လံာ်မးသဲ 10:42 - Sgaw Karen Common Bible

⁴² နာ်ယၤတက့ၢ်. ပှၤလၢအဟ့ၣ်အီပှၤအဆံးကတၢၢ်လၢသုကျါတဂၤ လၢအမ့ၢ်ယပျဲၢ်ယဘီၣ်အဃိလၢထံခုၣ်ထဲတလီခီဒၣ်လဲာ်န့ၣ်, ကန့ၢ်ဘၣ်တၢ်ဘျုးလၢယွၤအအိၣ်သပှၢ်ကတၢၢ်လီၤ.”

လံာ်မးသဲ 10:42 Iomraidhean Croise

လံာ်စီၤပၤအခီၣ်ထံးတဘ့ၣ် 17:11

ဒီးဖဲအလဲၤဝဲဒ်သိးအကဟံးန့ၢ်ထံအီန့ၣ်, အဝဲကိးဃီၤဝဲ, “ဝံသးစူၤဟဲစိာ်န့ၢ်ယၤကိၣ်တစဲးစ့ၢ်ကီးတက့ၢ်.”

လံာ်စီၤပၤခံဘ့ၣ်တဘ့ၣ် 4:10

မ်ပဘှီထီၣ်ဒၢးအဆံးဖိတဖျၢၣ်လၢဟံၣ်ခိၣ်ဒုးအဖီခိၣ်, ပာ်လီၤလီၢ်မံခးတဖျၢၣ်, စီၢ်နီၤခိၣ်တဖျၢၣ်ဒီးမ့ၣ်အူဒၢ တဖျၢၣ်လၢအပူၤ, ဒ်သိးဖဲအဝဲဟဲအိၣ်သကိးပှၤတဘျီ လၢ်လၢ်န့ၣ်အိၣ်ဆိးဝဲကသ့အဂီၢ်တက့ၢ်.”

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

တၢ်ကတိၤဒိ. 24:14

နမၤလီၤတံၢ်သ့ဝဲလၢတၢ်ကူၣ်သ့န့ၣ်ဂ့ၤဝဲလၢသးသမူအဂီၢ် လီၤ. မၤန့ၢ်တၢ်ကူၣ်သ့တက့ၢ်. ဒီးနအိၣ်ဒီးတၢ်မုၢ်လၢ်လၢခါဆူညါအဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 11:1

ကွံာ်နကိၣ်လၢထံဖံးခိၣ်တက့ၢ်. အါနံၤအါသီဒီးနကထံၣ်န့ၢ် က့ၤအီၤလီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်မးသဲ 18:14

ဒ်န့ၣ်အသိး, သုပၢ်အိၣ်လၢမူခိၣ်တဘၣ်အသးလၢပှၤအဆံးလၢအနာ်ယၤတဖၣ် အကျါတဂၤ, ကလီၤမၢ်ဝဲန့ၣ်ဘၣ်.

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

လံာ်လူၤကၣ် 17:2

ဆၢၣ်ဂူာ်လၢၢ်မ့ၢ်ဘၣ်တၢ်စၢဃာ်အီၤလၢအကိာ်လိၤဒီး တၢ်တ့ၢ်လီၤအီၤဆူပီၣ်လဲၣ်ပူၤန့ၣ်, ကဂ့ၤဒိၣ်န့ၢ်ဒံးအဝဲဒၣ်ကဒုးမၤပှၤအဆံးတဖၣ်အံၤအကျါတဂၤလၢ တၢ်ဒဲးဘးန့ၣ်တက့ၢ်လီၤ.

လံာ်လူၤကၣ် 6:35

တဘၣ်မ့ၢ်ဒ်န့ၣ်ဘၣ်. အဲၣ်သုဒုၣ်သုဒါတဖၣ်ဒီးမၤဂ့ၤအဝဲသ့ၣ်တက့ၢ်. ဟ့ၣ်လိၢ်တၢ်, ဒီးမုၢ်လၢ်က့ၤတၢ်နီတမံၤတဂ့ၤ. သုကဒိးန့ၢ်ဘၣ်ခိၣ်ဖးလၢအဒိၣ်, ဒီးသုကမ့ၢ်တၢ်ထီကတၢၢ်ကစၢ်ယွၤတဂၤအဖိခွါတဖၣ်လီၤ. အဂ့ၢ်ဒ်အံၤ, အဝဲဒၣ်ဂ့ၤလၢပှၤတသ့ၣ်ညါတၢ်ဘျုးတၢ်ဖှိၣ်, ဒီးပှၤအၢပှၤသီတဖၣ် အဖီခိၣ်လီၤ.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.