လံာ်မၤလကံ 4:6 - Sgaw Karen Common Bible

⁶ အဝဲကပာ်ဖှိၣ်က့ၤပၢ်ဒီးဖိတဖၣ်တပူၤဃီကဒီးန့ၣ်လီၤ. မ့တမ့ၢ်ဘၣ်ဒီးယကဘၣ်ဟဲဒီးမၤဟးဂီၤကွံာ်သုထံဧိၤကီၢ်ဧိၤ န့ၣ်လီၤ.”

လံာ်မၤလကံ 4:6 Iomraidhean Croise

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယၡါယၤ 24:6

သတးဒီး, ကစၢ်ယွၤခါလီၤတ့ၢ်တၢ်ဆိၣ်အၢတမံၤလၢဟီၣ်ခိၣ် ချၢလီၤ. အပှၤဂီၢ်မုၢ်တဖၣ်န့ၣ်ဟ့ၣ်တၢ်အပှ့ၤလၢတၢ်လၢ အဝဲသ့ၣ်မၤတ့ၢ်ဝဲအဂီၢ်လီၤ. ပှၤအိၣ်မူတ့ၢ်တဖၣ်စှၤလီၤစှၤလီၤ ဝဲလီၤ.

လံာ်ယၡါယၤ 40:3

တၢ်အကလုၢ်ကိးထီၣ်ဝဲ, “ကတဲာ်ကတီၤကျဲလၢယွၤအဂီၢ်လၢပှၢ်မုၢ်ကနၢပူၤ န့ၣ်တက့ၢ်. မၤပျီကျဲလၢမဲးမုၢ်ခိၣ်လၢပကစၢ်ယွၤအဂီၢ်တက့ၢ်.

လံာ်ယၡါယၤ 43:28

ဒီးနပှၤပၢတၢ်တဖၣ်မၤတရီတပါယလီၢ်စီဆှံလီၤ. လၢတၢ်န့ၣ်အဃိ, ယဟဲစိာ်တ့ၢ်တၢ်ဟးဂီၤလၢ ကီၢ်အံၣ်စရ့လးအဖီခိၣ် ဒီးယပျဲယပှၤဂီၢ်မုၢ်ဒၣ်ယဲဘၣ်တၢ်မၤအီၤ တရီတပါလီၤ.”

လံာ်ယၡါယၤ 61:2

အဝဲမၢလီၤတ့ၢ်ယၤဒ်သိးယကဒုးဟူထီသါလီၤတၢ်လၢ တၢ်ဆၢကတီၢ်ဟဲတုၤလံလၢယွၤကအုၣ်က့ၤခီၣ်က့ၤအပှၤဂီၢ်မုၢ် ဒီးမၤနၢၤကွံာ်အဝဲသ့ၣ်အဒုၣ်အဒါတဖၣ်န့ၣ်လီၤ. အဝဲမၢလီၤတ့ၢ်ယၤဒ်သိးယကမၤမုာ်ပှၤလၢ အသူၣ်အုးသးအုးခဲလၢာ်,

လံာ်ယၡါယၤ 65:15

ပှၤဂီၢ်မုၢ်လၢယဃုထၢအီၤကသူသုမံၤဒ်တၢ်ဘၣ်ဆိၣ်အၢတမံၤ အသိးလီၤ. ယၤ, ယွၤပၢဘၣ်တၢ်ခဲလၢာ်ကစၢ်ကမၤသံသုလီၤ. ဘၣ်ဆၣ်ဒီးယကဟ့ၣ်မံၤအသီတဖျၢၣ်လၢပှၤလၢအစူၢ်ယၤ တဖၣ်အဂီၢ်န့ၣ်လီၤ.

