လံာ်မးသဲ 12:31 - Sgaw Karen Common Bible

³¹ လၢတၢ်န့ၣ်အဃိယစံးဘၣ်တဲဘၣ်သု, ကယဲၢ်တၢ်ဒဲးဘးဒီးတၢ်ကတိၤအၢကတိၤသီခဲလၢာ်န့ၣ်ယွၤ ကပျၢ်န့ၢ်ပှၤကညီလီၤ. မ့မ့ၢ်တၢ်ကတိၤအၢ, တၢ်ကတိၤကမၣ်ဘၣ်ယွၤအသးစီဆှံန့ၣ်, ယွၤတပျၢ်န့ၢ်ပှၤကညီဘၣ်.

လံာ်မးသဲ 12:31 Iomraidhean Croise

လံာ်ယၡါယၤ 1:18

ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယဃ့းစက့လး 33:11

တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.

လံာ်တၢ်ဘူၣ်ထီၣ်ဘါထီၣ် 24:16

ဒီးပှၤလၢအဒုၣ်ဒွဲၣ်ယွၤအမံၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကယဲၢ်ပှၤအံၣ်စရ့လးဖိတဂၤဂၤမ့ၢ်ဂ့ၤပှၤတခီဘီ မုၢ်ဖိတဂၤဂၤမ့ၢ်ဂ့ၤလၢအဆိၣ်အၢယွၤန့ၣ်ကဘၣ်တၢ်ကွံာ်သံအီၤ လၢလၢၢ်လၢပှၤကမျၢၢ်န့ၣ်လီၤ.

လံာ်လူၤကၣ် 12:10

ပှၤတဂၤလၢ်လၢ်လၢအကတိၤထီဒါဘၣ်ပှၤကညီဖိခွါလၢတၢ်ကတိၤ တဘီန့ၣ်, တၢ်ပျၢ်ကွံာ်အတၢ်ကမၣ်သ့ဝဲလီၤ. မ့မ့ၢ်, ပှၤတဂၤလၢအကတိၤဒုၣ်ဒွဲၣ်သးစီဆှံန့ၣ်, တၢ်တပျၢ်ကွံာ်အတၢ်ကမၣ်ဘၣ်.

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

ဧ့ၤဘြံၤ 10:26

အဂ့ၢ်ဒ်အံၤ, ပတူၢ်လိာ်ဒိးန့ၢ်တၢ်မ့ၢ်တၢ်တီဝံၤအလီၢ်ခံ, ပမ့ၢ်မၤတၢ်ဒဲးဘးလၢတၢ်လူၤဘၣ်ပသးအပူၤန့ၣ်, တၢ်လုၢ်လၢပတၢ်ဒဲးဘးအဂီၢ်တအိၣ်လၢၤဘၣ်.

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.

ဧ့ၤဘြံၤ 6:4

အဂ့ၢ်ဒ်အံၤ, ပှၤလၢအသးဘၣ်တၢ်ဒုးကပီၤထီၣ်တ့ၢ်လံအီၤတဘျီ, ပှၤလၢအကလၢၢ်ဘၣ်တ့ၢ်လံမူခိၣ်အတၢ်ဟ့ၣ်, ဒီးကဲထီၣ်ဘၣ်ပှၤဒိးန့ၢ်ဃုာ်သးစီဆှံ, ဒီးလ့ၣ်ကွၢ်တ့ၢ်လံလၢယွၤအကလုၢ်ကထါမ့ၢ်တၢ်ဂ့ၤဒီးကလၢၢ် ဘၣ်တ့ၢ်လံခဲကိာ်တဃၣ်အစိအကမီၤတဖၣ်န့ၣ်, ပကဆှၢကဒါက့ၤအီၤဆူတၢ်ပီၢ်ယၢ်လီၤက့ၤအသးန့ၣ်ကသ့လၢကျဲဒ် လဲၣ်.

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.

၁ ယိၤဟၣ် 5:16

ပှၤတဂၤဂၤမ့ၢ်ထံၣ်အဒီပုၢ်ဝဲၢ်မၤတၢ်ဒဲးဘးလၢ အတမ့ၢ်ဘၣ်တၢ်ဒဲးဘးလၢအဆှၢပှၤဆူတၢ်သံန့ၣ်, အဝဲကြၢးဃ့တၢ်လၢကစၢ်ယွၤဒီးကစၢ်ယွၤ ကဟ့ၣ်ပှၤလၢအမၤတၢ်ဒဲးဘးန့ၣ်လၢတၢ်မူလီၤ. အဝဲအံၤဘၣ်ဃးဒၣ်ဒီးပှၤလၢအတၢ်ဒဲးဘးတမ့ၢ်ဘၣ် တၢ်ဒဲးဘးလၢအဆှၢပှၤဆူတၢ်သံတဖၣ်န့ၣ်လီၤ. ဘၣ်ဆၣ်ဒီးတၢ်ဒဲးဘးလၢအဆှၢပှၤဆူတၢ်သံန့ၣ်အိၣ် ဝဲဒၣ်, ဒီးယတစံးလၢသုကြၢးဃ့တၢ်လၢကစၢ်ယွၤ လၢတၢ်ဒဲးဘးဒ်သိးန့ၣ်တဖၣ်အဂီၢ်ဘၣ်.