လံာ်မးသဲ 10:27 - Sgaw Karen Common Bible

²⁷ တၢ်လၢယတဲဘၣ်သုလၢတၢ်ခံးကျါန့ၣ်, သုကဘၣ်ကတိၤဖျါထီၣ်အီၤ လၢတၢ်ကပီၤအကျါဒီးတၢ်လၢသုနၢ်ဟူကသွံဒံန့ၣ်, သုကဘၣ်ကိးသတြီထီၣ်အီၤလၢဟံၣ်ခိၣ်အဖီခိၣ်ဒ်သိးပှၤဂၤကနၢ်ဟူ အဂီၢ်လီၤ.

လံာ်မးသဲ 10:27 Iomraidhean Croise

လံာ်ယၡါယၤ 22:1

အအံၤမ့ၢ်တၢ်ကစီၣ်တခါဘၣ်ဃးဒီးတၢ်ထံၣ်လၢညါခီ အကစၢၢ်ကဆူးအဂ့ၢ်န့ၣ်လီၤ. တၢ်မနုၤမၤအသးန့ၣ်လဲၣ်. ဘၣ်မနုၤအဃိပှၤလၢဝ့ၢ်ပူၤတဖၣ် မၤမူးသးခုလၢအဟံၣ်တဖၣ်အခိၣ်ဒုးအဖီခိၣ်န့ၣ်လဲၣ်.

လံာ်မးသဲ 24:17

ဒီးပှၤတဂၤလၢအအိၣ်လၢအဟံၣ်ခိၣ်ဒုးအဖီခိၣ်န့ၣ်, မ်အသုတဟံးန့ၢ်တၢ်ဆၢကတီၢ်လၢကက့ၤနုာ်ဆူဟံၣ်အပူၤ, ဒ်သိးအကဟံးန့ၢ်အတၢ်ဖိတၢ်လံၤတဖၣ်လၢအအိၣ်လၢ အဟံၣ်ပူၤန့ၣ်တဂ့ၤ.

လံာ်လူၤကၣ် 12:3

လၢတၢ်န့ၣ်အဃိ, တၢ်တမံၤလၢ်လၢ်လၢသုစံးတ့ၢ်သုဝဲလၢတၢ်ခံးကျါန့ၣ်, ကဘၣ်တၢ်နၢ်ဟူအီၤလၢမုၢ်ဆါခီအတၢ်ကပီၤအဆၢကတီၢ်, ဒီးတၢ်တမံၤလၢ်လၢ်လၢသုကတိၤကသွံတ့ၢ်သုဝဲလၢပှၤအနၢ်ပူၤ လၢဒၢးအိၣ်ကးတံာ်ဃာ်အသးတဖျၢၣ်အပူၤန့ၣ်, ကဘၣ်တၢ်ကိးသတြီမၤဖျါထီၣ်အီၤလၢဟံၣ်ခိၣ်အဖီခိၣ်လီၤ.

လံာ်လူၤကၣ် 8:10

ယ့ၣ်ၡူးစံးဆၢဝဲ, “တၢ်သ့ၣ်ညါနၢ်ပၢၢ်ဘၣ်ဃးဒီးကစၢ်ယွၤအဘီအမုၢ်အတၢ် ခူသူၣ်န့ၣ်, တၢ်ဟ့ၣ်တ့ၢ်လံအီၤလၢသုဝဲလံ. မ့မ့ၢ်ပှၤအဂၤတဖၣ်န့ၣ်, တၢ်ပာ်ဖျါထီၣ်အီၤခီဖျိတၢ်ကတိၤဒိဒ်သိး အဝဲသ့ၣ်ကကွၢ်တၢ်ဘၣ်ဆၣ်တထံၣ်တၢ်ဘၣ်, ဒီးကဒိကနၣ်တၢ်ဘၣ်ဆၣ်တနၢ်ပၢၢ်တၢ်ဘၣ်န့ၣ်လီၤ.”

လံာ်ယိၤဟၣ် 16:1

ယစံးဘၣ်တဲဘၣ်တ့ၢ်သုတၢ်ခဲလၢာ်အံၤ, ဒ်သိးသုသုတညိကွံာ်သုတၢ်စူၢ်တၢ်နာ်တဂ့ၤအဂီၢ်န့ၣ်လီၤ.

