လံာ်မးသဲ 10:23 - Sgaw Karen Common Bible

²³ တုၤပှၤမၤနးမၤဖှီၣ်သုလၢဝ့ၢ်တဖျၢၣ်အပူၤဒီးဃ့ၢ်ပူၤဖျဲးကွံာ်ဆူ ဝ့ၢ်အဂၤတဖျၢၣ်တက့ၢ်. နာ်ယၤတက့ၢ်. သုမၤတၢ်လၢအံၣ်စရ့လး အဝ့ၢ်တဖၣ်အပူၤတချုးသကုၤဒံးဘၣ်န့ၣ်, ပှၤကညီဖိခွါကဟဲဝဲလီၤ.

လံာ်မးသဲ 10:23 Iomraidhean Croise

လံာ်ယံးရမံယၤ 26:21

ဖဲစီၤပၤယဟိၤယါ ကံၣ်ဒီးအသုးဖိတဖၣ်ဒီးအပဒိၣ်ပပှၢ်တဖၣ် နၢ်ဟူ တၢ်လၢစီၤအူၤရံယၤကတိၤတ့ၢ်ဝဲန့ၣ်, စီၤပၤကျဲးစၢးတ့ၢ် လၢကမၤသံအီၤန့ၣ်လီၤ. ဘၣ်ဆၣ် စီၤအူၤရံယၤနၢ်ဟူတ့ၢ်တၢ်အံၤ, သတးဒီး အဝဲထွးထီၣ်ဃ့ၢ်ပူၤဖျဲးကွံာ်ဝဲလၢ တၢ်ပျံၤတၢ်ဖုးအ ပူၤ ဆူကီၢ်အဲၤကူပတူးန့ၣ်လီၤ.

လံာ်မးသဲ 16:27

အဂ့ၢ်ဒ်အံၤ, ပှၤကညီဖိခွါအံၤကဟဲဝဲဒီးပၢ်အလၤကပီၤ, အိၣ်ဃုာ်ဒီးအကလူးတဖၣ်လီၤ. တုၤနုၤတစု, ကဟ့ၣ်ဘူးဟ့ၣ်လဲ ပှၤကညီကိးဂၤဒဲးဒ်အကြၢးဒီးတၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်မးသဲ 16:28

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအဆၢထၢၣ်ဖဲအံၤတနီၤန့ၣ်, တချုးလၢအထံၣ်ဘၣ်ပှၤကညီဖိခွါဟဲလၢ အဘီအမုၢ်အပူၤဒံးဘၣ်န့ၣ်, တသံဘၣ်ဝဲဘၣ်.”

လံာ်မးသဲ 2:13

တုၤပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်က့ၤဝံၤအလီၢ်ခံဒီး ယွၤအကလူးတဂၤလီၣ်ဖျါထီၣ်အသးလၢစီၤယိၤသးလၢတၢ်မံမီၢ် အပူၤဒီးစံးဝဲ, “ဂဲၤဆၢထၢၣ်, ကိးထီၣ်ဖိသၣ်ဒီးအမိၢ်န့ၣ်ဝံၤဃ့ၢ်ပူၤဖျဲးကွံာ်သုသးဆူ ကီၢ်အဲၤကူပတူးဒီးအိၣ်ဖဲန့ၣ်တုၤယမၢနဟးထီၣ်တစုန့ၣ်တက့ၢ်. အဂ့ၢ်ဒ်အံၤ စီၤပၤဟ့ၤရိာ်ကမၢလီၤပှၤလၢကဃုဖိသၣ်အံၤဒ်သိး အကမၤသံအီၤအဂီၢ်လီၤ.”

လံာ်မးသဲ 23:34

လၢတၢ်န့ၣ်အဃိ, ယစံးဘၣ်သုလၢယကဆှၢလီၤန့ၢ်သုလၢဝံ တဖၣ်, ပှၤကူၣ်ဘၣ်ကူၣ်သ့တဖၣ်, ဒီးသရၣ်သိၣ်လိတၢ်တဖၣ်လီၤ. တနီၤန့ၣ်သုကမၤသံအီၤ, ဒီးတနီၤန့ၣ်သုကပျၤထီအီၤလၢထူၣ်စုညါ အလိၤ, ဒီးအဂၤတနီၤန့ၣ်သုကတီၢ်အီၤလၢဘူၣ်ဘျီၣ်လၢ အမ့ၢ်တၢ်ဘါလီၢ်အပူၤဒီးလူၤမၤနးမၤဖှီၣ်အီၤလၢတဝ့ၢ်ဘၣ်တဝ့ၢ် အပူၤလီၤ.

