လံာ်မးသဲ 10:2 - Sgaw Karen Common Bible

² အအံၤမ့ၢ်ပှၤတၢ်မၢဖိတဆံခံဂၤအမံၤလီၤ. အဆိကတၢၢ် (စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢစီၤပ့းတရူး), ဝံၤအဒီပုၢ်ဝဲၢ်စီၤအၣ်ဒရ့း, စီၤစ့းဘ့းဒဲအဖိခွါစီၤယၤကိာ်ဒီး စီၤယိၤဟၣ်တဖၣ်,

လံာ်မးသဲ 10:2 Iomraidhean Croise

လံာ်မးသဲ 17:1

ဃုသီဝံၤအလီၢ်ခံဒီး, ယ့ၣ်ၡူးကိးန့ၢ်စီၤပ့းတရူး, စီၤယၤကိာ်ဒီးအဒီပုၢ်ဝဲၢ်စီၤယိၤဟၣ်, ဒီးလဲၤဆှၢထီၣ်အဝဲသ့ၣ်ဆူကစၢၢ်ဖးထီတဖျၢၣ်အလိၤ, ဒီးအိၣ်ဝဲဖဲန့ၣ်ထဲအဝဲသ့ၣ်ဧိၤလီၤ.

လံာ်မးသဲ 20:20

တုၤနုၤတစု, စီၤစ့းဘ့းဒဲအမါဟဲဒီးအဖိခွါခံဂၤဆူယ့ၣ်ၡူးအအိၣ်, တီၤလီၤကဒွံကျိာ်လၢအမဲာ်ညါ, ဒီးဃ့တၢ်တမံၤလၢအီၤလီၤ.

လံာ်မးသဲ 26:37

အဝဲလဲၤကိးဃုာ်စီၤပ့းတရူးဒီးစီၤစ့းဘ့းဒဲအဖိခွါခံဂၤန့ၣ်လီၤ. အသူၣ်အုးသးအုးဒီးသူၣ်ကိၢ်သးဂီၤဝဲဒိၣ်မးလီၤ.

လံာ်မးသဲ 4:18

ယ့ၣ်ၡူးဟဲဝဲလၢပီၣ်လဲၣ်ကၤလံၤလါအနံၤဒီးထံၣ်န့ၢ်ပှၤမၤညၣ် ဖိဒီပုၢ်ဝဲၢ်ခံဂၤလၢအမ့ၢ်စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢ စီၤပ့းတရူးဒီးစီၤအၣ်ဒရ့း ဖဲအဝဲသ့ၣ်ကွံာ်လီၤစၤလၢပီၣ်လဲၣ်ပူၤ အခါန့ၣ်လီၤ.

လံာ်မးသဲ 4:21

လဲၤကဒီးဆူညါဒီးယ့ၣ်ၡူးထံၣ်န့ၢ်ဝဲပှၤဒီပုၢ်ဝဲၢ်အဂၤခံဂၤ, စီၤယၤကိာ်ဒီးစီၤယိၤဟၣ်လၢအမ့ၢ်စီၤစ့းဘ့းဒဲအဖိခွါတဖၣ် လီၤ. အဝဲသ့ၣ်အိၣ်လၢချံပူၤဃုာ်ဒီးအပၢ်ဒီးကတဲာ်ကတီၤဆးက့ၤ အစၤတဖၣ်လီၤ. ယ့ၣ်ၡူးကိးအဝဲသ့ၣ်,

လံာ်မၢ်ကူး 1:29

ယ့ၣ်ၡူးဒီးအပျဲၢ်အဘီၣ်တဖၣ်ဟးထီၣ်ကွံာ်လၢဘူၣ်ဘျီၣ်လၢ အမ့ၢ်တၢ်ဘါလီၢ်အပူၤအိၣ်ဃုာ်ဒီးစီၤယၤကိာ်ဒီး စီၤယိၤဟၣ် ဒီးလဲၤနုာ်ဆူစီၤၡံမိၣ်ဒီးစီၤအၣ်ဒရ့းအဟံၣ်ပူၤလီၤ.

