လံာ်မးသဲ 12:44 - Sgaw Karen Common Bible

⁴⁴ တုၤနုၤတစုစံးလီၤက့ၤအသး, ‘ယကက့ၤကဒါက့ၤဆူယဟံၣ်လီၤ.’ ဒီးက့ၤဝဲဒီးထံၣ်န့ၢ်ဝဲလၢအအိၣ်ကလီ, ကဆှဲကဆှီဒီးဘၣ်တၢ်ကတဲာ်ကတီၤအီၤဂ့ၤဂ့ၤဘၣ်ဘၣ်လီၤ.

လံာ်မးသဲ 12:44 Iomraidhean Croise

လံာ်ဟိၤၡ့ 7:6

မ့ၢ်လီၤ. အဝဲသ့ၣ်မၤကိၢ်ဃၢၣ်တၢ်ဒီးအတၢ်ကူၣ်လီၤဂာ်ဒ်ဖၣ်ကပူၤ အသိးန့ၣ်လီၤ. သီတနၤကျၢၤန့ၣ်အဝဲသ့ၣ်အတၢ်သးထီၣ်ကဲၤသဝံထီၣ်ဝဲ ဒီးလၢမုၢ်ဂီၤန့ၣ်ကဲၤကပျီၤထီၣ်ဝဲဒီးမ့ၣ်အူလၣ်တဖၣ်န့ၣ်လီၤ.

လံာ်မးသဲ 12:29

မ့တမ့ၢ်ဘၣ်လၢဟံၣ်ကစၢ်လၢအမ့ၢ်ပှၤအဂံၢ်ဆူၣ်ဘါဆူၣ်တဂၤ ဘၣ်တၢ်စၢဃာ်ဆိအီၤဘၣ်ဒီး, ပှၤလဲၤနုာ်ဆူအဟံၣ်ပူၤဒီးဂုာ် န့ၢ်အတၢ်ဖိတၢ်လံၤတသ့ဘၣ်နီတဂၤဘၣ်. ပှၤဂုာ်န့ၢ်အတၢ်ဖိတၢ်လံၤကသ့ဒၣ်ဖဲလၢပှၤ စၢဃာ်အီၤဝံၤအလီၢ်ခံန့ၣ်လီၤ.

လံာ်မးသဲ 12:43

တုၤတၢ်နါအၢဟးထီၣ်လၢပှၤတဂၤအပူၤဒီးဟးဝ့ၤဝီၤဝဲလၢတၢ် ဃ့စိၢ်ဃ့ထီအလီၢ်တဖၣ်ဒီးဃုဝဲတၢ်အိၣ်ဘှံးအလီၢ်လီၤ. ဘၣ်ဆၣ်တထံၣ်န့ၢ်ဝဲဘၣ်.

လံာ်မးသဲ 12:45

တုၤနုၤတစုအဝဲလဲၤကိးန့ၢ်တၢ်နါအၢန့ၢ်အနီၢ်ကစၢ်ဒၣ်ဝဲနွံ ဒုဒီးဟဲက့ၤအိၣ်ဝဲဆိးဝဲဖဲန့ၣ်လီၤ. တၢ်လၢပှၤတဂၤန့ၣ်အတၢ်မ့ၢ်တၢ်လၢခံကတၢၢ်အၢန့ၢ်ဒံးလၢအခီၣ် ထံးတက့ၢ်လီၤ. လၢတၢ်န့ၣ်အဃိ, တၢ်ကမၤစ့ၢ်ကီးအသးဒီးပှၤအၢပှၤသီ တစိၤအံၤဒ်န့ၣ်အသိးလီၤ.”

လံာ်လူၤကၣ် 11:25

လၢတၢ်န့ၣ်အဃိအဝဲဒၣ်က့ၤကဒါက့ၤဒီးထံၣ်ဝဲဟံၣ်န့ၢ်ကဆှဲ ကဆှီဒီးအိၣ်ကတဲာ်ကတီၤအသးလၢအဂ့ၢ်အဝီလီၤ.

လံာ်ယိၤဟၣ် 12:6

စီၤယူဒၤအံၣ်စကၤရံၤအိာ်ကတိၤတၢ်အံၤတမ့ၢ်လၢအဝဲအသးအိၣ် ပှၤဖှီၣ်ဖိယာ်ဖိအဃိဘၣ်. မ့ၢ်လၢအဝဲမ့ၢ်တၢ်ဘျၣ်တဂၤအဃိလီၤ. အဂ့ၢ်ဒ်လဲၣ်န့ၣ်, အဝဲစိာ်စ့ထၢၣ်ဒီးဟုၣ်န့ၢ်စ့လၢစ့ထၢၣ်ပူၤန့ၣ်လီၤ.

