လံာ်မးသဲ 10:5 - Sgaw Karen Common Bible

⁵ ယ့ၣ်ၡူးမၢလီၤတၢ်မၢဖိတဆံခံဂၤအံၤအိၣ်ဒီးတၢ်မၤလိာ်ထွဲ အဝဲသ့ၣ်ဒီးစံး, “သုတလဲၤဆူပှၤကလုာ်အဂၤတဖၣ်အအိၣ်တဂ့ၤ, ဒီးသုတလဲၤနုာ်ဆူ ပှၤၡၤမရံဖိအခူအဝ့ၢ်အပူၤတဂ့ၤ.

လံာ်မးသဲ 10:5 Iomraidhean Croise

လံာ်မးသဲ 22:3

အဝဲမၢလီၤအခ့အပှၤတဖၣ်ဒ်သိးအကလဲၤဒီးကိးန့ၢ် ပှၤလၢအဘၣ်တၢ်ကွဲမုာ်အီၤတဖၣ်လီၤ. ဘၣ်ဆၣ်ဒီး အဝဲသ့ၣ်အသးတအိၣ်ဟဲဝဲဘၣ်.

လံာ်မးသဲ 4:15

“ကီၢ်ဆၣ်စဘူလိၣ်ဒီးကီၢ်ဆၣ်နးသၤလံ လၢအအိၣ်သူၣ်လီၤအသးလၢကျဲလဲၤဆူပီၣ်လဲၣ်ကၤလံၤလါအ လိၤလၢထံကျိယၢ်ဒ့ၣ်ဝၢ်ဘးခီ, လၢအမ့ၢ်ပှၤကလုာ်ဂၤတဖၣ်အကီၢ်ဧၢ,

လံာ်မၢ်ကူး 6:7

အန့ၣ်ဝံၤအဝဲကိးဖှိၣ်အပျဲၢ်အဘီၣ်တဆံခံဂၤဒီးမၢလီၤဝဲလၢ အကဟးထီၣ်ခံဂၤတပူၤခံဂၤတပူၤဒီးဟ့ၣ်လီၤစ့ၢ်ကီးဝဲ တၢ်စိတၢ်ကမီၤလၢတၢ်နါတဖၣ်အဖီခိၣ်လီၤ.

လံာ်လူၤကၣ် 10:1

တၢ်မၤအသးတမံၤအံၤဝံၤအလီၢ်ခံန့ၣ်, ကစၢ်ယ့ၣ်ၡူးဃုထၢထီၣ်ကဒီးပှၤအသီနွံဆံဂၤ, ဒီးမၢလီၤအဝဲသ့ၣ်ခံဂၤတပူၤခံဂၤတပူၤ, ဒ်သိးအကလဲၤဆိလၢအဝဲဒၣ်အမဲာ်ညါဆူခူဝ့ၢ်ဒီး တၢ်လီၢ်ကိးပူၤဒဲးဖဲအဝဲဒၣ်ကလဲၤဝဲအလီၢ်န့ၣ်လီၤ.

လံာ်လူၤကၣ် 10:33

မ့မ့ၢ်ပှၤၡၤမရံဖိတဂၤ, ဖဲအဝဲဒၣ်လဲၤတၢ်, ဒီးဟဲဘၣ်ဖဲပှၤတဂၤအိၣ်ဝဲအလီၢ်ဒီးထံၣ်ဘၣ်အီၤန့ၣ်, အဝဲဒၣ်သးကညီၤဘၣ်အီၤလီၤ.

လံာ်လူၤကၣ် 17:16

အဝဲဒၣ်ထိၣ်လီၤပှီၤအသးလၢဟီၣ်ခိၣ်လိၤဖဲယ့ၣ်ၡူးအခီၣ်ထံး ဒီးစံးဘျုးစံးဖှိၣ်အီၤလီၤ. ပှၤတဂၤအံၤန့ၣ်မ့ၢ်ဝဲပှၤၡၤမရံဖိတဂၤလီၤ.

လံာ်လူၤကၣ် 9:1

ယ့ၣ်ၡူးကိးဖှိၣ်အပျဲၢ်အဘီၣ်တဆံခံဂၤ, ဒီးဟ့ၣ်အဝဲသ့ၣ်လၢတၢ်စိတၢ်ကမီၤဒီး ဟ့ၣ်စိဟ့ၣ်ကမီၤအဝဲသ့ၣ်လၢအကဟီထီၣ်ကွံာ်တၢ်ဝံတၢ်နါ, ဒီးကမၤဘျါက့ၤတၢ်ဆူးတၢ်ဆါတဖၣ်အဂီၢ်လီၤ.

လံာ်လူၤကၣ် 9:2

အန့ၣ်ဝံၤဒီးအဝဲဒၣ်မၢလီၤအဝဲသ့ၣ်ဒ်သိးအကစံၣ်တဲၤတဲလီၤ တၢ်ဘၣ်ဃးကစၢ်ယွၤအဘီအမုၢ်ဒီးအကမၤဘျါပှၤဆူးပှၤဆါတဖၣ် အဂီၢ်န့ၣ်လီၤ.

လံာ်ယိၤဟၣ် 17:18

ယမၢလီၤအဝဲသ့ၣ်ဆူဟီၣ်ခိၣ်ချၢ, ဒ်နမၢလီၤယၤဆူဟီၣ်ခိၣ်ချၢ အသိးန့ၣ်လီၤ.

လံာ်ယိၤဟၣ် 20:21

ယ့ၣ်ၡူးစံးဘၣ်ကဒီးအဝဲသ့ၣ်, “မ်တၢ်ဃူတၢ်ဖိးအိၣ်ဒီးသု တက့ၢ်. ဒ်ပၢ်မၢလီၤတ့ၢ်ယၤအသိး, ယမၢလီၤသုစ့ၢ်ကီးလီၤ.”