လံာ်မးသဲ 23:36

ယစံးဘၣ်တဲဘၣ်သုတၢ်မ့ၢ်တၢ်တီ, တၢ်စံၣ်ညီၣ်ဃၣ်လၢတၢ်မၤသံပှၤတဖၣ်အံၤခဲလၢာ် အဂီၢ်ကလီၤတီလၢပှၤတစိၤအံၤအလိၤလီၤ.

လံာ်မးသဲ 24:27

အဂ့ၢ်ဒ်အံၤ, ပှၤကညီဖိခွါကဟဲဝဲဒ်လီဝၢ်အဒံး, ဒီးဆဲးကပြုၢ်ထီၣ်ဘၣ်မူခိၣ်ဒီဘ့ၣ်ညါ, စးထီၣ်လၢမုၢ်ထီၣ်တုၤလီၤလၢမုၢ်နုာ်အသိးန့ၣ်လီၤ.

လံာ်မးသဲ 24:30

တုၤနုၤတစု, ပှၤကညီဖိခွါအတၢ်ပနီၣ်ကဟဲအိၣ်ဖျါထီၣ်လၢမူ ခိၣ်, ဒီးပှၤကလုာ်ခဲလၢာ်လၢဟီၣ်ခိၣ်ချၢအံၤကဟီၣ်ကယၢၤတၢ်, ဖဲအထံၣ်ဘၣ်ပှၤကညီဖိခွါဟဲဝဲလၢတၢ်အၢၣ်လၢမူကပိာ်လိၤ အိၣ်ဒီးအစိအကမီၤဒီးအလၤအကပီၤဒိၣ်ဒိၣ်မုၢ်မုၢ်လီၤ.

လံာ်မးသဲ 24:34

သ့ၣ်နီၣ်ထီၣ်လၢ, တၢ်တဖၣ်အံၤခဲလၢာ်ကမၤအသးတချုးလၢ ပှၤတစိၤအံၤလဲၤပူၤကွံာ်ဒံးဘၣ်န့ၣ်လီၤ.

လံာ်မးသဲ 24:48

ဘၣ်ဆၣ်ဒီး, တၢ်အခ့အပှၤလၢအအၢတဂၤန့ၣ်, မ့ၢ်စံးဝဲလၢအသးကံၢ်ပူၤလၢအကစၢ်ကဟဲက့ၤအဆၢကတီၢ်ယံာ်ဒံး ဝဲ,

လံာ်မးသဲ 25:13

ဒီးယ့ၣ်ၡူးမၤကတၢၢ်က့ၤအတၢ်ကတိၤဒီးစံး, “ဆိးသီတက့ၢ်. အဂ့ၢ်ဒ်အံၤ, မုၢ်နံၤမ့ၢ်ဂ့ၤ, နၣ်ရံၣ်မ့ၢ်ဂ့ၤသုတသ့ၣ်ညါဘၣ်.

လံာ်မးသဲ 26:64

ယ့ၣ်ၡူးစံးဆၢအီၤ, “နစံးတ့ၢ်လံနဲလံ. မ့မ့ၢ်ယတဲဘၣ်သုခဲလၢာ် လၢစးထီၣ်ခဲအံၤဒီးဆူညါသုကထံၣ်ပှၤကညီဖိခွါဆ့ၣ်နီၤလၢတၢ် သ့တၢ်လၢာ်တဂၤအစုထွဲဒီးဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မးသဲ 4:12

တုၤယ့ၣ်ၡူးနၢ်ဟူဝဲလၢစီၤယိၤဟၣ်ဘၣ်တၢ်ဖီၣ်အီၤဝံၤဒၢနုာ် အီၤလၢဃိာ်ပူၤလံဒီးအဝဲဒၣ်က့ၤဝဲဆူကီၢ်ကၤလံၤလါလီၤ.

လံာ်မၢ်ကူး 13:26

တုၤနုၤတစုပှၤကထံၣ်ဘၣ်ပှၤကညီဖိခွါဟဲလီၤဝဲလၢတၢ် အၢၣ်တဖၣ်အကျါ, အိၣ်ဒီးတၢ်စိဒိၣ်ကမီၤဒိၣ်ဒီးတၢ်လၤ တၢ်ကပီၤန့ၣ်လီၤ.

