လံာ်မးသဲ 12:10 - Sgaw Karen Common Bible

¹⁰ ဖဲပှၤလၢအစုသံတခီပၤတဂၤအိၣ်ဝဲန့ၣ်လီၤ. ပှၤအိၣ်ဝဲဖဲန့ၣ်တနီၤလၢအသးအိၣ်ပာ်တၢ်ကမၣ်လၢယ့ၣ်ၡူး အလိၤအဃိသံကွၢ်အီၤဒီးစံး, “တၢ်မၤဘျါတၢ်လၢမုၢ်အိၣ်ဘှံးနံၤန့ၣ်, မ့ၢ်အထီဒါပတၢ်သိၣ်တၢ်သီဧါ.”

လံာ်မးသဲ 12:10 Iomraidhean Croise

လံာ်ယၡါယၤ 32:6

ပှၤအမၢးတဂၤကတိၤတၢ်လၢတၢ်သးတထံတဆးအပူၤ ဒီးဆိကမိၣ်ထီၣ်တၢ်အၢတၢ်သီတဖၣ်လၢကမၤဝဲလီၤ. တၢ်လၢအဝဲမၤဝဲဒီးတၢ်လၢအဝဲစံးဝဲတဖၣ်မ့ၢ်တၢ်ဒုၣ်ဒွဲၣ်ယွၤ, ဒီးအဝဲတလုၢ်အီၣ်ဘၣ်ပှၤလၢတၢ်သၣ်ဝံၤအသးမ့ၢ်ဂ့ၤ, တဟ့ၣ်အီဘၣ်ပှၤလၢတၢ်သူအသးတဖၣ်လၢတၢ်တမံၤမံၤလၢကအီ ဝဲအဂီၢ်မ့ၢ်ဂ့ၤန့ၣ်ဘၣ်.

လံာ်ယၡါယၤ 59:13

ပပူထီၣ်တ့ၢ်တၢ်ထီဒါနၤ, ပညိကွံာ်တ့ၢ်နၤ, ဒီးဂ့ၢ်လိာ်တ့ၢ်လၢ ပကပိာ်နခံအဂီၢ်လီၤ. ပမၤအၢမၤနးတ့ၢ်ပှၤဂၤတဖၣ်ဒီးဃၣ်ဒူ ချၢတ့ၢ်ပသးလၢနၤလီၤ. ပတၢ်ဆိကမိၣ်တဖၣ်ကမၣ်ဝဲ, ဒီးပတၢ်ကတိၤတဖၣ်အိၣ်ထဲတၢ်လီတၢ်ဝ့ၤလီၤ.

လံာ်ယၡါယၤ 59:4

သုလဲၤဆူကွီၢ်ဘျီၣ်, ဘၣ်ဆၣ်ဒီးသုတမၤန့ၢ်တၢ်စံၣ်ညီၣ် တီလၢသုအိၣ်တခီဘၣ်. သုသန့ၤထီၣ်သုသးလၢတၢ်လီ တၢ်ဝ့ၤတဖၣ်လၢသုကွီၢ်ကနၢၤအဂီၢ်လီၤ. သုမၤထွဲသုတၢ်ကူၣ်ကျဲၤတဖၣ်လၢကမၤဘၣ်ဒိဘၣ်ထံးပှၤဂၤ တဖၣ်အဂီၢ်န့ၣ်လီၤ.

လံာ်စကၤရယၤ 11:17

ပှၤကွၢ်သိလၢအတဂိာ်တသီၣ်အံၤဘၣ်တၢ်စံၣ်ညီၣ်ဃါမနၤလီၤ. အဝဲဒၣ်လဲၤသဒၣ်ကွံာ်အသိတဖုလီၤ. တၢ်ဒုးတၢ်ယၤကမၤဟးဂီၤကွံာ်အတၢ်စိတၢ်ကမီၤလီၤ. အစုဒုၣ်ကသံတခီပၤ, ဒီးအမဲာ်ချံထွဲကဘျီၣ်ကွံာ်ဝဲဒၣ်န့ၣ်လီၤ.”

လံာ်မးသဲ 12:2

တုၤပှၤဖၤရံၤၡဲတဖၣ်ထံၣ်တၢ်အံၤဒီးအဝဲသ့ၣ်စံးဘၣ်ယ့ၣ်ၡူး, “ကွၢ်တက့ၢ်. နပျဲၢ်နဘီၣ်တဖၣ်မၤတၢ်အံၤလၢမုၢ်အိၣ်ဘှံးနံၤန့ၣ်မ့ၢ်တၢ်လၢ အထီဒါပတၢ်သိၣ်တၢ်သီလီၤ.”

