လံာ်မးသဲ 12:5 - Sgaw Karen Common Bible

⁵ လၢမုၢ်အိၣ်ဘှံးအနံၤန့ၣ်, ပှၤလုၢ်တၢ်အဒိၣ်တဖၣ်လုၢ်ထီၣ်တၢ်ဒီး လုၣ်သ့ၣ်ခါပတာ်မုၢ်အိၣ်ဘှံးအနံၤအတၢ်သိၣ်တၢ်သီ, ဘၣ်ဆၣ်ဒီး အတၢ်ကမၣ်တအိၣ်ဘၣ်န့ၣ်မ့ၢ်သုတဖးဘၣ် လၢစီၤမိၤၡ့အတၢ်သိၣ်တၢ်သီအပူၤဘၣ်ဧါ.

လံာ်မးသဲ 12:5 Iomraidhean Croise

လံာ်စီၤနဃ့မယၤ 13:17

ယသိၣ်ဃီၣ်ပှၤယူဒၤဖိအခိၣ်အနၢ်တဖၣ်ဆါဆါကလဲာ်ဒီးတဲဘၣ်အဝဲ သ့ၣ်, “ကွၢ်တၢ်အၢတၢ်သီလၢသုမၤန့ၣ်တက့ၢ်. သုမၤဘၣ်အၢမုၢ်အိၣ်ဘှံးအနံၤန့ၣ်လီၤ.

လံာ်ယဃ့းစက့လး 24:21

ယကဟ့ၣ်လီၤတၢ်ကစီၣ်အံၤဆူသုဝဲပှၤအံၣ်စရ့လးဖိတဖၣ် အအိၣ်န့ၣ်လီၤ. သုပာ်ထီၣ်ထီသုသးလၢယွၤအတၢ်လုၢ်ဟံၣ်အတၢ်ဂံၢ်တၢ်ဘါ အဃိလီၤ. သုအဲၣ်ဒိးကွၢ်ဃီၤအီၤဒီးလဲၤဆူအအိၣ်, ဘၣ်ဆၣ်ယွၤကမၤဘၣ်အၢကွံာ်အီၤန့ၣ်လီၤ. ဒီးသုပှၤဟံၣ်ဖိလၢ အသးစၢ်တဖၣ်လၢအအိၣ်လီၤတဲာ်လၢဝ့ၢ်ယရူၤၡလ့ၣ်အပူၤန့ၣ် ကဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:8

မုၢ်အိၣ်ဘှံးနံၤကိးနံၤဒဲးန့ၣ်နဘၣ်ပာ်လီၤ ကိၣ်လၢယွၤအမဲာ်ညါတထံၣ်ဃီလၢပှၤအံၣ်စရ့လးဖိအဂီၢ်န့ၣ်လီၤ. အအံၤမ့ၢ်ပှၤအံၣ်စရ့လးဖိအမူအဒါအစိၤစိၤအဃၣ်ဃၣ်န့ၣ်လီၤ.

လံာ်မးသဲ 12:4

အဝဲလဲၤနုာ်ဆူကစၢ်ယွၤအဟံၣ်ပူၤဒီးအဝဲသ့ၣ်အီၣ်ကိၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤတဖၣ်, လၢစီၤဒၤဝံးမ့ၢ်ဂ့ၤ, ပှၤလၢအအိၣ်ဒီးအီၤတဖၣ်မ့ၢ်ဂ့ၤ, တၢ်သိၣ်တၢ်သီတဟ့ၣ်အခွဲး လၢကအီၣ်ဝဲဘၣ်. တၢ်ဟ့ၣ်အခွဲးထဲပှၤလုၢ်တၢ်အခိၣ်တဖၣ်ကအီၣ်ဝဲ န့ၣ်လီၤ.

လံာ်မးသဲ 12:6

ယတဲဘၣ်သု, တၢ်တမံၤလၢအကါဒိၣ်န့ၢ်ဒံးတၢ်လုၢ်ဟံၣ်န့ၣ်အိၣ်ဝဲ ဒၣ်ဖဲအံၤလီၤ.