လံာ်မးသဲ 10:14 - Sgaw Karen Common Bible

¹⁴ ဒီးဟံၣ်မ့တမ့ၢ်ဝ့ၢ်တဖျၢၣ်ဖျၢၣ်မ့ၢ်တတူၢ်လိာ်သု, မ့ၢ်တဒိကနၣ်သုတၢ်ကတိၤဘၣ်ဒီးတုၤသုဟးထီၣ်လၢဟံၣ်အဝဲန့ၣ်မ့ၢ်ဂ့ၤ, ဝ့ၢ်အဝဲန့ၣ်မ့ၢ်ဂ့ၤ, တြူၤလီၤကွံာ်ဟီၣ်ခိၣ်ကမူၣ်လၢ သုခီၣ်လိၤတက့ၢ်.

လံာ်မးသဲ 10:14 Iomraidhean Croise

လံာ်စီၤနဃ့မယၤ 5:13

ဒီးယထုးထီၣ်ယကူယသိးလၢယကူအီၤလၢယယီၢ်ဒ့ဒီးတြုၤအီၤန့ၣ် လီၤ. ဒီးယစံး “အအံၤကစၢ်ယွၤကတြုၤသု ဒ်သိးအံၤလၢပှၤလၢအတပၢၤဃးအတၢ်အၢၣ်လီၤဘၣ်န့ၣ်လီၤ. ကစၢ်ယွၤကဟံးထီၣ်ကွံာ်သုဟံၣ်သုဃီတဖၣ်ဒီးကယဲၢ်တၢ်အိၣ်ဒီး သုခဲလၢာ်, ဒီးတပာ်တီၢ်န့ၢ်သုတၢ်နီတမံၤလၢၤဘၣ်န့ၣ်လီၤ.” ဒီးပှၤအိၣ်ဝဲဖဲန့ၣ်ခဲလၢာ်စံးဝဲ, “အၤမ့ၣ်” ဒီးစံးထီၣ်ပတြၢၤယွၤလီၤ. ဒီးပှၤခိၣ်ပှၤနၢ်တဖၣ်ပၢၤဃးအတၢ်အၢၣ်လီၤန့ၣ်လီၤ.

လံာ်မးသဲ 10:13

ပှၤမ့ၢ်တူၢ်လိာ်သုဒီးပျဲသုတၢ်ဃူတၢ်မုာ်တုၤအိၣ်အီၤတက့ၢ်. ဘၣ်ဆၣ်ဒီးမ့ၢ်တတူၢ်လိာ်သုဘၣ်ဒီး ပျဲသုတၢ်ဃူတၢ်မုာ်ဟဲက့ၤကဒါက့ၤဆူ သုအိၣ်တက့ၢ်.

လံာ်မးသဲ 18:5

ပှၤတဂၤလၢ်လၢ်လၢအတူၢ်လိာ်ဖိသၣ်ဒ်အံၤတဂၤလၢယမံၤန့ၣ်, မ့ၢ်အတူၢ်လိာ်ယၤလီၤ.

လံာ်မၢ်ကူး 6:11

သုလဲၤတၢ်လီၢ်တပူၤဂ့ၤတပူၤ ဂ့ၤပှၤမ့ၢ်တတူၢ်လိာ်သုဒီးတဒိကနၣ်သုဘၣ်ဒီး, ဟးထီၣ်ကွံာ်ဖဲန့ၣ်ဒီးတရုၤလီၤကွံာ်ဟီၣ်ခိၣ် ကမူၣ်လၢသုခီၣ်အလိၤတက့ၢ်. တၢ်န့ၣ်ကကဲထီၣ်တၢ်ပနီၣ်လၢ အဝဲသ့ၣ်မၤကမၣ်ဘၣ်လံတၢ်လံန့ၣ်လီၤ.”

လံာ်မၢ်ကူး 9:37

“ပှၤတဂၤလၢ်လၢ်လၢအတူၢ်လိာ်ဖိသၣ်ဒ်သိးအံၤတဂၤလၢယမံၤ အပူၤန့ၣ်, မ့ၢ်အတူၢ်လိာ်ယၤလီၤ. ဒီးပှၤတဂၤလၢ်လၢ်လၢအတူၢ်လိာ်ယၤန့ၣ်, တမ့ၢ်ထဲအတူၢ်လိာ်ယၤဘၣ်. မ့မ့ၢ်တူၢ်လိာ်စ့ၢ်ကီးပှၤလၢအမၢလီၤယၤတဂၤန့ၣ်လီၤ.”