လံာ်မးသဲ 19:3

ပှၤဖၤရံၤၡဲတနီၤဟဲဆူအအိၣ်, ဒီးဒ်သိးအကမၤကွၢ်အီၤအဂီၢ်န့ၣ်, သံကွၢ်တၢ်ဒီးစံးဝဲ, “မ့ၢ်ပတၢ်သိၣ်တၢ်သီဟ့ၣ်ပှၤကညီတၢ်ပျဲလၢအကပာ်မၢ် အမါလၢတၢ်ဂ့ၢ်တမံၤဂ့ၤတမံၤဂ့ၤအဃိဧါ.”

လံာ်မၢ်ကူး 3:2

ပှၤအိၣ်စ့ၢ်ကီးဖဲန့ၣ်တနီၤလၢအအဲၣ်ဒိးပာ်တၢ်ကမၣ်လၢယ့ၣ်ၡူး အလိၤသတးဒီးကွၢ်ဟုၣ်ကွၢ်စုာ်ဝဲမ့ၢ်အဝဲဒၣ်ကမၤဘျါက့ၤ ပှၤတဂၤန့ၣ်လၢပှၤယူဒၤဖိအမုၢ်အိၣ်ဘှံးနံၤဧါန့ၣ်လီၤ.

လံာ်လူၤကၣ် 11:54

ဒ်သိးအကအိၣ်ခိးကနၣ်ဝဲ, ဒီးဖီၣ်န့ၢ်အီၤလၢအတၢ်ကတိၤဒၣ်ဝဲအဂီၢ်န့ၣ်လီၤ.

လံာ်လူၤကၣ် 13:14

ဘူၣ်ဘျီၣ်အခိၣ်အသးထီၣ်လၢယ့ၣ်ၡူးမၤဘျါတ့ၢ်တၢ်လၢမုၢ် အိၣ်ဘှံးနံၤအဃိလီၤ. လၢတၢ်န့ၣ်အဃိအဝဲဒၣ်ကတိၤထီၣ်တၢ်ဒီးစံးဘၣ်ပှၤဂီၢ်မုၢ် တဖၣ်, “မုၢ်နံၤမုၢ်သီအိၣ်ဝဲဒၣ်ဃုနံၤဃုသီလၢပကြၢးဖံးတၢ်မၤတၢ်လီၤ. လၢတၢ်န့ၣ်အဃိ, ဟဲသုဝဲဖဲမုၢ်နံၤမုၢ်သီတဖၣ်န့ၣ်လၢ သုကဘၣ်တၢ်မၤဘျါသုအဂီၢ်န့ၣ်တက့ၢ်. မ့မ့ၢ်လၢမုၢ်အိၣ်ဘှံးနံၤတနံၤန့ၣ်တဘၣ်မၤတဂ့ၤ.”

လံာ်လူၤကၣ် 20:22

စံးဘၣ်တဲဘၣ်ပှၤတက့ၢ်. ပဟ့ၣ်တၢ်ခိတၢ်သွဲဆူရိမ့ၤစီၤပၤဖးဒိၣ် အအိၣ်န့ၣ်ထီဒါပတၢ်သိၣ်တၢ်သီဧါ, တထီဒါလဲၣ်.”

လံာ်လူၤကၣ် 23:14

ဒီးစံးဘၣ်အဝဲသ့ၣ်, “သုဟဲဆှၢပှၤတဂၤအံၤဆူယအိၣ်, ဒီးစံးလၢအဝဲဒၣ်ဆှၢကမၣ်ပှၤဂီၢ်မုၢ်တဖၣ်လီၤ. ခဲကနံၣ်အံၤ, ယသမံသမိးလံအီၤဖဲအံၤလၢသုမဲာ်ညါ, ဒီးယတထံၣ်တ့ၢ်ယဲ တၢ်ကမၣ်လၢသုပာ်လၢအလိၤတဖၣ်နီတမံၤဘၣ်.