လံာ်မၢ်ကူး 13:3

ဖဲယ့ၣ်ၡူးဆ့ၣ်နီၤဝဲလၢကစၢၢ်သ့ၣ်စၤယံးအဒီခိၣ်ဒီးကွၢ်ဃီၤ တၢ်ဆူတၢ်လုၢ်ဟံၣ်အကတီၢ်န့ၣ်, စီၤပ့းတရူး, စီၤယၤကိာ်, စီၤယိၤဟၣ်, ဒီးစီၤအၣ်ဒရ့းတဖၣ်သံကွၢ်အီၤကစုဒု,

လံာ်မၢ်ကူး 6:30

ပှၤတၢ်မၢဖိတဖၣ် ဟဲက့ၤဆူယ့ၣ်ၡူးအအိၣ်ဒီးစံးဘၣ်တဲဘၣ် အီၤလၢကယဲၢ်တၢ်လၢအဝဲသ့ၣ်မၤတ့ၢ်ဝဲဒီးသိၣ်လီၤသီလီၤတ့ၢ်ဝဲ တဖၣ်န့ၣ်လီၤ.

လံာ်လူၤကၣ် 11:49

လၢတၢ်ဂ့ၢ်တမံၤအံၤအဃိ, ကစၢ်ယွၤအတၢ်ကူၣ်ဘၣ်ကူၣ်သ့စံးဝဲ, “ယကဆှၢလီၤန့ၢ်အဝဲသ့ၣ်လၢဝံတဖၣ်, ဒီးတၢ်မၢဖိတဖၣ်လီၤ. အဝဲသ့ၣ်ကမၤသံအီၤတနီၤ, ဒီးမၤအၢမၤနးအဂၤတဖၣ်လီၤ.

လံာ်လူၤကၣ် 22:14

ဖဲဆၢကတီၢ်နၣ်ရံၣ်တုၤဃီၤန့ၣ်, ယ့ၣ်ၡူးဟံးန့ၢ်အလီၢ်ဖဲစီၢ်နီၤခိၣ်, ဃုာ်ဒီးတၢ်မၢဖိတဖၣ်န့ၣ်လီၤ.

လံာ်လူၤကၣ် 22:8

ယ့ၣ်ၡူးမၢလီၤစီၤပ့းတရူးဒီးစီၤယိၤဟၣ်ဒီးမၤလိာ်အဝဲသ့ၣ်ဒ်အံၤ, “လဲၤဒီးကတဲာ်ကတီၤပာ်ပဘူၣ်လဲၤကပာ်အတၢ်အီၣ်လၢ ပကအီၣ်အီၤအဂီၢ်န့ၣ်တက့ၢ်.”

လံာ်လူၤကၣ် 5:10

ပှၤမၤသကိးတၢ်ဒီးစီၤၡံမိၣ်လၢအမ့ၢ်ဝဲစီၤစ့းဘ့းဒဲအဖိခွါ, စီၤယၤကိာ်ဒီးစီၤယိၤဟၣ်တဖၣ်ကမၢကမၣ်ဝဲစ့ၢ်ကီးလီၤ. ယ့ၣ်ၡူးစံးဘၣ်စီၤၡံမိၣ်, “တဘၣ်ပျံၤတၢ်တဂ့ၤ. စးထီၣ်မုၢ်တနံၤအံၤဒီးဆူညါန့ၣ်, နကဖီၣ်န့ၢ်ပှၤကညီတဖၣ်လီၤ.”

လံာ်လူၤကၣ် 9:10

ပှၤတၢ်မၢဖိတဖၣ်ဟဲက့ၤဒီးစံးဘၣ်တဲဘၣ်ယ့ၣ်ၡူး ကယဲၢ်တၢ်လၢအဝဲသ့ၣ်မၤတ့ၢ်ဝဲခဲလၢာ်လီၤ. အဝဲဒၣ်ကိးအဝဲသ့ၣ်ဒီးလဲၤဒၣ်ထဲအဝဲသ့ၣ်တဖုဧိၤဆူ ဝ့ၢ်တဖျၢၣ်လၢအမံၤမ့ၢ်ဝဲဘ့ၤသစဲဒၤလီၤ.

လံာ်ယိၤဟၣ် 12:22

စီၤဖံလံးပူးလဲၤတဲဘၣ်စီၤအၣ်ဒရ့း, ဒီးအဝဲသ့ၣ်ခံဂၤလိာ်လဲၤတဲဘၣ်ယ့ၣ်ၡူးလီၤ.

