လံာ်မးသဲ 10:19 - Sgaw Karen Common Bible

¹⁹ တုၤသုဘၣ်တၢ်သမံသမိးသုဒီးသုကဘၣ်စံးတၢ်မနုၤလဲၣ်, သုကဘၣ်စံးဆၢတၢ်ဒ်လဲၣ်န့ၣ်သုတဘၣ်ယိၣ်တဂ့ၤ. တၢ်ဆၢကတီၢ်မ့ၢ်ဘၣ်ဒီး ယွၤကဟ့ၣ်လီၤသုလၢ တၢ်စံးတၢ်ကတိၤလီၤ.

လံာ်မးသဲ 10:19 Iomraidhean Croise

လံာ်တၢ်ဟးထီၣ်ကွံာ် 4:12

ဒီးခဲကနံၣ်အံၤ, လဲၤတက့ၢ်. ယကမၤစၢၤနၤလၢနတၢ်ကတိၤ, ဒီးသိၣ်လိနၤတၢ်လၢနကဘၣ်စံးဘၣ်တဲဘၣ်တဖၣ်န့ၣ်လီၤ.”

လံာ်တၢ်ဟးထီၣ်ကွံာ် 4:15

ဒီးနဘၣ်ကတိၤတၢ်ဒီးအီၤ, တဲဘၣ်အီၤတၢ်လၢကဘၣ်စံးကတိၤဝဲန့ၣ် လီၤ. ဒီးယကမၤစၢၤသုဝဲခံဂၤလၢာ်လၢသု ကဘၣ်ကတိၤတၢ်ဒ်လဲၣ်ဒီးသိၣ်လိသုလၢသုကဘၣ်မၤတၢ်မနုၤလဲၣ်န့ၣ်လီၤ.

လံာ်ယံးရမံယၤ 1:7

ဘၣ်ဆၣ်ဒီးယွၤစံးဘၣ်ယၤ, “စံးလၢနသးစၢ်ကဲၣ်ဆိးတဂ့ၤ, မ့မ့ၢ်လဲၤဆူပှၤဂီၢ်မုၢ်လၢယမၢနလဲၤဆူအအိၣ်န့ၣ်, ဒီးစံးဘၣ်တဲဘၣ်အဝဲသ့ၣ်တၢ်ခဲလၢာ်လၢယမၤလိာ် နၤန့ၣ်တက့ၢ်.

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်မးသဲ 10:18

လၢယဃိန့ၣ်သုကဘၣ်တၢ်မိၤထီၣ်သုဆူပဒိၣ်ပပှၢ်, စီၤလိၣ်စီၤပၤတဖၣ်အမဲာ်ညါလၢတၢ်သမံသမိးအဂီၢ်ဒ်သိးဒီး သုကတဲဘၣ်အဝဲသ့ၣ်ဒီးပှၤတခီဘီမုၢ်ဖိတဖၣ်လၢတၢ် သးခုအကစီၣ်အဂီၢ်န့ၣ်လီၤ.

လံာ်မးသဲ 6:25

လၢတၢ်န့ၣ်အဃိ ယစံးဘၣ်သု, သုတဘၣ်ယိၣ်တၢ်လၢတၢ်အီၣ်တၢ်အီလၢ သုသးသမူအဂီၢ်မ့ၢ်ဂ့ၤ, တၢ်ကူတၢ်သိးလၢသုနီၢ်ခိအဂီၢ်မ့ၢ်ဂ့ၤန့ၣ်တဂ့ၤ. နီၢ်နီၢ်တခီသးသမူန့ၣ်အကါဒိၣ်န့ၢ်တၢ်အီၣ်တၢ်အီဒီးနီၢ်ခိအကါဒိၣ်န့ၢ် တၢ်ကူတၢ်သိးတက့ၢ်တမ့ၢ်ဘၣ်ဧါ.

လံာ်မးသဲ 6:31

လၢတၢ်န့ၣ်အဃိ, တဘၣ်ဘၣ်ယိၣ်ဘၣ်ဘီတၢ်ဒီးစံး, ‘ပကအီၣ်ဘၣ်မနုၤလဲၣ်.’ ‘ပကအီဘၣ်မနုၤလဲၣ်.’ ‘ပကကူဘၣ်သိးဘၣ်မနုၤလဲၣ်.’ န့ၣ်တဂ့ၤ.

လံာ်မးသဲ 6:34

မၤသးဒ်န့ၣ်ဒီး, ဘၣ်ယိၣ်တၢ်လၢခဲဂီၤအဂီၢ်တဂ့ၤ. အဂ့ၢ်ဒ်အံၤ, ခဲဂီၤကအိၣ်ဒီးအတၢ်ဘၣ်ယိၣ်ဘၣ်ဘီဒၣ်ဝဲလီၤ. အလီၢ်တအိၣ်လၢပကပာ်ဖှိၣ်အါထီၣ်မုၢ်တနံၤအတၢ်ကိၢ်တၢ်ဂီၤဘၣ်. မုၢ်တနံၤအတၢ်ကိၢ်တၢ်ဂီၤန့ၣ်အါလံလၢအဂီၢ်ဒၣ်ဝဲလံ.

လံာ်လူၤကၣ် 12:11

ဖဲအဝဲသ့ၣ်ဆှၢသုဆူဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, မ့တမ့ၢ်လၢပဒိၣ်ဖးဒိၣ်ဒီးပှၤပၢထံအီၣ်ကီၢ်တဖၣ်အမဲာ်ညါန့ၣ်, တဘၣ်ကိၢ်ဘၣ်ဂီၤလၢသုကဘၣ်စံးဆၢတၢ်ဒ်လဲၣ်, မ့တမ့ၢ်နကဘၣ်စံးဘၣ်ကတိၤတၢ်မနုၤလဲၣ်န့ၣ်တဂ့ၤ.

လံာ်လူၤကၣ် 12:12

အဂ့ၢ်ဒ်အံၤ, ဖဲဆၢကတီၢ်အဝဲန့ၣ်, သးစီဆှံကသိၣ်လိသုတၢ်လၢ သုကဘၣ်စံးဘၣ်ကတိၤအီၤန့ၣ်လီၤ.”

မၤတၢ် 6:10

ဘၣ်ဆၣ်ဒီးယွၤအသးဒုးကတိၤအီၤတၢ်ကတိၤပှဲၤဒီးတၢ်ကူၣ် သ့သတးဒီး, တုၤအဝဲဒၣ်ကတိၤထီၣ်တၢ်တစုန့ၣ်, အဝဲသ့ၣ်ကတိၤဂ့ၢ်လိာ်ဆၢအီၤတသ့ဘၣ်န့ၣ်လီၤ.

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.

၂ တံၤမသ့း 4:17

ဘၣ်ဆၣ်ဒီးကစၢ်အိၣ်ဒီးယၤဒီးဟ့ၣ်ယၤတၢ်ဂံၢ်တၢ်ဘါဒီးယတဲဖျါ ထီၣ်ဘၣ်တၢ်သးခုကစီၣ်အလၢအပှဲၤလၢပှၤကလုာ်ဂၤတဖၣ်ကနၢ်ဟူဘၣ် ဝဲအဂီၢ်န့ၣ်လီၤ. ဒီးယထူၣ်ဖျဲးထီၣ်ကွံာ်လၢတၢ်သံအကိာ်ပူၤန့ၣ်လီၤ.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.