လံာ်မးသဲ 11:13 - Sgaw Karen Common Bible

¹³ တုၤလီၤလၢစီၤယိၤဟၣ်အစိၤန့ၣ်, ဝံတဖၣ်ခဲလၢာ်ဒီးစီၤမိၤၡ့ အတၢ်သိၣ်တၢ်သီတဖၣ်ကတိၤဆိတ့ၢ်တၢ်ဘၣ်ဃးဒီးဘီမုၢ်အံၤအဂ့ၢ်လီၤ.

လံာ်မးသဲ 11:13 Iomraidhean Croise

လံာ်မၤလကံ 4:6

အဝဲကပာ်ဖှိၣ်က့ၤပၢ်ဒီးဖိတဖၣ်တပူၤဃီကဒီးန့ၣ်လီၤ. မ့တမ့ၢ်ဘၣ်ဒီးယကဘၣ်ဟဲဒီးမၤဟးဂီၤကွံာ်သုထံဧိၤကီၢ်ဧိၤ န့ၣ်လီၤ.”

လံာ်မးသဲ 11:12

မူခိၣ်အဘီအမုၢ်ဘၣ်တၢ်ဂုာ်ဆူၣ်အီၤစးထီၣ်လၢစီၤယိၤဟၣ် အစိၤပၢၢ်တုၤလၢမုၢ်မဆါတနံၤအံၤလီၤ. ပှၤစုဆူၣ်ခီၣ်တကးဖိတဖၣ် ဂုာ်ကျဲးစၢးဒုးန့ၢ်ဟံးန့ၢ်ဆူၣ်အီၤလီၤ.

လံာ်မးသဲ 11:14

ဒီးသုမ့ၢ်သးဆူၣ်လၢသုကနာ်အဝဲသ့ၣ်အတၢ်ကစီၣ်တဖၣ်ဒီး, စီၤယိၤဟၣ်မ့ၢ်ဒၣ်ဝံအ့ၤလံယၤလၢတၢ်ကတိၤဆိပာ်စၢၤလၢ အကဟဲကဒါက့ၤအဂ့ၢ်တဂၤန့ၣ်လီၤ.

လံာ်လူၤကၣ် 24:27

ဒီးယ့ၣ်ၡူးတဲနၢ်ပၢၢ်အဝဲသ့ၣ်ဘၣ်ဃးတၢ်လၢအဘၣ်တၢ် စံးတ့ၢ်လၢအဂ့ၢ်လၢတၢ်ကွဲးအသးစီဆှံခဲလၢာ်အပူၤ, စးထီၣ်လၢလံာ်မိၤၡ့တဖၣ်ဒီးဝံခဲလၢာ်အတၢ်ကွဲးတဖၣ်န့ၣ်လီၤ.

လံာ်လူၤကၣ် 24:44

အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

မၤတၢ် 13:27

အဂ့ၢ်ဒ်အံၤ, ပှၤအိၣ်ဝဲဆိးဝဲလၢဝ့ၢ်ယရူၤၡလ့ၣ်ဒီးအပှၤခိၣ်ပှၤနၢ် တဖၣ်တသ့ၣ်ညါလၢအဝဲဒၣ်မ့ၢ်ပှၤအုၣ်က့ၤခီၣ်က့ၤတၢ်အကစၢ်, ဒီးတနၢ်ပၢၢ်စ့ၢ်ကီးဝံတဖၣ်အကလုၢ်ကထါလၢအဘၣ်တၢ် ဖးဖျါထီၣ်အီၤကိးမုၢ်အိၣ်ဘှံးနံၤဒဲးန့ၣ်ဘၣ်လီၤ. မ့ၢ်သနာ်က့ဒ်န့ၣ်ဒီး, အဝဲသ့ၣ်ဒုးလၢထီၣ်ပှဲၤထီၣ်ဝံတဖၣ်အကလုၢ်ကထါခီဖျိအစံၣ်ညီၣ် သံယ့ၣ်ၡူးန့ၣ်လီၤ.

ရိမ့ၤ 3:21

ဘၣ်ဆၣ်ဒီးခဲအံၤကစၢ်ယွၤအကျဲလၢအပာ်တီပာ်လိၤပှၤဟီၣ်ခိၣ်ဖိန့ၣ် ဘၣ်တၢ်လီၣ်ဖျါထီၣ်အီၤ, ဒီးတၢ်သိၣ်တၢ်သီဒီးဝံတဖၣ်မ့ၢ်ဟ့ၣ်တၢ်အုၣ်အသးလၢ အဂ့ၢ်သနာ်က့, တၢ်အံၤတဘၣ်ဃးဒီးတၢ်သိၣ်တၢ်သီနီတမံၤဘၣ်.