လံာ်မၤလကံ 3:7 - Sgaw Karen Common Bible

⁷ ဒ်သုမိၢ်ပၢ်ဖံဖုလၢပျၢၤလၢသုမဲာ်ညါသ့ၣ်တဖၣ်အသိး, သုဃၣ်ကွံာ်သုသးလၢယတၢ်သိၣ်တၢ်သီဒီးတတိၢ်န့ၢ်ဘၣ်အီၤဘၣ်. ဟဲက့ၤဆူယအိၣ်တက့ၢ်. ဒီးယကဟဲက့ၤဆူသုအိၣ်န့ၣ်လီၤ. ဘၣ်ဆၣ်သုသံကွၢ်, ‘ပကဟဲက့ၤကဒါက့ၤဒ်လဲၣ်.’

လံာ်မၤလကံ 3:7 Iomraidhean Croise

လံာ်စီၤနဃ့မယၤ 9:26

ဘၣ်ဆၣ်နပှၤဂီၢ်မုၢ်ထီဒါနၤဒီးတစူၢ်နၤဘၣ်. အဝဲသ့ၣ်ဃၣ်ဒူချၢကွံာ်အသးလၢနတၢ်သိၣ်တၢ်သီလၢနဟ့ၣ်လီၤပှၤ ယူဒၤဖိန့ၣ်လီၤ. အဝဲသ့ၣ်မၤသံကွံာ်ဝံတဖၣ်လၢအဟ့ၣ်ပလီၢ်အဝဲသ့ၣ်ဒ်သိးကဃၣ်က့ၤ အသးဆူနအိၣ်န့ၣ်လီၤ. အဝဲသ့ၣ်မၤတရီတပါနၤတဘျီဝံၤတဘျီန့ၣ်လီၤ.

လံာ်ယၡါယၤ 65:2

ယအိၣ်ကတဲာ်ကတီၤယသးထီဘိလၢယကတူၢ်လိာ်မုာ် ယပှၤဂီၢ်မုၢ်လၢအခိၣ်ကိၤလၢအမၤကမၣ်တၢ်ဒီးလဲၤလၢ အဝဲသ့ၣ်အကျဲဒၣ်ဝဲန့ၣ်လီၤ.

လံာ်ယံးရမံယၤ 16:11

အန့ၣ်ဒီးတဲဘၣ်အဝဲသ့ၣ်လၢယွၤစံးဝဲဒၣ်, သုမိၢ်ပၢ်ဖံဖုလၢ ပျၢၤတဖၣ်ဃၣ်ကွံာ်အသးလၢယၤဒီးဘူၣ်ထီၣ်ဘါထီၣ်ဒီးမၤကစၢ်အဂၤ တဖၣ်အတၢ်လီၤ. အဝဲသ့ၣ်ပာ်လီၤတဲာ်ကွံာ်ယၤ, ဒီးတစူၢ်ဘၣ်ယတၢ်သိၣ်လိသီလိတဖၣ်ဘၣ်.

လံာ်ယံးရမံယၤ 16:12

ဘၣ်ဆၣ်ဒီးသုမၤတ့ၢ်တၢ်အၢဒိၣ်န့ၢ် ဒၣ်လဲာ်သုမိၢ်ပၢ်ဖံဖုလၢပျၢၤတဖၣ်န့ၣ်လီၤ. သုဝဲခဲလၢာ်သုခိၣ်ကိၤဒီးအၢ ဝဲသီဝဲဒီးသုတစူၢ်ဘၣ်ယၤဘၣ်.

လံာ်ယံးရမံယၤ 3:22

သုဝဲလၢအဃၣ်ယံၤကွံာ်အသးလၢယွၤခဲလၢာ်သ့ၣ်ဧၢ, ဟဲက့ၤ ကဒါက့ၤတက့ၢ်. အဝဲဒၣ်ကမၤဘျါက့ၤသုဒီးဒုးသူၣ်တီသးရၤသုန့ၣ်လီၤ. သုစံးသုဝဲ, “မ့ၢ်လီၤ, ပဟဲဆူယွၤအအိၣ်, မ့ၢ်လၢ အဝဲမ့ၢ်ကစၢ်ယွၤအဃိန့ၣ်လီၤ.

လံာ်ယံးရမံယၤ 7:25

စးထီၣ်မုၢ်တနံၤလၢသုမိၢ်ပၢ်ဖံဖုလၢပျၢၤတဖၣ်ဟးထီၣ်ကွံာ်လၢ အဲၤကူပတူးဒီးတုၤလီၤလၢမုၢ်မဆါတနံၤအံၤန့ၣ်, ယဆှၢလီၤ ယခ့ယပှၤ, ဝံတဖၣ်ထီဘိတထံၣ်ဃီဆူသုအိၣ်န့ၣ်လီၤ.