လံာ်ယိၤဟၣ် 16:13

မ့မ့ၢ်, ဖဲယွၤအသးလၢအလီၣ်ဖျါထီၣ်တၢ်မ့ၢ်တၢ်တီ ဘၣ်ဃးဒီးကစၢ်ယွၤန့ၣ်ဟဲဝဲဒီး, အဝဲကဒုးထံၣ်သ့ၣ်ညါသုလၢတၢ်မ့ၢ်တၢ်တီခဲလၢာ်န့ၣ်လီၤ. အဝဲတကတိၤတၢ်ဖဲအသးဒၣ်ဝဲဘၣ်. မ့မ့ၢ် အဝဲကစံးဘၣ်တဲဘၣ်သုတၢ်လၢအဝဲနၢ်ဟူဝဲဒီး ကစံးဘၣ်တဲဘၣ်သုတၢ်လၢအကမၤအသးတဖၣ်န့ၣ်လီၤ.

လံာ်ယိၤဟၣ် 16:25

ယစံးဘၣ်တဲဘၣ်သုတၢ်သ့ၣ်တဖၣ်အံၤလၢတၢ်ကတိၤ အဒိန့ၣ်လီၤ. ဘၣ်ဆၣ်ဒီးတၢ်ဆၢကတီၢ်ကတုၤဝဲဖဲ ယတသူလၢၤတၢ်ကတိၤအဒိဘၣ်. မ့မ့ၢ်ယကကတိၤတၢ်ဒီး သုဖျါဖျါဘၣ်ဃးဒီးပၢ်အဂ့ၢ်န့ၣ်လီၤ.

လံာ်ယိၤဟၣ် 16:29

ထဲန့ၣ်ဒီး, အပျဲၢ်အဘီၣ်တဖၣ်စံးဘၣ်အီၤ, “ခဲအံၤနကတိၤလံ တၢ်ဖျါဖျါ, ဒီးတသူတၢ်ကတိၤအဒိတဖၣ်န့ၣ်ဘၣ်.

မၤတၢ် 17:17

လၢတၢ်န့ၣ်အဃိ, အဝဲကတိၤဂ့ၢ်လိာ်ဘှီလိာ်တၢ်ဒီးပှၤယူဒၤ ဖိဒီးပှၤအဲၣ်ထူအဲၣ်ယွၤတဖၣ်ဖဲဘူၣ်ဘျီၣ်လၢအမ့ၢ်တၢ်ဘါ အလီၢ်အပူၤ, ဒီးကတိၤဂ့ၢ်လိာ်ဘှီလိာ်စ့ၢ်ကီးတၢ်ကိးနံၤဒဲးဒီးပှၤလၢ အလဲၤဘၣ်အတီၤဖဲဖၠါပူၤတဖၣ်န့ၣ်လီၤ.

မၤတၢ် 5:20

“လဲၤဒီးဆၢထၢၣ်လၢတၢ်လုၢ်ဟံၣ်အပူၤဒီးစံးဘၣ်တဲဘၣ် ပှၤတဖၣ်ဘၣ်ဃးတၢ်အိၣ်မူအသီအံၤအဂ့ၢ်ခဲလၢာ်တက့ၢ်.”

မၤတၢ် 5:28

“ပမၤလိာ်သုသပှၢ်ပှၢ်လၢသုတဘၣ်သိၣ်လီၤသီလီၤတၢ်လၢပှၤ တဂၤအံၤအမံၤတဂ့ၤန့ၣ်လီၤ. ဘၣ်ဆၣ်ဒီး, ခဲအံၤသုမၤတ့ၢ်တၢ်မနုၤလဲၣ်. သုတၢ်သိၣ်လီၤသီလီၤန့ၣ်သုရၤလီၤအီၤပှဲၤလၢဝ့ၢ်ယရူၤၡလ့ၣ်အပူၤ ဒီးသုအဲၣ်ဒိးပာ်အဝဲဒၣ်အသွံၣ်လၢပလိၤန့ၣ်လီၤ.”

၂ ကရံၣ်သူး 3:12

မ့ၢ်လၢပအိၣ်ဒီးတၢ်မုၢ်လၢ်တမံၤအံၤအဃိ, ပသူၣ်ဒူသးဒူပဝဲ ဒိၣ်မးလီၤ.