လံာ်မးသဲ 11:11 - Sgaw Karen Common Bible

¹¹ နာ်ယၤတက့ၢ်. ပှၤဘျၢတၢ်စီၤယိၤဟၣ်န့ၣ်, ဒိၣ်န့ၢ်ဒံးကယဲၢ်ပှၤ ဟီၣ်ခိၣ်ဖိလၢအအိၣ်ဖျဲၣ်ထီၣ်လၢပိာ်မုၣ်န့ၣ်လီၤ. ဘၣ်ဆၣ်ဒီးပှၤအဆံးကတၢၢ်လၢမူခိၣ်အဘီအမုၢ်န့ၣ်, ဒိၣ်န့ၢ်ဒံးအီၤတက့ၢ်လီၤ.

လံာ်မးသဲ 11:11 Iomraidhean Croise

လံာ်စီၤယိၤဘး 14:1

ပဝဲခဲလၢာ်ပအိၣ်ဖျဲၣ်ထီၣ်ဒ်တၢ်ဂံၢ်စၢ်ဘါစၢ်ဒီးပမၤစၢၤလီၤ ပသးတသ့ဘၣ်. ပတၢ်အိၣ်မူမ့ၢ်ဒၣ်စှၤသီဒီးပှဲၤဝဲဒီးတၢ်ကိၢ် တၢ်ဂီၤန့ၣ်လီၤ.

လံာ်စီၤယိၤဘး 14:4

လၢပှၤကညီလၢအတကဆှီဘၣ်အပူၤန့ၣ်, တၢ်လၢအကဆှီဝဲ ဟဲထီၣ်တသ့နီတစုဘၣ်.

လံာ်စီၤယိၤဘး 15:14

ပှၤကညီတဂၤဂၤကဆှီဝဲနီၢ်နီၢ်ဘၣ်ကသ့ဧါ. ပှၤတဂၤဂၤတီဝဲ လိၤဝဲလၢကစၢ်ယွၤဘၣ်ကသ့ဧါ.

လံာ်စီၤယိၤဘး 25:4

လၢကစၢ်ယွၤအမဲာ်ညါန့ၣ်ပှၤတီဝဲလိၤဝဲဒီးစီဝဲဆှံဝဲကသ့တဂၤဂၤဧါ.

စံးထီၣ်ပတြၢၤ 51:5

ကွၢ်ကွၢ်, ယအိၣ်ဖျဲၣ်ထီၣ်လၢတၢ်အၢတၢ်သီအပူၤ, ဒီးယမိၢ်ဒၢထီၣ်ယၤလၢတၢ်ဒဲးဘးအပူၤလီၤ.

လံာ်ယၡါယၤ 30:26

လါအတၢ်ကပီၤကဆှံဝဲဒ်မုၢ်အတၢ်ကပီၤအသိး, ဒီးမုၢ်အတၢ်ကပီၤန့ၣ်ကကပီၤအါထီၣ်နွံစးအါ န့ၢ်ညီနုၢ်မၤအသး, လီၤဂာ်ဒီးနွံသီအတၢ် ကပီၤလၢအကပီၤထီၣ်ဝဲလၢတနံၤဃီအတီၢ်ပူၤန့ၣ်လီၤ. တၢ်သ့ၣ်တဖၣ်အံၤခဲလၢာ်ကမၤအသး, ဖဲယွၤဘိၣ်ဘံထီၣ်ဒီးမၤဘျါက့ၤတၢ်ပူၤလီၢ်ပူၤကျဲတဖၣ်လၢ ယွၤမၤဘၣ်ဒိဘၣ်ထံးတ့ၢ်ဘၣ်အပှၤဂီၢ်မုၢ်အခါန့ၣ်လီၤ.

လံာ်စကၤရယၤ 12:8

ဖဲအဆၢကတီၢ်အဝဲန့ၣ်, ယွၤကဒီဒၣ်အိၣ်ပှိၤပှၤလၢအအိၣ်လၢဝ့ၢ်ယရူၤၡလ့ၣ်အပူၤ, ဒီးပှၤလၢအဂံၢ်စၢ်ဘါစၢ်ကတၢၢ်လၢအဝဲသ့ၣ်အကျါတဖၣ်ဒၣ်လဲာ် န့ၣ်ကကဲထီၣ်ပှၤလၢအဂံၢ်ဆူၣ်ဘါဆူၣ်ဒ်စီၤဒၤဝံးမ့ၢ်တ့ၢ်အသိး န့ၣ်လီၤ. ဒီးစီၤဒၤဝံးအစၢၤအသွဲၣ်တဖၣ်ကဆှၢအဝဲသ့ၣ်ဒ်ယွၤ အကလူးအသိး, ဒီးဒ်ကစၢ်ယွၤအနီၢ်ကစၢ်ဒၣ်ဝဲအသိးန့ၣ်လီၤ.

