လံာ်မၤလကံ 3:5 - Sgaw Karen Common Bible

⁵ ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်မၤလကံ 3:5 Iomraidhean Croise

လံာ်တၢ်ကဲထီၣ်အခီၣ်ထံး 20:11

စီၤအၤဘြၤဟၣ်စံးဆၢဝဲ, “ယဆိကမိၣ်တ့ၢ်လၢပှၤလၢအယူးယီၣ် ယွၤတအိၣ်ဘၣ်နီတဂၤလၢတၢ်လီၢ်ဖဲအံၤ, ဒီးကမၤသံကွံာ်ယၤဒီးဟံးန့ၢ်ယမါဘၣ်ဖုးန့ၣ်လီၤ.

လံာ်တၢ်ကဲထီၣ်အခီၣ်ထံး 42:18

လၢသၢသီတသီန့ၣ်စီၤယိၤသးစံးဘၣ်အဝဲသ့ၣ်, “ယမ့ၢ်ပှၤတဂၤလၢအပျံၤကစၢ်ယွၤလီၤ. ဒီးယကပျဲပူၤဖျဲးသုသးသမူတဖၣ်လၢတၢ်အဂ့ၢ်အခၢးတမံၤအဖီ ခိၣ်လီၤ.

လံာ်စီၤနဃ့မယၤ 5:15

ကယဲၢ်ပဒိၣ်ဖးဒိၣ်ခဲလၢာ်လၢအမၤတ့ၢ်လံတၢ်လၢယမဲာ်ညါန့ၣ်ကဲ ထီၣ်တၢ်ဝံတၢ်ယိးလၢပှၤဂီၢ်မုၢ်အဂီၢ်ဒီးလၢတနံၤအတီၢ်ပူၤန့ၣ်, လၢတၢ်အီၣ်တၢ်အီဒီးစပံးထံအမဲာ်ညါဃ့ဝဲစ့ညၣ်အဘ့ၣ်လွံၢ်ဆံ န့ၣ်လီၤ. အဝဲသ့ၣ်အခ့အပှၤသ့ၣ်တဖၣ်ဒၣ်လဲာ်မၤနးမၤဖှီၣ်ပှၤဂီၢ်မုၢ်န့ၣ် လီၤ. ဘၣ်ဆၣ်မ့ၢ်လၢယပာ်ကဲကစၢ်ယွၤအဃိ ယတမၤတၢ်ဒ်အဝဲသ့ၣ်အသိးန့ၣ်ဘၣ်.

လံာ်စီၤယိၤဘး 31:12

တၢ်အံၤကမ့ၢ်မ့ၣ်အူလၢအအီၣ်တၢ်တုၤလၢပှၤသံတဖၣ်အလီၢ် ဒီးအီၣ်ကွံာ်ကယဲၢ်တၢ်အိၣ်ဒီးယၤခဲလၢာ်န့ၣ်လီၤ.

လံာ်စီၤယိၤဘး 7:2

ဒ်ကုၢ်တဂၤလၢအဆၢန့ၢ်တၢ်ကဒုအသိး, ဒီးဒ်ပှၤမၤတၢ်ဖိတဂၤလၢ အခိးကွၢ်လၢ်အဘူးအလဲအသိးန့ၣ်လီၤ.

စံးထီၣ်ပတြၢၤ 36:1

တၢ်ဒဲးဘးကတိၤတၢ်ဒီး ပှၤတတီတလိၤတဖၣ် လၢအသးကံၢ်ပူၤလီၤ. တၢ်ပျံၤကစၢ်ယွၤတအိၣ်ဘၣ်လၢအမဲာ်ညါဘၣ်.

စံးထီၣ်ပတြၢၤ 81:8

ယပှၤဂီၢ်မုၢ်သ့ၣ်ဧၢ, ကနၣ်တၢ်, ယတၢ်ဟ့ၣ်ပလီၢ် အံၣ်စရ့လးဧၢ, ယဆၢလၢနကဒိကနၣ်ယၤဆံးဒိၣ်လဲၣ်.

စံးထီၣ်ပတြၢၤ 96:13

အဝဲသ့ၣ်ကသးဝံၣ်တၢ်လၢ ယွၤအမဲာ်ညါ လၢအဝဲဟဲဝဲအဃိ, အဝဲဟဲဝဲဒ်သိးကစံၣ်ညီၣ်ဟီၣ်ခိၣ်လီၤ. အဝဲကစံၣ်ညီၣ်ဟီၣ်ခိၣ်လၢတၢ်တီတၢ်လိၤအပူၤ ဒီးပှၤဂီၢ်မုၢ်တဖၣ်လၢအဝဲ အတၢ်မ့ၢ်တၢ်တီအပူၤန့ၣ်လီၤ.