လံာ်ယိၤဟၣ် 13:23

အပျဲၢ်အဘီၣ်အကျါတဂၤလၢယ့ၣ်ၡူးအဲၣ်အီၤန့ၣ်, သန့ၤလီၤတၢ်သဃဲၤလိာ်အသးဒီးယ့ၣ်ၡူးန့ၣ်လီၤ.

လံာ်ယိၤဟၣ် 20:2

အန့ၣ်ဒီး, အဝဲလဲၤဃ့ၢ်ဆူစီၤၡံမိၣ်ပ့းတရူးဒီးအပျဲၢ် အဘီၣ်အဂၤတဂၤလၢယ့ၣ်ၡူးအဲၣ်အီၤအအိၣ်ဒီးစံးဘၣ် အဝဲသ့ၣ်, “ပှၤစိာ်ကွံာ်ကစၢ်အစိၣ်လၢတၢ်သွၣ်ခိၣ် အပူၤလံ. ဒီးပှၤပာ်အီၤဖဲလဲၣ်န့ၣ်ပတသ့ၣ်ညါဘၣ်.”

လံာ်ယိၤဟၣ် 21:2

စီၤၡံမိၣ်ပ့းတရူး, စီၤသိၤမါ (လၢတၢ်ကိးအီၤလၢပှၤသဃံာ်), စီၤနၤသန့လး (ပှၤဝ့ၢ်ကၤနါဖိလၢကီၢ်ကၤလံၤလါ), စီၤစ့းဘ့းဒဲ အဖိခွါခံဂၤ, ဒီးယ့ၣ်ၡူးအပျဲၢ်အဘီၣ်အဂၤခံဂၤ, ဒီးအဝဲသ့ၣ်ခဲလၢာ်န့ၣ်အိၣ်ဝဲတပူၤဃီလီၤ.

လံာ်ယိၤဟၣ် 21:20

ဒီးစီၤပ့းတရူးဃၣ်ဃီၤအသးဒီးထံၣ်အပျဲၢ်အဘီၣ်အဂၤတဂၤလၢ ယ့ၣ်ၡူးအဲၣ်အီၤအိၣ်လၢအလီၢ်ခံန့ၣ်လီၤ. မ့ၢ်ပှၤတဂၤဃီလၢအသန့ၤလီၤအသးသဃဲၤဒီးယ့ၣ်ၡူး, ဖဲအဝဲသ့ၣ်အီၣ်ဟါတၢ်အီၣ်အခါဒီးသံကွၢ်ယ့ၣ်ၡူး, “ကစၢ်ဧၢ, မ့ၢ်မတၤကဟ့ၣ်လီၤကွံာ်နၤန့ၣ်လဲၣ်.”

လံာ်ယိၤဟၣ် 21:24

အဝဲမ့ၢ်အပျဲၢ်အဘီၣ်တဂၤလၢအကတိၤဖျါထီၣ်တၢ်ဂ့ၢ်တဖၣ် အံၤ, မ့ၢ်ပှၤတဂၤဃီလၢအကွဲးနီၣ်ကွဲးဃါတၢ်သ့ၣ်တဖၣ် အံၤ, ဒီးပသ့ၣ်ညါလၢတၢ်လၢအဝဲအုၣ်အသးတဖၣ်န့ၣ်, မ့ၢ်တၢ်မ့ၢ်တၢ်တီလီၤ.

လံာ်ယိၤဟၣ် 6:67

မၤသးဒ်န့ၣ်ဒီးယ့ၣ်ၡူးသံကွၢ်အပျဲၢ်အဘီၣ်တဆံခံဂၤ, “သုဝဲသ့ၣ်လဲၣ်, သုကက့ၤကဒါက့ၤစ့ၢ်ကီးဧါ.”

လံာ်ယိၤဟၣ် 6:70

ယ့ၣ်ၡူးစံးဆၢအဝဲသ့ၣ်, “ယဃုထၢသုဝဲတဆံခံဂၤ တမ့ၢ်ဘၣ်ဧါ. အန့ၣ်ဒၣ်လဲာ်ပှၤလၢသုကျါတဂၤန့ၣ်မ့ၢ် မုၣ်ကီၤလံၢ်လီၤ.”