လံာ်လူၤကၣ် 23:2

ဖဲအဝဲသ့ၣ်ပာ်တၢ်ကမၣ်လၢအဝဲဒၣ်အလိၤဒီးစံး, “ပဖီၣ်န့ၢ်ပှၤတဂၤအံၤလၢအဆှၢကမၣ်ပပှၤကလုာ်, တြီအဝဲသ့ၣ်လၢအသုတဟ့ၣ်တၢ်ခိတၢ်သွဲဆူစီၤပၤဖးဒိၣ် အအိၣ်တဂ့ၤ, ဒီးစံးလီၤအသးလၢအနီၢ်ကစၢ်ဒၣ်ဝဲမ့ၢ်ခရံာ်, စီၤပၤတဂၤန့ၣ်လီၤ.”

လံာ်ယိၤဟၣ် 5:10

တၢ်မၤအသးအံၤဘၣ်ဝဲလၢပှၤယူဒၤဖိအမုၢ်အိၣ်ဘှံးနံၤ အဃိ, ပှၤယူဒၤဖိအခိၣ်အနၢ်တဖၣ်စံးဘၣ်ပှၤလၢအဘျါက့ၤ တဂၤန့ၣ်, “တနံၤအံၤမ့ၢ်မုၢ်အိၣ်ဘှံးနံၤအဃိ, နဟးစိာ်နလီၢ် မံအံၤန့ၣ်ထီဒါပတၢ်သိၣ်တၢ်သီလီၤ.”

လံာ်ယိၤဟၣ် 5:3

ပှၤဆူးပှၤဆါအါဒံအါဂၤအိၣ်မံလီၤလၢတၢ်ဒုးခိၣ်တဖၣ်အံၤ အဖီလာ်ဒီးပှၤတဖၣ်န့ၣ်မ့ၢ်ဝဲပှၤမဲာ်ဘျီၣ်, ပှၤခီၣ်ဟးဂီၤ, ဒီးပှၤသံတခီပၤတဖၣ်န့ၣ်လီၤ.

လံာ်ယိၤဟၣ် 7:23

ပှၤတဂၤမ့ၢ်ဘၣ်တၢ်ကူးတရံးအီၤလၢမုၢ်အိၣ်ဘှံးနံၤဒ်သိး စီၤမိၤၡ့အတၢ်သိၣ်တၢ်သီဘၣ်ဃးတၢ်ကူးတရံးအံၤအသု တဘၣ်တၢ်လုၣ်သ့ၣ်ခါပတာ်အီၤတဂ့ၤဒီး, ဘၣ်မနုၤအဃိသုသးဒိၣ်ယၤလၢယမၤဘျါက့ၤပှၤတဂၤ ဂ့ၤဂ့ၤဘၣ်ဘၣ်လၢမုၢ်အိၣ်ဘှံးအနံၤန့ၣ်လဲၣ်.

လံာ်ယိၤဟၣ် 8:6

အဝဲသ့ၣ်စံးတၢ်ဒ်အံၤမ့ၢ်ဒ်သိးကဖီၣ်န့ၢ်ယ့ၣ်ၡူးလၢအတၢ်ကတိၤ ဒၣ်ဝဲ, ဒီးပာ်တၢ်ကမၣ်လၢအလိၤကသ့အဂီၢ်လီၤ. ဘၣ်ဆၣ်ယ့ၣ်ၡူးသကူးလီၤအသးဝံၤဒီးကွဲးလံာ်လၢဟီၣ်ခိၣ်လိၤ လၢအစုမုၢ်စုနၢန့ၣ်လီၤ.

လံာ်ယိၤဟၣ် 9:16

ပှၤဖၤရံၤၡဲတနီၤစံးဝဲ, “ပှၤတဂၤလၢအမၤတၢ်တမံၤအံၤ တမ့ၢ်ပှၤဟဲလၢကစၢ်ယွၤအအိၣ်ဘၣ်. အဂ့ၢ်မ့ၢ်လၢ အဝဲတစူၢ်မုၢ်အိၣ်ဘှံးနံၤအတၢ်သိၣ်တၢ်သီအဃိလီၤ.” မ့မ့ၢ်အဂၤတနီၤစံးဝဲ, “ပှၤတဂၤလၢအမ့ၢ်ပှၤတၢ်ဒဲးဘးဖိန့ၣ်, မၤတၢ်လီၤလးဒ်သိးအံၤတဖၣ်ကသ့ဝဲလၢကျဲဒ်လဲၣ်.” ဒီးတၢ်လီၤမုၢ်လီၤဖးအိၣ်ထီၣ်လၢအဝဲသ့ၣ်အသိးအကျါလီၤ.