လံာ်မးသဲ 11:14 - Sgaw Karen Common Bible

¹⁴ ဒီးသုမ့ၢ်သးဆူၣ်လၢသုကနာ်အဝဲသ့ၣ်အတၢ်ကစီၣ်တဖၣ်ဒီး, စီၤယိၤဟၣ်မ့ၢ်ဒၣ်ဝံအ့ၤလံယၤလၢတၢ်ကတိၤဆိပာ်စၢၤလၢ အကဟဲကဒါက့ၤအဂ့ၢ်တဂၤန့ၣ်လီၤ.

လံာ်မးသဲ 11:14 Iomraidhean Croise

လံာ်ယဃ့းစက့လး 2:5

ပှၤပူထီၣ်တၢ်ဖိတဖၣ်န့ၣ်, ဒိကနၣ်နၤမ့ၢ်ဂ့ၤ, တဒိကနၣ်နၤမ့ၢ်ဂ့ၤ, အဝဲသ့ၣ်ကသ့ၣ်ညါဝဲလၢဝံတဂၤအိၣ်လံလၢအဝဲသ့ၣ်အကျါလံန့ၣ်လီၤ.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်မၤလကံ 4:5

ဘၣ်ဆၣ်, တချုးလၢယွၤအမုၢ်နံၤဖးဒိၣ်ဒီးမုၢ်နံၤလၢအလီၤပျံၤ လီၤဖုးဟဲဒံးဘၣ်န့ၣ်, ယကဆှၢလီၤန့ၢ်သုဝံအ့ၤလံယၤန့ၣ်လီၤ.

လံာ်မးသဲ 11:13

တုၤလီၤလၢစီၤယိၤဟၣ်အစိၤန့ၣ်, ဝံတဖၣ်ခဲလၢာ်ဒီးစီၤမိၤၡ့ အတၢ်သိၣ်တၢ်သီတဖၣ်ကတိၤဆိတ့ၢ်တၢ်ဘၣ်ဃးဒီးဘီမုၢ်အံၤအဂ့ၢ်လီၤ.

လံာ်လူၤကၣ် 1:17

အဝဲဒၣ်ကလဲၤလၢကစၢ်အမဲာ်ညါအိၣ်ဒီးသးအဂံၢ်အဘါဒီးတၢ်စိတၢ် ကမီၤဒ်ဝံအ့ၤလံယၤအသိးန့ၣ်လီၤ. အဝဲဒၣ်ကဘိးဃၣ်က့ၤပၢ်တဖၣ်အသးဆူဖိတဖၣ်အအိၣ်, အဝဲဒၣ်ကဃၣ်ကဒါက့ၤပှၤတဒိကနၣ်တၢ်တဖၣ်ဆူပှၤတီပှၤလိၤ အတၢ်ဆိကမိၣ်အကျဲ, အဝဲဒၣ်ကကတဲာ်ကတီၤကစၢ်ယွၤ အပှၤဂီၢ်မုၢ်တဖၣ်လၢယွၤအဂီၢ်လီၤ.”

လံာ်ယိၤဟၣ် 16:12

ယအိၣ်ဒံးဒီးတၢ်ဂ့ၢ်အါမးလၢယကစံးဘၣ်တဲဘၣ်သု, ဘၣ်ဆၣ်ဒီးခဲအံၤကမ့ၢ်တၢ်အါကဲၣ်ဆိးလၢသုကတူၢ်လိာ်အီၤ အဂီၢ်န့ၣ်လီၤ.

1 ကရံၣ်သူး 3:2

ယဘၣ်ဒုးအီသုလၢတၢ်နုၢ်ထံလီၤ. တမ့ၢ်တၢ်အီၣ်လၢအအိၣ်ဒီးအသံးအကာ်ဘၣ်. အဂ့ၢ်မ့ၢ်လၢသုတအိၣ်ကတဲာ်ကတီၤဒံးသုသးလၢသုကဟံးန့ၢ်အီၣ် တၢ်အီၣ်လၢအအိၣ်ဒီးအသံးအကာ်ဒံးဘၣ်အဃိန့ၣ်လီၤ. ဒီးခဲကနံၣ်အံၤဒၣ်လဲာ်န့ၣ်, သုတအိၣ်ကတဲာ်ကတီၤသုသးလၢတၢ်တမံၤန့ၣ်အဂီၢ်ဒံးဘၣ်န့ၣ်လီၤ.

လံာ်လီၣ်ဖျါ 20:4

အန့ၣ်ဝံၤဒီးယထံၣ်လီၢ်ပစိာ်တဖၣ်, ဒီးပှၤတဖၣ်လၢအဆ့ၣ်နီၤလၢ အလိၤန့ၣ်ဘၣ်တၢ်ဟ့ၣ်အီၤတၢ်စိကမီၤလၢအကစံၣ်ညီၣ်တၢ် လီၤ. ယထံၣ်ဘၣ်စ့ၢ်ကီးယဲပှၤအသးသမူတဖၣ်လၢအဘၣ် တၢ်မၤသံတ့ၢ်အီၤလၢအအုၣ်အသးလၢယ့ၣ်ၡူးအဂ့ၢ်ဒီး စံၣ်တဲၤတဲလီၤကစၢ်ယွၤအကလုၢ်ကထါတဖၣ်အဃိ န့ၣ်လီၤ. အဝဲသ့ၣ်တဘါထီၣ်တ့ၢ်တၢ်ဒူတၢ်ဃိၤတဒု န့ၣ်မ့ၢ်ဂ့ၤ, အက့ၢ်အဂီၤမ့ၢ်ဂ့ၤန့ၣ်ဘၣ်. ဒ်န့ၣ်အသိး, အဝဲသ့ၣ်တဒိးန့ၢ်တၢ်ဒူတၢ်ဃိၤတဒုန့ၣ်အတၢ်ပနီၣ် လၢအဝဲသ့ၣ်အခိၣ်တိသၣ်အလိၤမ့ၢ်ဂ့ၤ, လၢအစု လိၤမ့ၢ်ဂ့ၤန့ၣ်ဘၣ်. အဝဲသ့ၣ်ဂဲၤဆၢထၢၣ်သမူထီၣ်က့ၤ, ဒီးပၢတၢ်ဒ်စီၤပၤတဖၣ်အသိးတပူၤဃီဒီးခရံာ်လၢအနံၣ် တကထိအတီၢ်ပူၤလီၤ.