လံာ်မးသဲ 10:11 - Sgaw Karen Common Bible

¹¹ ဖဲသုလဲၤတုၤလၢဝ့ၢ်မ့တမ့ၢ်ဒူသဝီတဖျၢၣ်န့ၣ်, ဃုထံၣ်န့ၣ်ပှၤလၢအကြၢးဝဲဘၣ်ဝဲလၢအသးအိၣ်တူၢ်လိာ်သုတဂၤ ဒီးအိၣ်ဆိးသုဝဲဒီးအီၤတုၤသုဟးထီၣ်လၢတၢ်လီၢ်အဝဲန့ၣ်တက့ၢ်.

လံာ်မးသဲ 10:11 Iomraidhean Croise

လံာ်စီၤယိၤဘး 31:32

ယကွဲမုာ်တ့ၢ်ပှၤလဲၤတၢ်ဖိသ့ၣ်တဖၣ်ဆူဟံၣ်ပူၤဒီးတပျဲဘၣ် အဝဲသ့ၣ်ကမံလၢကျဲခိၣ်နီတဘျီဘၣ်.

လံာ်မးသဲ 10:10

လၢသုတၢ်လဲၤအဂီၢ်န့ၣ်, တဘၣ်စိာ်ထၢၣ်မ့ၢ်ဂ့ၤ, ဆ့ကၤအဂၤတဘ့ၣ်မ့ၢ်ဂ့ၤ, ခီၣ်ဖံးအဂၤတစူၣ်မ့ၢ်ဂ့ၤ, နီၣ်ထိးအဂၤတဘိမ့ၢ်ဂ့ၤန့ၣ်တဂ့ၤ. ပှၤမၤတၢ်ဖိန့ၣ်ကြၢးဘၣ်တၢ်ဟ့ၣ်အီၤလၢတၢ်လၢအလိၣ်ဘၣ်ဝဲတဖၣ် န့ၣ်လီၤ.

လံာ်မးသဲ 10:12

ဖဲသုလဲၤနုာ်ဆူဟံၣ်တဖျၢၣ်အပူၤန့ၣ်စံးသုဝဲ, ‘မ်တၢ်ဃူတၢ်မုာ်အိၣ်ဒီးသုတက့ၢ်.’

လံာ်မၢ်ကူး 6:10

စံးဘၣ်စ့ၢ်ကီးအဝဲသ့ၣ်, “ဖဲသုလဲၤတၢ်လီၢ်တပူၤဂ့ၤတပူၤဂ့ၤန့ၣ်, ပှၤမ့ၢ်တူၢ်လိာ်သုလၢဟံၣ်တဖျၢၣ်ဖျၢၣ်အပူၤဒီးအိၣ်ဖဲန့ၣ်တုၤ သုဟးထီၣ်လၢတၢ်လီၢ်အဝဲန့ၣ်တစုတက့ၢ်.

လံာ်လူၤကၣ် 19:7

ပှၤဂီၢ်မုၢ်လၢအထံၣ်ဘၣ်တၢ်မၤအသးတမံၤအံၤခဲလၢာ်ကဒူး ကဒ့ၣ်တၢ်ဒီးစံးဝဲ, “ပှၤတဂၤအံၤလဲၤကဲလံပှၤသမှံၤလၢ ပှၤတၢ်ဒဲးဘးဖိတဂၤအဟံၣ်လံ.”

လံာ်လူၤကၣ် 9:4

ဖဲသုဘၣ်တၢ်တူၢ်လိာ်မုာ်သုတပူၤလၢ်လၢ်န့ၣ်, အိၣ်လၢဟံၣ်တဖျၢၣ်ဃီန့ၣ်အပူၤတုၤလၢသုဟးထီၣ်ကွံာ်ဖဲဝ့ၢ်ပူၤတက့ၢ်.

မၤတၢ် 16:15

အဝဲဒၣ်ဒီးအပှၤဟံၣ်ဖိဃီဖိတဖၣ်ဘၣ်တၢ်ဘျၢအီၤလၢထံလီၤ. အန့ၣ်ဝံၤအလီၢ်ခံအဝဲဒၣ်ကွဲပှၤဒီးစံးဝဲ, “သုမ့ၢ်ပာ်ယၤလၢယမ့ၢ်ပှၤစူၢ်က့ၤနာ်က့ၤကစၢ်နီၢ်နီၢ်န့ၣ်, ဟဲအိၣ်လၢယဟံၣ်တက့ၢ်.” ဒီးအဝဲဒၣ်ကိးပှၤသပှၢ်ပှၢ်တုၤ ပလဲၤတစုလီၤ.