လံာ်မးသဲ 11:10 - Sgaw Karen Common Bible

¹⁰ အဂ့ၢ်ဒ်အံၤစီၤယိၤဟၣ်မ့ၢ်ပှၤလၢတၢ်ကွဲးအသးကွဲးတ့ၢ်လၢအဂ့ၢ်ဒီးစံး, ‘ကစၢ်ယွၤစံးဝဲ, ယကဆှၢလီၤယပှၤစိာ်တၢ်ကစီၣ်လၢနမဲာ်ညါဒ်သိး ကကတဲာ်ကတီၤကျဲလၢနဂီၢ်လီၤ.’ (မၤ ၃:၁)

လံာ်မးသဲ 11:10 Iomraidhean Croise

လံာ်ယၡါယၤ 40:3

တၢ်အကလုၢ်ကိးထီၣ်ဝဲ, “ကတဲာ်ကတီၤကျဲလၢယွၤအဂီၢ်လၢပှၢ်မုၢ်ကနၢပူၤ န့ၣ်တက့ၢ်. မၤပျီကျဲလၢမဲးမုၢ်ခိၣ်လၢပကစၢ်ယွၤအဂီၢ်တက့ၢ်.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်မၤလကံ 4:5

ဘၣ်ဆၣ်, တချုးလၢယွၤအမုၢ်နံၤဖးဒိၣ်ဒီးမုၢ်နံၤလၢအလီၤပျံၤ လီၤဖုးဟဲဒံးဘၣ်န့ၣ်, ယကဆှၢလီၤန့ၢ်သုဝံအ့ၤလံယၤန့ၣ်လီၤ.

လံာ်မးသဲ 11:11

နာ်ယၤတက့ၢ်. ပှၤဘျၢတၢ်စီၤယိၤဟၣ်န့ၣ်, ဒိၣ်န့ၢ်ဒံးကယဲၢ်ပှၤ ဟီၣ်ခိၣ်ဖိလၢအအိၣ်ဖျဲၣ်ထီၣ်လၢပိာ်မုၣ်န့ၣ်လီၤ. ဘၣ်ဆၣ်ဒီးပှၤအဆံးကတၢၢ်လၢမူခိၣ်အဘီအမုၢ်န့ၣ်, ဒိၣ်န့ၢ်ဒံးအီၤတက့ၢ်လီၤ.

လံာ်မးသဲ 11:3

အဝဲသ့ၣ်သံကွၢ်ယ့ၣ်ၡူးဒီးစံး, “တဲဘၣ်ပှၤတက့ၢ်. ပှၤလၢစီၤယိၤဟၣ်စံးဝဲလၢအကဟဲတဂၤန့ၣ်မ့ၢ်နၤဧါ. မ့တမ့ၢ်ဘၣ်ဒီးမ့ၢ်ပကဘၣ်ခိးကွၢ်လၢ်ဒံးပှၤအဂၤတဂၤဧါ.”

လံာ်မးသဲ 3:3

စီၤယိၤဟၣ်မ့ၢ်ပှၤတဂၤလၢဝံယၡါယၤတဲတၢ်လၢအဂ့ၢ်ဖဲအစံးဝဲ, “ပှၤတဂၤအကလုၢ်သီၣ်ထီၣ်လၢပှၢ်မုၢ်ကနၢအပူၤ, ‘ကတဲာ်ကတီၤကျဲလၢကစၢ်အဂီၢ်တက့ၢ်. မၤလိၤမၤဘျၢကျဲလၢကစၢ်ကဟဲအဂီၢ်တက့ၢ်’ ” န့ၣ်လီၤ(ၡါ. ၄၀:၃).

လံာ်မၢ်ကူး 1:2

ဒ်တၢ်ကွဲးတ့ၢ်အသးလၢလံာ်ဝံယၡါယၤအပူၤအသိး, “ကစၢ်ယွၤစံးဝဲဒၣ်, ကွၢ်ကွၢ်ယကဆှၢလီၤယပှၤစိာ်တၢ်ကစီၣ် လၢနမဲာ်ညါတဂၤ, ဒီးအဝဲဒၣ်ကကတဲာ်ကတီၤန့ၢ်နကျဲလီၤ.

လံာ်လူၤကၣ် 1:76

နဲဒၣ်ယဖိခွါ, နကဘၣ်တၢ်ကိးနၤလၢ ကစၢ်ယွၤတၢ်ထီကတၢၢ်အဝံတဂၤန့ၣ်လီၤ. နကလဲၤဆိနဲလၢကစၢ်အမဲာ်ညါ ဒ်သိးနကကတဲာ်ကတီၤကျဲလၢအဂီၢ်,

လံာ်ယိၤဟၣ် 1:23

စီၤယိၤဟၣ်စံးဆၢဝဲဒ်ဝံယၡါယၤစံးဝဲအသိး, “ယမ့ၢ်ပှၤအကလုၢ်သီၣ်လၢအကိးထီၣ်လၢပှၢ်မုၢ်ကနၢ မၤလိၤမၤဘျၢပာ်ကျဲလၢကစၢ်ကလဲၤတၢ်အဂီၢ်တက့ၢ်” န့ၣ်လီၤ.