လံာ်မးသဲ 11:8 - Sgaw Karen Common Bible

⁸ မ့တမ့ၢ်ဘၣ်ဒီးမ့ၢ်သုလဲၤဒ်သိးသုကထံၣ်ဘၣ်ပှၤလၢအကူအသိး ဆှုၣ်ဆှုၣ်ဘှဲၣ်ဘှဲၣ် တဂၤန့ၣ်ဧါ. ပှၤကူပှၤသိးဒ်န့ၣ်တဖၣ်အိၣ် ဆိးဒၣ်လၢနီတဖၣ်အပူၤလီၤ.

လံာ်မးသဲ 11:8 Iomraidhean Croise

လံာ်စီၤပၤခံဘ့ၣ်တဘ့ၣ် 1:8

အဝဲသ့ၣ်စံးဆၢဝဲဒၣ်, “ပှၤတဂၤန့ၣ်ကူသိးဝဲဆ့ကၤဖးဒိၣ် တဘ့ၣ်လၢအဘၣ်တၢ်ဆးအီၤလၢဆၣ်ဖိကီၢ်ဖိအဖံး, ဒီးကံာ်တူာ်အယီၢ်ဒ့ဒီးယီၢ်တကိးတၢ်ဖံးတဘိန့ၣ်လီၤ.” စီၤပၤကိးထီၣ်ဝဲ, “ပှၤန့ၣ်မ့ၢ်ဒၣ်စီၤအ့ၤလံယၤလီၤ.”

လံာ်ယၡါယၤ 20:2

တချုးတၢ်အံၤသၢနံၣ်န့ၣ်, ယွၤစံးဘၣ်တ့ၢ်စီၤအၤမိာ်အဖိခွါ စီၤယၡါယၤလၢကဘ့ၣ်လီၤအခီၣ်ဖံးဒီးထၢၣ်တၢ်ကံးယာ်လၢ အကၤဝဲန့ၣ်လီၤ. အဝဲဒိကနၣ်ဝဲ, ဒီးဟးဝ့ၤဝီၤအိၣ်ဘ့ၣ်ဆ့ အိၣ်ဘ့ၣ်ခီၣ်န့ၣ်လီၤ.

လံာ်စကၤရယၤ 13:4

ဖဲတၢ်ဆၢကတီၢ်အဝဲန့ၣ်တုၤဃီၤန့ၣ်, ဝံလၢအပာ်ကဖၢလၢ အသးလၢအတၢ်ထံၣ်လၢညါတဖၣ်အဃိမ့ၢ်ဂ့ၤ, မၤတၢ်ဒ်ဝံတဂၤအသိးမ့ၢ်ဂ့ၤ, ကူသိးဆ့ကၤလၢအသွဲးတီၢ်ကုလၢအကလီန့ၢ်ပှၤဂီၢ်မုၢ်အဂီၢ်မ့ၢ်ဂ့ၤ, တအိၣ်ဘၣ်နီတဂၤဘၣ်.

လံာ်မးသဲ 11:7

ဖဲစီၤယိၤဟၣ်အပျဲၢ်အဘီၣ်တဖၣ်က့ၤဟးထီၣ်ဝဲန့ၣ်, ယ့ၣ်ၡူးကတိၤတၢ်ဒီး ပှၤဂီၢ်မုၢ်ဘၣ်ဃးဒီးစီၤယိၤဟၣ်အဂ့ၢ်ဒီးစံးဝဲ, “ဖဲသုလဲၤဆူပှၢ်မုၢ်ကနၢဆူစီၤယိၤဟၣ်အအိၣ်န့ၣ်, မ့ၢ်သုမုၢ်လၢ်လၢသုကထံၣ်ဘၣ်တၢ်မနုၤလဲၣ်. မ့ၢ်တပိၢ်တဘိလၢအဘၣ် တၢ်မၤဟူးဝးအီၤလၢကလံၤန့ၣ်ဧါ.

