လံာ်မးသဲ 1:12 - Sgaw Karen Common Bible

^12-16 စးထီၣ်လၢတၢ်စိာ်မၢကဲကုၢ်လၢဘၤဘူၤလိၣ်ဝံၤအလီၢ်ခံတုၤ ယ့ၣ်ၡူးခရံာ်ဟဲအိၣ်ဖျဲၣ်ထီၣ်အဆၢကတီၢ်န့ၣ်, တၢ်ဟဲလီၤစၢၤ တဆီဘၣ်တဆီဘၣ်တၢ်ယၢၤထီၣ်အီၤဒ်အံၤလီၤ. စီၤယံးကၤနံယၤ, စီၤၡၤလတံၤအ့လး, စီၤစရူဘၤဘ့လး, စီၤအဘံဟူာ်, စီၤအ့ၤလယါကံၣ်, စီၤဧၤစၢ်, စီၤစၤဒိး, စီၤအါဃံၣ်, စီၤအ့းလံအူာ်, စီၤအလၤဧစၢ်, စီၤမးသၣ်, စီၤယၤကိာ်, စီၤယိၤသးလၢအဒိးတ့ဒိးဖျီအသးဒီးနီၢ်မၤရံလၢအဆံးစၢ်န့ၢ်ယ့ၣ်ၡူး, လၢအဘၣ်တၢ်ကိးအီၤလၢခရံာ်, ပှၤလၢယွၤဃုထၢအီၤတဂၤန့ၣ်လီၤ.

လံာ်မးသဲ 1:12 Iomraidhean Croise

လံာ်စီၤပၤခံဘ့ၣ်တဘ့ၣ် 24:14

စီၤနဘူၤကးန့စၢ်စိာ်ထီၣ်ကွံာ်ဝ့ၢ်ယရူၤၡလ့ၣ်အပှၤဂီၢ်မုၢ်ဒ် ပှၤဘၣ်တၢ်စၢဃာ်တဖၣ်အသိး, ကယဲၢ်စီၤပၤအဖိခွါခဲလၢာ်, ဒီးကယဲၢ်ပှၤတူၢ်ဒိၣ်ကီၤဒိၣ်တဖၣ်, ခဲလၢာ်ပှၤအဂၤတကလးန့ၣ် လီၤ. အဝဲက့ၤကိးဃုာ်စ့ၢ်ကီးဝဲပှၤမၤတၢ်သ့ဂ့ၤဂ့ၤတဖၣ်, အိၣ်ဃုာ်ဒီးပှၤပိာ်ထးဖိတဖၣ်, ပာ်တ့ၢ်ဝဲထဲပှၤဂီၢ်မုၢ်လၢ အဖှီၣ်ကတၢၢ်တဖၣ်လၢကီၢ်ယူဒၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:27

ဖဲနံၣ်တနံၣ်လၢစီၤအ့ဝလးမရိဒးကဲထီၣ်ကီၢ်ဘၤဘူၤလိၣ်အစီၤ ပၤန့ၣ်, အဝဲပာ်ဖျါထီၣ်အတၢ်သးကညီၤဆူကီၢ်ယူဒၤအစီၤပၤယဟိၤယါခံၣ်, ခီဖျိတၢ်ပျၢ်ဖျဲးကွံာ်အီၤလၢတၢ်စၢဃာ်အပူၤန့ၣ်လီၤ. တၢ်အံၤမၤအသးဖဲစီၤယဟိၤယါခံၣ်ဘၣ်တၢ်စိာ်ကွံာ်အီၤဒ်ပှၤဘၣ် တၢ်စၢဃာ်အသိးပှဲၤထီၣ်သၢဆံနွံနံၣ်တနံၣ်ဝံၤအလီၢ်ခံ, လါတဆံခံလါတလါထီၣ်ခံဆံနွံသီအနံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 3:17