စံးထီၣ်ပတြၢၤ 98:9

အဂ့ၢ်ဒ်အံၤ, အဝဲဟဲဒ်သိးကပၢဟီၣ်ခိၣ်န့ၣ်လီၤ. အဝဲကပၢပှၤဂီၢ်မုၢ်လၢဟီၣ်ခိၣ်ချၢလၢ တၢ်စံၣ်ညီၣ်တီဒီး တၢ်တီတၢ်လိၤအပူၤန့ၣ်လီၤ.

လံာ်တၢ်ဟးထီၣ်ကွံာ် 1:17

ဘၣ်ဆၣ်ဒီးပိာ်မုၣ်လၢအကွၢ်ပဟုးတဖၣ်န့ၣ်မ့ၢ်ပှၤလၢအပျံၤကစၢ်ယွၤ ဒီးတမၤဝဲဒ်အဲၤကူပတူးအစီၤပၤမၤလိာ်ဝဲအသိးန့ၣ်ဘၣ်. မ့မ့ၢ်ပျဲဖိသၣ်ပိာ်ခွါတဖၣ်မူဝဲဒၣ်န့ၣ်လီၤ.

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 20:7

သူယမံၤလၢတၢ်တိာ်အအၢအသီတဖၣ်အဂီၢ်တဂ့ၤ. အဂ့ၢ်ဒ်အံၤယၤ, ယွၤ, သုကစၢ်ယွၤ, ကစံၣ်ညီၣ်ပှၤတဂၤလၢ်လၢ်လၢအသူကမၣ်ယမံၤန့ၣ်လီၤ.

လံာ်တၢ်ဟးထီၣ်ကွံာ် 22:20

ပှၤတဂၤလၢ်လၢ်လၢအလုၢ်တၢ်ပာ်တၢ်ဆူကစၢ်အဂုၤအဂၤတဂၤလၢ်လၢ် အအိၣ်လၢယၤ, ယွၤအမဲာ်ညါန့ၣ်, စံၣ်ညီၣ်သံကွံာ်အီၤတက့ၢ်.

တၢ်ကတိၤဒိ. 16:6

သးတီဒီးကလုၢ်တီဒီးယွၤတက့ၢ်. ဒီးကစၢ်ယွၤကပျၢ်ကွံာ်နတၢ် ဒဲးဘးလီၤ. စူၢ်ယွၤတက့ၢ်, ဒီးတၢ်အၢတၢ်သီတဘၣ်ဘၣ်နၤနီတမံၤဘၣ်.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်ယၡါယၤ 57:3

သုဝဲပှၤတၢ်ဒဲးဘးဖိသ့ၣ်ဧၢ, ဟဲဖဲအံၤလၢတၢ်ကစံၣ်ညီၣ်သု အဂီၢ်တက့ၢ်. သုတဂ့ၤန့ၢ်ဒံးပှၤသ့အူတၢ်သမူတၢ်တဖၣ်, ပှၤမၤကမၣ်မုၣ်ကမၣ်ခွါတဖၣ်, ဒီးပိာ်မုၣ်ဟးဂီၤတဖၣ်န့ၣ်ဘၣ်.

လံာ်ယံးရမံယၤ 23:10

အဂ့ၢ်ဒ်အံၤ, ကီၢ်အံၤပှဲၤဝဲဒီးပှၤဂီၢ်မုၢ်လၢအသးတတီဒီးယွၤန့ၣ်လီၤ. အဝဲသ့ၣ်အိၣ်မူတၢ်အိၣ်မူအအၢအသီဒီးသူကမၣ်အစိကမီၤန့ၣ်လီၤ. မ့ၢ်လၢယွၤအတၢ်ဆိၣ်အၢအဃိန့ၣ်, ထံကီၢ်သူၣ်အုးသးအုး ဒီးတၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲန့ၣ်လီၤ.

လံာ်ယံးရမံယၤ 27:10

အဝဲသ့ၣ်လီန့ၢ်သုဒီး ကဒုးလီၤဘၣ်သုလၢ တၢ်စိာ်ထီၣ်ကွံာ်သုဆူ တၢ်လီၢ်လၢ အယံၤဒီး သုထံသုကီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်သုဒီး သုကဘၣ်တၢ်မၤဟးဂီၤကွံာ်သုန့ၣ်လီၤ.

လံာ်ယံးရမံယၤ 27:9

ဒိကနၣ်သုဝံတဖၣ် မ့တမ့ၢ်, ပှၤတဂၤဂ့ၤတဂၤဂ့ၤလၢ အစံးဝဲလၢ သါကတိၤဆိပာ်တၢ်ကမၤအသးဆူညါ သ့ဝဲခီဖျိလၢ တၢ်မံမီၢ်တဖၣ်မ့ၢ်ဂ့ၤ, ခီဖျိလၢ တၢ်ကိးထီၣ်ပှၤသံအလၤတဖၣ် မ့ၢ်ဂ့ၤ, ဒီးခီဖျိလၢ တၢ်မၤကဒါမဲာ်မ့ၢ်ဂ့ၤ အကလုၢ်န့ၣ်တဂ့ၤ. အဝဲသ့ၣ်ခဲလၢာ်တဲဘၣ် သုလၢသုတဘၣ်ဆီၣ်လီၤသုသးလၢ ကီၢ်ဘၤဘူၤလိၣ်အစီၤပၤအဖီလာ် တဂ့ၤန့ၣ်လီၤ.

