လံာ်မးသဲ 11:6 - Sgaw Karen Common Bible

⁶ ပှၤလၢအသးတဒ့ဒီဘၣ်လၢတၢ်နာ်ယၤအပူၤတဖၣ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.”

လံာ်မးသဲ 11:6 Iomraidhean Croise

စံးထီၣ်ပတြၢၤ 119:1

ပှၤလၢအလဲၤတၢ်လၢယွၤတၢ်သိၣ်တၢ်သီအပူၤ, ဒီးအကျဲတအိၣ်ဘၣ်ဒီးတၢ်ကမၣ်န့ၣ်, ဘၣ်ဆိၣ်ဂ့ၤဝဲလီၤ.

လံာ်မးသဲ 13:21

ဘၣ်ဆၣ်ဒီး, အဂံၢ်တယိာ်ဘၣ်သတးဒီး, တမူယံာ်ယံာ်ဘၣ်. တုၤတၢ်နးတၢ်ဖှီၣ်ဒီး တၢ်မၤအၢမၤနးအိၣ်ထီၣ်လၢတၢ်ကစီၣ် အဃိဒီး, အဝဲသ့ၣ်အသးဟးဂီၤတဘျီဃီလီၤ.

လံာ်မးသဲ 18:7

ဟီၣ်ခိၣ်ဘၣ်အဖှီၣ်လၢတၢ်အိၣ်ဝဲတနီၤလၢအမၤဟးဂီၤပှၤကညီ အတၢ်စူၢ်တၢ်နာ်ယွၤန့ၣ်လီၤ. တၢ်ဒ်သိးအံၤကအိၣ်ဒၣ်ထီဘိလီၤ. ဘၣ်ဆၣ်ဒီး, ပှၤလၢအဒုးအိၣ်ထီၣ်တၢ်တဖၣ်အံၤတဂၤန့ၣ်, ကဘၣ်အဖှီၣ်ဆံးဒိၣ်လဲၣ်.

လံာ်မးသဲ 24:10

တုၤနုၤတစု, ပှၤအါဂၤကညိကွံာ်အတၢ်စူၢ်တၢ်နာ်ဖဲအကတီၢ်န့ၣ်လီၤ. အဝဲသ့ၣ်ကဆါလီၤအီၣ်ကွံာ်အသးတဂၤဒီးတဂၤဒီးကသးဟ့လိာ် အသးသကိးသကိးလီၤ.

လံာ်မးသဲ 26:31

တုၤနုၤတစု, ယ့ၣ်ၡူးစံးဘၣ်အဝဲသ့ၣ်, “တနၤအံၤ, သုဝဲခဲလၢာ် သုကဃ့ၢ်သဒၣ်ကွံာ်ဒီးပာ်တ့ၢ်ယၤလီၤ. အဂ့ၢ်ဒ်အံၤ, တၢ်ကွဲးအသးစံးဝဲ, ‘ကစၢ်ယွၤကမၤသံပှၤကွၢ်သိ, ဒီးသိလၢသိကရၢၢ်အပူၤတဖၣ်ကလီၤပြံလီၤပြါလီၤ.’

လံာ်မးသဲ 5:29

နမဲာ်ချံအထွဲတခီမ့ၢ်ဒုးလီၤဃံၤနၤလၢတၢ်ဒဲးဘးအပူၤဒီး ခွဲးထုးထီၣ်အီၤဒီးစူးကွံာ်အီၤတက့ၢ်. နက့ၢ်နဂီၤတမံၤမံၤမ့ၢ်တအိၣ်လၢၤဘၣ်ဒီးနၤန့ၣ်, ဂ့ၤဒိၣ်န့ၢ်ဒံးနနီၢ်ကစၢ်ဒီဂၤညါဘၣ်တၢ်တ့ၢ်လီၤကွံာ်အီၤဆူ လရာ်အပူၤတက့ၢ်လီၤ.

လံာ်မၢ်ကူး 6:3

ပှၤအံၤတမ့ၢ်ပှၤစုသ့တဂၤလၢအမ့ၢ်နီၢ်မၤရံအဖိခွါ, လၢအဒီပုၢ်ဝဲၢ်ဒီးစီၤယၤကိာ်, စီၤယိၤစ့, စီၤယူဒၤဒီးစီၤၡံမိၣ်တဖၣ်န့ၣ်ဘၣ်ဧါ. ဒီးအဒီပုၢ်ဝဲၢ်မုၣ်တဖၣ်အိၣ်ဒၣ်လၢပသိးပကျါဖဲအံၤလီၤတမ့ၢ် ဘၣ်ဧါ. ဒီးအဝဲသ့ၣ်အသးက့ၣ်ယ့ၣ်ၡူးဒီးတပာ်ကဲလၢၤအီၤဘၣ်.”

