လံာ်မးသဲ 10:6 - Sgaw Karen Common Bible

⁶ မ့မ့ၢ်လဲၤသုဝဲဆူပှၤအံၣ်စရ့လးဖိလၢအမ့ၢ်သိလၢအဟါမၢ် တဖၣ်အအိၣ်န့ၣ်တက့ၢ်.

လံာ်မးသဲ 10:6 Iomraidhean Croise

စံးထီၣ်ပတြၢၤ 119:176

ယဟးဖျိးကျဲဒ်သိလၢအဟါမၢ်တဒုအသိးလီၤ. ဟဲဒီးဃုက့ၤနခ့နပှၤတက့ၢ်. အဂ့ၢ်ဒ်အံၤ, ယတသးပ့ၤနီၣ်ဘၣ် နတၢ်မၤလိာ်တဖၣ်ဘၣ်လီၤ.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယံးရမံယၤ 50:17

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်သိတဖၣ် လၢဘၣ်တၢ်လူၤအီၤဒီးမၤလီၤပြံလီၤပြါအီၤလၢ ခ့ယုၢ်တဖၣ်အသိး န့ၣ်လီၤ. အဆိကတၢၢ်, အဝဲသ့ၣ်ဘၣ်တၢ်ဒုးအီၤလၢ ကီၢ် အၤၡူၢ်အစီၤပၤဖးဒိၣ်, ဝံၤဒီး ကီၢ်ဘၤဘူၤလိၣ်အစီၤပၤ နဘူၤကးန့စၢ်အ့ၣ်သဘှံးကွံာ်အဝဲသ့ၣ်အဃံအကွဲတဖၣ်န့ၣ်လီၤ.

လံာ်ယံးရမံယၤ 50:6

ယပှၤဂီၢ်မုၢ်တဖၣ်န့ၣ်လီၤဂာ်ဒ်သိလၢ အပှၤကွၢ်သိတဖၣ် ပျဲအဝဲသ့ၣ်လီၤမၢ်ကွံာ်လၢ ကစၢၢ်ကလိတဖၣ်အကျါအသိး န့ၣ်လီၤ. အဝဲသ့ၣ်ဟးဝ့ၤဝီၤဒ်သိတဖၣ်အသိးလၢ ကစၢၢ်တဖျၢၣ်ဆူအဂၤတဖျၢၣ်, ဒီးအဝဲသ့ၣ်သးပ့ၤနီၣ်ကွံာ်အဟံၣ်အိၣ်ဖဲလဲၣ်န့ၣ်လီၤ.

လံာ်ယဃ့းစက့လး 34:16

ယကဃုက့ၤသိလၢအလီၤမၢ်တဖၣ်, ဟဲက့ၤစိာ်ကဒါက့ၤသိလၢ အဟးဖျိးကျဲတဖၣ်, ဘိၣ်ဘံထီၣ်သိလၢအဘၣ်ဒိဘၣ်ထံးတဖၣ် ဒီးမၤဘျါက့ၤသိလၢအဆူးအဆါတဖၣ်န့ၣ်လီၤ. ဘၣ်ဆၣ်သိ လၢအဘီၣ်ဒီးအဂံၢ်ဘါဆူၣ်တဖၣ်န့ၣ်ယကမၤဟးဂီၤကွံာ်အီၤန့ၣ်လီၤ. အဂ့ၢ်ဒ်အံၤ, ယမ့ၢ်ပှၤကွၢ်သိတဂၤလၢအမၤတၢ်အဘၣ်န့ၣ်လီၤ.

လံာ်ယဃ့းစက့လး 34:4

သုတအံးထွဲကွၢ်ထွဲဘၣ်သိလၢအဂံၢ်စၢ်ဘါစၢ်တဖၣ်, တမၤဘျါဘၣ်သိလၢအဆူးအဆါတဖၣ်, တဘိၣ်ဘံသိလၢအဘၣ်ဒိဘၣ်ထံးတဖၣ်, တဟဲက့ၤစိာ်ကဒါက့ၤသိလၢအဟးဖျိးတဖၣ်မ့တမ့ၢ် ဃုက့ၤသိလၢအဟါမၢ်တဖၣ်န့ၣ်ဘၣ်. အခိၣ်တလိာ်သုမၤဘၣ်အဝဲသ့ၣ်အၢအၢသီသီတ အိၣ်ဒီးတၢ်သးကညီၤဘၣ်န့ၣ်လီၤ.

လံာ်ယဃ့းစက့လး 34:6

လၢတၢ်န့ၣ်အဃိ, ယသိတဖၣ်ဟးဝ့ၤဝီၤလၢတၢ်လူၢ်လၢအထီ တဖၣ်ဒီးကစၢၢ်ကလိတဖၣ်အလိၤန့ၣ်လီၤ. အဝဲသ့ၣ်လီၤပြံလီၤပြါ လၢဟီၣ်ခိၣ်အမဲာ်ဖံးခိၣ်ဒီးပှၤလၢကကွၢ်ဃုအဝဲသ့ၣ် မ့ၢ်ဂ့ၤဂုာ်ကျဲးစၢးလၢကဃုထံၣ်က့ၤအဝဲသ့ၣ်မ့ၢ်ဂ့ၤတအိၣ်နီ တဂၤဘၣ်.

