လံာ်မးသဲ 11:21 - Sgaw Karen Common Bible

²¹ “ဝ့ၢ်ဃၤရၤစံၣ်ဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. ဝ့ၢ်ဘ့ၤသစဲဒၤဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. တၢ်လီၤလးတဖၣ်လၢအဘၣ်တၢ်မၤတ့ၢ်အီၤလၢသုပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်ထါယၢၣ်ဒီးဝ့ၢ်စံဒိၣ်အပူၤဒီး, ပှၤဝ့ၢ်ဖိတဖၣ်ကကူထီၣ်သိးထီၣ်တ့ၢ်ထၢၣ်တၢ်ကံးယာ် ဒီးဖှံလီၤတ့ၢ်အသးဒီးဖၣ်ဆါဒ်သိးကပာ်ဖျါထီၣ် အတၢ်ပီၢ်ယၢ်လီၤက့ၤအသးဃဲးဃဲးလံန့ၣ်လီၤ.

လံာ်မးသဲ 11:21 Iomraidhean Croise

လံာ်စီၤယိၤဘး 42:6

မၤသးဒ်န့ၣ်, ဒီးယမဲာ်ဆှးလၢကယဲၢ်တၢ်လၢယစံးတ့ၢ်ယဲ ဒီးပီၢ်ယၢ်လီၤက့ၤယသးလၢဟီၣ်ခိၣ်ကမူၣ်ဒီးဖၣ်ဆါအကျါလီၤ.

လံာ်ယံးရမံယၤ 13:27

အဝဲထံၣ်တ့ၢ်နမၤတၢ်တဖၣ်လၢအဝဲသးဟ့ဝဲန့ၣ်လီၤ. အဝဲထံၣ်တ့ၢ်နလူၤပိာ်ထွဲပှၤတစူၢ်တနာ်ယွၤ အကစၢ်တဖၣ်အခံလၢတၢ်လူၢ်ဒီခိၣ်တဖၣ်ဒီးလၢစံာ်ပျီပူၤတဖၣ်, ဒ်ပှၤတဂၤလၢအသးကတၢထီၣ်ထွဲပှၤလၢအဃၢၤအမါအခံအသိးမ့ၢ်ဂ့ၤ, ကသ့ၣ်ဖါတဒုလၢအလူၤထွဲကသ့ၣ်မိၢ်တဒုအခံအသိးမ့ၢ်ဂ့ၤန့ၣ်လီၤ. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. မ့ၢ်သုကကဆှီထီၣ်အခါဖဲလဲၣ်.”

လံာ်ယိၤအ့လး 3:4

ဝ့ၢ်ထါယၢၣ်, ဝ့ၢ်စံဒိၣ်ဒီးကယဲၢ်လီၢ်ကဝီၤလၢကီၢ်ဖလ့ၡသးသ့ၣ်ဧၢ, သုကမၤယၤဒ်လဲၣ်. သုကျဲးစၢးလၢသုကမၤဆၢကဒါက့ၤယၤလၢ တၢ်တမံၤမံၤအဂီၢ်န့ၣ်ဧါ. သုမ့ၢ်မၤဒီး, ယကမၤဆၢကဒါက့ၤသုချ့ချ့ ကလဲာ်လီၤ.

လံာ်ဧၤမိၣ် 1:9

ဒီးယွၤစံးဝဲဒၣ်, “ပှၤဝ့ၢ်ထါယၢၣ်ဖိတဖၣ်မၤတ့ၢ်လံတၢ်ဒဲး ဘးတဘျီဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ် ကတၢၢ်န့ၣ်လီၤ. အဝဲသ့ၣ်စိာ်မၢကဲကုၢ်ကွံာ်ပှၤကီၢ်ဖိဒီတကီၢ် ညါဒ်ကုၢ်အသိးဆူကီၢ်အဒိၣ်အပူၤ, ဒီးတဟံးဃာ်ဘၣ်တၢ်ရ့တံၤရ့သကိးအတၢ်အၢၣ်လီၤလၢအမၤတ့ၢ်ဝဲ န့ၣ်ဘၣ်.

လံာ်မးသဲ 11:22

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ် ကစၢ်ယွၤကပာ်ဖျါထီၣ်အတၢ်သးကညီၤလၢ ပှၤဝ့ၢ်ထါယၢၣ်ဖိဒီးပှၤဝ့ၢ်စံဒိၣ်ဖိတဖၣ် အဖီခိၣ်အါန့ၢ်ဒံးအကပာ်ဖျါထီၣ်ဝဲလၢ သုဖီခိၣ်တက့ၢ်လီၤ.