လံာ်လူၤကၣ် 2:34

စီၤစူၤမ့းအိၣ်ဆိၣ်ဂ့ၤအဝဲသ့ၣ်ဒီးစံးဘၣ်ဖိသၣ်အမိၢ်, နီၢ်မၤရံ, “ဖိသၣ်အဝဲအံၤဘၣ်တၢ်ဃုထၢတ့ၢ်အီၤလၢကစၢ်ယွၤ လၢတၢ်မၤဟးဂီၤဒီးတၢ်အုၣ်က့ၤခီၣ်က့ၤပှၤအါဒံအါဂၤလၢ အံၣ်စရ့လးအပူၤအဂီၢ်န့ၣ်လီၤ. အဝဲဒၣ်ကမ့ၢ်တၢ်ပနီၣ်တခါလၢ ကစၢ်ယွၤအအိၣ်လၢပှၤအါဒံအါဂၤကကတိၤထီဒါဝဲ,

လံာ်လူၤကၣ် 7:23

ပှၤလၢအသးတဒ့ဒီလၢယဂ့ၢ်တဖၣ်န့ၣ်, ဘၣ်ဆိၣ်ဂ့ၤဝဲဆံးဒိၣ်လဲၣ်.”

လံာ်ယိၤဟၣ် 16:1

ယစံးဘၣ်တဲဘၣ်တ့ၢ်သုတၢ်ခဲလၢာ်အံၤ, ဒ်သိးသုသုတညိကွံာ်သုတၢ်စူၢ်တၢ်နာ်တဂ့ၤအဂီၢ်န့ၣ်လီၤ.

လံာ်ယိၤဟၣ် 6:66

လၢတၢ်အံၤအဃိ, ယ့ၣ်ၡူးအပျဲၢ်အဘီၣ်အါဂၤက့ၤကဒါ က့ၤဒီးတပိာ်လၢၤအခံဘၣ်န့ၣ်လီၤ.

1 ကရံၣ်သူး 2:14

ပှၤတဂၤလၢ်လၢ်လၢအတအိၣ်ဒီးကစၢ်ယွၤအသးစီဆှံန့ၣ်, ဒိးန့ၢ်ဘၣ်တၢ်ဟ့ၣ်တဖၣ်လၢအဟဲလၢကစၢ်ယွၤအသးစီဆှံ အအိၣ်န့ၣ်တသ့ဘၣ်. ပှၤဒ်န့ၣ်အသိးတဂၤန့ၣ်, တနၢ်ပၢၢ်တၢ်ဟ့ၣ်သ့ၣ်တဖၣ်န့ၣ်အဂ့ၢ်နီၢ်နီၢ်ဘၣ်. လၢအဝဲဒၣ်အဂီၢ်, တၢ်သ့ၣ်တဖၣ်န့ၣ်မ့ၢ်တၢ်လၢအခီပညီတအိၣ်ဘၣ်. အဂ့ၢ်မ့ၢ်လၢအဝဲသ့ၣ်အလုၢ်အပှ့ၤဘၣ်တၢ်သ့ၣ်ညါနၢ်ပၢၢ်အီၤသ့ဒၣ် ထဲလၢသူၣ်လၢသးတကပၤအဃိန့ၣ်လီၤ.

ကလၤတံ 5:11

မ့မ့ၢ်ယဲဒၣ်အံၤ, ယဒီပုၢ်ဝဲၢ်သ့ၣ်ဧၢ, ယမ့ၢ်စံၣ်တဲၤတဲလီၤဒံးလၢ တၢ်ဒိးတၢ်ကူးတရံးအလီၢ်အိၣ်န့ၣ်, ဘၣ်မနုၤအဃိ ပှၤမၤအၢမၤနးဒံးယၤလဲၣ်. မ့မ့ၢ်ဒ်န့ၣ်ဒီး, ယတၢ်စံၣ်တဲၤတဲလီၤဘၣ်ဃးခရံာ်အထူၣ်စုညါတဒုးအိၣ်ထီၣ် တၢ်ကီတၢ်ခဲဘၣ်.

၁ ပ့းတရူး 2:8

ဒီးတၢ်ကွဲးအသးအဂၤတတီၤစံးဝဲ, “လၢၢ်အံၤကမ့ၢ်လၢၢ်လၢကမၤဘၣ်တိၢ်ပှၤအခီၣ်, လၢၢ်လၢကဒုးလီၤဃံၤပှၤန့ၣ်လီၤ.” အဝဲသ့ၣ်အခီၣ်ဘၣ်တိၢ်မ့ၢ်လၢအဝဲသ့ၣ်တနာ်တၢ်ကလုၢ် အဃိလီၤ. တၢ်ဒ်အံၤမ့ၢ်ကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်လီၤ.