လံာ်ဒၤနံးယ့လး 9:11

ပှၤအံၣ်စရ့လးဖိခဲလၢာ်လုၣ်သ့ၣ်ခါပတာ်လံနတၢ်သိၣ်တၢ် သီတဖၣ်ဒီးဂ့ၢ်လိာ်ဝဲဒ်သိးအသုတဒိကနၣ်ဘၣ်တၢ်လၢနကတိၤတ့ၢ် တဖၣ်တဂ့ၤန့ၣ်လီၤ. ပမၤတ့ၢ်တၢ်ဒဲးဘးထီဒါနၤလီၤ. မၤသးဒ်န့ၣ်ဒီးနဒုးလီၤဘၣ်ပှၤလၢတၢ်ဆိၣ်အၢဒ်အဘၣ်တၢ်ကွဲး တ့ၢ်အသးလၢနခ့နပှၤစီၤမိၤၡ့အတၢ်သိၣ်တၢ်သီအပူၤအသိးန့ၣ်လီၤ.

လံာ်စကၤရယၤ 11:6

(ယွၤစံးဝဲဒၣ်, “ယတသးကညီၤလၢၤဘၣ်ပှၤနီတဂၤလၢဟီၣ်ခိၣ်အံၤဘၣ်. ယကစၢ်ဒၣ်ယဲယကပာ်ပှၤဂီၢ်မုၢ်ခဲလၢာ်လၢအပှၤပၢတၢ်တဖၣ်အတၢ်စိတၢ် ကမီၤအပူၤလီၤ. ပှၤပၢတၢ်တဖၣ်န့ၣ်ကမၤဟးဂီၤကွံာ်ဟီၣ်ခိၣ်ဒိၣ်ဒိၣ်မုၢ်မုၢ်, ဒီးယတအုၣ်က့ၤခီၣ်က့ၤဘၣ်အီၤလၢအဝဲသ့ၣ်အတၢ်စိတၢ်ကမီၤအပူၤ ဘၣ်.”)

လံာ်စကၤရယၤ 13:8

ယကဒုးတၢ်ထီဒါယပှၤဂီၢ်မုၢ်, ဒီးလၢကီၢ်ဒီဘ့ၣ်ညါအပူၤန့ၣ်, ပှၤဂီၢ်မုၢ်သၢပူခံပူကသံဝဲဒၣ်လီၤ.

လံာ်စကၤရယၤ 14:12

ယွၤကဒုးလီၤဘၣ်တၢ်ဆါလီၤပျံၤလီၤဖုးတမံၤဆူပှၤကလုာ်ခဲ လၢာ်လၢအဟဲဒုးတၢ်ဒီးဝ့ၢ်ယရူၤၡလ့ၣ်လီၤ. ဖဲအအိၣ်မူဒံးအဖၢမုၢ်ဒၣ်လဲာ်, အဝဲသ့ၣ်အဖံးအညၣ်ကအုၣ်သံကျၣ်သံ, ဒီးအမဲာ်ချံတဖၣ်ဒီးအပျ့ၤတဖၣ်ကအုၣ်ကကျၣ်ကွံာ်ဝဲဒၣ် န့ၣ်လီၤ.

လံာ်စကၤရယၤ 14:2

ယွၤကဒုးဟဲဖှိၣ်ပှၤကလုာ်ခဲလၢာ်လၢကဒုး တၢ်ထီဒါဝ့ၢ်ယရူၤၡလ့ၣ်န့ၣ်လီၤ. ဝ့ၢ်န့ၣ်ကဘၣ်တၢ်မၤန့ၢ်အီၤ, ဟံၣ်တဖၣ်ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးပိာ်မုၣ်တဖၣ်ကဘၣ်တၢ်မၤဆူၣ်မၤစိးအီၤန့ၣ်လီၤ. ဒီးပှၤဂီၢ်မုၢ်တဝာ်န့ၣ်ကလဲၤလီၤဆူတၢ်စိာ်မၢကဲကုၢ်အလီၢ်, မ့မ့ၢ်ပှၤဂီၢ်မုၢ်လၢအအိၣ်လီၤတဲာ်န့ၣ်ကအိၣ်တ့ၢ်ဝဲဒၣ်ဖဲဝ့ၢ်ပူၤလီၤ.