လံာ်မးသဲ 11:10

အဂ့ၢ်ဒ်အံၤစီၤယိၤဟၣ်မ့ၢ်ပှၤလၢတၢ်ကွဲးအသးကွဲးတ့ၢ်လၢအဂ့ၢ်ဒီးစံး, ‘ကစၢ်ယွၤစံးဝဲ, ယကဆှၢလီၤယပှၤစိာ်တၢ်ကစီၣ်လၢနမဲာ်ညါဒ်သိး ကကတဲာ်ကတီၤကျဲလၢနဂီၢ်လီၤ.’ (မၤ ၃:၁)

လံာ်မးသဲ 11:12

မူခိၣ်အဘီအမုၢ်ဘၣ်တၢ်ဂုာ်ဆူၣ်အီၤစးထီၣ်လၢစီၤယိၤဟၣ် အစိၤပၢၢ်တုၤလၢမုၢ်မဆါတနံၤအံၤလီၤ. ပှၤစုဆူၣ်ခီၣ်တကးဖိတဖၣ် ဂုာ်ကျဲးစၢးဒုးန့ၢ်ဟံးန့ၢ်ဆူၣ်အီၤလီၤ.

လံာ်မးသဲ 3:1

လၢမုၢ်နံၤတဖၣ်န့ၣ်, ပှၤဘျၢတၢ်စီၤယိၤဟၣ်တဂၤလဲၤဝဲဆူပှၢ်မုၢ်ကနၢ လၢကီၢ်ယူဒၤအပူၤဒီးစံၣ်တဲၤတဲလီၤတၢ်လီၤ.

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

လံာ်မးသဲ 5:19

လၢတၢ်န့ၣ်အဃိ, ပှၤတဂၤလၢ်လၢ်လၢအလုၣ်သ့ၣ်ခါပတာ်တၢ်မၤလိာ်အဆံးကတၢၢ်တဘီဒၣ် လဲာ်ဒီးသိၣ်လိပှၤဂၤဒ်သိးပှၤသုတပာ်ကဲတၢ်သိၣ်တၢ်သီတဂ့ၤန့ၣ်, ကမ့ၢ်မးပှၤအဆံးကတၢၢ်တဂၤလၢမူခိၣ်ဘီမုၢ်အပူၤလီၤ. ဘၣ်ဆၣ်ဒီးပှၤလၢအအိၣ်မူဒ်တၢ်သိၣ်တၢ်သီအသိးဒီးသိၣ်လိပှၤ ဂၤလၢကပာ်ကဲတၢ်သိၣ်တၢ်သီန့ၣ်, ကမ့ၢ်ပှၤလၢအဒိၣ်လၢမူခိၣ်ဘီမုၢ်အပူၤလီၤ.

လံာ်လူၤကၣ် 1:15

အဝဲဒၣ်ကမ့ၢ်ပှၤဖးဒိၣ်တဂၤလၢကစၢ်အမဲာ်ညါလီၤ. စပံးထံမ့ၢ်ဂ့ၤ, တၢ်လၢအကဒုးမူၤဒုးဘှီးပှၤမ့ၢ်ဂ့ၤ, အဝဲတဘၣ်အီဝဲနီတမံၤဘၣ်. အဝဲဒၣ်ကလၢပှဲၤဒီးသးစီဆှံဖဲအအိၣ်ဒံးလၢအမိၢ်အဟၢဖၢပူၤလံၤလံၤ,

လံာ်လူၤကၣ် 7:28

ယ့ၣ်ၡူးစံးကဒီးဝဲ, “ယစံးဘၣ်တဲဘၣ်သု, စီၤယိၤဟၣ်ဒိၣ်န့ၢ်ပှၤလၢ အအိၣ်ဖျဲၣ်ထီၣ်တ့ၢ်ဝဲတဂၤလၢ်လၢ်လီၤ. ဘၣ်ဆၣ်ဒီး, ပှၤလၢအဆံးကတၢၢ် လၢကစၢ်ယွၤအဘီအမုၢ်အပူၤန့ၣ် ဒိၣ်န့ၢ်အီၤတက့ၢ်လီၤ.”

