လံာ်မးသဲ 10:28 - Sgaw Karen Common Bible

²⁸ တဘၣ်ပျံၤပှၤလၢအမၤသံပနီၢ်ခိဘၣ်ဆၣ်မၤသံပသးတသ့ဘၣ်န့ၣ်တဂ့ၤ. မ့မ့ၢ်ပျံၤကစၢ်ယွၤလၢအမၤဟးဂီၤပနီၢ်ခိဒီးပသးလၢလရာ် အပူၤသ့ဝဲတဂၤန့ၣ်တက့ၢ်.

လံာ်မးသဲ 10:28 Iomraidhean Croise

လံာ်စီၤပၤခံဘ့ၣ်တဘ့ၣ် 17:39

သုကဘၣ်စူၢ်ယၤ, ယွၤ, သုကစၢ်ယွၤ, ဒီးယကမၤပူၤမၤဖျဲးသုလၢ သုဒုၣ်သုဒါတဖၣ်န့ၣ်လီၤ.”

လံာ်စီၤယိၤဘး 37:24

မၤသးဒ်န့ၣ်ဒီးပှၤကိးဂၤဒဲးဆၢထၢၣ်လၢတၢ်ပျံၤတၢ်ယူး ယီၣ်အီၤအပူၤ, ဒီးတကနၣ်ဃုာ်ဝဲပှၤသ့ၣ်တဖၣ်လၢအစံးလီၤ အသးလၢအအိၣ်ဒီးတၢ်ကူၣ်သ့န့ၣ်ဘၣ်လီၤ.

စံးထီၣ်ပတြၢၤ 119:120

ယညၣ်ကနိးလၢတၢ်ပျံၤနၤအဃိ, ဒီးယပျံၤနတၢ်စံၣ်ညီၣ်တဖၣ်လီၤ.

လံာ်ပှၤစံၣ်တဲၤတဲလီၤတၢ် 5:7

တၢ်မံမီၢ်အါဒီးတၢ်ကတိၤတၢ်အါန့ၣ်အခီပညီတအိၣ်ဘၣ်. မၤသးဒ်န့ၣ်ဒီးဆၢထၢၣ်လၢကစၢ်ယွၤအမဲာ်ညါလၢတၢ်ပျံၤဒီးတၢ် ယူးယီၣ်အပူၤန့ၣ်တက့ၢ်.

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်ယၡါယၤ 51:7

ဒိကနၣ်ယၤ, သုဝဲလၢအသ့ၣ်ညါတၢ်လၢအဘၣ်, သုဝဲလၢယတၢ်သိၣ်လိအိၣ်စဲထီဃာ် လၢအသးပူၤသ့ၣ်ဧၢ, ဖဲပှၤကတိၤဆဲးအဲးသုဒီးဒုၣ် ဒွဲၣ်စံးအၢသုန့ၣ်ပျံၤတၢ်တဂ့ၤ.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်ယံးရမံယၤ 5:22

ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.

လံာ်မးသဲ 10:26

လၢတၢ်န့ၣ်အဃိတဘၣ်ပျံၤပှၤတဖၣ်န့ၣ်တဂ့ၤ. အဂ့ၢ်ဒ်အံၤတၢ်လၢအဘၣ် တၢ်ကးဘၢအီၤလၢအတဘၣ်တၢ်မၤဖျါထီၣ်အီၤန့ၣ်, တအိၣ်ဘၣ်နီတမံၤဘၣ်. ဒီးတၢ်လၢအအိၣ်သဒၢတဖၣ်န့ၣ်, ကဘၣ်တၢ်လီၣ်ဖျါထီၣ်အီၤခဲလၢာ်လီၤ.

လံာ်မးသဲ 25:46

တုၤနုၤတစု, ပှၤတဖၣ်အံၤကလဲၤနုာ်ဆူတၢ်စံၣ်ညီၣ်အထူ အယိာ်အပူၤ, မ့မ့ၢ်ပှၤအတီအလိၤတဖၣ်ကလဲၤနုာ်ဆူ တၢ်မူအထူအယိာ်အပူၤလီၤ.”

