လံာ်မးသဲ 12:25 - Sgaw Karen Common Bible

²⁵ ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်ဒီးစံးဘၣ်အဝဲသ့ၣ်, “ထံကီၢ်တဘ့ၣ်လၢအမၤလီၤဖးလီၤအသးဒီးအ့ၣ်လိာ်ဆိးက့လိာ်အသးန့ၣ်, အိၣ်ဂၢၢ်ဆိးကျၢၤယံာ်ယံာ်တသ့ဘၣ်. ခူဝ့ၢ်မ့ၢ်ဂ့ၤ, ဒူၣ်ဖိထၢဖိမ့ၢ်ဂ့ၤ, လၢအမၤလီၤဖးလီၤအသးန့ၣ်ကလီၤပှီၢ်ကွံာ်ဝဲလီၤ.

လံာ်မးသဲ 12:25 Iomraidhean Croise

လံာ်စီၤပၤအခီၣ်ထံးတဘ့ၣ် 16:21

ကီၢ်အံၣ်စရ့လးအပှၤဂီၢ်မုၢ်လီၤမုၢ်လီၤဖးကွံာ်ဝဲလီၤ. အဝဲသ့ၣ်အကျါတနီၤအဲၣ်ဒိးဒုးကဲထီၣ်စီၤကံနးအဖိခွါစီၤ ကံးဘနံၤလၢစီၤပၤဒီးပှၤအဂၤတနီၤဘၣ်သူၣ်ဘၣ်သးဝဲလၢစီၤ ဧိၣ်ရံၤန့ၣ်လီၤ.

စံးထီၣ်ပတြၢၤ 139:2

ယဆ့ၣ်နီၤဒီးယဆၢထၢၣ်န့ၣ်နသ့ၣ်ညါလီၤ. နနၢ်ပၢၢ်ယတၢ်ဆိကမိၣ်တဖၣ်လၢအယံၤလီၤ.

လံာ်ယၡါယၤ 9:21

ကီၢ်မနၤၡ့ၤဒီးကီၢ်အ့ဖရဲၣ်အပှၤတဖၣ်ဒုးလိာ်ယၤလိာ်အသး, ဒီးအဝဲသ့ၣ်ပာ်ဖှိၣ်အသးဒီးဒုးတၢ်ထီဒါကီၢ်ယူဒၤလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယံးရမံယၤ 17:10

ယၤ, ယွၤအံၤ, ယဃုသ့ၣ်ညါပှၤကညီအတၢ်ဆိကမိၣ်တဖၣ် ဒီးမၤကွၢ်ပှၤကညီတဖၣ်အသးန့ၣ်လီၤ. ယမၤဘၣ်အဝဲသ့ၣ်တဂၤစုာ်စုာ်ဒ်အအိၣ်မူဝဲ အကျဲအသိး, ဒီးဒ်တၢ်လၢအဝဲမၤဝဲအသိးန့ၣ်လီၤ.”

လံာ်ဧၤမိၣ် 4:13

အဂ့ၢ်ဒ်အံၤ, ကွၢ်ကွၢ်, ပှၤလၢအမၤကစၢၢ်ကလိ ဒီးတ့လီၤကလံၤသီၣ်ဂီၤ, လၢအဒုးသ့ၣ်ညါပှၤကညီလၢအတၢ်ဆိကမိၣ်, လဲလိာ်မုၢ်နံၤဆူမုၢ်နၤ ဒီးယီၢ်လီၤဟီၣ်ခိၣ်အလီၢ်ထီၣ်ထီတဖၣ်န့ၣ်, မ့ၢ်ကစၢ်ယွၤ, တၢ်သုးမုၢ်ဂီၢ်မုၢ်အကစၢ်မ့ၢ်အမံၤလီၤ.

လံာ်မးသဲ 9:4

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်ဒီးစံး, “ဘၣ်မနုၤလၢသုအိၣ်ဒီးတၢ်ဆိကမိၣ်အအၢ အသီလၢသုသးကံၢ်ပူၤလဲၣ်.

လံာ်မၢ်ကူး 2:8

တဘျီဃီယ့ၣ်ၡူးသ့ၣ်ညါတၢ်လၢအဝဲသ့ၣ်ဆိကမိၣ်ဝဲလၢအသး ကံၢ်ပူၤဒီးစံးဘၣ်အဝဲသ့ၣ်, “ဘၣ်မနုၤသုဘၣ်အိၣ်ဒီးတၢ်ဆိကမိၣ်ဒ်သိးအံၤတဖၣ်လၢသုသး ကံၢ်ပူၤန့ၣ်လဲၣ်.

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

1 ကရံၣ်သူး 2:11

တၢ်လၢအသ့ၣ်ညါပှၤကညီတဂၤအဂ့ၢ်အကျိၤခဲလၢာ်ခဲဆ့န့ၣ်, အိၣ်ဒၣ်ထဲအဝဲဒၣ်အသးလၢအအိၣ်လၢအဝဲဒၣ်အကံၢ်အလဲအပူၤ တမံၤဧိၤလီၤ. ဒ်န့ၣ်အသိး, ထဲယွၤအသးတမံၤဧိၤသ့ၣ်ညါတၢ်ခဲလၢာ်ခဲဆ့ဘၣ်ဃးဒီးကစၢ်ယွၤ အဂ့ၢ်န့ၣ်လီၤ.

ကလၤတံ 5:15

ဘၣ်ဆၣ်ဒီး, သုမ့ၢ်မၤသုသးဒ်ဆၣ်ဖိကီၢ်ဖိအမံၤတဖၣ်, ဒီးမၤဘၣ် ဒိဘၣ်ထံး, မၤဆူးမၤဆါလိာ်သုသးန့ၣ်, ပလီၢ်သုသးတက့ၢ်. မ့တမ့ၢ်ဘၣ်ဒီးသုကမၤဟးဂီၤလိာ်သုသးတဂၤဒီးတဂၤလၢာ်လၢာ် ဆ့ဆ့န့ၣ်လီၤ.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

လံာ်လီၣ်ဖျါ 16:19

ဝ့ၢ်ဖးဒိၣ်ဘၣ်တၢ်မၤဖးအီၤသၢပူဒီးထံကီၢ်ကိးဘ့ၣ်ဒဲး အဝ့ၢ်တဖၣ်ဘၣ်တၢ်မၤဟးဂီၤကွံာ်အီၤလီၤ. ကစၢ်ယွၤသ့ၣ်နီၣ်ထီၣ်က့ၤဘၤဘူၤလိၣ်ဖးဒိၣ်, ဒီးဒုးအီအီၤစပံးထံလၢအဝဲဒၣ်အလီခီပူၤ, အဝဲအတၢ်သးထီၣ်နးနးကလဲာ်အစပံးထံ န့ၣ်လီၤ.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.