အအံၤမ့ၢ်စီၤပၤယဟိယါခံၣ်အစၢၤအသွဲၣ်တဖၣ်လၢအဘၣ်တၢ်စိာ်မၢ ကဲကုၢ်အီၤလၢပှၤဘၤဘူၤလိၣ်ဖိသ့ၣ်တဖၣ်န့ၣ်လီၤ. စီၤယဟိယါခံၣ်အိၣ်ဒီးအဖိခွါနွံဂၤလၢအမ့ၢ်ဝဲ, စီၤၡၤလတံအ့လး,

လံာ်စီၤဧ့စြၤ 3:2

ဒီးစီၤယိၤစါဒးအဖိခွါစီၤယိၤၡူ, အပှၤလုၢ်တၢ်အခိၣ်သကိး သကိးဒီးအီၤတဖၣ်, ဒီးစီၤၡၤလတံၤအ့လးအဖိခွါစီၤစရူၤဘၤဘ့လး, ဃုာ်ဒီးအဝဲအဘူးအတံၢ်တဖၣ်, ဘှီထီၣ်ကဒါက့ၤပှၤအံၣ်စရ့လးဖိ အကစၢ်ယွၤအတၢ်လုၢ်လီၢ်, ဒ်သိးအဝဲသ့ၣ်ဆိၣ်ကဲၤထီၣ်တၢ်လုၢ်တၢ်ပာ် တဖၣ်လၢအဖီခိၣ်ဒ်တၢ်သိၣ်လိသီလိလၢအဘၣ်တၢ်ကွဲးလီၤအီၤလၢ ကစၢ်ယွၤအပှၤကညီစီၤမိၤၡ့အလံာ်တၢ်သိၣ်တၢ်သီအပူၤအသိးကသ့န့ၣ်လီၤ.

လံာ်စီၤဧ့စြၤ 5:2

တုၤစီၤၡၤလတံၤအ့လးအဖိခွါစီၤစရူၤဘၤဘ့လးဒီးစီၤယိၤ စါဒးအဖိခွါစီၤယိၤၡူနၢ်ဟူအဝဲသ့ၣ်အတၢ်ကစီၣ်တဖၣ်န့ၣ်, အဝဲသ့ၣ်စးထီၣ်သူၣ်ထီၣ်ကဒါက့ၤတၢ်လုၢ်ဟံၣ်လၢဝ့ၢ်ယရူၤရှလ့ၣ်အ ပူၤ, ဒီးဝံခံဂၤအံၤမၤစၢၤအဝဲသ့ၣ်န့ၣ်လီၤ.

လံာ်စီၤနဃ့မယၤ 12:1

အအံၤမ့ၢ်ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်လၢအဟဲ က့ၤလၢတၢ်စိာ်မၢကဲကုၢ်အလီၢ်ဃုာ်ဒီးစီၤစရူၤဘၤဘ့လးလၢ အမ့ၢ်စီၤၡၤလတံၤအ့လးအဖိခွါဒီးပှၤလုၢ်တၢ်အခိၣ်အဒိၣ်ကတၢၢ် စီၤယိၤၡူန့ၣ်လီၤ.

လံာ်ယံးရမံယၤ 22:24

ယွၤစံးဘၣ်ကီၢ်ယူဒၤအစီၤပၤစီၤယဟိယါကံၣ်အဖိခွါ စီၤယဟိယါခံၣ်, “ဒ်ယမ့ၢ်နီၢ်နီၢ်ကစၢ်ယွၤလၢအမူဝဲတဂၤအသိး, နမ့မ့ၢ်ဒၣ်လဲာ်တၢ်စဲပနီၣ်အပသံးတဘိလၢယစုထွဲအလိၤန့ၣ်, ယကဘ့ၣ်လီၤကွံာ်နၤ,