လံာ်မးသဲ 15:21

ယ့ၣ်ၡူးဟးထီၣ်ဖဲန့ၣ်, ဒီးလဲၤဝဲဆူတၢ်လီၢ်လၢအအိၣ်ဘူးဒီးဝ့ၢ်ထါယၢၣ် ဒီးစံဒိၣ်တဖၣ်လီၤ.

လံာ်မးသဲ 18:7

ဟီၣ်ခိၣ်ဘၣ်အဖှီၣ်လၢတၢ်အိၣ်ဝဲတနီၤလၢအမၤဟးဂီၤပှၤကညီ အတၢ်စူၢ်တၢ်နာ်ယွၤန့ၣ်လီၤ. တၢ်ဒ်သိးအံၤကအိၣ်ဒၣ်ထီဘိလီၤ. ဘၣ်ဆၣ်ဒီး, ပှၤလၢအဒုးအိၣ်ထီၣ်တၢ်တဖၣ်အံၤတဂၤန့ၣ်, ကဘၣ်အဖှီၣ်ဆံးဒိၣ်လဲၣ်.

လံာ်မးသဲ 26:24

ပှၤကညီဖိခွါအံၤကဘၣ်သံဝဲ ဒ်တၢ်ကွဲးအသးစီဆှံစံးတ့ၢ်ဝဲ အသိးလီၤ. ဘၣ်ဆၣ်ဒီး, ပှၤကညီလၢအဆါလီၤကွံာ်ပှၤကညီဖိခွါအံၤကဘၣ်အဖှီၣ်ဆံးဒိၣ် လဲၣ်. အဝဲမ့ၢ်တအိၣ်ဖျဲၣ်ထီၣ်ဘၣ်န့ၣ်, ကဂ့ၤဒိၣ်ဒၣ်တၢ်တက့ၢ်လၢအဂီၢ်လီၤ.”

လံာ်မၢ်ကူး 3:8

လၢဝ့ၢ်ယရူၤၡလ့ၣ်, လၢကီၢ်အဒိၣ်, လၢကီၢ်အိၣ်လၢယၢ်ဒ့ၣ်မုၢ်ထီၣ်တကပၤဒီးတၢ်လီၢ်တၢ်ကျဲအိၣ်ဘူး အိၣ်တံၢ်ဒီးဝ့ၢ်ထါယၢၣ်ဒီးဝ့ၢ်စံဒိၣ်တဖၣ်လီၤ. ပှၤသ့ၣ်တဖၣ်အံၤဟဲဝဲဆူယ့ၣ်ၡူးအအိၣ်မ့ၢ်လၢအဝဲသ့ၣ်နၢ်ဟူ ဘၣ်တ့ၢ်လံတၢ်တဖၣ်လၢအဝဲဒၣ်မၤဝဲအဃိလီၤ.

လံာ်မၢ်ကူး 6:45

တၢ်န့ၣ်ဝံၤတဘျီဃီ, ယ့ၣ်ၡူးမၤလိာ်ဆူၣ်အပျဲၢ်အဘီၣ်တဖၣ်လၢအကလဲၤနုာ်လီၤဆူချံ ပူၤဒီးလဲၤပာ်လၢအဝဲအမဲာ်ညါဆူဝ့ၢ်ဘ့ၤသစဲဒၤ, အိၣ်လၢပီၣ်လဲၣ်ကၤလံၤလါဝၢ်ဘးခီ, ဖဲအဝဲဒၣ်ပျၢ်ကွံာ်ပှၤဂီၢ်မုၢ်တဖၣ်ဆူအဟံၣ်အဃီဒၣ်ဝဲအကတီၢ် န့ၣ်လီၤ.

လံာ်မၢ်ကူး 7:24

အန့ၣ်ဝံၤယ့ၣ်ၡူးဟးထီၣ်ဖဲန့ၣ်ဒီးလဲၤဝဲဆူတၢ်လီၢ်ကဝီၤအိၣ်ဘူး ဒီးဝ့ၢ်ထါယၢၣ်ဒီးစံဒိၣ်လီၤ. လဲၤနုာ်ဝဲဆူဟံၣ်တဖျၢၣ်အပူၤ, ဒီးတအဲၣ်ဒိးလၢပှၤကသ့ၣ်ညါ န့ၢ်အီၤလၢအဝဲအိၣ်ဖဲန့ၣ်ဘၣ်. ဘၣ်ဆၣ်ဒီးအိၣ်ဝဲလၢတၢ်ခူသူၣ်ပူၤတန့ၢ်ဘၣ်.

