လံာ်မးသဲ 12:43 - Sgaw Karen Common Bible

⁴³ တုၤတၢ်နါအၢဟးထီၣ်လၢပှၤတဂၤအပူၤဒီးဟးဝ့ၤဝီၤဝဲလၢတၢ် ဃ့စိၢ်ဃ့ထီအလီၢ်တဖၣ်ဒီးဃုဝဲတၢ်အိၣ်ဘှံးအလီၢ်လီၤ. ဘၣ်ဆၣ်တထံၣ်န့ၢ်ဝဲဘၣ်.

လံာ်မးသဲ 12:43 Iomraidhean Croise

လံာ်စီၤယိၤဘး 1:7

ဒီးယွၤသံကွၢ်မုၣ်ကီၤလံၢ်, “နဟးမၤတ့ၢ်တၢ်မနုၤလဲၣ်.” ဒီးမုၣ်ကီၤလံၢ်စံးဆၢယွၤဒီးစံး, “ယဟးဖဲအံၤဖဲနုၤဒီးဟးဝ့ၤဝီၤလၢဟီၣ်ခိၣ်ချၢန့ၣ်လီၤ.

လံာ်စီၤယိၤဘး 2:2

ဒီးယွၤသံကွၢ်မုၣ်ကီၤလံၢ်, “နဟဲလၢလဲၣ်” ဒီးမုၣ်ကီၤလံၢ် စံးဆၢယွၤဒီးစံး “ယဟးဖဲအံၤဖဲနုၤဒီးယဟးဝ့ၤဝီၤလၢ ဟီၣ်ခိၣ်ချၢအပူၤန့ၣ်လီၤ.”

စံးထီၣ်ပတြၢၤ 63:1

ကစၢ်ယွၤဧၢ, နမ့ၢ်ယကစၢ်ယွၤ ဒီးယသးသယုၢ်ဘၣ်နၤလီၤ. ယနီၢ်ဒီတဂၤညါဆၢန့ၢ်ဘၣ်နၤ ဒ်ကီၢ်လၢအဃ့စိၢ်ဃ့ထီဒီး ထံတအိၣ်ဘၣ်အသိးန့ၣ်လီၤ. ယသးအံၤသူအသးလၢနၤလီၤ.

လံာ်ယၡါယၤ 41:18

ယကဒုးအိၣ်ထီၣ်ထံကျိတဖၣ်လၢအယွၤလီၤဝဲလၢတၢ်လူၢ်ဃ့ထီလီၤ ဖျိတဖၣ်အကျါ ဒီးထံထီၣ်ပၢၢ်အကျိတဖၣ်ကယွၤလီၤဝဲလၢတၢ်တြီၤတဖၣ်အပူၤလီၤ. ယကဒုးကဲထီၣ်မဲးမုၢ်ခိၣ်ဆူထံအနိၣ်တဖၣ် ဒီးဟီၣ်ခိၣ်လၢအဃ့ထီဆူထံမူထီၣ်ပၢၢ်တဖၣ်လၢအယွၤလီၤဝဲ န့ၣ်လီၤ.

လံာ်မးသဲ 12:44

တုၤနုၤတစုစံးလီၤက့ၤအသး, ‘ယကက့ၤကဒါက့ၤဆူယဟံၣ်လီၤ.’ ဒီးက့ၤဝဲဒီးထံၣ်န့ၢ်ဝဲလၢအအိၣ်ကလီ, ကဆှဲကဆှီဒီးဘၣ်တၢ်ကတဲာ်ကတီၤအီၤဂ့ၤဂ့ၤဘၣ်ဘၣ်လီၤ.

လံာ်မးသဲ 8:29

တုၤအထံၣ်ယ့ၣ်ၡူးတဘျီဃီ အဝဲသ့ၣ်ကိးပသူထီၣ်ဒီးစံး, “ကစၢ်ယွၤအဖိခွါနၤဧၢ, နဘၣ်ဃးဒီးပှၤဒ်လဲၣ်. မ့ၢ်နဟဲလၢနကစံၣ်ညီၣ်မၤနးမၤဖှီၣ်ပှၤ တချုးလၢတၢ်အဆၢကတီၢ်ဘၣ်ဝဲန့ၣ်ဧါ.”

မၤတၢ် 8:13

စီၤၡံမိၣ်အနီၢ်ကစၢ်ဒၣ်ဝဲစ့ၢ်ကီးစူၢ်က့ၤနာ်က့ၤတၢ်, ဒီးလၢအဘၣ်တၢ်ဘျၢအီၤလၢထံဝံၤအလီၢ်ခံ, အဝဲဒၣ်လဲၤက့ၤအိၣ်ဆိးဝဲထီဘိဒီးစီၤဖံလံးပူးလီၤ. တုၤအထံၣ်ဘၣ်ဝဲတၢ်ပနီၣ်လီၤလးဒီးတၢ်လီၤလိၢ်လီၤလး တဖၣ်န့ၣ်ဒီး, ကမၢကမၣ်ဝဲဒိၣ်ဒိၣ်ကလဲာ်လီၤ.

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.