လံာ်မးသဲ 11:28 - Sgaw Karen Common Bible

²⁸ ပှၤလၢတၢ်ဘှံးအသးဒီးဝံတၢ်ယိးတၢ်ဃၢခဲလၢာ်သ့ၣ်သုဧၢ, ဟဲဆူယအိၣ်တက့ၢ်. ဒီးယကဒုးအိၣ်ဘှံးသုလီၤ.

လံာ်မးသဲ 11:28 Iomraidhean Croise

လံာ်စီၤယိၤဘး 14:1

ပဝဲခဲလၢာ်ပအိၣ်ဖျဲၣ်ထီၣ်ဒ်တၢ်ဂံၢ်စၢ်ဘါစၢ်ဒီးပမၤစၢၤလီၤ ပသးတသ့ဘၣ်. ပတၢ်အိၣ်မူမ့ၢ်ဒၣ်စှၤသီဒီးပှဲၤဝဲဒီးတၢ်ကိၢ် တၢ်ဂီၤန့ၣ်လီၤ.

လံာ်စီၤယိၤဘး 5:7

မ့မ့ၢ်ပှၤကညီဒုးအိၣ်ထီၣ်တၢ်ကိၢ်တၢ်ဂီၤလၢအဂီၢ်ဒၣ်ဝဲ, မၤသးသပှၢ်တၢၢ်ဒ်မ့ၣ်အူဖီလၢအဒံကွံာ်ဆူထးဟဲလၢ မ့ၣ်အူအသိးန့ၣ်လီၤ.

စံးထီၣ်ပတြၢၤ 116:7

ယသးဧၢ, သးဒ့ဒီတဂ့ၤ အဂ့ၢ်ဒ်အံၤယွၤမၤဂ့ၤတ့ၢ်လံနၤလံ.

စံးထီၣ်ပတြၢၤ 32:4

ယွၤဧၢ, နသိၣ်ဃီၣ်ယၤလၢမုၢ်ဆါဒီးလၢမုၢ်နၤလီၤ. ယဂံၢ်ယဘါလၢာ်ကွံာ်လံလၢာ်လၢာ်ဆ့ဆ့ ဒ်တၢ်ဘၣ်စီၣ်ဃ့ထီကွံာ်ခီဖျိ တၢ်ကိၢ်ခါအတၢ်ကိၢ်အသိးန့ၣ်လီၤ. စ့လၤ

စံးထီၣ်ပတြၢၤ 38:4

ယတၢ်ဒဲးဘးလုၣ်ဘၢကွံာ်ယၤ ဒီးမ့ၢ်တၢ်ဝံတၢ်ယိးလၢအဃၢကဲၣ်ဆိးလၢ ယကယိးအီၤအဂီၢ်န့ၣ်လီၤ.

စံးထီၣ်ပတြၢၤ 94:13

နဟ့ၣ်အီၤတၢ်အိၣ်ဘှံး လၢတၢ်ကိၢ်တၢ်ဂီၤအမုၢ်နံၤတဖၣ်အပူၤန့ၣ် နဒုးအိၣ်ဘှံးအီၤ, တုၤလီၤလၢတၢ်ပူၤတပူၤဘၣ်တၢ်ခူၣ်အီၤလၢ တၢ်ကဖီၣ်န့ၢ်ပှၤတတီတလိၤအဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 1:14

ယထံၣ်တ့ၢ်တၢ်ခဲလၢာ်လၢတၢ်မၤတ့ၢ်လံအီၤလၢဟီၣ်ခိၣ်အံၤ, ဒီးယစံးဘၣ်နၤ, တၢ်ခဲလၢာ်န့ၣ်အဘျုးတအိၣ်ဘၣ်. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:8

တၢ်ခဲလၢာ်ဆှၢတၢ်ဆူတၢ်ဘှံးသူၣ်တီၤသးအပူၤ, တၢ်ဘှံးသူၣ်တီၤသးလၢအဒိၣ်ကဲၣ်ဆိးတုၤပတဲလၢတၢ်ကတိၤ တဖၣ်တသ့ဘၣ်န့ၣ်လီၤ. ပမဲာ်ချံတဖၣ်ကွၢ်တၢ်သနာ်က့, တလၢကွၢ်ဘၣ်. ပနၢ်တဖၣ်တလၢနၢ်ဟူတၢ်ဘၣ်.

