လံာ်မးသဲ 12:28 - Sgaw Karen Common Bible

²⁸ ကစၢ်ယွၤအသးမ့ၢ်ဟ့ၣ်ယၤတၢ်စိတၢ်ကမီၤလၢယကနီၣ်ထီၣ်ဟီထီၣ်ကွံာ်တၢ် နါတဖၣ်ဒီး, အအံၤမ့ၢ်တၢ်လၢအဒုးနဲၣ်လၢကစၢ်ယွၤအဘီအမုၢ်န့ၣ်ဟဲတုၤအိၣ်သု လံ.

လံာ်မးသဲ 12:28 Iomraidhean Croise

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်မးသဲ 12:18

“အအံၤမ့ၢ်ယခ့ယပှၤလၢယဃုထၢထီၣ်အီၤ, ပှၤတဂၤလၢယအဲၣ်, ဒီးဘၣ်ယသးလၢအီၤလီၤ. ယကဟ့ၣ်လီၤအီၤလၢယသး, ဒီးအဝဲကစံၣ်တဲၤတဲလီၤယတၢ်စံၣ်ညီၣ်ဆူ ပှၤကလုာ်တဖၣ်အအိၣ်လီၤ.

လံာ်မးသဲ 12:29

မ့တမ့ၢ်ဘၣ်လၢဟံၣ်ကစၢ်လၢအမ့ၢ်ပှၤအဂံၢ်ဆူၣ်ဘါဆူၣ်တဂၤ ဘၣ်တၢ်စၢဃာ်ဆိအီၤဘၣ်ဒီး, ပှၤလဲၤနုာ်ဆူအဟံၣ်ပူၤဒီးဂုာ် န့ၢ်အတၢ်ဖိတၢ်လံၤတသ့ဘၣ်နီတဂၤဘၣ်. ပှၤဂုာ်န့ၢ်အတၢ်ဖိတၢ်လံၤကသ့ဒၣ်ဖဲလၢပှၤ စၢဃာ်အီၤဝံၤအလီၢ်ခံန့ၣ်လီၤ.

လံာ်မးသဲ 21:31

ဖိခွါခံဂၤအံၤ, မ့ၢ်ပှၤမၤတၢ်ဘၣ်အပၢ်အသးလၢလဲၣ်တဂၤလဲၣ်.” ဒီးအဝဲသ့ၣ်စံးဆၢအီၤ, “မ့ၢ်ဖိခွါလၢအဒိၣ်တဂၤလီၤ.” တုၤနုၤတစုယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. ပှၤဃ့သွဲတဖၣ်ဒီးပိာ်မုၣ်ဟးဂီၤတဖၣ်ကလဲၤနုာ်ဆိဆူ ကစၢ်ယွၤအဘီအမုၢ်အပူၤလၢသုမဲာ်ညါလီၤ.

လံာ်မးသဲ 21:43

ယ့ၣ်ၡူးစံးကဒီးဝဲ, “လၢတၢ်န့ၣ်အဃိ, ယစံးဘၣ်သု, ကစၢ်ယွၤအဘီအမုၢ်ကဘၣ်တၢ်ဟံးထီၣ်ကွံာ်အီၤလၢသုအိၣ်, ဒီးဟ့ၣ်လီၤအီၤဆူပှၤတကလုာ်လၢအဟ့ၣ်ထီၣ်တၤသၣ် လၢအကြၢးဝဲဘၣ်ဝဲန့ၣ်လီၤ.”

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

လံာ်မၢ်ကူး 1:15

ဒီးစံးဝဲဒၣ်, “တၢ်ဆၢကတီၢ်ဘၣ်လံဒီးကစၢ်ယွၤအဘီအမုၢ်ဘူး ထီၣ်လံ. ပီၢ်ယၢ်ဒီးဃၣ်လိၤက့ၤသုသးဒီးစူၢ်က့ၤနာ်က့ၤတၢ်သးခု အကစီၣ်န့ၣ်တက့ၢ်.”

