လံာ်မးသဲ 12:46 - Sgaw Karen Common Bible

⁴⁶ ဖဲယ့ၣ်ၡူးကတိၤဒံးတၢ်ဒီးပှၤတဖၣ်အဖၢမုၢ်န့ၣ်, အမိၢ်ဒီးအဒီပုၢ်ဝဲၢ်တဖၣ်ဟဲတုၤဝဲလၢတၢ်ချၢဒီးဃ့ ကတိၤတၢ်ဒီးအီၤလီၤ.

လံာ်မးသဲ 12:46 Iomraidhean Croise

လံာ်မးသဲ 1:18

ယ့ၣ်ၡူးခရံာ်အတၢ်အိၣ်ဖျဲၣ်ထီၣ်မၤအသးဒ်အံၤလီၤ. အမိၢ်နီၢ်မၤရံ ဘၣ်တၢ်အဲၣ်တီတ့ၢ်အီၤဒီးစီၤယိၤသးလီၤ. ဘၣ်ဆၣ်တချုးလၢအဝဲသ့ၣ်အိၣ်ဃုာ်ဒံးဘၣ်ဒ်နီၢ်ဒီမိဝၤအသိးန့ၣ်, တၢ်မၤအသးလၢနီၢ်မၤရံအိၣ်ထီၣ်ဒီးအဟုးအသးခီဖျိသးစီဆှံ အစိကမီၤန့ၣ်လီၤ.

လံာ်မးသဲ 12:47

ပှၤအိၣ်ဖဲပှၤတဖၣ်န့ၣ်အကျါတဂၤစံးဘၣ်အီၤ, “နမိၢ်ဒီးနဒီပုၢ်ဝဲၢ်တဖၣ် ဆၢထၢၣ်လၢတၢ်ချၢဒီးသးအိၣ်ကတိၤတၢ်ဒီးနၤလီၤ.”

လံာ်မးသဲ 13:55

အဝဲဒၣ်အံၤတမ့ၢ်ပှၤစုသ့အဖိခွါဘၣ်ဧါ. အမိၢ်န့ၣ်တမ့ၢ်နီၢ်မၤရံဘၣ်ဧါ. ဒီးအဒီပုၢ်ဝဲၢ်တဖၣ်န့ၣ် တမ့ၢ်ဘၣ်စီၤယၤကိာ်, စီၤယိၤသး, ဒီးစီၤၡံမိၣ်ဒီးစီၤယူဒၤတဖၣ်န့ၣ်ဘၣ်ဧါ.

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.

လံာ်မးသဲ 2:20

“ဂဲၤဆၢထၢၣ်, ကိးထီၣ်ဖိသၣ်ဒီးအမိၢ်ဒီးက့ၤက့ၤဆူအံၣ်စရ့လး အထံအကီၢ်တက့ၢ်. အဂ့ၢ်ဒ်အံၤ ပှၤတဖၣ်လၢအဃုမၤသံဖိသၣ်န့ၣ်သံဝဲလံ.”

လံာ်မၢ်ကူး 2:21

ပှၤလၢအကဟံးန့ၢ်တၢ်ကံးယာ်အသီတဘ့ၣ်ဒီးဆးကျးထီၣ် က့ၤအီၤလၢဆ့ကၤလီၢ်လံၤဖီခိၣ်န့ၣ်တအိၣ်နီတဂၤဘၣ်. မ့ၢ်မၤဝဲဒ်န့ၣ်ဒီး, တၢ်ကံးယာ်အသီတက့အံၤကသံးအသးဒီးထုးယာ်ကွံာ်တၢ်လီၢ်လံၤ ဒီးတၢ်ယာ်တပူၤန့ၣ်ကလဲၢ်န့ၢ်ဒံးအလီၢ်တက့ၢ်လီၤ.

လံာ်မၢ်ကူး 6:3

ပှၤအံၤတမ့ၢ်ပှၤစုသ့တဂၤလၢအမ့ၢ်နီၢ်မၤရံအဖိခွါ, လၢအဒီပုၢ်ဝဲၢ်ဒီးစီၤယၤကိာ်, စီၤယိၤစ့, စီၤယူဒၤဒီးစီၤၡံမိၣ်တဖၣ်န့ၣ်ဘၣ်ဧါ. ဒီးအဒီပုၢ်ဝဲၢ်မုၣ်တဖၣ်အိၣ်ဒၣ်လၢပသိးပကျါဖဲအံၤလီၤတမ့ၢ် ဘၣ်ဧါ. ဒီးအဝဲသ့ၣ်အသးက့ၣ်ယ့ၣ်ၡူးဒီးတပာ်ကဲလၢၤအီၤဘၣ်.”