လံာ်ပှၤစံၣ်တဲၤတဲလီၤတၢ် 4:8

တၢ်အံၤမ့ၢ်ပှၤအိၣ်ဝဲတဂၤလၢအအိၣ်ဒၣ်ထဲတဂၤဧိၤန့ၣ်လီၤ. အဖိခွါတအိၣ်, အဒီပုၢ်ဝဲၢ်တအိၣ်နီတဂၤသနာ်က့အဝဲမၤတၢ်တထံၣ် ဃီဒီးတသးမံဒံးဝဲလၢတၢ်ထူးတၢ်တီၤလၢအအိၣ်ဒီးအီၤန့ၣ် ဘၣ်. မ့ၢ်အဝဲမၤတၢ်ဆူၣ်ထဲအံၤညါဒီးညိကွံာ်အတၢ်မုာ်လၤသးဖှံလၢ မတၤတဂၤအဂီၢ်န့ၣ်လဲၣ်. အအံၤစ့ၢ်ကီးမ့ၢ်တၢ်လၢအဘျုးတအိၣ်ဘၣ်ဒီးမ့ၢ်တၢ်ဘၣ်ကိၢ်ဘၣ် ဂီၤအတၢ်အိၣ်မူန့ၣ်လီၤ.

လံာ်ယၡါယၤ 1:4

ပှၤတၢ်ဒဲးဘးဖိတကလုာ်, ပှၤဟးဂီၤဒီးပှၤအၢပှၤသီသ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုတၢ်ဒဲးဘးတဖၣ်ထုး လီၤသုဒီးသုတတူၢ်လိာ်ကစၢ်, အံၣ်စရ့လးအကစၢ်ယွၤစီဆှံ ဘၣ်, ဒီးသုဒီသုချၢလၢအီၤလီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 28:12

အဝဲဟ့ၣ်တ့ၢ်သုတၢ်အိၣ်ဘှံးဒီးတၢ်မၤမုာ်လၢသုဝဲခဲလၢာ်အဂီၢ်, ဘၣ်ဆၣ်ဒီးသုဂ့ၢ်လိာ်တ့ၢ်လၢသုကဒိကနၣ်အီၤလီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်ယံးရမံယၤ 31:25

ယကမၤဆူၣ်ထီၣ်က့ၤ ပှၤလၢသူၣ်လီၤဘှံးသးလီၤ တီၤတဖၣ်ဒီး ပှၤတဂၤလၢ်လၢ်လၢ အဂံၢ်အဘါစၢ်လီၤ ဝဲလၢ အသူၣ်ဝံၤသၣ်စ့ၤ အဃိန့ၣ်, ယကမၤသူၣ်မံသးမံ အဝဲသ့ၣ်ဒီး တၢ်အီၣ်တၢ်အီန့ၣ်လီၤ.

လံာ်ယံးရမံယၤ 35:16

စီၤယိၤနဒာ်အစၢၤအသွဲၣ်တဖၣ် စူၢ်တ့ၢ်တၢ်မၤလိာ် လၢအမိၢ်ပၢ်ဖံဖုလၢပျၢၤတဖၣ် ဟ့ၣ်လီၤတ့ၢ် အဝဲသ့ၣ်, ဘၣ် ဆၣ်ဒီး သုဝဲပှၤဂီၢ်မုၢ်သုတစူၢ်ယၤဘၣ်.

လံာ်ယံးရမံယၤ 6:16

ယွၤစံးဘၣ်တ့ၢ်အပှၤဂီၢ်မုၢ်, “ဆၢထၢၣ်ဖဲကျဲဘၣ်သဂၢၢ်လိာ်သးဒီးကွၢ်တၢ်တက့ၢ်. သံကွၢ်က့ၤကျဲဖိလၢပျၢၤတဖၣ်ဒီး, ကျဲမုၢ်အဂ့ၤကတၢၢ်အိၣ်ဝဲဖဲလဲၣ်န့ၣ်တက့ၢ်. လဲၤတၢ်လၢအပူၤဒီး သုကအိၣ်မူဘၣ်လၢတၢ်ဃူတၢ်မုာ်အပူၤန့ၣ်လီၤ.” ဘၣ်ဆၣ်ဒီးအဝဲသ့ၣ်စံးဝဲ, “ပတလဲၤပိာ်ဘၣ်.”

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

လံာ်မးသဲ 23:4

အဝဲသ့ၣ်စၢထီၣ်တၢ်ဝံဃၢတဖၣ်လၢပှၤဝံအီၤကီလၢပှၤအဖံဘၣ် ခိၣ်ဘၣ်ဆၣ်ဒီး, လၢကစိာ်စၢၤပှၤအတၢ်ဝံတၢ်ယိးတဖၣ်အဂီၢ်တခီ, အစုမုၢ်စုနၢဖိတဘိဒၣ်လဲာ်တသးအိၣ်ယူာ်ဃီၤဝဲဘၣ်.