လံာ်ယံးရမံယၤ 22:28

ယစံးယဲ, “မ့ၢ်စီၤပၤယဟိၤယါခံၣ်ကဲထီၣ်ဒ်သပၢၤသ့ၣ်ဖး တဖျၢၣ်အသိးလၢအဘၣ်တၢ်စူးကွံာ်အီၤဒီးပှၤတသးလီအီၤ နီတဂၤဘၣ်န့ၣ်ဧါ. လၢတၢ်န့ၣ်အဃိ, မ့ၢ်အဝဲဒီးအဖိတဖၣ်ဘၣ်တၢ်စိာ်ကွံာ်အီၤဆူတၢ်မၢကဲကုၢ်အလီၢ်, တၢ်လီၢ်လၢအဝဲသ့ၣ်တသ့ၣ်ညါဝဲလၢအဂ့ၢ်နီတမံၤန့ၣ်ဧါ.”

လံာ်ယံးရမံယၤ 22:30

“ပှၤတဂၤအံၤဘၣ်တၢ်စံၣ်ညီၣ်ဃၣ်အီၤလၢကမ့ၢ်ပှၤတူာ်ဖိ, ဒီးတကဲထီၣ်ပှၤတဂၤလၢကမၤန့ၢ်မၤနၢၤတၢ် နီတစုဘၣ်လီၤ. အဝဲအစၢၤအသွဲၣ်တဖၣ်လၢကပၢဘၣ်တၢ်လၢ ကီၢ်ယူဒၤအပူၤ ဒ်ပှၤထီၣ်က့ၤစီၤဒၤဝံးအလီၢ်ပစိာ်တအိၣ်နီတဂၤဘၣ်. ယွၤအံၤ, ကတိၤလံတၢ်လံ.”

လံာ်ယံးရမံယၤ 27:20

ဖဲစီၤပၤနဘူၤကးန့စၢ်က့ၤကိးကွံာ်စီၤယဟိၤယါကံၣ်အဖိခွါ, ကီၢ်ယူဒၤအစီၤပၤ စီၤယဟိၤယါခံၣ်ဒီး ကီၢ်ယူဒၤဒီးဝ့ၢ်ယရူၤရှလ့ၣ် အပှၤခိၣ်ပှၤနၢ်တဖၣ် ဆူကီၢ်ဘၤဘူၤလိၣ်အခါန့ၣ်, အဝဲတက့ၤစိာ် ဘၣ်တၢ်တဖၣ်န့ၣ်ဘၣ်.)

လံာ်ဃးကဲ 1:1

ဖဲစီၤဒၤရယါဝ့ၣ်ကဲကီၢ်ပၤရၣ်အစီၤပၤဖးဒိၣ်ခံနံၣ်တနံၣ်အပူၤအတ့ၤ, လၢလါဃုလါတလါထီၣ်တသီအနံၤန့ၣ်, ယွၤကတိၤတ့ၢ်တၢ်ခီဖျိဝံဃးကဲလီၤ. တၢ်ကစီၣ်န့ၣ်, မ့ၢ်လၢကီၢ်ယူဒၤအပဒိၣ်ဖးဒိၣ်စီၤၡၤလတံၤအ့လး အဖိခွါစီၤစရူၤဘၤဘ့လး, ဒီးလၢပှၤလုၢ်တၢ်အခိၣ်အဒိၣ်ကတၢၢ်, စီၤယိၤစါဒးအဖိခွါစီၤယိၤရူအဂီၢ်န့ၣ်လီၤ.

လံာ်ဃးကဲ 1:12

တုၤနုၤတစု, စီၤစရူၤဘၤဘ့လးဒီးစီၤယိၤရူဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤတ့ၢ်လၢတၢ်စိာ်မၢကဲကုၢ်အပူၤလၢကီၢ်ဘၤဘူၤ လိၣ်န့ၣ်, မၤတ့ၢ်တၢ်လၢယွၤ, အဝဲသ့ၣ်အကစၢ်ယွၤစံးဘၣ်တ့ၢ်အီၤလၢကဘၣ်မၤဝဲန့ၣ်လီၤ. အဝဲသ့ၣ်ပျံၤဘၣ်ဒီးစူၢ်တ့ၢ်ဝံဃးကဲလၢအမ့ၢ်ယွၤအပှၤစိာ်တၢ် ကစီၣ်အကလုၢ်လီၤ.