လံာ်ယိၤဟၣ် 4:20

ပဝဲပှၤၡၤမရံဖိပမိၢ်ပၢ်ဖံဖုလၢပျၢၤတဖၣ်ဘူၣ်ထီၣ်ဘါထီၣ် ကစၢ်ယွၤဖဲကစၢၢ်အံၤအလိၤ, မ့မ့ၢ်သုဝဲပှၤယူဒၤဖိတဖၣ် သုစံးလၢပကြၢးဘူၣ်ထီၣ်ဘါထီၣ်ကစၢ်ယွၤလၢဝ့ၢ်ယရူၤၡလ့ၣ် အပူၤန့ၣ်လီၤ.”

လံာ်ယိၤဟၣ် 4:5

လဲၤတုၤဝဲလၢဝ့ၢ်စံဃၢ်, အိၣ်လၢကီၢ်ၡၤမရံအပူၤ, ဘူးဒီးဟီၣ်ခိၣ်အကဝီၤလၢစီၤယၤကိာ်ဟ့ၣ်လီၤအဖိခွါ စီၤယိၤသးန့ၣ်လီၤ.

လံာ်ယိၤဟၣ် 4:9

ဒီးပိာ်မုၣ်န့ၣ်စံးဆၢအီၤ, “နဲနမ့ၢ်ပှၤယူဒၤဖိဒီးယဲယမ့ၢ် ပှၤၡၤမရံဖိ, နဃ့အီယၤလၢထံကသ့ဒ်လဲၣ်. (အဝဲစံးတၢ်အံၤမ့ၢ်လၢပှၤယူဒၤဖိတဖၣ်တသူလီခီ လၢပှၤၡၤမရံဖိတဖၣ်သူဝဲန့ၣ်ဘၣ်အဃိလီၤ.)

လံာ်ယိၤဟၣ် 7:35

ပှၤယူဒၤဖိအခိၣ်အနၢ်တဖၣ်စံးကတိၤလိာ်သးတဂၤဒီးတဂၤ, “ပထံၣ်အီၤတသ့ဘၣ်န့ၣ်, မ့ၢ်အဝဲကလဲၤဝဲဆူလဲၣ်. မ့ၢ်အဝဲကလဲၤဆူပှၤကြံးခ် ဖိအဝ့ၢ်တဖၣ်ဖဲပပှၤကလုာ်အိၣ်ဝဲဒီး သိၣ်လိသီလိပှၤကြံးခ်ဖိတဖၣ်န့ၣ်ဧါ.

လံာ်ယိၤဟၣ် 8:48

ပှၤယူဒၤဖိတဖၣ်စံးဆၢတၢ်ဒီးစံးဘၣ်အီၤ, “ပစံးလၢနမ့ၢ် ပှၤၡၤမရံဖိတဂၤဒီးတၢ်နါအိၣ်လၢနပူၤန့ၣ်, မ့ၢ်အတဘၣ် ဘၣ်ဧါ.”

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 10:45

ပှၤယူဒၤဖိလၢအစူၢ်က့ၤနာ်က့ၤတၢ်လၢအဟဲဃုာ်ဒီးစီၤပ့းတရူး လၢဝ့ၢ်ယၤဖိၤတဖၣ်, ကမၢကမၣ်ဝဲလၢကစၢ်ယွၤလူလီၤဂၢ်လီၤအတၢ်ဟ့ၣ်ဘၣ်ဃးသး စီဆှံလၢပှၤကလုာ်ဂၤတဖၣ်အလိၤစ့ၢ်ကီးအဃိန့ၣ်လီၤ.

မၤတၢ် 8:1

စီၤစီလူးအၢၣ်လီၤထွဲဝဲတၢ်မၤသံစီၤစတ့းဖၣ်န့ၣ်လီၤ. တနံၤဃီအဝဲန့ၣ်, တၢ်အိၣ်ဖှိၣ်လၢဝ့ၢ်ယရူၤၡလ့ၣ်အပူၤဘၣ်တၢ်စးထီၣ်မၤအၢမၤနး အီၤနးမးလီၤ. မ့တမ့ၢ်ဘၣ်လၢပှၤတၢ်မၢဖိတဖၣ်ဘၣ်ဒီး, ပှၤစူၢ်က့ၤနာ်က့ၤတၢ်ခဲလၢာ်လီၤပြံလီၤပြါဝဲသကုၤကီၢ်ယူဒၤ ဒီးကီၢ်ၡၤမရံန့ၣ်လီၤ.

၁ သ့းစၤလနံ 2:16

အဝဲသ့ၣ်ဂုာ်ကျဲးစၢးတြီဒၣ်လဲာ်ပှၤဒ်သိးတၢ်ကစီၣ်လၢ အကဟဲစိာ်န့ၢ်တၢ်အုၣ်က့ၤခီၣ်က့ၤန့ၣ်, ပသုတစံၣ်တဲၤတဲလီၤန့ၢ်ပှၤကလုာ်ဂၤတဖၣ်တဂ့ၤန့ၣ်လီၤ. အဝဲအံၤမ့ၢ်တၢ်လၢအမၤလၢထီၣ်ပှဲၤထီၣ်တၢ်ဒဲးဘးခဲ လၢာ်လၢအဝဲသ့ၣ်မၤတ့ၢ်ဝဲထီဘိန့ၣ်လီၤ. ဒီးခဲကနံၣ်အံၤကစၢ်ယွၤအတၢ်သးထီၣ်တုၤအိၣ်အဝဲသ့ၣ် လံန့ၣ်လီၤ.