လံာ်မးသဲ 10:4 - Sgaw Karen Common Bible

⁴ ပှၤအဲၣ်အထံအကီၢ်စီၤၡံမိၣ်ဒီး စီၤယူဒၤအံၣ်စကၤရံၤအိာ်လၢ အဟ့ၣ်လီၤကွံာ်ယ့ၣ်ၡူးလီၤ.

လံာ်မးသဲ 10:4 Iomraidhean Croise

လံာ်မးသဲ 26:14

တၢ်န့ၣ်ဝံၤဒီး, အပျဲၢ်အဘီၣ်တဆံခံဂၤအကျါတဂၤလၢအဘၣ်တၢ်ကိးအီၤလၢစီၤယူဒၤ အံၣ်စကၤရံၤအိာ်န့ၣ်, လဲၤဆူပှၤလုၢ်တၢ်အခိၣ်အဒိၣ်တဖၣ်အအိၣ်,

လံာ်မးသဲ 26:15

ဒီးသံကွၢ်ဝဲ, “ယမ့ၢ်ဟ့ၣ်လီၤကွံာ်ယ့ၣ်ၡူးဆူသုစုပူၤန့ၣ်, သုကဟ့ၣ်ယၤတၢ်မနုၤလဲၣ်.” ဒီးအဝဲသ့ၣ်ဂံၢ်န့ၢ်စ့ညၣ်အဘ့ၣ်သၢဆံဝံၤဟ့ၣ်လီၤအီၤန့ၣ်လီၤ.

လံာ်မးသဲ 26:2

“ဒ်သုသ့ၣ်ညါအသိး, လၢခံသီဝံၤအလီၢ်ခံန့ၣ်ဘူၣ်လဲၤကပာ်ကဘၣ်ဝဲ, ဒီးပှၤကညီဖိခွါကဘၣ်တၢ်ဟ့ၣ်လီၤကွံာ်အီၤဒ်သိးအကဘၣ် တၢ်ပျၤထီကွံာ်အီၤအဂီၢ်လီၤ.”

လံာ်မးသဲ 26:47

ယ့ၣ်ၡူးကတိၤဒံးတၢ်အဖၢမုၢ်ဒီး, အပျဲၢ်အဘီၣ်တဆံခံဂၤအကျါတဂၤ လၢအမ့ၢ်စီၤယူဒၤဟဲတုၤဝဲ အိၣ်ဃုာ်ဒီးပှၤဂီၢ်မုၢ်ဖးဒိၣ်လၢအစိာ်ဒီးနးဒီးနီၣ်တီၢ်တဖၣ်, လၢအဘၣ်တၢ်မၢလီၤအီၤလၢပှၤလုၢ်တၢ်အခိၣ်အဒိၣ်တဖၣ်ဒီးပှၤ ယူဒၤဖိကရၢအခိၣ်အနၢ်တဖၣ်လီၤ.

လံာ်မးသဲ 27:3

တုၤစီၤယူဒၤ, ပှၤလၢအဆါလီၤကွံာ်ယ့ၣ်ၡူး, သ့ၣ်ညါလၢယ့ၣ်ၡူးဘၣ်တၢ်စံၣ်ညီၣ်အီၤလံဒီး, အဝဲသ့ၣ်နီၣ်ပီၢ်ယၢ်လီၤက့ၤအသး, ဒီးလဲၤဆှၢကဒါက့ၤစ့အဘ့ၣ်သၢဆံန့ၣ်ဆူပှၤလုၢ်တၢ်အခိၣ် အဒိၣ်တဖၣ်ဒီးပှၤယူဒၤဖိကရၢအခိၣ်အနၢ်တဖၣ်အအိၣ်,

လံာ်မၢ်ကူး 14:10

အန့ၣ်ဝံၤ စီၤယူဒၤအံၣ်စကၤရံၤအိာ်လၢအမ့ၢ်အပျဲၢ်အဘီၣ် တဆံခံဂၤအကျါတဂၤန့ၣ်, လဲၤဝဲဆူပှၤလုၢ်တၢ်အခိၣ်အဒိၣ်တဖၣ်အအိၣ်ဒ်သိးအကဟ့ၣ် လီၤကွံာ်ယ့ၣ်ၡူးဆူအဝဲသ့ၣ်အစုပူၤအဂီၢ်န့ၣ်လီၤ.

လံာ်မၢ်ကူး 14:43

ဖဲယ့ၣ်ၡူးကတိၤဒံးတၢ်အဖၢမုၢ်, စီၤယူဒၤလၢအမ့ၢ်အပျဲၢ်အဘီၣ်တဆံခံဂၤအကျါတဂၤန့ၣ်ဟဲတုၤဃီၤဝဲဒၣ်လီၤ. ပှၤဂီၢ်မုၢ်တဖၣ်ဟဲဃုာ်ဒီးအီၤ, စိာ်ဒီးနးဒီးနီၣ်တီၢ်တဖၣ်လီၤ. အဝဲသ့ၣ်တဖၣ်အံၤဘၣ်တၢ်မၢလီၤအီၤလၢပှၤလုၢ်တၢ်အခိၣ်အဒိၣ် တဖၣ်, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဒီးပှၤယူဒၤဖိကရၢအခိၣ်အနၢ်တဖၣ်လီၤ.