လံာ်လူၤကၣ် 1:43

တၢ်အဒိၣ်အမုၢ်တမံၤလၢအမ့ၢ်ဝဲယကစၢ်အမိၢ်အတၢ်ဟဲအိၣ် သကိးယၤအံၤ, မၤအသးဒီးယၤလၢတၢ်ဂ့ၢ်မနုၤတမံၤအဃိလဲၣ်.

လံာ်လူၤကၣ် 2:33

ဖိသၣ်အပၢ်ဒီးအမိၢ်ကမၢကမၣ်ဝဲလၢတၢ်လၢ စီၤစူၤမ့းအိၣ်စံးကတိၤဝဲလၢအဂ့ၢ်အဃိလီၤ.

လံာ်လူၤကၣ် 2:34

စီၤစူၤမ့းအိၣ်ဆိၣ်ဂ့ၤအဝဲသ့ၣ်ဒီးစံးဘၣ်ဖိသၣ်အမိၢ်, နီၢ်မၤရံ, “ဖိသၣ်အဝဲအံၤဘၣ်တၢ်ဃုထၢတ့ၢ်အီၤလၢကစၢ်ယွၤ လၢတၢ်မၤဟးဂီၤဒီးတၢ်အုၣ်က့ၤခီၣ်က့ၤပှၤအါဒံအါဂၤလၢ အံၣ်စရ့လးအပူၤအဂီၢ်န့ၣ်လီၤ. အဝဲဒၣ်ကမ့ၢ်တၢ်ပနီၣ်တခါလၢ ကစၢ်ယွၤအအိၣ်လၢပှၤအါဒံအါဂၤကကတိၤထီဒါဝဲ,

လံာ်လူၤကၣ် 2:48

အဝဲဒၣ်အမိၢ်အပၢ်တဖၣ်ကမၢကမၣ်ဝဲဖဲအထံၣ်ဘၣ်အီၤဒီး အမိၢ်စံးဘၣ်အီၤ, “ဖိခွါဧၢ, နမၤပှၤဒ်သိးအံၤဘၣ်မနုၤအဃိလဲၣ်. နပၢ်ဒီးယၤပလူၤဃုတ့ၢ်နၤလၢတၢ်သူၣ်ကိၢ်သးဂီၤအပူၤလီၤ.”

လံာ်လူၤကၣ် 2:51

မၤသးဒ်န့ၣ်ဒီးယ့ၣ်ၡူးက့ၤကဒါက့ၤဒီးအဝဲသ့ၣ်ဆူဝ့ၢ်နစၤရ့းဒီးဖဲန့ၣ် အဝဲဒၣ်စူၢ်အဝဲသ့ၣ်အကလုၢ်လီၤ. တၢ်ဂ့ၢ်တၢ်ကျိၤသ့ၣ်တဖၣ်အံၤခဲလၢာ် န့ၣ်အဝဲဒၣ်အမိၢ်တိၢ်နီၣ်ဃာ်ဝဲလၢအသးကံၢ်ပူၤလီၤ.

လံာ်လူၤကၣ် 8:10

ယ့ၣ်ၡူးစံးဆၢဝဲ, “တၢ်သ့ၣ်ညါနၢ်ပၢၢ်ဘၣ်ဃးဒီးကစၢ်ယွၤအဘီအမုၢ်အတၢ် ခူသူၣ်န့ၣ်, တၢ်ဟ့ၣ်တ့ၢ်လံအီၤလၢသုဝဲလံ. မ့မ့ၢ်ပှၤအဂၤတဖၣ်န့ၣ်, တၢ်ပာ်ဖျါထီၣ်အီၤခီဖျိတၢ်ကတိၤဒိဒ်သိး အဝဲသ့ၣ်ကကွၢ်တၢ်ဘၣ်ဆၣ်တထံၣ်တၢ်ဘၣ်, ဒီးကဒိကနၣ်တၢ်ဘၣ်ဆၣ်တနၢ်ပၢၢ်တၢ်ဘၣ်န့ၣ်လီၤ.”

လံာ်ယိၤဟၣ် 19:25

ပှၤလၢအအိၣ်ဆၢထၢၣ်ဘူးဒီးယ့ၣ်ၡူးအထူၣ်စုညါန့ၣ်, မ့ၢ်ဝဲယ့ၣ်ၡူးအမိၢ်, အမိၢ်အဒီပုၢ်ဝဲၢ်မုၣ်, စီၤကျ့းအီၤပၤအမါနီၢ်မၤရံ, ဒီးပှၤမၤကဒါလၣ်မုၣ်နီၢ်မၤရံန့ၣ်လီၤ.