လံာ်ယိၤဟၣ် 6:71

ယ့ၣ်ၡူးကတိၤတၢ်အံၤဘၣ်ဃးစီၤၡံမိၣ်အံၣ်စကၤရံၤအိာ် အဖိခွါစီၤယူဒၤန့ၣ်လီၤ. အဝဲမ့ၢ်အပျဲၢ်အဘီၣ်တဆံခံဂၤ အကျါတဂၤသနာ်က့, ကသမၢယ့ၣ်ၡူးဒီးဟ့ၣ်လီၤကွံာ်အီၤ န့ၣ်လီၤ.

လံာ်ယိၤဟၣ် 6:8

အပျဲၢ်အဘီၣ်အဂၤတဂၤလၢအမ့ၢ်စီၤၡံမိၣ်ပ့းတရူးအဒီပုၢ်ဝဲၢ် စီၤအၣ်ဒရ့းစံးဘၣ်ယ့ၣ်ၡူး,

မၤတၢ် 1:13

တုၤအက့ၤတုၤလၢဝ့ၢ်ယရူၤရှလ့ၣ်န့ၣ်ဒီး, အဝဲသ့ၣ်လဲၤထီၣ်ဝဲဆူဒၢးတဖျၢၣ်အပူၤလၢဟံၣ်ထးခီတဆီ, ဒၢးတဖျၢၣ်ဃီလၢအဝဲသ့ၣ်အိၣ်ဆိးဝဲတစိၢ်တလီၢ်လၢအပူၤ န့ၣ်လီၤ. ပှၤအိၣ်ဖဲန့ၣ်တဖၣ်မ့ၢ်ဝဲစီၤပ့းတရူး, စီၤယိၤဟၣ်, စီၤယၤကိာ်, စီၤအၣ်ဒရ့း, စီၤဖံလံးပူး, စီၤသိၤမါ, စီၤဘၢ်သလီးမဲ, စီၤမးသဲ, စီၤအၤလဖဲအဖိခွါစီၤယၤကိာ်, ပှၤအဲၣ်အထံအကီၢ်စီၤၡံမိၣ်, ဒီးစီၤယၤကိာ်အဖိခွါ စီၤယူဒၤတဖၣ်လီၤ.

မၤတၢ် 1:26

အန့ၣ်ဒီးအဝဲသ့ၣ်ဖီၣ်တၢ်ဖး ဒ်သိးကဃုထၢထီၣ်ပှၤတဂၤလၢပှၤခံဂၤ အကျါလီၤ. ဒီးပှၤလၢအဘၣ်တၢ်ဃုထၢထီၣ်အီၤမ့ၢ်စီၤမးသံ, ဒီးအဝဲဒၣ်အံၤဘၣ်တၢ်ပာ်ဖှိၣ်ဃုာ်အီၤလၢပှၤတၢ်မၢဖိတဆံတဂၤ အကရူၢ်ပူၤန့ၣ်လီၤ.

မၤတၢ် 12:2

ခီဖျိအဝဲဟ့ၣ်လီၤအကလုၢ်န့ၣ်, စီၤယိၤဟၣ်အဒီပုၢ်ဝဲၢ်စီၤယၤကိာ်ဘၣ်တၢ်မၤသံကွံာ်အီၤလၢနး န့ၣ်လီၤ.

မၤတၢ် 3:1

တနံၤဖဲမုၢ်ဃ့ၢ်လီၤသၢနၣ်ရံၣ်တၢ်ဘါထုကဖၣ်အကတီၢ်န့ၣ်, စီၤပ့းတရူးဒီးစီၤယိၤဟၣ်လဲၤဝဲဆူတၢ်လုၢ်ဟံၣ်လီၤ.

1 ကရံၣ်သူး 15:7

အန့ၣ်ဝံၤအလီၢ်ခံအဝဲဒၣ်လီၣ်ဖျါထီၣ်အသးလၢစီၤယၤကိာ်, ဒီးလၢခံန့ၣ်လၢပှၤတၢ်မၢဖိခဲလၢာ်လီၤ.