လံာ်လူၤကၣ် 22:3

အန့ၣ်ဝံၤအလီၢ်ခံ, မုၣ်ကီၤလံၢ်လဲၤနုာ်လီၤဆူစီၤယူဒၤ, လၢတၢ်ကိးအီၤလၢအံၣ်စကၤရံၤအိာ်လၢအမ့ၢ်ပှၤတၢ်မၢဖိ တဆံခံဂၤအကျါတဂၤန့ၣ်အပူၤလီၤ.

လံာ်လူၤကၣ် 22:47

ဖဲယ့ၣ်ၡူးကတိၤဒံးတၢ်အဖၢမုၢ်န့ၣ်, ပှၤဂီၢ်မုၢ်တဖုဟဲတုၤဝဲဒၣ်လီၤ. စီၤယူဒၤလၢအမ့ၢ်ပှၤတၢ်မၢဖိတဆံခံဂၤအကျါတဂၤန့ၣ်ဆှၢအဝဲသ့ၣ်, ဒီးအဝဲဒၣ်ဟဲထီၣ်ဆူယ့ၣ်ၡူးအအိၣ်ဒ်သိးအကနၢမူအီၤလီၤ.

လံာ်ယိၤဟၣ် 13:2

ယ့ၣ်ၡူးဒီးအပျဲၢ်အဘီၣ်တဖၣ်အီၣ်ဟါတၢ်အီၣ်အခါ, မုၣ်ကီၤလံၢ်ဒၢနုာ်တ့ၢ်လံဝဲတၢ်ကူၣ်လၢအကဟ့ၣ်လီၤကွံာ် ယ့ၣ်ၡူးလၢစီၤၡံမိၣ်အဖိခွါစီၤယူဒၤအံၣ်စကၤရံၤအိာ် အသးပူၤန့ၣ်လီၤ.

လံာ်ယိၤဟၣ် 6:64

သုဝဲတနီၤနီၤသုတနာ်ယၤဘၣ်.” (ပှၤတဖၣ်လၢ အတစူၢ်က့ၤနာ်က့ၤတၢ်ဘၣ်ဒီးပှၤတဂၤလၢအကဟ့ၣ် လီၤကွံာ်အီၤန့ၣ်, ယ့ၣ်ၡူးသ့ၣ်ညါဝဲလၢအခီၣ်ထံးလံၤလံၤလီၤ.)

လံာ်ယိၤဟၣ် 6:71

ယ့ၣ်ၡူးကတိၤတၢ်အံၤဘၣ်ဃးစီၤၡံမိၣ်အံၣ်စကၤရံၤအိာ် အဖိခွါစီၤယူဒၤန့ၣ်လီၤ. အဝဲမ့ၢ်အပျဲၢ်အဘီၣ်တဆံခံဂၤ အကျါတဂၤသနာ်က့, ကသမၢယ့ၣ်ၡူးဒီးဟ့ၣ်လီၤကွံာ်အီၤ န့ၣ်လီၤ.

မၤတၢ် 1:13

တုၤအက့ၤတုၤလၢဝ့ၢ်ယရူၤရှလ့ၣ်န့ၣ်ဒီး, အဝဲသ့ၣ်လဲၤထီၣ်ဝဲဆူဒၢးတဖျၢၣ်အပူၤလၢဟံၣ်ထးခီတဆီ, ဒၢးတဖျၢၣ်ဃီလၢအဝဲသ့ၣ်အိၣ်ဆိးဝဲတစိၢ်တလီၢ်လၢအပူၤ န့ၣ်လီၤ. ပှၤအိၣ်ဖဲန့ၣ်တဖၣ်မ့ၢ်ဝဲစီၤပ့းတရူး, စီၤယိၤဟၣ်, စီၤယၤကိာ်, စီၤအၣ်ဒရ့း, စီၤဖံလံးပူး, စီၤသိၤမါ, စီၤဘၢ်သလီးမဲ, စီၤမးသဲ, စီၤအၤလဖဲအဖိခွါစီၤယၤကိာ်, ပှၤအဲၣ်အထံအကီၢ်စီၤၡံမိၣ်, ဒီးစီၤယၤကိာ်အဖိခွါ စီၤယူဒၤတဖၣ်လီၤ.

မၤတၢ် 1:25

လၢအကဟံးန့ၢ်စီၤယူဒၤအလီၢ်ဒ်ပှၤတၢ်မၢဖိတဂၤအသိးအဂီၢ်န့ၣ် တက့ၢ်. စီၤယူဒၤညိကွံာ်တ့ၢ်တၢ်လီၢ်န့ၣ်လၢအကလဲၤဆူအလီၢ် အကျဲဒၣ်ဝဲန့ၣ်လီၤ.”