လံာ်ယိၤဟၣ် 13:2

ယ့ၣ်ၡူးဒီးအပျဲၢ်အဘီၣ်တဖၣ်အီၣ်ဟါတၢ်အီၣ်အခါ, မုၣ်ကီၤလံၢ်ဒၢနုာ်တ့ၢ်လံဝဲတၢ်ကူၣ်လၢအကဟ့ၣ်လီၤကွံာ် ယ့ၣ်ၡူးလၢစီၤၡံမိၣ်အဖိခွါစီၤယူဒၤအံၣ်စကၤရံၤအိာ် အသးပူၤန့ၣ်လီၤ.

လံာ်ယိၤဟၣ် 13:27

တုၤစီၤယူဒၤဟံးန့ၢ်အီၣ်ကိၣ်ဝံၤတဘျီဃီဒီး, မုၣ်ကီၤလံၢ်နုာ်လီၤလၢအသးပူၤန့ၣ်လီၤ. ယ့ၣ်ၡူးစံးဘၣ်အီၤ, “တၢ်လၢနကဘၣ်မၤန့ၣ်မၤချ့ချ့တက့ၢ်.”

1 ကရံၣ်သူး 11:19

သပှၢ်ကတၢၢ်တၢ်လီၤမုၢ်လီၤဖးကအိၣ်ဝဲဒၣ်လၢသုသိးသုကျါ, ဒ်သိးပှၤလၢအဂ့ၤအဝါတဖၣ်ကဘၣ်တၢ်ထံၣ်သ့ၣ်ညါအီၤဖျါဖျါ အဂီၢ်န့ၣ်လီၤ.

အ့းဖ့းစူး 2:2

အကတီၢ်ဖဲန့ၣ်အခါသုအိၣ်မူတ့ၢ်သုဝဲလၢတၢ်ဒဲးဘးအပူၤ, သုလဲၤတ့ၢ်တၢ်လၢဟီၣ်ခိၣ်အကျဲအၢကျဲသီတဖၣ်အပူၤ ဒီးသုစူၢ်တ့ၢ်တၢ်ဝံတၢ်နါလၢမူကပိာ်လိၤတဖၣ်အကစၢ် လၢအပၢဘၣ်ပှၤတဖၣ်လၢအတစူၢ်ဘၣ်ကစၢ်ယွၤန့ၣ်လီၤ.

၁ ယိၤဟၣ် 2:19

ပှၤတဖၣ်အံၤတဘၣ်ဃးဒီးပတၢ်ရ့လိာ်မုာ်လိာ်နီၢ်နီၢ်ဘၣ် အဃိ, ဟးထီၣ်ကွံာ်လၢပကျါန့ၣ်လီၤ. အဝဲသ့ၣ်မ့ၢ်ဘၣ်ဃး တ့ၢ်လံဒီးပှၤနီၢ်နီၢ်ဒီး, ကအိၣ်ကဆိးတ့ၢ်ဒီးပှၤန့ၣ်လီၤ. ဘၣ်ဆၣ်ဒီး, အဝဲသ့ၣ်ဟးထီၣ်ကွံာ်လၢပကျါဒ်သိးအကအိၣ်ဖျါဝဲဒၣ်လၢအဝဲသ့ၣ် တဘၣ်ဃးဒီးပှၤနီၢ်နီၢ်နီတဂၤဘၣ် အဂီၢ်န့ၣ်လီၤ.

၁ ယိၤဟၣ် 4:4

ဘၣ်ဆၣ်ဒီး, ယဖိယလံၤသ့ၣ်ဧၢ, သုဘၣ်ဃးဒီးကစၢ်ယွၤ ဒီးမၤနၢၤမၤဃၣ်တ့ၢ်လံဝံအဘျၣ်တဖၣ်, မ့ၢ်လၢယွၤအသးလၢအအိၣ်လၢသုပူၤအံၤအစိကမီၤဒိၣ် န့ၢ်ဒံးသးလၢအအိၣ်လၢပှၤလၢအဘၣ်ဃးဒီးဟီၣ်ခိၣ် တဖၣ်အပူၤအဃိန့ၣ်လီၤ.