လံာ်ဃးကဲ 1:14

ယွၤထိၣ်ဂဲၤတ့ၢ်ပှၤကိးဂၤဒဲး, ကီၢ်ယူဒၤအပဒိၣ်ဖးဒိၣ်စီၤစရူၤဘၤဘ့လး, ပှၤလုၢ်တၢ်အခိၣ်အဒိၣ်ကတၢၢ်စီၤယိၤရူဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤလၢတၢ်မၢကဲကုၢ်အပူၤအသး, ဒ်သိးကမၤတၢ်လၢတၢ်လုၢ်ဟံၣ်န့ၣ်လီၤ. အဝဲသ့ၣ်စးထီၣ်မၤတ့ၢ်တၢ်လၢယွၤသ့တၢ်လၢာ်ကစၢ်, အဝဲသ့ၣ်အကစၢ်ယွၤအတၢ်လုၢ်ဟံၣ်,

လံာ်ဃးကဲ 2:2

အဝဲစံးဘၣ်တ့ၢ်စီၤဃးကဲလၢကကတိၤတၢ်ဒီးကီၢ်ယူဒၤအပဒိၣ် ဖးဒိၣ်စီၤစရူၤဘၤဘ့လး, ပှၤလုၢ်တၢ်အခိၣ်အဒိၣ်ကတၢၢ်စီၤယိၤရူဒီးဆူပှၤဂီၢ်မုၢ်ဒီး ကဘၣ်စံးဘၣ်အဝဲသ့ၣ်,

လံာ်ဃးကဲ 2:23

လၢမုၢ်နံၤအဝဲန့ၣ်, ယကဟံးန့ၢ်နၤ, ယခ့ယပှၤစီၤစရူၤဘၤဘ့လးဧၢ, ယကဃုထၢပာ်လီၤနၤဒ်သိးနကပၢတၢ်လၢယမံၤအပူၤလီၤ. နမ့ၢ်ပှၤတဂၤလၢယဃုထၢတ့ၢ်အီၤလံ.” ယွၤသ့တၢ်လၢာ်ကစၢ်စံးတ့ၢ်ဝဲ.

လံာ်မးသဲ 1:17

စးထီၣ်လၢစီၤအၤဘြၤဟၣ်တုၤလီၤလၢစီၤဒၤဝံးန့ၣ် တၢ်ဟဲလီၤစၢၤအိၣ်တဆံလွံၢ်စိၤ, ဒီးစီၤဒၤဝံးတုၤလီၤလၢတၢ် စိာ်မၢကဲကုၢ်ဆူဘၤဘူၤလိၣ်အဆၢကတီၢ်န့ၣ်အိၣ်ဝဲတဆံလွံၢ်စိၤ ဒီးစးထီၣ်လၢတၢ်စိာ်မၢကဲကုၢ်တုၤလၢ ယ့ၣ်ၡူးခရံာ်အိၣ်ဖျဲၣ်ထီၣ်န့ၣ်အိၣ်တဆံလွံၢ်စိၤလီၤ.

လံာ်လူၤကၣ် 3:27

စီၤယူဒၤအပၢ်မ့ၢ်ဝဲစီၤယိၤအၣ်နၣ်, စီၤယိၤအၣ်နၣ်အပၢ်မ့ၢ်ဝဲစီၤရ့ၤစါ, စီၤရ့ၤစါအပၢ်မ့ၢ်ဝဲစီၤစရူဘၤဘ့းလး, စီၤစရူဘၤဘ့းလးအပၢ်မ့ၢ်ဝဲစီၤၡၤလတံၤအ့လး, စီၤၡၤလတံၤအ့လးအပၢ်မ့ၢ်ဝဲစီၤန့ၤရံ,