လံာ်မးသဲ 12:15 - Sgaw Karen Common Bible

¹⁵ တုၤယ့ၣ်ၡူးနၢ်ဟူဝဲတၢ်ကူၣ်ထီၣ်ဖးလီၤထီဒါအီၤအံၤဒီး အဝဲဟးထီၣ်ကွံာ်လၢတၢ်လီၢ်န့ၣ်, ဒီးပှၤအါဒံအါဂၤပိာ်ထီၣ် အခံလီၤ. အဝဲမၤဘျါက့ၤပှၤဆူးပှၤဆါခဲလၢာ်,

လံာ်မးသဲ 12:15 Iomraidhean Croise

လံာ်မးသဲ 10:23

တုၤပှၤမၤနးမၤဖှီၣ်သုလၢဝ့ၢ်တဖျၢၣ်အပူၤဒီးဃ့ၢ်ပူၤဖျဲးကွံာ်ဆူ ဝ့ၢ်အဂၤတဖျၢၣ်တက့ၢ်. နာ်ယၤတက့ၢ်. သုမၤတၢ်လၢအံၣ်စရ့လး အဝ့ၢ်တဖၣ်အပူၤတချုးသကုၤဒံးဘၣ်န့ၣ်, ပှၤကညီဖိခွါကဟဲဝဲလီၤ.

လံာ်မးသဲ 19:2

ဒီးပှၤဂီၢ်မုၢ်ဖးဒိၣ်တဖၣ်ပိာ်ထီၣ်အခံ, ဒီးအဝဲဒၣ်မၤဘျါက့ၤအဝဲသ့ၣ်ဖဲန့ၣ်လီၤ.

လံာ်မၢ်ကူး 6:56

ဒီးဖဲယ့ၣ်ၡူးလဲၤတုၤဝဲတပူၤလၢ်လၢ်လၢသဝီပူၤမ့ၢ်ဂ့ၤ, ဝ့ၢ်ပူၤမ့ၢ်ဂ့ၤ, ခိဖဲဟံၣ်အိၣ်စှၤဖျၢၣ်မ့ၢ်ဂ့ၤ, ပှၤသ့ၣ်တဖၣ်န့ၣ်ဟဲစိာ်ဒီးပာ်လီၤပှၤဆါတဖၣ်လၢဖၠါပူၤဒီး ဃ့သကွံၢ်ကညးအီၤလၢအကပျဲအဝဲသ့ၣ်ထိးဘၣ်ထဲ အဆ့ကၤအနွံဧိၤန့ၣ်လီၤ. ဒီးကယဲၢ်ပှၤလၢအထိးဘၣ်ဝဲတဖၣ်ဘျါက့ၤဝဲခဲလၢာ်လီၤ.

လံာ်လူၤကၣ် 5:22

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်တဖၣ်ဒီးစံးဘၣ်အဝဲသ့ၣ်, “ဘၣ်မနုၤလၢသုဆိကမိၣ်တၢ်ဒ်န့ၣ်အသိးတဖၣ်လဲၣ်.

လံာ်လူၤကၣ် 6:12

ဖဲအဆၢကတီၢ်အဝဲန့ၣ်, ယ့ၣ်ၡူးလဲၤထီၣ်ဆူတၢ်လူၢ်တလူၢ်အလိၤဒ်သိး အကဃ့ဘါထုကဖၣ်တၢ်အဂီၢ်ဒီးဃ့ထုကဖၣ်တၢ်လၢ ယွၤဒီနၤညါန့ၣ်လီၤ.

လံာ်လူၤကၣ် 9:11

ဖဲပှၤဂီၢ်မုၢ်တဖၣ်နၢ်ဟူတၢ်အံၤန့ၣ်, အဝဲသ့ၣ်လဲၤပိာ်အခံလီၤ. အဝဲဒၣ်တူၢ်လိာ်ခီၣ်ဆၢအဝဲသ့ၣ်, ကတိၤတၢ်ဒီးအဝဲသ့ၣ်ဘၣ်ဃးကစၢ်ယွၤအဘီအမုၢ်, ဒီးမၤဘျါပှၤလၢအလိၣ်ဘၣ်တၢ်မၤဘျါက့ၤအီၤတဖၣ်လီၤ.

လံာ်ယိၤဟၣ် 11:54

လၢတၢ်န့ၣ်အဃိ, ယ့ၣ်ၡူးတဟးထီၣ်က့ၤလီၤလၢကီၢ်ယူဒၤ အပူၤဖျိဖျိဖျါဖျါလၢၤဘၣ်. မ့မ့ၢ်ဟးထီၣ်ကွံာ်ဝဲဖဲန့ၣ်ဒီးလဲၤဝဲဆူဝ့ၢ်ကိးဝဲအမံၤလၢအ့ဖရဲၣ်, လၢအအိၣ်ဘူးဒီးပှၢ်မုၢ်ကနၢဒီးအိၣ်ဝဲဆိးဝဲဒီးအပျဲၢ်အဘီၣ် တဖၣ်ဖဲန့ၣ်လီၤ.

လံာ်ယိၤဟၣ် 7:1

တၢ်အံၤဝံၤအလီၢ်ခံဒီး, ယ့ၣ်ၡူးဟးဝ့ၤဝီၤဝဲလၢကီၢ်ကၤလံၤလါ အပူၤလီၤ. မ့ၢ်လၢပှၤယူဒၤဖိအခိၣ်အနၢ်တဖၣ်ဃုမၤသံအီၤ အဃိ, အဝဲတသးအိၣ်ဟးဝ့ၤဝီၤလၢကီၢ်ယူဒၤအပူၤန့ၣ်ဘၣ်.

လံာ်ယိၤဟၣ် 9:4

ဖဲမုၢ်ဆါခီအကတီၢ်အံၤ, ပကဘၣ်မၤပှၤလၢအမၢလီၤယၤ တဂၤအတၢ်မၤလီၤ. မုၢ်နၤကဟဲဝဲဖဲပှၤမၤတၢ်တသ့လၢၤနီ တဂၤဘၣ်.

ကလၤတံ 6:9

လၢတၢ်န့ၣ်အဃိ, မ်ပသုတလီၤဘှံးလီၤတီၤလၢပမၤဂ့ၤတၢ် အဃိတဂ့ၤ, အဂ့ၢ်ဒ်အံၤပမ့ၢ်တသးဟးဂီၤဘၣ်ဒီးတၢ်ဆၢကတီၢ် ကတုၤဝဲဖဲပကကူးဘၣ်က့ၤတၢ်လၢအဂ့ၤန့ၣ်လီၤ.

၁ ပ့းတရူး 2:21

ကစၢ်ယွၤကိးထီၣ်သုလၢတၢ်အံၤအဂီၢ်, အဂ့ၢ်ဒ်လဲၣ်န့ၣ်ခရံာ်အကစၢ်ဒၣ်ဝဲတူၢ်တ့ၢ်တၢ်လၢသုဂီၢ်, ဒီးပာ်တီၢ်န့ၢ်သုတၢ်အဒိအတဲာ်ဒ်သိးသုကယီၢ်အခီၣ်လီၢ် တဖၣ်အဂီၢ်န့ၣ်လီၤ.