်လီၢ်တပူၤအံၤ, မ့မ့ၢ်နၤတခီနအိၣ်လၢတၢ်ဘၣ်တူၢ်တၢ်အပူၤလီၤ.

လံာ်လူၤကၣ် 8:18

လၢတၢ်န့ၣ်အဃိ, သုနၢ်ဟူတၢ်ဒ်လဲၣ်ဒ်လဲၣ်န့ၣ်, ပလီၢ်သုသးတက့ၢ်. အဂ့ၢ်ဒ်အံၤ, ပှၤတဂၤလၢ်လၢ်လၢအတၢ်အိၣ်ဝဲတမံၤမံၤန့ၣ်, တၢ်ကဟ့ၣ်အါထီၣ်အီၤ, မ့မ့ၢ်ပှၤတဂၤလၢ်လၢ်လၢအတၢ်တအိၣ်နီတမံၤန့ၣ်, တၢ်လၢအဝဲဒၣ်ဆိကမိၣ်လၢအအိၣ်ဒီးအီၤတစဲးဖိဒၣ်လဲာ်, တၢ်ကဟံးထီၣ်ကွံာ်လၢအအိၣ်လီၤ.”

လံာ်လူၤကၣ် 9:26

ပှၤတဂၤမ့ၢ်မဲာ်ဆှးယၤဒီးယတၢ်သိၣ်လီၤသီလီၤတဖၣ်န့ၣ်, ပှၤကညီဖိခွါကမဲာ်ဆှးအီၤဖဲအဝဲဒၣ်ဟဲလၢအလၤကပီၤအပူၤ, ဒီးအပၢ်အလၤကပီၤအပူၤဒီးလၢကလူးစီဆှံတဖၣ်အလၤကပီၤ အပူၤအဆၢကတီၢ်န့ၣ်လီၤ.

ယၤကိာ် 4:6

ဘၣ်ဆၣ်ဒီး, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤအံၤ အဂံၢ်အဘါဆူၣ်ဒိၣ်ဒၣ်တၢ်တက့ၢ်လီၤ. ဒ်တၢ်ကွဲးအသးစံးဝဲ အသိး, “ယွၤထီဒါပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသးလီၤ.”

လံာ်လီၣ်ဖျါ 2:5

နလီၤဃံၤတ့ၢ်လံနဲဆံးအါလဲၣ်န့ၣ်ကွၢ်ဆိကမိၣ်တက့ၢ်. ဃၣ်ကွံာ်လၢနတၢ်ဒဲးဘးဒီးမၤတၢ်လၢနမၤတ့ၢ်လံနဲလၢ အပူၤကွံာ်န့ၣ်တက့ၢ်. နမ့ၢ်တဃၣ်ကွံာ်လၢနတၢ်ဒဲးဘးဒီးပီၢ်ယၢ်လီၤက့ၤနသးဘၣ်န့ၣ်, ယကဟဲဆူနအိၣ်ဒီးထုးထီၣ်ကွံာ်မ့ၣ်အူဒၢလၢအလီၢ်န့ၣ်လီၤ.