လံာ်မးသဲ 10:21 - Sgaw Karen Common Bible

²¹ ပှၤကဟ့ၣ်လီၤကွံာ်အဒီပုၢ်ဝဲၢ်ဒၣ်ဝဲဆူတၢ်သံ, ပၢ်တဖၣ်ကဟ့ၣ်လီၤကွံာ်အဖိတဖၣ်, ဖိတဖၣ်ကထီဒါက့ၤအမိၢ်အပၢ်တဖၣ်ဒီး ဟ့ၣ်လီၤကွံာ်အဝဲသ့ၣ်ဒ်သိးကဘၣ်တၢ်မၤသံအီၤအဂီၢ်လီၤ.

လံာ်မးသဲ 10:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:11

ဒီးစီၤဒၤဝံးစံးဘၣ်စီၤအဘံၡဲၤဒီးပဒိၣ်ပပှၢ်ခဲလၢာ်ဒ်အံၤ, “ယဖိခွါဒၣ်ယဲန့ၣ်ကျဲးစၢးဝဲဒ်သိးကမၤသံယၤလီၤ. လၢတၢ်န့ၣ်အဃိဘၣ်မနုၤလၢသုကဘၣ်ကမၢကမၣ်လၢပှၤဘံၣ်ယၤမံၣ်ဖိ တဂၤအံၤအဃိန့ၣ်လဲၣ်. ယွၤတဲတ့ၢ်အီၤလၢကဆိၣ်အၢတၢ်အဃိ, ပာ်တ့ၢ်အီၤထဲတဂၤဧိၤဒီးပျဲအမၤတၢ်န့ၣ်တက့ၢ်.

လံာ်စီၤယိၤဘး 19:19

ကယဲၢ်ယတံၤသကိးတံၢ်နီၣ်တဖၣ်သးဘၣ်အၢယၤဒီးပှၤလၢ ယအဲၣ်အီၤဒိၣ်မးတဖၣ်ဃၣ်ကွံာ်အသးထီဒါယၤလီၤ.

စံးထီၣ်ပတြၢၤ 50:20

နကတိၤထီဒါ နဒီပုၢ်ဝဲတထံၣ်ဃီဒီး နဒုၣ်ဒွဲၣ်နမိၢ်အဖိခွါလီၤ.

လံာ်ယၡါယၤ 19:2

ယွၤစံးဝဲဒၣ်, “ယကထိၣ်ဂဲၤထီၣ်ပှၤအဲၤကူပတူးဖိအတၢ်ဒုး ထီဒါလိာ်သးကဒဲကဒဲလီၤ. ဒီပုၢ်ဝဲၢ်ကထီဒါအဒီပုၢ်ဝဲၢ်, ပှၤအိၣ်ဘူးအိၣ်တံၢ်ကထီဒါလိာ်အသး, ဝ့ၢ်တဖၣ်လၢအဂုာ်မၤနၢၤလိာ်အသးကဒုးတၢ်ယၤတၢ်, ဒီးစီၤပၤတဖၣ်လၢအဂုာ်မၤနၢၤလိာ်အသးကဂဲၤပျုၢ် မၤန့ၢ်တၢ်စိတၢ်ကမီၤလီၤ.

လံာ်စကၤရယၤ 13:3

ဒီးပှၤမ့ၢ်အိၣ်ဒံးဝဲဒၣ်တဂၤဂၤလၢအကတိၤဒံးကဒီးတၢ်လၢဝံ အကျိာ်န့ၣ်, အမိၢ်ဒီးအပၢ်ဒၣ်ဝဲကတဲဘၣ်အီၤလၢအဝဲကဘၣ် တၢ်မၤသံအီၤန့ၣ်လီၤ. အဂ့ၢ်ဒ်အံၤ, အဝဲစံးလီၤအသးလၢအကတိၤယွၤအကလုၢ်ကထါဘၣ်ဆၣ်ဒီး ကတိၤကဘျံးကဘျၣ်တၢ်အဃိန့ၣ်လီၤ. ဖဲအဝဲကတိၤတၢ်လၢဝံ အကျိာ်န့ၣ်, အမိၢ်ဒီးအပၢ်ဒၣ်ဝဲကဆဲးသံအီၤန့ၣ်လီၤ.

လံာ်မးသဲ 24:10

တုၤနုၤတစု, ပှၤအါဂၤကညိကွံာ်အတၢ်စူၢ်တၢ်နာ်ဖဲအကတီၢ်န့ၣ်လီၤ. အဝဲသ့ၣ်ကဆါလီၤအီၣ်ကွံာ်အသးတဂၤဒီးတဂၤဒီးကသးဟ့လိာ် အသးသကိးသကိးလီၤ.