လံာ်လူၤကၣ် 18:8

ယစံးဘၣ်တဲဘၣ်သု, အဝဲဒၣ်ကစံၣ်ညီၣ်တီန့ၢ်တၢ်လၢအဝဲသ့ၣ်အဂီၢ်, ဒီးကမၤဝဲချ့ချ့ကလဲာ်လီၤ. ဘၣ်ဆၣ်ဒီးဖဲပှၤကညီဖိခွါဟဲဝဲန့ၣ်, မ့ၢ်အဝဲကထံၣ်ပှၤအိၣ်ဒီးတၢ်စူၢ်တၢ်နာ်လၢဟီၣ်ခိၣ်ချၢန့ၣ်ဧါ.”

လံာ်လူၤကၣ် 21:27

တုၤနုၤတစု, ပှၤကညီဖိခွါကဟဲအိၣ်ဖျါထီၣ်လၢတၢ်အၢၣ်အပူၤ, အိၣ်ဒီးတၢ်စိတၢ်ကမီၤဒီးတၢ်လၤတၢ်ကပီၤအဒိၣ်အမုၢ်လီၤ.

လံာ်ယိၤဟၣ် 7:1

တၢ်အံၤဝံၤအလီၢ်ခံဒီး, ယ့ၣ်ၡူးဟးဝ့ၤဝီၤဝဲလၢကီၢ်ကၤလံၤလါ အပူၤလီၤ. မ့ၢ်လၢပှၤယူဒၤဖိအခိၣ်အနၢ်တဖၣ်ဃုမၤသံအီၤ အဃိ, အဝဲတသးအိၣ်ဟးဝ့ၤဝီၤလၢကီၢ်ယူဒၤအပူၤန့ၣ်ဘၣ်.

မၤတၢ် 17:10

ဖဲမုၢ်နၤတုၤဃီၤန့ၣ်, တဘျီဃီအပျဲၢ်အဘီၣ်တဖၣ်ဆှၢစီၤပီလူးဒီး စီၤစံလၤဆူဝ့ၢ်ဘ့းရံၤ, ဒီးဖဲအဝဲသ့ၣ်လဲၤတုၤန့ၣ်လဲၤနုာ်ဝဲဆူဘူၣ်ဘျီၣ်လၢအမ့ၢ် တၢ်ဘါအလီၢ်န့ၣ်လီၤ.

မၤတၢ် 17:14

တဘျီဃီဖဲန့ၣ်, ပှၤစူၢ်က့ၤနာ်က့ၤတၢ်တဖၣ်ဆှၢစီၤပီလူးဒီးပှၤ အဂၤတနီၤဆူပီၣ်လဲၣ်ကၢၢ်နံၤ, မ့မ့ၢ်စီၤစံလၤဒီးစီၤတံၤမသ့းခံဂၤလၢာ်အိၣ်တ့ၢ်ဝဲဖဲ ဝ့ၢ်ဘ့းရံၤန့ၣ်လီၤ.

မၤတၢ် 20:1

ဖဲတၢ်တၢထီၣ်တၢလီၤဘှ့ၣ်လီၤက့ၤဝံၤအလီၢ်ခံန့ၣ်, စီၤပီလူးကိးဖှိၣ်အပျဲၢ်အဘီၣ်တဖၣ်ဒီးကတိၤဟ့ၣ်ဂံၢ် ဟ့ၣ်ဘါအဝဲသ့ၣ်ဝံၤ, ဆၢဂ့ၤဆၢဝါအဝဲသ့ၣ်ဒ်သိးအကလီၤ ဖးဒီးအီၤမုာ်မုာ်အဂီၢ်လီၤ. အန့ၣ်ဝံၤအလီၢ်ခံအဝဲဒၣ်ဟးထီၣ်ဒီးလဲၤဆူကီၢ်မၤက့းဒနံန့ၣ်လီၤ.

မၤတၢ် 8:1

စီၤစီလူးအၢၣ်လီၤထွဲဝဲတၢ်မၤသံစီၤစတ့းဖၣ်န့ၣ်လီၤ. တနံၤဃီအဝဲန့ၣ်, တၢ်အိၣ်ဖှိၣ်လၢဝ့ၢ်ယရူၤၡလ့ၣ်အပူၤဘၣ်တၢ်စးထီၣ်မၤအၢမၤနး အီၤနးမးလီၤ. မ့တမ့ၢ်ဘၣ်လၢပှၤတၢ်မၢဖိတဖၣ်ဘၣ်ဒီး, ပှၤစူၢ်က့ၤနာ်က့ၤတၢ်ခဲလၢာ်လီၤပြံလီၤပြါဝဲသကုၤကီၢ်ယူဒၤ ဒီးကီၢ်ၡၤမရံန့ၣ်လီၤ.