လံာ်မးသဲ 11:9

မ့မ့ၢ်ဒ်န့ၣ်ဒီး မ့ၢ်သုလဲၤလၢသုကထံၣ်ဘၣ်တၢ်မနုၤအဂီၢ်လဲၣ်. မ့ၢ်ဒ်သိးသုကထံၣ်ဘၣ်ဝံတဂၤန့ၣ်ဧါ. မ့မ့ၢ်ဒ်န့ၣ်ဒီးဘၣ်မး လီၤ. ဘၣ်ဆၣ်သုထံၣ်ဘၣ်တ့ၢ်လံပှၤလၢအဒိၣ်န့ၢ်ဒံးဝံတဂၤတက့ၢ်လီၤ.

လံာ်မးသဲ 3:4

စီၤယိၤဟၣ်ကူသိးဝဲတၢ်ကူတၢ်ကၤလၢအဘၣ်တၢ်ထါအီၤလၢကီၤလၤ အူးအဆူၣ်ဒီးအယီၢ်ဒ့န့ၣ်ဘံဃာ်ဝဲဒီးယီၢ်တကိးတၢ်ဖံးလီၤ. အဝဲအီၣ်ဝဲဒွဲၣ်ဒီးအီဝဲကနဲမံၤအစီန့ၣ်လီၤ.

လံာ်လူၤကၣ် 7:25

သုဟးထီၣ်လၢသုကထံၣ်ဘၣ်တၢ်မနုၤတမံၤအဂီၢ်လဲၣ်. ပှၤကညီလၢအကူတၢ်သိးတၢ်ဆှုၣ်ဆှုၣ်ဘှဲၣ်ဘှဲၣ်တဂၤဧါ. သပှၢ်ကတၢၢ်, ပှၤလၢအကူအကၤဒ်န့ၣ်အသိးဒီးအိၣ်မူလၢတၢ်မုာ်တၢ်လၤအပူၤတဖၣ်န့ၣ်, ဘၣ်တၢ်ထံၣ်အီၤလၢနူၢ်ပူၤစီၤပူၤလီၤ.

1 ကရံၣ်သူး 4:11

တုၤဃီၤခဲကနံၣ်အံၤ, ပသၣ်ဝံၤလီၤဒိဒီးတၢ်သူပသးလၢထံလီၤ. ပကူပသိးတၢ်ယာ်ဘုၣ်ယာ်ဖျ့, တၢ်တီၢ်ပှၤဝ့ၤပှၤ, ပဟးဝ့ၤဝီၤဆူအံၤဆူဘး

၂ ကရံၣ်သူး 11:27

ယဘၣ်ဖံးဘၣ်မၤတ့ၢ်တၢ်ကိၢ်ကိၢ်ဂီၤဂီၤ, လီၤဘှံးလီၤ တီၤ, အါစုအါဘျီတၢ်မံတၢ်ဂဲၤလီၤမၢ်ကွံာ်လၢယဂီၢ်, တၢ်သၣ်ဝံၤယသးဒီးတၢ်သူတ့ၢ်ယသးလၢထံအါစု အါဘျီယတအီၣ်ဘၣ်အီဘၣ်လၢအီၣ်လၢအီ, ယတဒိးန့ၢ်ဘၣ်တၢ်အိၣ်ကဒုအလီၢ်ဒီးတၢ်ကူတၢ်ကၤလၢလၢ ပှဲၤပှဲၤဘၣ်လီၤ.

လံာ်သိၣ်လီၤသီလီၤတၢ် 28:54

ပှၤအိၣ်ဖျဲၣ်လၢတူၢ်ဒိၣ်ကီၤဒိၣ်, ပှၤပိာ်ခွါလၢအလုၢ်ဂ့ၤလၢ်ဝါ ကတၢၢ်တဂၤဒၣ်လဲာ်, ကဘၣ်ကီဘၣ်ခဲနးမးလၢတၢ်မုၢ်လၢ်လၢာ်ကွံာ်လၢတၢ်အီၣ်အဃိဖဲတၢ် ကဝီၤဃာ်ဝ့ၢ်အဆၢကတီၢ်အံၤတုၤအဝဲကအီၣ်ကွံာ်အဖိဒၣ်ဝဲတဖၣ် အကျါတနီၤ, မ့ၢ်လၢအဝဲတအိၣ်ဒီးတၢ်အီၣ်အဂ့ၤနီတမံၤဘၣ်အဃိန့ၣ်လီၤ.

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”