လံာ်မၢ်ကူး 7:31

အန့ၣ်ဝံၤယ့ၣ်ၡူးဟးထီၣ်လၢတၢ်လီၢ်ကဝီၤဘူးဒီးဝ့ၢ်ထါယၢၣ်, လဲၤခီဖျိဝ့ၢ်စံဒိၣ်ဆူပီၣ်လဲၣ်ကၤလံၤလါ, ဒီးလၢကျဲန့ၣ်လဲၤခီဂာ်ဘၣ်ဝဲဒ့းကၤပလံၣ်လၢအမ့ၢ်ဝ့ၢ် အဖျၢၣ်တဆံအတၢ်ပၢန့ၣ်လီၤ.

လံာ်မၢ်ကူး 8:22

ယ့ၣ်ၡူးဒီးအပျဲၢ်အဘီၣ်တဖၣ်လဲၤတုၤဝဲလၢသဝီဘ့ၤသစဲဒၤ ဒီးပှၤတနီၤဟဲစိာ်ပှၤမဲာ်ဘျီၣ်တဂၤဆူယ့ၣ်ၡူးအအိၣ်ဒီးဃ့ ကညးအီၤလၢအကထိးဘၣ်ပှၤတဂၤအံၤလၢအစုန့ၣ်လီၤ.

လံာ်လူၤကၣ် 4:26

ဘၣ်ဆၣ်ဒီးဝံအ့ၤလံယၤတဘၣ်တၢ်ဆှၢလီၤအီၤဆူ ပှၤလၢကီၢ်အံၣ်စရ့လးအပူၤနီတဂၤအအိၣ်ဘၣ်. မ့မ့ၢ်အဝဲဘၣ်တၢ်ဆှၢလီၤဒၣ်အီၤဆူမုၣ်ကမဲအိၣ်ဖဲ ဝ့ၢ်စၤရဖၤသးဘၣ်ဃးဒီးကီၢ်စံဒိၣ်တဂၤအအိၣ်လီၤ.

လံာ်လူၤကၣ် 6:17

ယ့ၣ်ၡူးဟဲက့ၤလီၤဒီးတၢ်မၢဖိတဖၣ်လၢတၢ်လူၢ်ခိၣ်လီၤ. ဒီးဆၢထၢၣ်သကိးဒီးအပျဲၢ်အဘီၣ်ဂီၢ်မုၢ်ဂီၢ်ပၤဖဲတၢ်လီၢ်လၢ အပၢၤတတီၤလီၤ. ပှၤအိၣ်ဝဲဒၣ်ဖဲန့ၣ်အါအါဂီၢ်ဂီၢ်လၢ အဟဲလၢကီၢ်ယူဒၤဒီဘ့ၣ်ညါ, ဒီးလၢယရူၤၡလ့ၣ်ဒီးလၢပီၣ်လဲၣ်ကၢၢ်နံၤအဝ့ၢ်တဖၣ်လၢ အမ့ၢ်ဝဲဝ့ၢ်ထါယၢၣ်ဒီးဝ့ၢ်စံဒိၣ်န့ၣ်လီၤ.

လံာ်လူၤကၣ် 9:10

ပှၤတၢ်မၢဖိတဖၣ်ဟဲက့ၤဒီးစံးဘၣ်တဲဘၣ်ယ့ၣ်ၡူး ကယဲၢ်တၢ်လၢအဝဲသ့ၣ်မၤတ့ၢ်ဝဲခဲလၢာ်လီၤ. အဝဲဒၣ်ကိးအဝဲသ့ၣ်ဒီးလဲၤဒၣ်ထဲအဝဲသ့ၣ်တဖုဧိၤဆူ ဝ့ၢ်တဖျၢၣ်လၢအမံၤမ့ၢ်ဝဲဘ့ၤသစဲဒၤလီၤ.

လံာ်ယိၤဟၣ် 1:44

(စီၤဖံလံးပူးမ့ၢ်ပှၤဘၣ်ဃးဒီးဝ့ၢ်ဘ့ၤသစဲဒၤ, ဝ့ၢ်လၢစီၤအၣ်ဒရ့းဒီးစီၤပ့းတရူးအိၣ်လၢအပူၤန့ၣ်လီၤ.)