လံာ်ယဃ့းစက့လး 34:8

ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤအသိး, ယစံးယဲ, ဂ့ၤဒိၣ် ဒၣ်တၢ်တက့ၢ်လၢသုဒိကနၣ်ယၤန့ၣ်လီၤ. ယသိဘၣ်တၢ်လူၤဖီၣ် ဆူၣ်အီၤလၢဆၣ်ဖီကီၢ်ဖိအမံၤတဖၣ်လၢမၤသံဒီးအီၣ်ကွံာ် အဝဲသ့ၣ်, မ့ၢ်လၢပှၤကွၢ်သိတအိၣ်နီတဂၤအဃိန့ၣ်လီၤ. ယပှၤကွၢ်သိတဖၣ်တဂုာ်ကျဲးစၢးဃုထံၣ်က့ၤသိတဖၣ်ဘၣ်. အဝဲသ့ၣ်အံးထွဲကွၢ်ထွဲလီၤက့ၤအသးဒၣ်ဝဲဒီး တအံးထွဲကွၢ်ထွဲသိန့ၣ်ဘၣ်.

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်မးသဲ 18:11

(အဂ့ၢ်ဒ်အံၤ, ပှၤကညီဖိခွါဟဲတ့ၢ်ဝဲ, ဒ်သိးအကအုၣ်က့ၤခီၣ်က့ၤပှၤလၢအလီၤမၢ်တဖၣ်လီၤ.)

လံာ်လူၤကၣ် 24:47

ဒီးလၢအဝဲဒၣ်အမံၤန့ၣ်, တၢ်ကစီၣ်ဘၣ်ဃးတၢ်ပီၢ်ယၢ်လီၤသးဒီးတၢ်ပျၢ်တၢ်ဒဲးဘး, ကဘၣ်တၢ်စံၣ်တဲၤတဲလီၤအီၤလၢပှၤကိးကလုာ်ဒဲးအဂီၢ်, အဆိလၢဝ့ၢ်ယရူၤၡလ့ၣ်န့ၣ်လီၤ.

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

မၤတၢ် 18:6

ဖဲအဝဲသ့ၣ်ထီဒါဒီးကတိၤဒုၣ်ဒွဲၣ်အီၤန့ၣ်, အဝဲဒၣ်တြုၤလီၤကွံာ် ဟီၣ်ခိၣ်ကမူၣ်လၢအကူအသိးအလိၤဒီးစံးဘၣ်အဝဲသ့ၣ်, “သုမ့ၢ်တုၤလၢတၢ်ဟးဂီၤဒီးမ့ၢ်သုတၢ်ကမၣ်ဒၣ်သုဝဲလီၤ. တၢ်ကမၣ်တလီၤတီလၢယလိၤဘၣ်. စးထီၣ်ခဲအံၤဒီးဆူညါန့ၣ်ယကလဲၤစံၣ်တဲၤတဲလီၤတၢ် လၢပှၤကလုာ်ဂၤတဖၣ်အသိးအကျါလီၤ.”

မၤတၢ် 26:20

ယစံၣ်တဲၤတဲလီၤတၢ်အဆိကတၢၢ်လၢဝ့ၢ်ဒၤမ့ၤစ့းအပူၤဒီး လၢဝ့ၢ်ယရူၤၡလ့ၣ်အပူၤ, အန့ၣ်ဝံၤအလီၢ်ခံလၢကီၢ်ယူဒၤဒီဘ့ၣ်ညါဒီးလၢပှၤကလုာ်ဂၤ တဖၣ်အသိးအကျါ, ဒီးသဆၣ်ထီၣ်အဝဲသ့ၣ်အခံဒ်သိးအကပီၢ်ယၢ်လီၤက့ၤအသးလၢ အတၢ်ဒဲးဘးတဖၣ်, ဒီးဃၣ်လိၤက့ၤအသးဆူကစၢ်ယွၤအအိၣ်ဒီးမၤတၢ်သ့ၣ်တဖၣ် လၢအကအုၣ်အသးလၢအဝဲသ့ၣ်ပီၢ်ယၢ်လီၤတ့ၢ်လံအသး အဂ့ၢ်န့ၣ်လီၤ.

မၤတၢ် 3:26

အန့ၣ်သတးဒီး, ကစၢ်ယွၤဃုထၢထီၣ်အခ့အပှၤဒီးမၢလီၤဝဲလၢအကဟဲအဆိ ကတၢၢ်ဆူသုအိၣ်ဒ်သိးကဆိၣ်ဂ့ၤသု, ဒီးဒုးဃၣ်ကွံာ်သုကိးဂၤဒဲးလၢ သုကျဲအအၢအသီတဖၣ်န့ၣ်လီၤ.”

၁ ပ့းတရူး 2:25

သုမၤသုသးဒ်သိလၢအဟးဖျိးကျဲတဖၣ်အသိး, ဘၣ်ဆၣ်ဒီးခဲအံၤသုဘၣ်တၢ်ဟဲက့ၤစိာ်က့ၤသုလၢသုကပိာ် ပှၤကွၢ်သိဒီးသုသးသမူအပှၤကွၢ်တၢ်တဂၤအခံအဂီၢ်န့ၣ်လီၤ.