လံာ်ယံးရမံယၤ 7:26

အန့ၣ်ဒၣ်လဲာ်, ပှၤတဒိကနၣ်တ့ၢ်တၢ်ဒီးတကနၣ်ဃုာ်တၢ်နီတဂၤဘၣ်. အခိၣ်တလိာ်, သုကဲထီၣ်ပှၤအခိၣ်ကိၤဒီးပူထီၣ်လီထီၣ်တၢ်အါန့ၢ်ဒံး သုမိၢ်သုပၢ်ဖံဖုလၢပျၢၤတဖၣ်တက့ၢ်န့ၣ်လီၤ.

လံာ်ယဃ့းစက့လး 2:3

“ပှၤကညီလၢအသံသ့ဧၢ, ယမၢလီၤနၤဆူကီၢ်အံၣ်စရ့လးအပှၤဂီၢ် မုၢ်အအိၣ်လီၤ. အဝဲသ့ၣ်ပူထီၣ်တၢ်ဒီးဃၣ်ကွံာ်အသးထီဒါယၤ, ဒီးမ့ၢ်ဒံးဒၣ်ပှၤပူထီၣ်တၢ်ဖိတဖၣ်ဒ်သိးဒၣ်အမိၢ်ပၢ်ဖံဖု လၢပျၢၤတဖၣ်မ့ၢ်တ့ၢ်ဝဲန့ၣ်လီၤ.

လံာ်ယဃ့းစက့လး 20:13

ဘၣ်ဆၣ်လၢပှၢ်မုၢ်ကနၢအပူၤဒၣ်လဲာ်န့ၣ်အဝဲသ့ၣ်ခီၣ်ဆၢယၤလီၤ. အဝဲသ့ၣ်လုၣ်သ့ၣ်ခါပတာ်ကွံာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးစူးကွံာ်ညိကွံာ်ယတၢ်မၤလိာ်တဖၣ်လၢအဟဲစိာ် တၢ်မူဆူပှၤတဂၤလၢ်လၢ်လၢအစူၢ်အီၤအအိၣ်န့ၣ်လီၤ. အဝဲသ့ၣ်မၤဘၣ်အၢဘၣ်သီမုၢ်အိၣ်ဘှံးအနံၤလၢာ်လၢာ်ဆ့ဆ့ န့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ် အဝဲသ့ၣ်လၢယတၢ်သးဒိၣ်ထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤဟးဂီၤကွံာ်အဝဲသ့ၣ်န့ၣ်လီၤ.

လံာ်ယဃ့းစက့လး 20:21

ဘၣ်ဆၣ်ပှၤတစိၤန့ၣ်ခီၣ်ဆၢစ့ၢ်ကီးယၤန့ၣ်လီၤ. အဝဲသ့ၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါတဖၣ်ဒီးတတိၢ်န့ၢ်ဖံးဃာ် ယတၢ်မၤလိာ်တဖၣ်လၢအဟဲစိာ်တၢ်မူဆူပှၤတဂၤလၢ်လၢ်လၢအစူၢ်အီၤ အအိၣ်န့ၣ်ဘၣ်. အဝဲသ့ၣ်မၤတရီတပါမုၢ်အိၣ်ဘှံးနံၤန့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤသံကွံာ်အဝဲသ့ၣ်ခဲလၢာ်န့ၣ်လီၤ.

လံာ်ယဃ့းစက့လး 20:28

ယဆှၢဃီၤအဝဲသ့ၣ်ဆူကီၢ်တဘ့ၣ်လၢယအၢၣ်လီၤတ့ၢ်တၢ်လၢ ယကဟ့ၣ်လီၤအဝဲသ့ၣ်န့ၣ်လီၤ. ဖဲအဝဲသ့ၣ်ထံၣ်ဘၣ်တၢ်လူၢ်အထီတဖၣ်ဒီးသ့ၣ်လါဟ့တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဖဲတၢ်လီၢ်ခဲလၢာ်န့ၣ်လီၤ. အဝဲသ့ၣ်မၤဒိၣ်ထီၣ်ယသးခီဖျိ တၢ်လုၢ်တၢ်ပာ်တဖၣ်လၢအဆိၣ်ကဲၤထီၣ်ဝဲဒီးစပံးထံတဖၣ်လၢအဟဲ စိာ်ဝဲဒ်တၢ်လုၢ်မၤဘူၣ်အသိးအဃိန့ၣ်လီၤ.

လံာ်ယဃ့းစက့လး 20:8

ဘၣ်ဆၣ်အဝဲသ့ၣ်ခီၣ်ဆၢယၤဒီးဂ့ၢ်လိာ်ဝဲလၢကဒိကနၣ်တၢ်အဂီၢ် လီၤ. အဝဲသ့ၣ်တစူးကွံာ်ဘၣ်အတၢ်ဂီၤတၢ်ဖီၣ်တဖၣ်လၢအလီၤသးဘၣ် အၢမ့ၢ်ဂ့ၤတပာ်တ့ၢ်ကွံာ်ကီၢ်အဲၤကူပတူးအကစၢ်တဖၣ်မ့ၢ်ဂ့ၤန့ၣ်ဘၣ်. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးဒိၣ်ထီၣ်အသဟီၣ်လၢအဆူၣ်ဝဲဖဲန့ၣ်, လၢကီၢ်အဲၤကူပတူးအပူၤန့ၣ်လီၤ.

