လံာ်မၤလကံ 4:5 - Sgaw Karen Common Bible

⁵ ဘၣ်ဆၣ်, တချုးလၢယွၤအမုၢ်နံၤဖးဒိၣ်ဒီးမုၢ်နံၤလၢအလီၤပျံၤ လီၤဖုးဟဲဒံးဘၣ်န့ၣ်, ယကဆှၢလီၤန့ၢ်သုဝံအ့ၤလံယၤန့ၣ်လီၤ.

လံာ်မၤလကံ 4:5 Iomraidhean Croise

လံာ်ယၡါယၤ 40:3

တၢ်အကလုၢ်ကိးထီၣ်ဝဲ, “ကတဲာ်ကတီၤကျဲလၢယွၤအဂီၢ်လၢပှၢ်မုၢ်ကနၢပူၤ န့ၣ်တက့ၢ်. မၤပျီကျဲလၢမဲးမုၢ်ခိၣ်လၢပကစၢ်ယွၤအဂီၢ်တက့ၢ်.

လံာ်ယိၤအ့လး 2:31

တချုးလၢယွၤအမုၢ်နံၤလၢအလီၤပျံၤလီၤ ဖုးဖးဒိၣ်ဟဲဝဲဒံးဘၣ်န့ၣ်မုၢ်ကခံးလီၤဝဲ, ဒီးလါန့ၣ်ကလဲလိာ်အသးဆူအလွဲၢ်ဂီၤဒ်တၢ်သွံၣ်အသိးန့ၣ်လီၤ.

လံာ်စဖါနယၤ 1:14

ယွၤအမုၢ်နံၤဖးဒိၣ်အံၤဘူးထီၣ်လံ. ဘူးထီၣ်ဝဲဖးဒိၣ်လံဒီးဟဲဝဲ ချ့ချ့လီၤ. မုၢ်နံၤအဝဲန့ၣ်ကမ့ၢ်မုၢ်နံၤအခၣ်တနံၤန့ၣ်လီၤ. အဂ့ၢ်ဒ်အံၤ, ပှၤသုးဖိလၢအဒူကတၢၢ်တဖၣ်ဒၣ်လဲာ်ကကိးပသူ ထီၣ်လၢတၢ်သူၣ်ဟးဂူာ်သးဟးဂီၤအပူၤန့ၣ်လီၤ.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်လူၤကၣ် 1:17

အဝဲဒၣ်ကလဲၤလၢကစၢ်အမဲာ်ညါအိၣ်ဒီးသးအဂံၢ်အဘါဒီးတၢ်စိတၢ် ကမီၤဒ်ဝံအ့ၤလံယၤအသိးန့ၣ်လီၤ. အဝဲဒၣ်ကဘိးဃၣ်က့ၤပၢ်တဖၣ်အသးဆူဖိတဖၣ်အအိၣ်, အဝဲဒၣ်ကဃၣ်ကဒါက့ၤပှၤတဒိကနၣ်တၢ်တဖၣ်ဆူပှၤတီပှၤလိၤ အတၢ်ဆိကမိၣ်အကျဲ, အဝဲဒၣ်ကကတဲာ်ကတီၤကစၢ်ယွၤ အပှၤဂီၢ်မုၢ်တဖၣ်လၢယွၤအဂီၢ်လီၤ.”

လံာ်လူၤကၣ် 9:30

သတူၢ်ကလာ်, ပှၤအိၣ်ဝဲဖဲန့ၣ်ခံဂၤလၢအကတိၤတၢ်ဒီးယ့ၣ်ၡူးလီၤ. အဝဲသ့ၣ်မ့ၢ်စီၤမိၤၡ့ဒီးစီၤအ့ၤလံယၤ,

လံာ်ယိၤဟၣ် 1:21

ဒီးအဝဲသ့ၣ်သံကွၢ်အီၤ, “မ့မ့ၢ်ဒ်န့ၣ်ဒီးနမ့ၢ်မတၤလဲၣ်. နမ့ၢ်ဝံအ့ၤလံယၤဧါ.” ဒီးစီၤယိၤဟၣ်စံးဆၢဝဲ, “တမ့ၢ်ဘၣ်.” သံကွၢ်ကဒီးဝဲ, “နမ့ၢ်ဝံလၢယွၤကမၢလီၤဝဲန့ၣ်ဧါ.” ဒီးအဝဲဒၣ်စံးဆၢဝဲ, “တမ့ၢ်ဘၣ်.”

လံာ်ယိၤဟၣ် 1:25

အဝဲသ့ၣ်သံကွၢ်စီၤယိၤဟၣ်, “နမ့တမ့ၢ်ခရံာ်, မ့တမ့ၢ်ဘၣ်ဒီးဝံအ့ၤလံယၤ, မ့တမ့ၢ်ဘၣ်ဝံလၢယွၤကမၢလီၤအီၤန့ၣ်ဘၣ်ဒီး, ဘၣ်မနုၤအဃိလၢနဘျၢတၢ်လဲၣ်.”

လံာ်လီၣ်ဖျါ 6:17

အဝဲသ့ၣ်အတၢ်သးထီၣ်အမုၢ်နံၤလီၤပျံၤလီၤဖုးတနံၤန့ၣ် တုၤအိၣ်ဝဲခဲကနံၣ်အံၤလံ. ဒီးမတၤကွၢ်ဆၢၣ်မဲာ်အီၤကသ့ တဂၤလဲၣ်.”