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်ယိၤဟၣ် 5:29

ဒီးကဟဲက့ၤထီၣ်ဝဲလၢအသွၣ်ခိၣ်အပူၤ, ပှၤလၢအမၤတၢ်ဂ့ၤတဖၣ်ကဂဲၤဆၢထၢၣ်က့ၤဒီးမူဝဲ ဒီးပှၤလၢအမၤတၢ်အၢတဖၣ်ကဂဲၤဆၢထၢၣ်က့ၤဒီး ဘၣ်တၢ်စံၣ်ညီၣ်ဃၣ်အီၤန့ၣ်လီၤ.

မၤတၢ် 21:13

ဘၣ်ဆၣ်ဒီးအဝဲဒၣ်စံးဆၢဝဲ, “သုဟီၣ်သုယၢၤဒ်သိးအံၤဒီးမၤသဘှံးယသးဘၣ်မနုၤ အဃိလဲၣ်. ယအိၣ်ကတဲာ်ကတီၤယသးတမ့ၢ်ထဲလၢယကဘၣ် တၢ်စၢဃာ်ယၤဖဲဝ့ၢ်ယရူၤၡလ့ၣ်န့ၣ်ဘၣ်. မ့မ့ၢ်လၢယကသံဖဲန့ၣ်လၢကစၢ်ယ့ၣ်ၡူးအဂီၢ်ဒၣ်လဲာ်န့ၣ်လီၤ.”

ဧ့ၤဘြံၤ 10:31

တၢ်လီၤနုာ်ဘၣ်ဆူ ကစၢ်ယွၤလၢအမူဝဲတဂၤအစုပူၤန့ၣ်, မ့ၢ်တၢ်လၢအလီၤပျံၤလီၤဖုးဒိၣ်မးလီၤ.

ဧ့ၤဘြံၤ 11:35

လၢတၢ်စူၢ်တၢ်နာ်န့ၣ်ပိာ်မုၣ်တဖၣ်န့ၢ်ဘၣ်က့ၤအဘူး အတံၢ်လၢအသံတ့ၢ်ဝဲတဖၣ်ခီဖျိတၢ်ဂဲၤဆၢထၢၣ်သမူ ထီၣ်က့ၤန့ၣ်လီၤ. ပှၤအဂၤတဖၣ်လၢအတတူၢ်လိာ်ဘၣ်တၢ်ပျၢ်ထူၣ်ဖျဲးထီၣ်အီၤ ဘၣ်န့ၣ်သံဝဲလၢတၢ်မၤအၢမၤနးအဃိဒ်သိးအကဘၣ် တၢ်ဒုးဂဲၤဆၢထၢၣ်က့ၤအီၤဆူတၢ်မူလၢအဂ့ၤဒၣ်တၢ် တက့ၢ်န့ၣ်လီၤ.

ယၤကိာ် 4:12

ပှၤဟ့ၣ်လီၤတၢ်သိၣ်တၢ်သီဒီးစံၣ်ညီၣ်တၢ်န့ၣ်, မ့ၢ်ဒၣ်ထဲ ကစၢ်ယွၤတဂၤဧိၤလီၤ. အဝဲဒၣ်န့ၣ်, အုၣ်က့ၤခီၣ်က့ၤတၢ်သ့ဒီးမၤဟးဂီၤတၢ်သ့န့ၣ်လီၤ. လၢသုကစံၣ်ညီၣ်သုဒီပုၢ်ဝဲၢ်ကဒဲကဒဲအဂီၢ်, မ့ၢ်သုဆိကမိၣ်လၢသုမ့ၢ်မတၤလဲၣ်.

၁ ပ့းတရူး 3:14

သုမ့ၢ်ဘၣ်တူၢ်တၢ်နးတၢ်ဖှီၣ်လၢသုမၤတၢ်အဘၣ်အဃိဒၣ်လဲာ်, သုဘၣ်ဆိၣ်ဂ့ၤဝဲလီၤ. တဘၣ်ပျံၤပှၤနီတဂၤတဂ့ၤဒီးတဘၣ်သူၣ်ကိၢ်သးဂီၤတဂ့ၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.