အ့းဖ့းစူး 4:11

အဝဲမ့ၢ်ပှၤလၢအဟ့ၣ်ပှၤဟီၣ်ခိၣ်ဖိလၢတၢ်ဟ့ၣ်တဖၣ်လီၤ. ပှၤတနီၤန့ၣ်, ဟ့ၣ်ဒုးကဲဝဲလၢတၢ်မၢဖိ, အဂၤတနီၤလၢဝံ, အဂၤတနီၤပှၤစိာ်တၢ်သးခုအကစီၣ်, အဂၤတနီၤတၢ်အိၣ်ဖှိၣ်သရၣ်ဒီးသရၣ်သိၣ်လိတၢ်တဖၣ်န့ၣ်လီၤ.

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.

၁ ပ့းတရူး 1:1

လၢစီၤပ့းတရူး, ယ့ၣ်ၡူးခရံာ်အပှၤတၢ်မၢဖိ, ဆူကစၢ်ယွၤအပှၤဃုထၢဖိတဖၣ်လၢအလီၤပြံလီၤပြါဝဲ သကုၤကီၢ်ပီၣ်တူး, ကီၢ်ကလၤတံ, ကီၢ်ကးပၤဒကံ, ကီၢ်အၤစံ ဒီးကီၢ်ဘံၤသူၤနံတဖၣ်အပူၤအအိၣ်န့ၣ်လီၤ.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

၂ ယိၤဟၣ် 1:1

လၢပှၤသးပှၢ်, ဆူတူၢ်ဒိၣ်မုၣ်လၢအဘၣ်တၢ်ဃုထၢအီၤဒီးအဖိအလံၤတဖၣ် အအိၣ်, ပှၤလၢယအဲၣ်အီၤလၢတၢ်အဲၣ်နီၢ်နီၢ်ဒီးတမ့ၢ်ထဲ ယၤတဂၤဧိၤဘၣ်, မ့မ့ၢ်ပှၤခဲလၢာ်လၢအသ့ၣ်ညါတၢ်မ့ၢ် တၢ်တီန့ၣ်အဲၣ်ဘၣ်နၤ,

၃ ယိၤဟၣ် 1:1

လၢပှၤသးပှၢ်, ဆူစီၤကါယူးသးဘိ, ပှၤလၢယအဲၣ်ဘၣ်အီၤလၢတၢ်အဲၣ်နီၢ်နီၢ် တဂၤအအိၣ်,

လံာ်လီၣ်ဖျါ 1:1

လံာ်တဘ့ၣ်အံၤမ့ၢ်ဝဲဒၣ်တၢ်ကွဲးနီၣ်ဘၣ်ဃးတၢ်ဂ့ၢ်တၢ်ကျိၤ လၢယ့ၣ်ၡူးခရံာ်လီၣ်ဖျါထီၣ်ဝဲတဖၣ်လီၤ. ကစၢ်ယွၤဟ့ၣ်အီၤတၢ်လီၣ်ဖျါအဝဲအံၤဒ်သိးအကဒုးနဲၣ်အခ့အပှၤ တဖၣ်လၢတၢ်လၢအကဘၣ်မၤအသးဘူးတ့ၢ်မးလံ တဖၣ်န့ၣ်လီၤ. ခရံာ်ဒုးသ့ၣ်ညါအခ့အပှၤစီၤယိၤဟၣ်လၢ တၢ်ဂ့ၢ်သ့ၣ်တဖၣ်အံၤခီဖျိအဆှၢလီၤအမူခိၣ်ကလူး ဆူအဝဲဒၣ်အအိၣ်,

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.

လံာ်လီၣ်ဖျါ 22:8

ယၤ, စီၤယိၤဟၣ်, ယနၢ်ဟူဒီးထံၣ်ဘၣ်တ့ၢ်ယဲတၢ်သ့ၣ်တဖၣ် အံၤခဲလၢာ်လီၤ. ဒီးဖဲယနၢ်ဟူဒီးထံၣ်ယဲဝံၤန့ၣ်, ယထိၣ်လီၤပှီၤယသးလၢကလူးလၢအဒုးနဲၣ်တ့ၢ်ယၤတၢ်သ့ၣ် တဖၣ်အံၤတဂၤအခီၣ်ထံးလၢယကဘူၣ်ထီၣ်ဘါထီၣ်အီၤ အဂီၢ်န့ၣ်လီၤ.