လံာ်မးသဲ 10:18 - Sgaw Karen Common Bible

¹⁸ လၢယဃိန့ၣ်သုကဘၣ်တၢ်မိၤထီၣ်သုဆူပဒိၣ်ပပှၢ်, စီၤလိၣ်စီၤပၤတဖၣ်အမဲာ်ညါလၢတၢ်သမံသမိးအဂီၢ်ဒ်သိးဒီး သုကတဲဘၣ်အဝဲသ့ၣ်ဒီးပှၤတခီဘီမုၢ်ဖိတဖၣ်လၢတၢ် သးခုအကစီၣ်အဂီၢ်န့ၣ်လီၤ.

လံာ်မးသဲ 10:18 Iomraidhean Croise

စံးထီၣ်ပတြၢၤ 119:46

ယကကတိၤတၢ်လၢနတၢ်အုၣ်နသးအဂ့ၢ်တဖၣ် လၢစီၤပၤတဖၣ်အမဲာ်ညါ ဒီးယတဘၣ်တၢ်မၤမဲာ်ဆှးယၤဘၣ်.

လံာ်မးသဲ 10:17

ပလီၢ်သုသးတက့ၢ်. အဂ့ၢ်ဒ်အံၤ ပှၤကအိၣ်ဝဲတနီၤလၢကဖီၣ်န့ၢ်သု ဒီးဆှၢထီၣ်သုဆူတၢ်ဘူၣ်တၢ်ဘါခိၣ်နၢ်တဖၣ်အကီၣ်ကးဒီးပှၤတဖၣ် န့ၣ်ကတီၢ်သုလၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤလီၤ.

လံာ်မးသဲ 10:19

တုၤသုဘၣ်တၢ်သမံသမိးသုဒီးသုကဘၣ်စံးတၢ်မနုၤလဲၣ်, သုကဘၣ်စံးဆၢတၢ်ဒ်လဲၣ်န့ၣ်သုတဘၣ်ယိၣ်တဂ့ၤ. တၢ်ဆၢကတီၢ်မ့ၢ်ဘၣ်ဒီး ယွၤကဟ့ၣ်လီၤသုလၢ တၢ်စံးတၢ်ကတိၤလီၤ.

လံာ်မးသဲ 8:4

ယ့ၣ်ၡူးစံးဘၣ်အီၤ, “ပလီၢ်နသးဒ်သိးနသုတဟးဒုးသ့ၣ်ညါပှၤနီတဂၤလၢ တၢ်ဂ့ၢ်အံၤတဂ့ၤ. လဲၤလိၤလိၤဆူပှၤလုၢ်တၢ်အခိၣ်အအိၣ်ဒီးဒုးနဲၣ် နသးလၢအီၤ, ဝံၤလုၢ်ထီၣ်တၢ်လုၢ်ဒ်စီၤမိၤၡ့မၤလိာ်ဝဲအသိး လၢအကကဲထီၣ်တၢ်အုၣ်အသးလၢပှၤကိးဂၤဒဲးအမဲာ်ညါလၢနဘျါက့ၤ လံအဂီၢ်န့ၣ်တက့ၢ်.”

လံာ်မၢ်ကူး 13:9

ကစၢ်ဒၣ်သုဝဲ, သုဘၣ်ပလီၢ်သုသးလီၤ. တၢ်ကဖီၣ်သုဒီးတၢ် ကဆှၢထီၣ်သုဆူသူၣ်က့သးပှၢ်အခိၣ်အနၢ်တဖၣ်အမဲာ်ညါလီၤ. သုကဘၣ်တၢ်ဒိတၢ်တီၢ်သုလၢဘူၣ်ဘျီၣ်လၢအမ့ၢ်တၢ်ဘါ အလီၢ်တဖၣ်အပူၤလီၤ. လၢယဃိသုကဘၣ်အိၣ်ဆၢထၢၣ်လၢကီၢ် ပဒိၣ်ဖးဒိၣ်ဒီးစီၤပၤတဖၣ်အမဲာ်ညါလၢတၢ်ကစံၣ်ညီၣ်သုအဂီၢ်, ဒီးသုကကဲထီၣ်ပှၤအုၣ်အသးတဖၣ်လၢအဝဲသ့ၣ်အမဲာ်ညါလီၤ.

၂ တံၤမသ့း 1:8

လၢတၢ်န့ၣ်အဃိ, တဘၣ်မဲာ်ဆှးလၢနကအုၣ်နသးလၢပကစၢ် အဂီၢ်တဂ့ၤ, ဒီးတဘၣ်မဲာ်ဆှးစ့ၢ်ကီးလၢယမ့ၢ်ပှၤဘၣ်တၢ်စၢ ဃာ်လၢခရံာ်အဃိတဂ့ၤ. မ့မ့ၢ်ဒိးဃုာ်တၢ်နးတၢ်ဖှီၣ်ဒီးယၤလၢတၢ်သးခုကစီၣ် အဂီၢ်, ဒ်ကစၢ်ယွၤဟ့ၣ်နၤတၢ်ဂံၢ်တၢ်ဘါလၢနကမၤအီၤအဂီၢ် အသိးန့ၣ်တက့ၢ်.

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်လီၣ်ဖျါ 11:7

ဖဲအဝဲသ့ၣ်ဘိးဘၣ်သ့ၣ်ညါအတၢ်ကစီၣ်ဝံၤလံန့ၣ်, တၢ်ဒူတၢ်ဃိၤလၢအဟဲဟးထီၣ်လၢတၢ်ပူၤယိာ်တဒုန့ၣ် ကဒုးလိာ်အသးဒီးအဝဲသ့ၣ်လီၤ. အဝဲဒၣ်ကမၤနၢၤ ဒီးမၤသံကွံာ်အဝဲသ့ၣ်လီၤ.

လံာ်လီၣ်ဖျါ 6:9

အန့ၣ်ဝံၤဒီး, သိဖိအိးထီၣ်တၢ်စဲပနီၣ်ဃာ်ယဲၢ်ခါတခါလီၤ. လၢတၢ်လုၢ်လီၢ်အဖီလာ်န့ၣ်, ယထံၣ်ဘၣ်ပှၤလၢအဘၣ် တၢ်မၤသံတ့ၢ်အီၤလၢအစံၣ်တဲၤတဲလီၤကစၢ်ယွၤအကလုၢ် အကထါဒီးအသးတီဝဲလၢအတၢ်အုၣ်အသးအပူၤအဃိ တဖၣ်အသးသမူန့ၣ်လီၤ.