လံာ်စကၤရယၤ 5:3

အန့ၣ်ဒီးကလူးန့ၣ်စံးဘၣ်ယၤ, “လၢလံာ်ထူလိၤန့ၣ်, တၢ်ဆိၣ်အၢလၢကလီၤဘၣ်ထံကီၢ်ဒီတဘ့ၣ်န့ၣ်အိၣ် ကွဲးလီၤအသးလီၤ. လၢလံာ်ထူတကပၤန့ၣ်, တၢ်ကွဲးအသးစံးဝဲလၢကယဲၢ်တၢ်ဘျၣ်တဂၤလၢ် လၢ်န့ၣ်, ကဘၣ်တၢ်မၤဟးဂီၤကွံာ်အီၤလၢထံကီၢ်အပူၤ, ဒီးလၢအဂၤတကပၤန့ၣ်, တၢ်ကွဲးအသးစံးဝဲလၢပှၤလၢအကတိၤကဘျံး ကဘျၣ်တၢ်လၢတၢ်ဆိၣ်လီၤသးအပူၤတဂၤလၢ်လၢ်န့ၣ်, တၢ်ကမၤဟးဂီၤကွံာ်အီၤစ့ၢ်ကီးလီၤ.

လံာ်မးသဲ 22:7

စီၤပၤန့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးဆှၢလီၤအသုးဖိတဖၣ်လၢအကမၤသံကွံာ် ပှၤမၤသံတၢ်ဖိတဖၣ်, ဒီးဒွဲၣ်ကွံာ်အဝဲသ့ၣ်အဝ့ၢ်န့ၣ်လီၤ.

လံာ်မၢ်ကူး 11:21

စီၤပ့းတရူးသ့ၣ်နီၣ်ထီၣ်က့ၤတၢ်လၢအမၤတ့ၢ်အသးဒီးစံးဘၣ် ယ့ၣ်ၡူး, “ကွၢ်တက့ၢ်, သရၣ်ဧၢ, ချၢၣ်ဒၢတထူၣ်လၢနဆိၣ်ဃီၣ်တ့ၢ်အီၤန့ၣ်သံလံ.”

လံာ်လူၤကၣ် 1:76

နဲဒၣ်ယဖိခွါ, နကဘၣ်တၢ်ကိးနၤလၢ ကစၢ်ယွၤတၢ်ထီကတၢၢ်အဝံတဂၤန့ၣ်လီၤ. နကလဲၤဆိနဲလၢကစၢ်အမဲာ်ညါ ဒ်သိးနကကတဲာ်ကတီၤကျဲလၢအဂီၢ်,

ဧ့ၤဘြံၤ 6:8

ဘၣ်ဆၣ်ဒီးဟီၣ်ခိၣ်မ့ၢ်ဒုးမဲထီၣ်တၤဆှုၣ်တၤမဲ, တပှီာ်တပှာ်ဒီးအဘျုးတအိၣ်ဘၣ်သတးဒီးအိၣ်ဘူးထီၣ်ဒီးတၢ်ဘၣ် ဆိၣ်အၢဒီးလၢခံကတၢၢ်န့ၣ်, ကဘၣ်တၢ်ဆူးထီၣ်ကွံာ်အီၤလၢမ့ၣ် အူန့ၣ်လီၤ.

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.

လံာ်လီၣ်ဖျါ 22:3

တၢ်လၢအအိၣ်လၢကစၢ်ယွၤအတၢ်ဆိၣ်အၢအဖီလာ်န့ၣ်တၢ် တထံၣ်န့ၢ်လၢၤအီၤလၢဝ့ၢ်တဖျၢၣ်အံၤအပူၤနီတမံၤဘၣ်. ကစၢ်ယွၤဒီးသိဖိအလီၢ်ပစိာ်န့ၣ်ကအိၣ်လၢဝ့ၢ်တဖျၢၣ်န့ၣ် အပူၤ, ဒီးအဝဲဒၣ်အခ့အပှၤတဖၣ်ကဘူၣ်ထီၣ်ဘါထီၣ်အီၤလီၤ.