လံာ်လူၤကၣ် 9:48

ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအတူၢ်လိာ်ဖိသၣ်တဂၤအံၤ လၢယမံၤအဃိန့ၣ်, မ့ၢ်အတူၢ်လိာ်ယၤ, ဒီးပှၤတဂၤလၢ်လၢ်လၢ အတူၢ်လိာ်ယၤန့ၣ်, မ့ၢ်အတူၢ်လိာ်ပှၤလၢအမၢလီၤယၤတဂၤန့ၣ်လီၤ. အဂ့ၢ်ဒ်အံၤ, ပှၤအဆံးကတၢၢ်လၢသုဝဲခဲလၢာ်အကျါန့ၣ်, မ့ၢ်ပှၤအဒိၣ်ကတၢၢ်လီၤ.”

လံာ်လူၤကၣ် 9:5

ဖဲတၢ်လီၢ်တပူၤလၢ်လၢ်လၢပှၤတတူၢ်လိာ်မုာ်သုန့ၣ်, ဟးထီၣ်ကွံာ်လၢဝ့ၢ်အဝဲန့ၣ်အပူၤ, ဒီးတြုၤလီၤကွံာ်ဖၣ်ဆါကမူၣ်လၢသုခီၣ်လၣ်ဒ်သိး အကပာ်ဖျါထီၣ်တၢ်ပနီၣ်ဘၣ်ဃးတၢ်အုၣ်အသးထီဒါအဝဲသ့ၣ်န့ၣ် တက့ၢ်.”

လံာ်ယိၤဟၣ် 13:20

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤတဂၤလၢ်လၢ်လၢအတူၢ်လိာ်ပှၤလၢယမၢလီၤအီၤန့ၣ်, မ့ၢ်အတူၢ်လိာ်ယၤစ့ၢ်ကီးဒီးပှၤတဂၤလၢ်လၢ်လၢအတူၢ် လိာ်ယၤန့ၣ်, တူၢ်လိာ်ပှၤလၢအမၢလီၤယၤစ့ၢ်ကီးန့ၣ်လီၤ.

မၤတၢ် 13:51

ဘၣ်ဆၣ်ဒီးပှၤတၢ်မၢဖိတဖၣ်တြုၤလီၤကွံာ်ဟီၣ်ခိၣ်ကမူၣ်လၢ အခီၣ်လၣ်ထီဒါအဝဲသ့ၣ်, ဒီးလဲၤဝဲဆူဝ့ၢ်အံၤကနံၤန့ၣ်လီၤ.

မၤတၢ် 18:6

ဖဲအဝဲသ့ၣ်ထီဒါဒီးကတိၤဒုၣ်ဒွဲၣ်အီၤန့ၣ်, အဝဲဒၣ်တြုၤလီၤကွံာ် ဟီၣ်ခိၣ်ကမူၣ်လၢအကူအသိးအလိၤဒီးစံးဘၣ်အဝဲသ့ၣ်, “သုမ့ၢ်တုၤလၢတၢ်ဟးဂီၤဒီးမ့ၢ်သုတၢ်ကမၣ်ဒၣ်သုဝဲလီၤ. တၢ်ကမၣ်တလီၤတီလၢယလိၤဘၣ်. စးထီၣ်ခဲအံၤဒီးဆူညါန့ၣ်ယကလဲၤစံၣ်တဲၤတဲလီၤတၢ် လၢပှၤကလုာ်ဂၤတဖၣ်အသိးအကျါလီၤ.”

၁ သ့းစၤလနံ 4:8

လၢတၢ်န့ၣ်အဃိ, ပှၤတဂၤလၢ်လၢ်လၢအတတူၢ်လိာ် တၢ်သိၣ်လိအဝဲအံၤန့ၣ်, တမ့ၢ်အတတူၢ်လိာ်ပှၤကညီဘၣ်. မ့ၢ်အတတူၢ်လိာ်ကစၢ်ယွၤ, လၢအဟ့ၣ်သုအသးစီဆှံန့ၣ်လီၤ.