လံာ်မးသဲ 10:10 - Sgaw Karen Common Bible

¹⁰ လၢသုတၢ်လဲၤအဂီၢ်န့ၣ်, တဘၣ်စိာ်ထၢၣ်မ့ၢ်ဂ့ၤ, ဆ့ကၤအဂၤတဘ့ၣ်မ့ၢ်ဂ့ၤ, ခီၣ်ဖံးအဂၤတစူၣ်မ့ၢ်ဂ့ၤ, နီၣ်ထိးအဂၤတဘိမ့ၢ်ဂ့ၤန့ၣ်တဂ့ၤ. ပှၤမၤတၢ်ဖိန့ၣ်ကြၢးဘၣ်တၢ်ဟ့ၣ်အီၤလၢတၢ်လၢအလိၣ်ဘၣ်ဝဲတဖၣ် န့ၣ်လီၤ.

လံာ်မးသဲ 10:10 Iomraidhean Croise

လံာ်တၢ်ဂံၢ် 18:31

သုဝဲဒီးသုဟံၣ်ဖိဃီဖိတဖၣ်အီၣ်တၢ်အိၣ်တ့ၢ်န့ၣ်ဖဲတၢ်လီၢ် တပူၤဂ့ၤတပူၤဂ့ၤသ့ဝဲလီၤ. မ့ၢ်လၢတၢ်န့ၣ်မ့ၢ်တၢ်အဘူးအလဲလၢသုမၤတၢ်ခ့တၢ်ပှၤအတၢ်မၤလၢ ဒဲစီဆှံပူၤအဂီၢ်အဃိန့ၣ်လီၤ.

လံာ်မးသဲ 10:11

ဖဲသုလဲၤတုၤလၢဝ့ၢ်မ့တမ့ၢ်ဒူသဝီတဖျၢၣ်န့ၣ်, ဃုထံၣ်န့ၣ်ပှၤလၢအကြၢးဝဲဘၣ်ဝဲလၢအသးအိၣ်တူၢ်လိာ်သုတဂၤ ဒီးအိၣ်ဆိးသုဝဲဒီးအီၤတုၤသုဟးထီၣ်လၢတၢ်လီၢ်အဝဲန့ၣ်တက့ၢ်.

လံာ်မၢ်ကူး 6:8

ယ့ၣ်ၡူးမၤလိာ်အဝဲသ့ၣ်ဒီးစံး, “မ့တမ့ၢ်ဘၣ်လၢနီၣ်ထိးဘိတဘိဘၣ်ဒီး, သုတဘၣ်စိာ်တၢ်ဂၤလၢအမ့ၢ်ကိၣ်မ့ၢ်ဂ့ၤ, ထၢၣ်မ့ၢ်ဂ့ၤ, တိၢ်လၢယီၢ်တကိးအပူၤမ့ၢ်ဂ့ၤနီတမံၤဘၣ်.

လံာ်လူၤကၣ် 3:11

အဝဲစံးဆၢဝဲ, “ပှၤတဂၤလၢ်လၢ်လၢအဆ့ကၤအိၣ်ခံဘ့ၣ်န့ၣ်, ကဘၣ်ဟ့ၣ်ဝဲတဘ့ၣ်ဆူပှၤလၢအတၢ်တအိၣ်နီတဘ့ၣ်, ဒီးပှၤတဂၤလၢ်လၢ်လၢအအိၣ်ဒီးတၢ်အီၣ်တၢ်အီန့ၣ်, ကဘၣ်နီၤလီၤဝဲလီၤ.”

လံာ်လူၤကၣ် 9:3

အဝဲဒၣ်စံးဘၣ်အဝဲသ့ၣ်, “လၢသုတၢ်လဲၤတၢ်က့ၤအဂီၢ်န့ၣ်, စိာ်တၢ်နီတမံၤတဂ့ၤ. နီၣ်ထိးဘိမ့ၢ်ဂ့ၤ, ထၢၣ်မ့ၢ်ဂ့ၤ, တၢ်အီၣ်မ့ၢ်ဂ့ၤ, တိၢ်ဧိၤစ့ဧိၤမ့ၢ်ဂ့ၤ, ဆ့ကၤအဘျဲၣ်တဘ့ၣ်ဒၣ်လဲာ်စိာ်အီၤတဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 17:40

အဝဲစိာ်အပှၤကွၢ်သိအနီၣ်ထိးဘိဝံၤဒီးထၢထီၣ်ဝဲလၢၢ်အဘျ့ယဲၢ်ဖျၢၣ်လၢ ထံကျိဖိဒီးဒၢနုာ်အီၤလၢအထၢၣ်ပူၤလီၤ. အဝဲကတဲာ်ကတီၤထီၣ်အနီၣ်ဘျုးဝံၤဒီးလဲၤထီၣ်ဝဲဒ်သိးကထံၣ်လိာ် ဒီးစီၤကၤလယးအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:7

စီၤစီလူးသံကွၢ်ဝဲ, “ပမ့ၢ်လဲၤဆူအအိၣ်ဒီး, ပဟ့ၣ်အီၤတၢ်မနုၤကန့ၢ်လဲၣ်. ပထၢၣ်ပူၤတၢ်အီၣ်တၢ်အီတအိၣ်လၢၤဘၣ်. ဒီးတၢ်တအိၣ်ဒီးပှၤနီတမံၤလၢပကဟ့ၣ်အီၤဘၣ်န့ၣ်တမ့ၢ်ဘၣ်ဧါ.”