လံာ်မၢ်ကူး 11:10

ပပၢ်စီၤဒၤဝံးအဘီမုၢ်လၢကဟဲအိၣ်ထီၣ်ဝဲအံၤန့ၣ်, မ်ကစၢ်ယွၤဆိၣ်ဂ့ၤဝဲတက့ၢ်. မ်ကစၢ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်.”

လံာ်မၢ်ကူး 16:17

ပှၤလၢအနာ်တၢ်တဖၣ်ကဘၣ်တၢ်ဟ့ၣ်လီၤအီၤလၢတၢ်စိတၢ်ကမီၤလၢကမၤ တၢ်လီၤလးတဖၣ်အဂီၢ်လီၤ. အဝဲသ့ၣ်ကဟီထီၣ်ကွံာ်တၢ်နါလၢယမံၤ ဒီးကကတိၤတၢ်လၢကျိာ်လီၤဆီတဖၣ်လီၤ.

လံာ်လူၤကၣ် 10:11

‘ဖၣ်ကမူၣ်ဖၣ်ဆါလၢသုဝ့ၢ်ပူၤလၢအအိၣ်ထီဝဲလၢပခီၣ်လၣ် အလိၤတဖၣ်ဒၣ်လဲာ်န့ၣ်, ပတြူာ်ကွံာ်ပဝဲထီဒါသုလီၤ. ဘၣ်ဆၣ်ဒီး, သ့ၣ်နီၣ်ထီၣ်တၢ်အဝဲအံၤတက့ၢ်. ကစၢ်ယွၤအဘီအမုၢ်ဟဲဘူးဒီးသုလံ.’

လံာ်လူၤကၣ် 11:20

တမ့ၢ်ဘၣ်. မ့မ့ၢ်တခီယဟီထီၣ်ကွံာ်တၢ်ဝံတၢ်နါ တဖၣ်လၢကစၢ်ယွၤအစိကမီၤတခီ, ဒီးတၢ်တမံၤအံၤအုၣ်အသးလၢကစၢ်ယွၤအဘီအမုၢ် ဟဲတုၤအိၣ်သုလံန့ၣ်လီၤ.

လံာ်လူၤကၣ် 16:16

စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ်အိၣ်ဝဲဒၣ်တုၤလၢ ပှၤဘျၢတၢ်စီၤယိၤဟၣ်အဆၢကတီၢ်လီၤ. စးထီၣ်ဖဲန့ၣ် တၢ်သးခု အကစီၣ်ဘၣ်ဃးဒီးကစၢ်ယွၤအဘီအမုၢ်ဘၣ်တၢ်စံၣ်တဲၤတဲလီၤအီၤ, ဒီးပှၤကိးဂၤဒဲးဂုာ်လဲၤနုာ်ဝဲဆူကစၢ်ယွၤအဘီအမုၢ်အပူၤလီၤ.

လံာ်လူၤကၣ် 9:2

အန့ၣ်ဝံၤဒီးအဝဲဒၣ်မၢလီၤအဝဲသ့ၣ်ဒ်သိးအကစံၣ်တဲၤတဲလီၤ တၢ်ဘၣ်ဃးကစၢ်ယွၤအဘီအမုၢ်ဒီးအကမၤဘျါပှၤဆူးပှၤဆါတဖၣ် အဂီၢ်န့ၣ်လီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

ကလီးစဲ 1:13

အဝဲထုးထီၣ်ကွံာ်ပှၤလၢတၢ်ခံးတၢ်နၤအတၢ်ပၢအဖီလာ် ဒီးစိာ်ခီပှၤဆူအဖိခွါလၢတၢ်အဲၣ်အီၤတဂၤအဘီအမုၢ် အပူၤန့ၣ်လီၤ.

ဧ့ၤဘြံၤ 12:28

လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.