လံာ်မးသဲ 12:12 - Sgaw Karen Common Bible

¹² ပှၤကညီတဂၤအလုၢ်အပှ့ၤန့ၣ်, ဒိၣ်န့ၢ်အါန့ၢ်ဒံးသိတဒုတက့ၢ်လီၤ. လၢတၢ်န့ၣ်အဃိပတၢ်သိၣ်တၢ်သီဟ့ၣ်ပှၤအခွဲးလၢပကမၤစၢၤမၤဂ့ၤ တၢ်လၢမုၢ်အိၣ်ဘှံးနံၤကစီဒီလီၤ.”

လံာ်မးသဲ 12:12 Iomraidhean Croise

လံာ်မးသဲ 10:31

လၢတၢ်န့ၣ်အဃိပျံၤတၢ်တဂ့ၤ. နလုၢ်နပှ့ၤဒိၣ်န့ၢ်အါန့ၢ်ထိၣ်ဖှံးဖိအါဘ့ၣ်တက့ၢ်လီၤ.

လံာ်မးသဲ 6:26

ကွၢ်ထိၣ်ဖိလံာ်ဖိလၢတၢ်ဖးဖီတဖၣ်တက့ၢ်. အဝဲသ့ၣ်တဖှံတၢ်ချံဘၣ်. တကူးတၢ်ဘၣ်ဒီးတဂၢ်ဖှိၣ်တၢ်လၢသိၣ်ပူၤဖီပူၤဘၣ်. ဘၣ်ဆၣ်ဒီးသုပၢ်အိၣ်လၢမူခိၣ်အံးထွဲကွၢ်ထွဲလုၢ်အီၣ်လုၢ်အီအဝဲသ့ၣ်လီၤ. သုဝဲဒၣ်အံၤသုလုၢ်ဒိၣ်ပှ့ၤဒိၣ်အါန့ၢ်အဝဲသ့ၣ်တမ့ၢ်ဘၣ်ဧါ.

လံာ်မၢ်ကူး 3:4

အန့ၣ်ဝံၤသံကွၢ်ပှၤအိၣ်ဖဲန့ၣ်တဖၣ်, “မ့ၢ်ပတၢ်သိၣ်တၢ်သီဟ့ၣ်ပှၤတၢ်ပျဲလၢ ပကမၤဘၣ်တၢ်ဒ်လဲၣ်တကလုာ်လၢပှၤယူဒၤဖိအမုၢ်အိၣ်ဘှံးနံၤန့ၣ်လဲၣ်. လၢပကမၤဂ့ၤတၢ်အဂီၢ်ဧါ. မ့တမ့ၢ်လၢပကမၤအၢတၢ်အဂီၢ်လဲၣ်. လၢပကမၤပူၤဖျဲးပှၤအသးသမူဧါ. မ့တမ့ၢ်လၢပကမၤသံပှၤတခီန့ၣ်လဲၣ်.” ဘၣ်ဆၣ်ဒီး, ပှၤသ့ၣ်တဖၣ်န့ၣ်အိၣ်ဝဲဘှီၣ်ကလာ်လီၤ.

လံာ်လူၤကၣ် 12:24

ကွၢ်စိးဝၣ်ဃးတဖၣ်တက့ၢ်. အဝဲသ့ၣ်တဖှံလီၤတၢ်ချံမ့ၢ်ဂ့ၤ, ကူးက့ၤတၢ်မ့ၢ်ဂ့ၤန့ၣ်ဘၣ်. အဝဲသ့ၣ်အဒၢးလၢအကပာ်ဖှိၣ်တၢ်မ့ၢ်ဂ့ၤ, ဘုဖီမ့ၢ်ဂ့ၤတအိၣ်ဘၣ်. ကစၢ်ယွၤလုၢ်အီၣ်လုၢ်အီအဝဲသ့ၣ်လီၤ. သုလုၢ်သုပှ့ၤဒိၣ်န့ၢ်ဒံးထိၣ်တဖၣ်တက့ၢ်လီၤ.

လံာ်လူၤကၣ် 14:1

တဘျီဖဲမုၢ်အိၣ်ဘှံးအနံၤတနံၤန့ၣ်, ယ့ၣ်ၡူးလဲၤဆူပှၤဖၤရံၤၡဲအခိၣ်အနၢ်အကျါတဂၤအဟံၣ် ဒ်သိးအကအီၣ်တၢ်, ဒီးပှၤဂီၢ်မုၢ်တဖၣ်ကွၢ်ဟုၣ်ကွၢ်စုာ်အီၤလီၤ.

လံာ်လူၤကၣ် 6:9

အန့ၣ်ဝံၤဒီးယ့ၣ်ၡူးစံးဘၣ်အဝဲသ့ၣ်, “ယကသံကွၢ်သု, ပတၢ်သိၣ်တၢ်သီပျဲပှၤလၢပကမၤတၢ်မနုၤတမံၤဖဲပှၤယူဒၤဖိ အမုၢ်အိၣ်ဘှံးနံၤန့ၣ်လဲၣ်. လၢပကမၤစၢၤတၢ်ဧါ. မ့တမ့ၢ်လၢပကမၤဆါတၢ်လဲၣ်. လၢပကအုၣ်က့ၤခီၣ်က့ၤပှၤကညီတဂၤအသးသမူဧါ. မ့တမ့ၢ်ပကမၤဟးဂီၤကွံာ်အီၤန့ၣ်လဲၣ်.”