လံာ်လူၤကၣ် 9:48

ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအတူၢ်လိာ်ဖိသၣ်တဂၤအံၤ လၢယမံၤအဃိန့ၣ်, မ့ၢ်အတူၢ်လိာ်ယၤ, ဒီးပှၤတဂၤလၢ်လၢ်လၢ အတူၢ်လိာ်ယၤန့ၣ်, မ့ၢ်အတူၢ်လိာ်ပှၤလၢအမၢလီၤယၤတဂၤန့ၣ်လီၤ. အဂ့ၢ်ဒ်အံၤ, ပှၤအဆံးကတၢၢ်လၢသုဝဲခဲလၢာ်အကျါန့ၣ်, မ့ၢ်ပှၤအဒိၣ်ကတၢၢ်လီၤ.”

လံာ်ယိၤဟၣ် 1:15

စီၤယိၤဟၣ်အုၣ်အသးလၢအဂ့ၢ်ဒီးကိးသတြီထီၣ်ဝဲ, “ပှၤတဂၤအံၤမ့ၢ်ပှၤလၢယစံးဘၣ်တဲဘၣ်သုလၢအဂ့ၢ်လၢ, ‘အဝဲဒၣ်ဟဲလၢယလီၢ်ခံဘၣ်ဆၣ်ဒိၣ်န့ၢ်ယၤတက့ၢ် မ့ၢ်လၢအဝဲအိၣ်တ့ၢ်ဝဲတချုးယအိၣ်ဖျဲၣ်ထီၣ်ဒံးဘၣ်န့ၣ်လီၤ.’ ”

လံာ်ယိၤဟၣ် 1:27

အဝဲဒၣ်ကဟဲလၢယလီၢ်ခံဒီးထဲယကဃ့ၣ်လီၤအခီၣ်ဖံးအပျံၤဒၣ် လဲာ်န့ၣ်, ယတကြၢးတဘၣ်ယဲဘၣ်.”

လံာ်ယိၤဟၣ် 10:41

ဒီးပှၤဟဲအါဂၤဆူအအိၣ်ဒီးအဝဲသ့ၣ်စံးဝဲ, “စီၤယိၤဟၣ်တမၤတၢ်လီၤလးနီတမံၤဘၣ်. ဘၣ်ဆၣ်ကယဲၢ်တၢ်လၢအဝဲစံးဝဲဘၣ်ဃးပှၤတဂၤအံၤအဂ့ၢ် အကျိၤန့ၣ်, မ့ၢ်ဝဲတီဝဲခဲလၢာ်လီၤ.”

လံာ်ယိၤဟၣ် 3:30

အဝဲဒၣ်ကဘၣ်ဒိၣ်ထီၣ်ထီထီၣ်ဝဲ, မ့မ့ၢ်ယဲဒၣ်အံၤယကဘၣ်ဆံးလီၤစှၤလီၤဝဲလီၤ.”

လံာ်ယိၤဟၣ် 5:35

စီၤယိၤဟၣ်မၤအသးဒ်မ့ၣ်အူဒၢတဖျၢၣ်အသိး, ကဲၤထီၣ်ဒီး ကပီၤထီၣ်ဝဲဒီးသုသးအိၣ်တစိၢ်တလီၢ်လၢသုကသူၣ်ဖှံသးညီလၢ အတၢ်ကပီၤအပူၤန့ၣ်လီၤ.

လံာ်ယိၤဟၣ် 7:39

ယ့ၣ်ၡူးစံးတၢ်အံၤဘၣ်ဃးဒီးယွၤအသးလၢ ပှၤလၢအစူၢ်က့ၤနာ်က့ၤအီၤတဖၣ်ကဒိးန့ၢ်ဘၣ်ဝဲန့ၣ်လီၤ. အကတီၢ်ဖဲန့ၣ်, ယွၤအသးတဘၣ်တၢ်ဟ့ၣ်လီၤအီၤဒံးဘၣ်န့ၣ်, မ့ၢ်လၢယ့ၣ်ၡူးတဘၣ်တၢ်ဒုးဂဲၤထၢၣ်အီၤဆူတၢ်လၤ ကပီၤဒံးဘၣ်အဃိလီၤ.

1 ကရံၣ်သူး 15:9

အဂ့ၢ်ဒ်အံၤ, ယမ့ၢ်ပှၤအဆံးကတၢၢ်လၢပှၤတၢ်မၢဖိခဲလၢာ်အကျါ လီၤ. ယတကြၢးဘၣ်တၢ်ကိးဒၣ်လဲာ်ယၤလၢပှၤတၢ်မၢဖိတဂၤဘၣ်. အဂ့ၢ်မ့ၢ်လၢယမၤအၢမၤနးကစၢ်ယွၤအတၢ်အိၣ်ဖှိၣ်အဃိလီၤ.