လံာ်ယိၤဟၣ် 6:37

ကယဲၢ်ပှၤလၢယပၢ်ဟ့ၣ်လီၤယၤတဖၣ်န့ၣ်ကဟဲဆူယအိၣ် လီၤ. ဒီးပှၤလၢအဟဲဆူယအိၣ်တဖၣ်န့ၣ်ယတဟီထီၣ်ကွံာ် အီၤနီတဂၤဘၣ်.

လံာ်ယိၤဟၣ် 7:37

ဒီးလၢဘူၣ်လၢခံကတၢၢ်တနံၤ ဒီးအကါဒိၣ်ကတၢၢ်တနံၤ န့ၣ်, ယ့ၣ်ၡူးဆၢထၢၣ်ဒီးကတိၤတၢ်လၢအကလုၢ်ဖးဒိၣ်ဒီးစံးဝဲ, “ပှၤတဂၤလၢ်လၢ်လၢတၢ်သူအသးလၢထံန့ၣ်မ် အဟဲဆူယအိၣ်ဒီးအီထံတက့ၢ်.”

မၤတၢ် 15:10

မ့မ့ၢ်ဒ်န့ၣ်ဒီး, ဘၣ်မနုၤအဃိသုအဲၣ်ဒိးမၤကွၢ်ကစၢ်ယွၤခီဖျိသုပာ်ထီၣ် တၢ်ဝံတၢ်ယိးလၢပမိၢ်ပၢ်ဖံဖုလၢပျၢၤမ့ၢ်ဂ့ၤ, ပဝဲဒၣ်မ့ၢ်ဂ့ၤ, ပဝံပယိးအီၤတန့ၢ်ဘၣ်န့ၣ်, လၢပှၤစူၢ်က့ၤနာ်က့ၤတၢ်တဖၣ်အံၤ အလိၤန့ၣ်လဲၣ်.

မၤတၢ် 20:35

လၢတၢ်ကိးမံၤဒဲးအပူၤန့ၣ်, ယဒုးနဲၣ်တ့ၢ်သုလၢပကဘၣ်မၤတၢ်ဆူၣ်ဆူၣ်လၢတၢ်မၤစၢၤ ပှၤဂံၢ်စၢ်ဘါစၢ်တဖၣ်အဂီၢ်ဒီးတဘျီဃီသ့ၣ်နီၣ်ထီၣ်ကစၢ် ယ့ၣ်ၡူးအတၢ်ကတိၤလၢအစံးဝဲ, ‘ဟ့ၣ်တၢ်န့ၣ်ဘၣ်ဆိၣ်ဂ့ၤအါန့ၢ်ဒံးဒိးန့ၢ်တၢ်တက့ၢ်လီၤ.’

ကလၤတံ 5:1

တၢ်လၢအအိၣ်ဒီးပှၤန့ၣ်မ့ၢ်တၢ်သဘျ့လီၤ. ခရံာ်ဒုးထူၣ်ဖျဲးထီၣ် ကွံာ်ပှၤလံ. လၢတၢ်န့ၣ်အဃိဒ်ပှၤသဘျ့တဖၣ်အသိး, အိၣ်ဂၢၢ်ဆိးကျၢၤဒီးသုတပျဲပှၤဒုးကဲထီၣ်ကဒီးသုလၢ ကုၢ်တဂ့ၤ.

၂ သ့းစၤလနံ 1:7

အဝဲဒၣ်ကမၤမုာ်ထီၣ်က့ၤသုဝဲလၢအတူၢ်ဘၣ်တၢ်နး တၢ်ဖှီၣ်, ဒီးပဝဲဒၣ်စ့ၢ်ကီးလီၤ. အဝဲဒၣ်ကမၤတၢ်အံၤဖဲကစၢ်ယ့ၣ်ၡူးအိၣ်ဖျါထီၣ်လၢမူခိၣ်ဃုာ် ဒီးအကလူးလၢအအိၣ်ဒီးအစိအကမီၤတဖၣ်,

ဧ့ၤဘြံၤ 4:1

လၢတၢ်န့ၣ်အဃိဖဲကစၢ်ယွၤအတၢ်စံးပာ်ဘၣ်ဃးဒီးတၢ်လဲၤ နုာ်ဆူအတၢ်အိၣ်ဘှံးအပူၤအိၣ်ဒံးဝဲလၢပဂီၢ်အဖၢမုၢ်အံၤ, မ်ပကပလီၢ်ပသးဒ်သိးပသုတဘၣ်တၢ်ထံၣ်န့ၢ်ပှၤလၢပလီၤ တိၢ်ကွံာ်လၢတၢ်ဒိးန့ၢ်ဘၣ်တၢ်အိၣ်ဘှံးအဝဲန့ၣ်နီတဂၤတဂ့ၤ အဂီၢ်န့ၣ်တက့ၢ်.

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.