လံာ်မးသဲ 10:16 - Sgaw Karen Common Bible

¹⁶ ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

လံာ်မးသဲ 10:16 Iomraidhean Croise

လံာ်တၢ်ကဲထီၣ်အခီၣ်ထံး 3:1

ဒီးတၢ်လၢဂုၢ်န့ၣ်မ့ၢ်ဆၣ်ဖိကီၢ်ဖိလၢကူၣ်လီတၢ်အသ့ကတၢၢ်လၢ ယွၤ, ကစၢ်ယွၤတ့လီၤန့ၣ်လီၤ. ဒီးဂုၢ်န့ၣ်သံကွၢ်ပိာ်မုၣ်, “မ့ၢ်ကစၢ် ယွၤတဲဘၣ်သုသပှၢ်တၢၢ်လၢသုတဘၣ်အီၣ်သ့ၣ်သၣ်လၢသ့ၣ်တထံးလၢ်လၢ် လၢတၤသၣ်လီၢ်အပူၤန့ၣ်ဧါ.”

လံာ်တၢ်ကဲထီၣ်အခီၣ်ထံး 3:13

ဒီးယွၤ, ကစၢ်ယွၤသံကွၢ်ပိာ်မုၣ်, “ဘၣ်မနုၤလၢနမၤတၢ်အံၤ လဲၣ်.” ဒီးပိာ်မုၣ်န့ၣ်စံးဆၢဝဲ, “ဂုၢ်န့ၣ်ကူၣ်လီယၤဒ်သိးယကအီၣ် ဘၣ်တ့ၢ်အီၤလီၤ.”

လံာ်စီၤနဃ့မယၤ 4:13

ဒီးလၢတၢ်န့ၣ်အဃိဝ့ၢ်ခိၣ်ဒူမ့ၢ်တဝံၤဒံးဒၣ်လဲာ်ယပာ်လီၤပှၤ ဂီၢ်မုၢ်ဒ်အဒူၣ်ထၢဒၣ်ဝဲလၢဝ့ၢ်ခိၣ်ဒူအလီၢ်ခံအိၣ်ဒီးအနး, အဘီဒီးအချံၣ်န့ၣ်လီၤ.

လံာ်ယံးရမံယၤ 40:16

ဘၣ်ဆၣ်ဒီး, စီၤကဒါလယၤစံးဆၢတၢ်ဒီးစံးဝဲ, “မၤတဂ့ၤ. တၢ်လၢနစံးတၢ်ဘၣ်ဃးစီၤယံးၡမၤအ့လးအဂ့ၢ်န့ၣ်, တမ့ၢ်တတီဝဲဘၣ်.”

လံာ်ဟိၤၡ့ 7:11

ကီၢ်အံၣ်စရ့လးမၤအသးဒံဝ့ၤဒံဝီၤဒ်ထိၣ်လွံၢ်လၢ အတၢ်သးဆးတအိၣ်တဘ့ၣ်အသိးလီၤ. အဆိကတၢၢ်အဝဲအပှၤဂီၢ်မုၢ်ဃ့တၢ်မၤစၢၤလၢကီၢ်အဲၤကူပတူးအအိၣ် ဝံၤဒီးအဝဲသ့ၣ်လဲၤဃ့ၢ်ဆူကီၢ်အၤၡူၢ်အအိၣ်န့ၣ်လီၤ.

လံာ်မးသဲ 24:25

ကနၣ်တက့ၢ်. ယတဲဆိပာ်စၢၤသုလၢတၢ်တချုးမၤအသးဒံးဘၣ်န့ၣ်လီၤ.

လံာ်မးသဲ 24:45

မ့မ့ၢ်ဒ်န့ၣ်ဒီး, တၢ်အခ့အပှၤလၢအသးတီဝဲဒီးကူၣ်ဘၣ်ကူၣ်သ့, လၢအကစၢ်ဟ့ၣ်မူဟ့ၣ်ဒါအီၤလၢအဟံၣ်ဖိဃီဖိခဲလၢာ်အဖီခိၣ်, ဒ်သိးကဟ့ၣ်အီၣ်ဟ့ၣ်အီအဝဲသ့ၣ်ဘၣ်ဆၢဘၣ်ကတီၢ်န့ၣ်, မ့ၢ်မတၤတဂၤလဲၣ်.

လံာ်မးသဲ 25:2

အဝဲသ့ၣ်အကျါယဲၢ်ဂၤမ့ၢ်ပှၤလၢအသးတဆးဘၣ်, ဒီးအဂၤယဲၢ်ဂၤမ့ၢ်ပှၤလၢအသူၣ်ဆးအသးဆးတဖၣ်လီၤ.

လံာ်မးသဲ 25:4

မုၣ်ကနီၤလၢအသူၣ်ဆးအသးဆးတဖၣ်န့ၣ်, လဲၤစိာ်ဃုာ်ဒီးသိပှဲၤတၢ်ပူၤတၢ်တ့ၤအဂၤတခါအပူၤလီၤ.

လံာ်မးသဲ 25:9

ပှၤအသူၣ်ဆးအသးဆးတဖၣ်စံးဆၢဝဲ, ‘တသ့ဘၣ်. ပသိတအိၣ်လၢအိၣ်လီၣ်လၢသုဂီၢ်ဒီးပဂီၢ်ဘၣ်. လဲၤဆူတၢ်ဆါတၢ်ပှ့ၤအကျးဒီးပှ့ၤန့ၢ်သိလၢ သုဂီၢ်ဒၣ်သုဝဲတက့ၢ်.’