လံာ်ယိၤဟၣ် 12:21

အဝဲသ့ၣ်လဲၤဆူစီၤဖံလံးပူး (ပှၤဝ့ၢ်ဘ့ၤသစဲဒၤဖိလၢကီၢ်ကၤလံၤလါ) အအိၣ်ဒီးစံးဘၣ်အီၤ, “တၢ်ဒိၣ်ဧၢ, ပသးအိၣ်ထံၣ်ဘၣ်ယ့ၣ်ၡူးလီၤ.”

မၤတၢ် 12:20

စီၤဟ့ၤရိာ်အသးထီၣ်ဘၣ်ပှၤထါယၢၣ်ဖိဒီးပှၤစံဒိၣ်ဖိတဖၣ်အဒိၣ် အအါလီၤ. လၢတၢ်န့ၣ်အဃိအဝဲသ့ၣ်လဲၤတပူၤဃီဒ်သိးအကထံၣ်လိာ်အသး ဒီးစီၤဟ့ၤရိာ်အဂီၢ်လီၤ. အဆိကတၢၢ်အဝဲသ့ၣ်ထုးန့ၢ်စီၤဘျၤစတူးအသးဆူအအိၣ်လၢ အကမၤစၢၤအီၤအဂီၢ်, အဂ့ၢ်မ့ၢ်လၢအဝဲမ့ၢ်ပှၤကွၢ်ထွဲစီၤပၤအနူၢ်အစီၤ အဃိလီၤ. အန့ၣ်ဝံၤအလီၢ်ခံအဝဲသ့ၣ်လဲၤဆူစီၤပၤဟ့ၤရိာ်အအိၣ်ဒီး ဃ့တၢ်ဃူတၢ်ဖိးလၢအီၤ, အဂ့ၢ်မ့ၢ်လၢအဝဲသ့ၣ်အထံအကီၢ်ဒိးန့ၢ်ဘၣ်အတၢ်အီၣ်တၢ်အီလၢ စီၤပၤအထံအကီၢ်အအိၣ်အဃိန့ၣ်လီၤ.

မၤတၢ် 27:3

မုၢ်ဆ့ၣ်ထီၣ်တနံၤန့ၣ်ပလဲၤတုၤလၢဝ့ၢ်စံဒိၣ်လီၤ. စီၤယူၤလံဂ့ၤဝဲလၢစီၤပီလူးအဖီခိၣ်ဒီးဟ့ၣ်အဝဲဒၣ်အခွဲးလၢ အကလဲၤအိၣ်သကိးအတံၤသကိးတဖၣ်ဒီးဒိးန့ၢ်တၢ် လၢအလိၣ်ဘၣ်ဝဲတဖၣ်လီၤ.

ယူဒၤ 1:11

မ့ၢ်တၢ်လီၤပျံၤလီၤဖုးလၢအဝဲသ့ၣ်အဂီၢ်ဆံးဒိၣ်လဲၣ်. အဝဲသ့ၣ်ပိာ်ကျဲလၢစီၤကၤယံၣ်ပိာ်ဝဲန့ၣ်လီၤ. လၢကျိၣ်စ့အဃိအဝဲသ့ၣ်ဟ့ၣ်လီၤကွံာ်အသး ဆူတၢ်ကမၣ်လၢစီၤဘံးလၣ်မၤတ့ၢ်ဝဲအပူၤန့ၣ်လီၤ. အဝဲသ့ၣ်ပူထီၣ်တၢ်ဒ်စီၤကိၤရးပူထီၣ်တ့ၢ်တၢ် အသိး, ဒီးအဝဲသ့ၣ်ဘၣ်တၢ်မၤဟးဂီၤအီၤဒ်အဝဲအသိးလီၤ.

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”

လံာ်လီၣ်ဖျါ 6:12

ဒီးယထံၣ်သိဖိမၤသ့ၣ်ဖးဒီးအိးထီၣ်တၢ်စဲပနီၣ်ဃာ်ဃုခါ တခါလီၤ. ဟီၣ်ခိၣ်ဟူးဝးထီၣ်ဝဲဒၣ်ဆူၣ်ဆူၣ်ကလဲာ်, ဒီးမုၢ်ခံးသူထီၣ်ဝဲဒ်ထၢၣ်တၢ်ကံးယာ်လၢအလွဲၢ်သူတဖျၢၣ် အသိး, ဒီးလါထီၣ်ဂီၤဝဲဒီဘ့ၣ်ညါဒ်တၢ်သွံၣ်အသိးလီၤ.