လံာ်မးသဲ 1:21 - Sgaw Karen Common Bible

²¹ အဝဲကဆံးစၢ်န့ၢ်ဖိခွါတဂၤဒီးနကဘၣ်ယုၢ်န့ၢ်အမံၤလၢယ့ၣ်ၡူး လီၤ. အဂ့ၢ်မ့ၢ်လၢအဝဲကအုၣ်က့ၤခီၣ်က့ၤအပှၤဂီၢ်မုၢ်လၢအဝဲသ့ၣ် အတၢ်ဒဲးဘးအပူၤလီၤ.”

လံာ်မးသဲ 1:21 Iomraidhean Croise

လံာ်တၢ်ကဲထီၣ်အခီၣ်ထံး 17:19

ဒီးကစၢ်ယွၤစံးဆၢအီၤ, “တသ့ဘၣ်. နမါနီၢ်စၤရါကဆံးစၢ်န့ၢ် ဖိခွါတဂၤလၢနဂီၢ်ဒီးနကယုၢ်န့ၢ်အမံၤလၢစီၤအံၤစဲးန့ၣ် လီၤ. ယကဟံးဃာ်ယတၢ်အၢၣ်လီၤအီလီၤဒီးအီၤ, ဒီးအစၢၤအသွဲၣ်တဖၣ်လီၤထူလီၤယိာ်န့ၣ်လီၤ. တၢ်အံၤမ့ၢ်တၢ်အၢၣ်လီၤအီလီၤအထူအယိာ်တမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 17:21

ဘၣ်ဆၣ်ဒီး, ယကဟံးဃာ်ယတၢ်အၢၣ်လီၤအီလီၤဒီးနဖိခွါစီၤအံၤ စဲးလၢနီၢ်စၤရါကဆံးစၢ်န့ၢ်နၤလၢခဲကိာ်တနံၣ်ဖဲအကတီၢ်အံၤ န့ၣ်လီၤ.

လံာ်တၢ်ကဲထီၣ်အခီၣ်ထံး 18:10

ဒီးလၢအဝဲသ့ၣ်အကျါတဂၤစံးဝဲ, “စးထီၣ်ခဲအံၤဒီးဆူညါ ခွံလါန့ၣ်ယကဟဲက့ၤဒီးနမါနီၢ်စၤရါကအိၣ်ဒီးအဖိခွါတဂၤလီၤ.” နီၢ်စၤရါအိၣ်လၢအဝဲအလီၢ်ခံဖဲဒဲအတြဲၤဒီးဒိကနၣ်တၢ်လီၤ.

လံာ်ယံးရမံယၤ 23:6

ဖဲအဝဲမ့ၢ်စီၤပၤန့ၣ်, ကီၢ်ယူဒၤအပှၤဂီၢ်မုၢ်ကပူၤဖျဲးဒီးတၢ်ဘၣ်ယိၣ်, ဒီးကီၢ်အံၣ်စရ့လးအပှၤဂီၢ်မုၢ်ကအိၣ်မူဘၣ်လၢတၢ်မုာ်တၢ်ခုၣ်အပူၤလီၤ. အဝဲကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ လီၤ.”

လံာ်ယံးရမံယၤ 33:16

ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ကဘၣ်တၢ်မၤထူၣ်ဖျဲးအီၤ ဒီးကအိၣ်ဝဲဆိးဝဲလၢ တၢ်ဘံၣ်တၢ်ဘၢအပူၤန့ၣ်လီၤ. ဝ့ၢ်န့ၣ် ကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ န့ၣ်လီၤ.

လံာ်ဒၤနံးယ့လး 9:24

တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်မးသဲ 1:25

ဘၣ်ဆၣ်ဒီးတချုးလၢအဆံးစၢ်န့ၢ်အဖိခွါဘၣ်န့ၣ်, စီၤယိၤသးတမံဃုာ်ဒီးအမါဘၣ်. စီၤယိၤသးယုၢ်န့ၢ်ဖိသၣ်အမံၤလၢယ့ၣ်ၡူးလီၤ.

လံာ်လူၤကၣ် 1:13

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ စီၤစဃၤရံဧၢ, ကစၢ်ယွၤနၢ်ဟူလံနတၢ်ထုကဖၣ်လံ. ဒီးနမါနီၢ်အ့းလံၤစါဘ့းကဆံးစၢ်န့ၢ်နၤလၢဖိခွါတဂၤလီၤ. နကဘၣ်ယုၢ်န့ၢ်အမံၤလၢစီၤယိၤဟၣ်လီၤ.

လံာ်လူၤကၣ် 1:31

နကဒၢထီၣ်ဒီးဆံးစၢ်န့ၢ်ဖိခွါတဂၤဒီးနကဘၣ်ယုၢ်အမံၤလၢယ့ၣ်ၡူး လီၤ.

လံာ်လူၤကၣ် 2:11

တနံၤအံၤ, လၢစီၤဒၤဝံးအဝ့ၢ်ပူၤန့ၣ်, ပှၤအုၣ်က့ၤခီၣ်က့ၤတၢ်အကစၢ်တဂၤ အိၣ်ဖျဲၣ်ထီၣ်ဝဲလၢသုဂီၢ်လၢအမ့ၢ်ခရံာ်ကစၢ်န့ၣ်လီၤ.

