လံာ်မးသဲ 12:2 - Sgaw Karen Common Bible

² တုၤပှၤဖၤရံၤၡဲတဖၣ်ထံၣ်တၢ်အံၤဒီးအဝဲသ့ၣ်စံးဘၣ်ယ့ၣ်ၡူး, “ကွၢ်တက့ၢ်. နပျဲၢ်နဘီၣ်တဖၣ်မၤတၢ်အံၤလၢမုၢ်အိၣ်ဘှံးနံၤန့ၣ်မ့ၢ်တၢ်လၢ အထီဒါပတၢ်သိၣ်တၢ်သီလီၤ.”

လံာ်မးသဲ 12:2 Iomraidhean Croise

လံာ်တၢ်ဟးထီၣ်ကွံာ် 23:12

တနွံန့ၣ်မၤတၢ်ဃုသီတက့ၢ်. မ့မ့ၢ်လၢနွံသီတသီန့ၣ်မၤတၢ် နီတမံၤတဂ့ၤ. အန့ၣ်ဒီး, သုကုၢ်သုပှၤ, ဒီးပှၤတခီဘီမုၢ်ဖိလၢအမၤတၢ်လၢသု ဂီၢ်, ဒီးသုဆၣ်ဖိကီၢ်ဖိတဖၣ်ဒၣ်လဲာ်ကအိၣ်ဘှံးဘၣ်ဝဲလီၤ.

လံာ်တၢ်ဟးထီၣ်ကွံာ် 35:2

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤန့ၣ်လီၤ. ဘၣ်ဆၣ်ဒီးနွံနံၤတနံၤန့ၣ်ကဘၣ်တၢ်ပာ်စီဆှံအီၤဒ်မုၢ်နံၤစီဆှံလၢတၢ်အိၣ်ဘှံးအဂီၢ်ဆူယၤ, ယွၤအအိၣ်လီၤ. ပှၤတဂၤလၢ်လၢ်လၢအမၤတၢ်မၤတမံၤမံၤလၢမုၢ်နံၤဝဲန့ၣ်အပူၤ န့ၣ်ကဘၣ်တၢ်မၤသံကွံာ်အီၤန့ၣ်လီၤ.

လံာ်ယၡါယၤ 58:13

ယွၤစံးဝဲ, “သုမ့ၢ်ပာ်မုၢ်အိၣ်ဘှံးနံၤလၢတၢ်စီဆှံဒီးတလူၤထွဲ သုတၢ်သးစဲဒၣ်ဝဲလၢမုၢ်နံၤအဝဲန့ၣ်, သုမ့ၢ်ပာ်လုၢ်ပာ်ပှ့ၤ ယမုၢ်နံၤစီဆှံဒီးယူးယီၣ်အီၤခီဖျိတၢ်တလဲၤတၢ်က့ၤတၢ်, တဖံးတၢ်မၤတၢ်မ့ၢ်ဂ့ၤ, တကတိၤဘၣ်တၢ်ကလီကလီလၢ မုၢ်နံၤန့ၣ်မ့ၢ်ဂ့ၤဘၣ်ဒီး,

လံာ်မးသဲ 12:10

ဖဲပှၤလၢအစုသံတခီပၤတဂၤအိၣ်ဝဲန့ၣ်လီၤ. ပှၤအိၣ်ဝဲဖဲန့ၣ်တနီၤလၢအသးအိၣ်ပာ်တၢ်ကမၣ်လၢယ့ၣ်ၡူး အလိၤအဃိသံကွၢ်အီၤဒီးစံး, “တၢ်မၤဘျါတၢ်လၢမုၢ်အိၣ်ဘှံးနံၤန့ၣ်, မ့ၢ်အထီဒါပတၢ်သိၣ်တၢ်သီဧါ.”

လံာ်မးသဲ 12:3

ယ့ၣ်ၡူးစံးဆၢအဝဲသ့ၣ်, “မ့ၢ်သုတဖးဘၣ်တၢ်လၢစီၤဒၤဝံးမၤ တ့ၢ်ဝဲဖဲအဝဲဒီးပှၤအိၣ်ဒီးအီၤတဖၣ်သၣ်ဝံၤဝဲအကတီၢ်န့ၣ်ဘၣ်ဧါ.

လံာ်မၢ်ကူး 2:24

အန့ၣ်ဒီး, ပှၤဖၤရံၤၡဲတဖၣ်စံးဘၣ်ယ့ၣ်ၡူး, “နပျဲၢ်နဘီၣ်တဖၣ်ဒဲးအီၣ်ဘုစဲၤလၢမုၢ်အိၣ်ဘှံးနံၤအံၤနတထံၣ် ဘၣ်ဧါ. တၢ်တမံၤအံၤထီဒါပဝဲပှၤယူဒၤဖိအတၢ်သိၣ်တၢ်သီဘၣ်ဃးမုၢ် အိၣ်ဘှံးနံၤန့ၣ်လီၤ.”

လံာ်လူၤကၣ် 14:3

ဒီးယ့ၣ်ၡူးကတိၤထီၣ်တၢ်ဒီးသံကွၢ်သရၣ်သိၣ်လိလံာ်တၢ် သိၣ်တၢ်သီတဖၣ်, ဒီးပှၤဖၤရံၤၡဲတဖၣ်, “တၢ်မၤဘျါက့ၤ တၢ်ဖဲမုၢ်အိၣ်ဘှံးနံၤန့ၣ်, ပတၢ်သိၣ်တၢ်သီဟ့ၣ်အခွဲးကစီဒီဧါ. မ့တမ့ၢ်တဟ့ၣ်ဝဲလဲၣ်.”

လံာ်လူၤကၣ် 23:56

အန့ၣ်ဝံၤအလီၢ်ခံ, အဝဲသ့ၣ်က့ၤက့ၤဆူဟံၣ်ဒီးအိၣ်ကတဲာ်ကတီၤပာ်တၢ်နၢမူဒီးမူရၣ် လၢအကဖှူအစိၣ်အဂီၢ်န့ၣ်လီၤ. ဖဲမုၢ်အိၣ်ဘှံးနံၤန့ၣ်, အဝဲသ့ၣ်အိၣ်ဘှံးဝဲဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်လူၤကၣ် 6:2

ပှၤဖၤရံၤၡဲတနီၤစံးဝဲ, “တၢ်တမံၤလၢပတၢ်သိၣ်တၢ်သီစံးသုတဘၣ်မၤသုဝဲဖဲပှၤယူဒၤ ဖိအမုၢ်အိၣ်ဘှံးနံၤန့ၣ်, ဘၣ်မနုၤအဃိသုမၤလဲၣ်.”