လံာ်မးသဲ 1:18 - Sgaw Karen Common Bible

¹⁸ ယ့ၣ်ၡူးခရံာ်အတၢ်အိၣ်ဖျဲၣ်ထီၣ်မၤအသးဒ်အံၤလီၤ. အမိၢ်နီၢ်မၤရံ ဘၣ်တၢ်အဲၣ်တီတ့ၢ်အီၤဒီးစီၤယိၤသးလီၤ. ဘၣ်ဆၣ်တချုးလၢအဝဲသ့ၣ်အိၣ်ဃုာ်ဒံးဘၣ်ဒ်နီၢ်ဒီမိဝၤအသိးန့ၣ်, တၢ်မၤအသးလၢနီၢ်မၤရံအိၣ်ထီၣ်ဒီးအဟုးအသးခီဖျိသးစီဆှံ အစိကမီၤန့ၣ်လီၤ.

လံာ်မးသဲ 1:18 Iomraidhean Croise

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်စီၤယိၤဘး 14:4

လၢပှၤကညီလၢအတကဆှီဘၣ်အပူၤန့ၣ်, တၢ်လၢအကဆှီဝဲ ဟဲထီၣ်တသ့နီတစုဘၣ်.

လံာ်စီၤယိၤဘး 15:14

ပှၤကညီတဂၤဂၤကဆှီဝဲနီၢ်နီၢ်ဘၣ်ကသ့ဧါ. ပှၤတဂၤဂၤတီဝဲ လိၤဝဲလၢကစၢ်ယွၤဘၣ်ကသ့ဧါ.

လံာ်မးသဲ 1:1

အအံၤမ့ၢ်တၢ်ကွဲးဖျါထီၣ်ယ့ၣ်ၡူးခရံာ်အတၢ်ဟဲလီၤစၢၤ အဂ့ၢ်လီၤ. အဝဲမ့ၢ်ပှၤဟဲလီၤစၢၤလၢစီၤဒၤဝံးလၢအဟဲလီၤစၢၤလၢစီၤ အၤဘြၣ်ဟၣ်လီၤ.

လံာ်မးသဲ 12:46

ဖဲယ့ၣ်ၡူးကတိၤဒံးတၢ်ဒီးပှၤတဖၣ်အဖၢမုၢ်န့ၣ်, အမိၢ်ဒီးအဒီပုၢ်ဝဲၢ်တဖၣ်ဟဲတုၤဝဲလၢတၢ်ချၢဒီးဃ့ ကတိၤတၢ်ဒီးအီၤလီၤ.

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.

လံာ်လူၤကၣ် 1:25

“ခဲကနံၣ်အံၤကစၢ်ယွၤမၤစၢၤလံယၤလံ,” အဝဲဒၣ်စံးဝဲ, “အဝဲဒၣ်စိာ်ကွံာ်လံတၢ်လၢအမၤမဲာ်ဆှးယၤလၢပှၤ ဂီၢ်မုၢ်ဂီၢ်ပၤအမဲာ်ညါတမံၤန့ၣ်လံ.”

လံာ်လူၤကၣ် 2:5

အဝဲဒၣ်လဲၤဒီးနီၢ်မၤရံလၢအဘၣ်အဲၣ်တီဒီးအီၤတဂၤ, ဒ်သိးအဝဲသ့ၣ်အမံၤကဘၣ်တၢ်ဆဲးလီၤအီၤအဂီၢ်လီၤ. နီၢ်မၤရံအိၣ်ဒီးအဟုးအသး,

လံာ်သိၣ်လီၤသီလီၤတၢ် 22:23

ပစံးဒၣ်ကလိာ်, ပှၤပိာ်ခွါတဂၤဘၣ်တၢ်ဖီၣ်န့ၢ်အီၤလၢဝ့ၢ်တဖျၢၣ်အပူၤ, လၢအမံဃုာ်အိၣ်ဃုာ်ဒီးပှၤပိာ်မုၣ်ဖိတဂၤလၢအမၤတ့ၢ်တၢ်တ့တၢ် ဖျီအတၢ်အၢၣ်လီၤဆူပှၤအဂၤတဂၤအဃိန့ၣ်လီၤ.

ဧ့ၤဘြံၤ 10:5

လၢတၢ်အံၤအဃိဖဲခရံာ်ကဟဲလီၤဆူဟီၣ်ခိၣ်ချၢန့ၣ်စံးဝဲဒၣ်, “နတသးလီဘၣ်တၢ်လုၢ်တၢ်ပာ်ဒီး တၢ်မၤဘူၣ်တဖၣ်ဘၣ်. မ့မ့ၢ်နကတဲာ်ကတီၤန့ၢ်နီၢ်ခိလၢယဂီၢ်လီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.