လံာ်ယိၤဟၣ် 2:1

ဒီးလၢသၢနံၤတနံၤန့ၣ်, တၢ်တ့တၢ်ဖျီအမူးအိၣ်ဝဲတမူးလၢဝ့ၢ် ကၤနါလၢအအိၣ်ဝဲလၢကီၢ်ကၤလံလါအပူၤ, ဒီးယ့ၣ်ၡူးအမိၢ် အိၣ်ဝဲဖဲန့ၣ်လီၤ.

လံာ်ယိၤဟၣ် 2:12

လၢတၢ်အံၤဝံၤအလီၢ်ခံဒီး, ယ့ၣ်ၡူးဒီးအမိၢ်, ဒီးအဒီပုၢ်ဝဲၢ်တဖၣ်ဒီးအပျဲၢ်အဘီၣ်တဖၣ်လဲၤလီၤ ဝဲဆူဝ့ၢ်ကပ့းရနီၣ်ဒီးအိၣ်ဝဲဖဲန့ၣ်စှၤနံၤစှၤသီလီၤ.

လံာ်ယိၤဟၣ် 2:5

ယ့ၣ်ၡူးအမိၢ်စံးဘၣ်တၢ်ခ့တၢ်ပှၤတဖၣ်, “တၢ်လၢအဝဲကမၢသုတမံၤမံၤန့ၣ်မၤအီၤတက့ၢ်.”

လံာ်ယိၤဟၣ် 7:10

ယ့ၣ်ၡူးအဒီပုၢ်ဝဲၢ်ခွါတဖၣ်လဲၤထီၣ်ဆူဘူၣ်ပူၤဝံၤအလီၢ်ခံ, အဝဲလဲၤစ့ၢ်ကီးဝဲလီၤ. ဘၣ်ဆၣ်တလဲၤဝဲဖျိဖျိဖျါဖျါဘၣ်. မ့မ့ၢ်လဲၤဝဲလၢတၢ်ခူသူၣ်အပူၤလီၤ.

လံာ်ယိၤဟၣ် 7:3

ယ့ၣ်ၡူးအဒီပုၢ်ဝဲၢ်ခွါတဖၣ်စံးဘၣ်အီၤ, “ဟးထီၣ်လၢတၢ်လီၢ်အံၤဒီးလဲၤဆူကီၢ်ယူဒၤဒ်သိး နပျဲၢ်နဘီၣ်တဖၣ်ကထံၣ်ဘၣ်နတၢ်ဖံးတၢ်မၤတဖၣ်လၢ နမၤအီၤန့ၣ်တက့ၢ်.

လံာ်ယိၤဟၣ် 7:5

(ယ့ၣ်ၡူးအဒီပုၢ်ဝဲၢ်ခွါတဖၣ်ဒၣ်လဲာ်တနာ်အီၤဘၣ်.)

မၤတၢ် 1:14

အဝဲသ့ၣ်ပာ်ဖှိၣ်ထီၣ်အသးတလီၢ်လီၢ်ဒ်သိးအကဘါထု ကဖၣ်သကိးတၢ်ဃုာ်ဒီးပိာ်မုၣ်တဖၣ်, ဒီးယ့ၣ်ၡူးအမိၢ်နီၢ်မၤရံ, ဒီးယ့ၣ်ၡူးအပုၢ်ပိာ်ခွါတဖၣ်န့ၣ်လီၤ.

1 ကရံၣ်သူး 9:5

မ့ၢ်ယတအိၣ်ဒီးတၢ်အခွဲးအယာ်လၢယကကွၢ်လိပှၤတၢ်မၢဖိ အဂၤတဖၣ်, ဒီးကစၢ်အဒီပုၢ်ဝဲၢ်တဖၣ်ဒီးစီၤပ့းတရူး, ခီဖျိယဟးကိးဒီးယမါပှၤခရံာ်ဖိတဂၤလၢယတၢ်လဲၤတၢ်က့ၤတဖၣ် အပူၤန့ၣ်ဘၣ်ဧါ.

ကလၤတံ 1:19

ယတထံၣ်ပှၤတၢ်မၢဖိအဂၤနီတဂၤဘၣ်. ယထံၣ်ထဲ စီၤယၤကိာ်, လၢအမ့ၢ်ပကစၢ်ယ့ၣ်ၡူးခရံာ်အဒီပုၢ်ဝဲၢ်န့ၣ်လီၤ.