1 ကရံၣ်သူး 6:4

တၢ်ဂ့ၢ်တၢ်ကျိၤဒ်န့ၣ်အသိးတဖၣ်မ့ၢ်အိၣ်ထီၣ်န့ၣ်, မ့ၢ်သုကဆှၢထီၣ်အီၤဒ်သိးအကဘၣ်တၢ်စံၣ်ညီၣ်အီၤလၢပှၤ တအိၣ်ဒီးအလီၢ်အလၤလၢတၢ်အိၣ်ဖှိၣ်အပူၤတဖၣ်န့ၣ်ဧါ.

အ့းဖ့းစူး 2:3

နီၢ်နီၢ်တခီပဝဲကိးဂၤပမၤတ့ၢ်ပသးဒ်အဝဲသ့ၣ်အသိးဒီး ပအိၣ်မူတ့ၢ်ဒ်ပသးအတၢ်ဆၢမိၣ်န့ၢ်ဘၣ်အသိး, ပလူၤတ့ၢ်ပသးဒီးမၤတ့ၢ်ပဝဲဒ်ပနီၢ်ခိသူၣ်လီသးကွံတၢ် အသိးဒီးဒ်ပတၢ်ဆိကမိၣ်ဆှၢပှၤအသိးလီၤ. ဒ်ပှၤဟီၣ်ခိၣ်ဖိအဂုၤအဂၤတဖၣ်အသိး, ဟီၣ်ခိၣ်ဖိအန့ဆၢၣ်လၢပပူၤမ့ၢ်တၢ်လၢအဒုးကြၢးပှၤဒီး တၢ်တူၢ်ဘၣ်ကစၢ်ယွၤအတၢ်သးဒိၣ်န့ၣ်လီၤ.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

၂ တံၤမသ့း 1:10

ဘၣ်ဆၣ်ဒီးခဲကနံၣ်အံၤတၢ်ဘျုးတၢ်ဖှိၣ်အံၤဘၣ်တၢ်လီၣ် ဖျါထီၣ်န့ၢ်ပှၤခီဖျိပပှၤအုၣ်က့ၤခီၣ်က့ၤတၢ်, ယ့ၣ်ၡူးခရံာ် အတၢ်ဟဲန့ၣ်လီၤ. အဝဲဒၣ်မၤကတၢၢ်ကွံာ်တၢ်သံအစိကမီၤ ဒီးခီဖျိတၢ်သးခုကစီၣ်န့ၣ်, လီၣ်ဖျါထီၣ်တ့ၢ်တၢ်အိၣ်မူလၢ အသံတသ့ဘၣ်န့ၣ်လီၤ.

ဧ့ၤဘြံၤ 11:40

အဂ့ၢ်မ့ၢ်လၢကစၢ်ယွၤတိာ်ပာ်တ့ၢ်ဝဲလၢအကသုးကျဲၤတၢ်ဂ့ၤ ဒိၣ်ဒၣ်တၢ်တက့ၢ်လၢပဂီၢ်အဃိလီၤ. မ့တမ့ၢ်လၢပဝဲဒၣ်ဘၣ်ဒီးအဝဲသ့ၣ်တဘၣ်တၢ်မၤလၢထီၣ် ပှဲၤထီၣ်အီၤဘၣ်န့ၣ်လီၤ.

၁ ပ့းတရူး 1:10

ဘၣ်ဃးဒီးတၢ်အုၣ်က့ၤခီၣ်က့ၤအဝဲအံၤန့ၣ်, ဝံတဖၣ်ဃုထံၣ်ဒီးသံကွၢ်သံဒိးဝဲလီၤတံၢ်လီၤဆဲးဝံၤ ကတိၤပာ်တၢ်ဘၣ်ဃးတၢ်ဟ့ၣ်အံၤလၢယွၤကဟ့ၣ်လီၤ သုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:30

ယၤ, ယွၤ, အံၣ်စရ့လးအကစၢ်ယွၤအံၤလၢအပူၤကွံာ်ယအၢၣ်လီၤတ့ၢ် လၢနဟံၣ်ဖိဃီဖိဒီးနဒူၣ်နထၢဖိကမၤယတၢ်မၤ ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီန့ၣ်လီၤ. မ့မ့ၢ်ခဲကနံၣ်အံၤ, ယစံးလၢယတမၤဒ်န့ၣ်လၢၤဘၣ်. အခိၣ်တလိာ်, ယကမၤလၤကပီၤပှၤလၢအမၤလၤကပီၤယၤ, ဒီးပှၤလၢအမၤလီၤယသူးယသ့ၣ်န့ၣ် ယကမၤဟးဂီၤအလၤကပီၤန့ၣ်လီၤ.