လံာ်မးသဲ 11:1 - Sgaw Karen Common Bible

¹ တုၤယ့ၣ်ၡူးမၤလိာ်အပျဲၢ်အဘီၣ်တဆံခံဂၤဝံၤဒီး, အဝဲဟးထီၣ်လၢတၢ်လီၢ်န့ၣ်ဒီးလဲၤဝဲဆူဝ့ၢ်လၢအအိၣ်ဘူး အိၣ်တံၢ်တဖၣ်ဒီးသိၣ်လီၤသီလီၤဒီးစံၣ်တဲၤတဲလီၤတၢ်လီၤ.

လံာ်မးသဲ 11:1 Iomraidhean Croise

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်မးသဲ 7:28

တုၤယ့ၣ်ၡူးစံးတၢ်တဖၣ်အံၤဝံၤဒီး, ပှၤဂီၢ်မုၢ်တဖၣ်ကမၢကမၣ်ဝဲလၢ အတၢ်သိၣ်လီၤသီလီၤအဃိန့ၣ်လီၤ.

လံာ်မးသဲ 9:35

ယ့ၣ်ၡူးလဲၤဝ့ၤဝီၤတၢ်လၢဝ့ၢ်တဖၣ်ဒီးသဝီတဖၣ်လီၤ. အဝဲသိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးဘီမုၢ်, ဒီးမၤဘျါက့ၤပှၤတဖၣ်လၢအအိၣ်ဒီးတၢ်ဆူးတၢ်ဆါတၢ်က့တၢ် ကွဲၣ်ကိးအကလုာ်ဒဲးလီၤ.

လံာ်မၢ်ကူး 6:12

အန့ၣ်ဒီးအဝဲသ့ၣ်တဖၣ်ဟးထီၣ်ဒီးစံၣ်တဲၤတဲလီၤတၢ်လၢပှၤ ကပီၢ်ယၢ်ဒီးဃၣ်လိၤက့ၤအသးလၢအတၢ်ဒဲးဘးတဖၣ်အဂီၢ်လီၤ.

လံာ်လူၤကၣ် 23:5

ဘၣ်ဆၣ်ဒီး, အဝဲသ့ၣ်စံးကဒီးဝဲဆူၣ်န့ၢ်အလီၢ်, “အဝဲဒၣ်မၤတၢထီၣ်တၢလီၤတၢ်လၢပှၤဂီၢ်မုၢ်တဖၣ်အကျါ လၢကီၢ်ယူဒၤဒီကီၢ်ညါခီဖျိအတၢ်သိၣ်လီၤသီလီၤတဖၣ်လီၤ. အဝဲဒၣ်စးထီၣ်မၤဝဲလၢကီၢ်ကၤလံၤလါ, ဒီးခဲအံၤဟဲတုၤဝဲဖဲအံၤလံ.”

လံာ်လူၤကၣ် 8:1

တၢ်မၤအသးဝံၤအလီၢ်ခံတစိၢ်တလီၢ်န့ၣ်, ယ့ၣ်ၡူးလဲၤတၢ်ဒီးခီဂာ်ဝ့ၢ်တဖၣ်ဒီးသဝီတဖၣ်, ဒီးစံၣ်တဲၤတဲလီၤတၢ်သးခုအကစီၣ်ဘၣ်ဃးကစၢ်ယွၤ အဘီအမုၢ်လီၤ. ပှၤတၢ်မၢဖိတဆံခံဂၤလဲၤဃုာ်ဒီးအီၤ,

လံာ်ယိၤဟၣ် 15:10

သုမ့ၢ်ဒိကနၣ်ယတၢ်မၤလိာ်တဖၣ်ဒီးသုကအိၣ်ဆိးလၢ ယတၢ်အဲၣ်အပူၤ, ဒ်ယဒိကနၣ်ယပၢ်အတၢ်မၤလိာ်တဖၣ် ဒီးအိၣ်ဆိးလၢအတၢ်အဲၣ်အပူၤအသိးန့ၣ်လီၤ.

လံာ်ယိၤဟၣ် 15:14

ဒီးသုမ့ၢ်မၤတၢ်လၢယမၤလိာ်သုဒီး, သုမ့ၢ်ယတံၤယသကိး တဖၣ်န့ၣ်လီၤ.

မၤတၢ် 1:2

တုၤလီၤလၢမုၢ်တနံၤလၢယွၤဟံးထီၣ်အီၤဆူမူခိၣ်န့ၣ်လီၤ. တချုးအဘၣ်တၢ်ဟံးထီၣ်အီၤဒံးဘၣ်ဒီး, ခီဖျိသးစီဆှံအစိကမီၤန့ၣ် အဝဲဒၣ်မၤလိာ်တ့ၢ်အပှၤတၢ်မၢဖိလၢအဃုထၢတ့ၢ်ဝဲတဖၣ်တၢ်လၢ အဝဲသ့ၣ်ကဘၣ်မၤဝဲတဖၣ်န့ၣ်လီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 10:42

ဒီးအဝဲဒၣ်မၤလိာ်ပှၤဒ်သိးပကစံၣ်တဲၤတဲလီၤတၢ်သးခုအကစီၣ် ဆူပှၤဂီၢ်မုၢ်, ဒီးအုၣ်ပသးလၢအဝဲမ့ၢ်ပှၤတဂၤလၢယွၤဖှူတ့ၢ်အီၤလၢ အကကဲပှၤမူဒီးပှၤသံတဖၣ်အစံၣ်ညီၣ်ကွီၢ်န့ၣ်လီၤ.

၁ သ့းစၤလနံ 4:2

အဂ့ၢ်ဒ်အံၤ, သုသ့ၣ်ညါတၢ်သိၣ်လိနဲၣ်လိလၢပဟ့ၣ်သုခီဖျိ ကစၢ်ယ့ၣ်ၡူးအမံၤန့ၣ်လီၤ.

၂ သ့းစၤလနံ 3:10

ဖဲပအိၣ်ဒီးသုအဆၢကတီၢ်န့ၣ် ပညီနုၢ်မၤလိာ်သုဒီးစံး, “ပှၤလၢအတမၤဘၣ်တၢ်န့ၣ်မ်အသုတအီၣ်တၢ်တဂ့ၤ” န့ၣ်လီၤ.

၂ သ့းစၤလနံ 3:6

ပဒီပုၢ်ဝဲၢ်သ့ၣ်ဧၢ, ပမၤလိာ်သုလၢပကစၢ်ယ့ၣ်ၡူးခရံာ်အမံၤ အပူၤ, ဒ်သိးသုကဟးဆှဲးဒီပုၢ်ဝဲၢ်လၢအအိၣ်ကၢၣ်အိၣ်ကျူဒီး တမၤဘၣ်ဒ်ပတၢ်သိၣ်လိနဲၣ်ယုၤသုအသိးဘၣ်တဖၣ်န့ၣ်လီၤ.

၁ တံၤမသ့း 6:14

ဒ်သိးနကတိၢ်န့ၢ်တၢ်မၤလိာ်တဖၣ်အံၤဒီးဟံးဃာ်ဂၢၢ်ကျၢၤ အီၤလၢတၢ်သူၣ်တီသးရၤအပူၤတုၤလီၤလၢမုၢ်တနံၤဖဲ ပကစၢ်ယ့ၣ်ၡူးခရံာ်ကအိၣ်ဖျါထီၣ်ဝဲန့ၣ်လီၤ.