လံာ်လူၤကၣ် 10:3

လဲၤတက့ၢ်. ယမၢလီၤသုဒ်သိတဖၣ်လၢထွံၣ်မံၤတဖၣ်အကျါအသိးန့ၣ်လီၤ.

လံာ်လူၤကၣ် 21:15

အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ.

မၤတၢ် 20:29

ယသ့ၣ်ညါယဲဒၣ်လၢယဟးထီၣ်ဝံၤအလီၢ်ခံန့ၣ်, ထွံၣ်မံၤအဒူတဖၣ်ကဟဲနုာ်လီၤဆူသုကျါ, ဒီးတပျဲပူၤသိတဖၣ် န့ၣ်ဘၣ်.

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

၂ ကရံၣ်သူး 11:14

အဝဲန့ၣ်တမ့ၢ်တၢ်လီၤကမၢကမၣ်ဘၣ်. မုၣ်ကီၤလံၢ်ဒၣ်လဲာ်ပျိာ်လဲလိာ်အသးဒ်သိးအကလီၤဂာ်ဒီးတၢ် ကပီၤအကလူးန့ၣ်သ့ဝဲလီၤ.

၂ ကရံၣ်သူး 11:3

ယဘၣ်ယိၣ်ဘၣ်ဘီလၢသုသူၣ်သုသးကဘၣ်တၢ်မၤဟးဂီၤကွံာ် အီၤဒီးသုကညိကွံာ်သုတၢ်ဟ့ၣ်လီၤသးလၢာ်လၢာ်ဆ့ဆ့စီစီ ဆှံဆှံဆူခရံာ်အအိၣ်လၢကျဲတဘိဃီလၢနီၢ်အံၣ်အုဘၣ်တၢ် လီန့ၢ်အီၤခီဖျိဂုၢ်သ့ၣ်အတၢ်ကတိၤကဘျံးကဘျၣ်တၢ်သ့သ့ ဘၣ်ဘၣ်တဖၣ်န့ၣ်လီၤ.

၂ ကရံၣ်သူး 8:20

ပအိၣ်ဒီးတၢ်ပလီၢ်ပဒီပသး, ဒ်သိးပသုတထိၣ်ဂဲၤထီၣ်တၢ်ကဒူး ကဒ့ၣ်, တၢ်တမံသူၣ်မံသးတမံၤမံၤဘၣ်ဃးဒီးကျဲလၢပသုးကျဲၤ ကွၢ်ထွဲတၢ်သးအိၣ်အတၢ်ဟ့ၣ်အါအါဂီၢ်ဂီၢ်တမံၤအံၤတဂ့ၤ အဂီၢ်န့ၣ်လီၤ.

ဖံလံးပံၤ 2:15

တုၤနုၤတစု, သုကကဲထီၣ်ပှၤလၢအတၢ်ကမၣ်တအိၣ်ဒီး စီဆှံဝဲဒ်ကစၢ်ယွၤအဖိလၢအလၢပှဲၤတဖၣ်, လၢအအိၣ်မူလၢပှၤတတီတလိၤဒီးပှၤလၢအပှဲၤဒီးတၢ်ဒဲးဘး တဖၣ်အဟီၣ်ခိၣ်ပူၤန့ၣ်လီၤ. သုကဘၣ်ကပီၤထီၣ်လၢအဝဲသ့ၣ်အကျါဒ်ဆၣ်တဖၣ်ဒုးကပီၤထီၣ်မူခိၣ် အသိး,

ကလီးစဲ 1:9

လၢတၢ်န့ၣ်အဃိ, စးထီၣ်မုၢ်တနံၤလၢပနၢ်ဟူဘၣ်သုဂ့ၢ်လံၤလံၤ န့ၣ်ပတဆိတ့ၢ်ဘါထုကဖၣ်လၢသုဂီၢ်ဘၣ်. ပတၢ်ထုကဖၣ်လၢ သုဂီၢ်မ့ၢ်ဒ်သိးယွၤကမၤပှဲၤသုဒီးတၢ်သ့ၣ်ညါအတၢ်ဘၣ်အသးဒီး တၢ်ကူၣ်ဘၣ်ကူၣ်သ့ဒီးတၢ်သ့ၣ်ညါနၢ်ပၢၢ်ခဲလၢာ်လၢယွၤ အသးဟ့ၣ်လီၤဝဲ,

ကလီးစဲ 4:5

လၢသုတၢ်ဘၣ်ထွဲဒီးပှၤတစူၢ်တနာ်တၢ်တဖၣ်အပူၤန့ၣ်, အိၣ်ဒီးတၢ်ကူၣ်သ့တက့ၢ်. တၢ်ဆၢကတီၢ်ဒီးတၢ်ခွဲးတၢ်ယာ်လၢသုဒိးန့ၢ်ကိးကတီၢ်ဒဲးန့ၣ်, သူအီၤအဂ့ၤကတၢၢ်တက့ၢ်.

၁ သ့းစၤလနံ 2:10

သုဝဲဒီးကစၢ်ယွၤစ့ၢ်ကီးမ့ၢ်ပှၤအုၣ်အသးလၢပဂီၢ်လၢပတၢ် မၤဘၣ်သုဝဲပှၤစူၢ်က့ၤနာ်က့ၤခရံာ်တဖၣ်, မ့ၢ်တၢ်လၢအကဆှီ, တီဝဲလိၤဝဲ, ဒီးပူၤဖျဲးဒီးတၢ်ကမူၤကမၣ်န့ၣ်လီၤ.

၁ သ့းစၤလနံ 5:22

ဒီးဟးဆှဲးတၢ်အၢတၢ်သီကိးအက့ၢ်အဂီၤဒဲးတက့ၢ်.