လံာ်လူၤကၣ် 2:21

တနွံဝံၤအလီၢ်ခံ, ဖဲတၢ်ဆၢကတီၢ်တုၤဃီၤလၢဖိသၣ်ကဘၣ်တၢ်ကူး တရံးအီၤန့ၣ်, အဝဲဘၣ်တၢ်ယုၢ်န့ၢ်အမံၤလၢယ့ၣ်ၡူး, ဒ်ကလူးယုၢ်န့ၢ်တ့ၢ်အီၤအသိးတချုးလၢအဝဲဒၣ်ဘၣ်တၢ်ဒၢထီၣ် အီၤဒံးဘၣ်န့ၣ်လီၤ.

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

လံာ်ယိၤဟၣ် 4:42

ဒီးအဝဲသ့ၣ်စံးဘၣ်ပိာ်မုၣ်န့ၣ်, “ပစူၢ်က့ၤနာ်က့ၤတၢ်ခဲအံၤ တမ့ၢ်လၢၤလၢနတၢ်ကတိၤတဖၣ်အဃိဘၣ်. မ့မ့ၢ်, မ့ၢ်လၢ ပနၢ်ဟူအတၢ်စံးတၢ်ကတိၤလၢပကစၢ်ဒၣ်ဝဲအဃိဒီးပသ့ၣ်ညါ လၢအဝဲမ့ၢ်နီၢ်နီၢ်ပှၤလၢအအုၣ်က့ၤခီၣ်က့ၤပှၤဟီၣ်ခိၣ်ဖိန့ၣ်လီၤ.”

မၤတၢ် 13:23

ဒီးလၢစီၤဒၤဝံးအံၤအစၢၤအသွဲၣ်အကျါကစၢ်ယွၤဃုထၢထီၣ် ယ့ၣ်ၡူးဒ်ပှၤအုၣ်က့ၤခီၣ်က့ၤတၢ်တဂၤလၢပှၤအံၣ်စရ့လးဖိသ့ၣ် တဖၣ်အဂီၢ်, ဒ်အစံးပာ်တ့ၢ်ဝဲအသိးန့ၣ်လီၤ.

မၤတၢ် 3:26

အန့ၣ်သတးဒီး, ကစၢ်ယွၤဃုထၢထီၣ်အခ့အပှၤဒီးမၢလီၤဝဲလၢအကဟဲအဆိ ကတၢၢ်ဆူသုအိၣ်ဒ်သိးကဆိၣ်ဂ့ၤသု, ဒီးဒုးဃၣ်ကွံာ်သုကိးဂၤဒဲးလၢ သုကျဲအအၢအသီတဖၣ်န့ၣ်လီၤ.”

မၤတၢ် 4:12

ပှၤလၢအအုၣ်က့ၤခီၣ်က့ၤပှၤသ့မ့ၢ်ထဲအဝဲဒၣ်တဂၤဧိၤလီၤ. လၢဟီၣ်ခိၣ်ဒီဘ့ၣ်ညါအပူၤ, မံၤအဂၤလၢကစၢ်ယွၤဟ့ၣ်လီၤဝဲလၢတၢ်အုၣ်က့ၤခီၣ်က့ၤအဂီၢ် န့ၣ်တအိၣ်နီတဖျၢၣ်ဘၣ်.”

မၤတၢ် 5:31

ကစၢ်ယွၤပာ်ထီၣ်ထီအီၤလၢအစုထွဲတကပၤဒ်ပှၤခိၣ်ပှၤနၢ် ဒီးပှၤအုၣ်က့ၤခီၣ်က့ၤပှၤတဂၤအသိး, ဒ်သိးကဟ့ၣ်ပှၤအံၣ်စရ့လးဖိတဖၣ်တၢ်အခွဲးအယာ်လၢကပီၢ်ယၢ်ဒီး ဃၣ်လိၤက့ၤအသးဒီးအတၢ်ဒဲးဘးကဘၣ်တၢ်ပျၢ်ကွံာ်အီၤ အဂီၢ်န့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.

၁ ယိၤဟၣ် 3:5

သုသ့ၣ်ညါလၢခရံာ်အိၣ်ဖျါထီၣ်တ့ၢ်ဝဲဒ်သိးအကစိာ် ကွံာ်ပတၢ်ဒဲးဘးတဖၣ်အဂီၢ်, ဒီးလၢအဝဲဒၣ်အပူၤတခီ တၢ်ဒဲးဘးတအိၣ်နီတမံၤဘၣ်န့ၣ်လီၤ.

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.

လံာ်ပှၤစံၣ်ညီၣ်ကွီၢ် 13:3

ယွၤအကလူးလီၣ်ဖျါထီၣ်အသးလၢအီၤဒီးစံးဘၣ်အီၤ, “နအိၣ်ဒံၣ်အိၣ်ဖိတန့ၢ်ဝဲနီတစုဘၣ်, ဘၣ်ဆၣ်ဒီးတယံာ်ဘၣ်ဒီး နကဒၢထီၣ်ဒီးမၤန့ၢ်ဖိခွါတဂၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:20

မၤသးဒ်န့ၣ်ဒီး, တၢ်န့ၣ်မ့ၢ်နီၢ်ဃးနၤအိၣ်ထီၣ်ဒီးအဟုးအသး ဒီးဆံးစၢ်ထီၣ်အဖိခွါတဂၤအဂ့ၢ်လီၤ. ပိာ်မုၣ်န့ၣ်ယုၢ်န့ၢ်အမံၤလၢစီၤၡမူၤအ့လးဒီးတဲဖျါထီၣ်ဝဲ အခီပညီလၢ, “ယဃ့န့ၢ်အီၤလၢယွၤလီၤ.”