လံာ်ဟိၤၡ့ 14:1

ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ. သုတၢ်ဒဲးဘးမၤဘၣ်တိၢ်သုခီၣ်ဒီးဒုးလီၤဃံၤသုလီၤ.

လံာ်စကၤရယၤ 1:3

ဘၣ်ဆၣ်ဒီးခဲအံၤယစံးဘၣ်သု, ဟဲက့ၤကဒါက့ၤဆူယအိၣ်တက့ၢ်. ဒီးယကဟဲက့ၤကဒါက့ၤဆူသုအိၣ်လီၤ.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်မၤလကံ 3:13

ယွၤစံးဝဲဒၣ်, “သုစံးတ့ၢ်လံတၢ်တဂ့ၤထီဒါယၤလီၤ.” ဘၣ်ဆၣ်ဒီးသုစံး “ပကတိၤတၢ်ထီဒါနၤလၢမနုၤလဲၣ်.”

လံာ်မးသဲ 23:27

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုမၤသုသးလီၤဂာ်ဒီးတၢ်သွၣ်ခိၣ်ပူၤလၢအဘၣ်တၢ်ဖှူဝါထီၣ် အီၤလီၤ. လၢအချၢတခီဖျါဃံလၤ, ဘၣ်ဆၣ်အအိပူၤတခီပှဲၤဒီးပှၤသံအဃံအကွဲဒီးတၢ်အစိၣ် အတၢ်အုၣ်တၢ်ကျၣ်တဖၣ်လီၤ.

လံာ်လူၤကၣ် 15:16

အဝဲဒၣ်အဲၣ်ဒိးအီၣ်ပှဲၤအဟၢဖၢလၢထိးဆၣ်ဘၣ်ဆၣ်, ပှၤတဟ့ၣ်အီၤတၢ်လၢအကအီၣ်ဝဲအဂီၢ်နီတမံၤနီတဂၤဘၣ်.

ရိမ့ၤ 10:21

မ့မ့ၢ်တၢ်ဘၣ်ဃးဒီးအံၣ်စရ့လးန့ၣ်အဝဲစံး, “ယယူာ်ဃီၤယစု ဆူပှၤလၢအတဒိကနၣ်တၢ်ဒီးပူထီၣ်လီထီၣ်တၢ်တကလုာ်အအိၣ် သ့တနံၤကျၢၤန့ၣ်လီၤ.”

ရိမ့ၤ 10:3

အဝဲသ့ၣ်တသ့ၣ်ညါကစၢ်ယွၤအတၢ်ပာ်တီပာ်လိၤပှၤ အကျဲဘၣ်ဒီးကျဲးစၢးဒုးအိၣ်ထီၣ်အကျဲဒၣ်ဝဲ, သတးဒီးအဝဲသ့ၣ်တဟ့ၣ်လီၤအသးဆူကစၢ်ယွၤအကျဲလၢ အပာ်တီပာ်လိၤတၢ်အပူၤန့ၣ်ဘၣ်.

ရိမ့ၤ 7:9

တဘျီဖဲတၢ်သိၣ်တၢ်သီတအိၣ်ဒံးဘၣ်န့ၣ်, ယမူယဲလီၤ. ဘၣ်ဆၣ်ဖဲတၢ်မၤလိာ်ဟဲအိၣ်ထီၣ်န့ၣ်, တၢ်ဒဲးဘးမူထီၣ်ဝဲဒီး ယသံယဲလီၤ.

လံာ်သိၣ်လီၤသီလီၤတၢ် 31:20

ယကဆှၢနုာ်အဝဲသ့ၣ်ဆူကီၢ်လၢအထူးဝဲတီၤဝဲဒီးအဟီၣ်ခိၣ်ညၣ် ထ့ၣ်ဂ့ၤတဘ့ၣ်အံၤအပူၤ, ဒ်ယအၢၣ်လီၤတ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ် လီၤ. ဖဲန့ၣ်အဝဲသ့ၣ်ကအိၣ်ဒီး ကယဲၢ်တၢ်အီၣ်လၢအအဲၣ်ဒိးအီၣ်ဝဲ, အဝဲ သ့ၣ်ကအိၣ်ဘၣ်ဆိးဘၣ်ဘီၣ်ဘီၣ်ညီညီန့ၣ်လီၤ. ဘၣ်ဆၣ်အဝဲသ့ၣ်ကဃၣ်ကွံာ်အသးဒီးဘူၣ်ထီၣ်ဘါထီၣ်ကစၢ်အဂၤတဖၣ် န့ၣ်လီၤ. အဝဲသ့ၣ်ကစူးကွံာ်ညိကွံာ်ယၤဒီးမၤဟးဂီၤကွံာ်ယတၢ်အၢၣ်လီၤ အီလီၤ,

ယၤကိာ် 4:8

သုးဘူးသုသးဆူကစၢ်ယွၤအအိၣ်, ဒီးအဝဲကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, သ့စီကွံာ်သုစုတက့ၢ်. ပှၤလၢအပာ်မၤအသးသ့ၣ်ဧၢ, မၤကဆှီသုသးတက့ၢ်.