လံာ်ယံးရမံယၤ 29:23

တၢ်အံၤကမ့ၢ်အဝဲသ့ၣ်အဘူၣ်အတီၢ်မ့ၢ်လၢ အဝဲသ့ၣ်အတၢ် ကမၣ် အိၣ်လၢ အမၤတၢ်ဒဲးဘးလၢ အလီၤပျံၤလီၤဖုးတဖၣ် အဃိန့ၣ်လီၤ. အဝဲသ့ၣ်မၤကမၣ်မုၣ်ကမၣ်ခွါဒီး တဲတၢ်လီတၢ်ဝ့ၤတဖၣ် လၢယွၤအမံၤအပူၤန့ၣ်လီၤ. တၢ်အံၤမ့ၢ်တၢ်ထီဒါယွၤအတၢ် ဘၣ်အသးန့ၣ်လီၤ. ယွၤသ့ၣ်ညါတၢ်လၢဝဲသ့ၣ်မၤတ့ၢ်ဝဲ, ဒီးအဝဲမ့ၢ်ပှၤအုၣ်အသးထီဒါအဝဲသ့ၣ်န့ၣ်လီၤ.”

လံာ်ယံးရမံယၤ 42:5

အန့ၣ်ဒီး, “အဝဲသ့ၣ်စံးဘၣ်ယၤ, ပမ့ၢ်တစူၢ်အဝဲအတၢ်မၤလိာ်ခဲလၢာ်လၢယွၤပကစၢ်ယွၤဟ့ၣ်လီၤနၤလၢ ပဂီၢ်ဘၣ်ဒီး, မ်ယွၤမ့ၢ်ပှၤအုၣ်အသးအတီဒီးအကလုၢ်တီတဂၤထီဒါပှၤန့ၣ် တက့ၢ်.

လံာ်ယံးရမံယၤ 5:2

သုမ့ၢ်စံးလၢသုဘူၣ်ထီၣ်ဘါထီၣ်ယွၤဒၣ်လဲာ်န့ၣ်, မ့ၢ်ဒၣ်သုကတိၤတၢ်ကလီကလီန့ၣ်လီၤ.

လံာ်ယံးရမံယၤ 5:29

ဘၣ်ဆၣ်ဒီး, ယၤယွၤအံၤယကစံၣ်ညီၣ်အဝဲသ့ၣ်လၢ တၢ်သ့ၣ်တဖၣ်အံၤအဃိလီၤ. ယကဟ့ၣ်ကၣ်တၢ်လၢပှၤတကလုာ်အံၤ အဖီခိၣ်လီၤ.

လံာ်တၢ်ဘူၣ်ထီၣ်ဘါထီၣ် 19:13

သုတအီၣ်ကဘျံးကဘျၣ်ပှၤလၢသုဃၢၤအတၢ်တဂ့ၤ, ဂုာ်န့ၢ်အတၢ်တဂ့ၤ. ပှၤလၢအဒိးလဲအသးတဂၤအဘူးအလဲ န့ၣ်ဒုးအိၣ်ဒီးနၤသီတနၤကျၢၤတုၤမုၢ်ဆ့ၣ်ထီၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 20:10

ဒီးပှၤလၢအအဲၣ်ဘၢအမါဒီးမံဃုာ်ဒီးပှၤလၢအဃၢၤအမါန့ၣ်, ကဘၣ်တၢ်မၤသံကွံာ်အီၤခံဂၤလိာ်လီၤ.

လံာ်တၢ်ဘူၣ်ထီၣ်ဘါထီၣ် 20:27

ဒီးကယဲၢ်ပှၤတဂၤလၢ်လၢ်, ပိာ်မုၣ်မ့ၢ်ဂ့ၤ, ပိာ်ခွါမ့ၢ်ဂ့ၤ, လၢအလဲၤဃ့တၢ်ဟ့ၣ်ကူၣ်ဟ့ၣ်ဖးလၢပှၤသံအကလၤန့ၣ်ကဘၣ်တၢ် ကွံာ်သံအီၤလၢလၢၢ်န့ၣ်လီၤ. ပှၤတဂၤလၢ်လၢ်လၢအမၤတၢ်အံၤန့ၣ်အိၣ်ဒီးတၢ်ကမၣ်လၢကြၢးဘၣ်တၢ် မၤသံအီၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 20:6

ဒီးကယဲၢ်ပှၤတဂၤဂၤလၢအလဲၤဃ့တၢ်ဟ့ၣ်ကူၣ်ဟ့ၣ်ဖးလၢပှၤကတိၤ တၢ်ဒီးပှၤသံအကလၤတဖၣ်န့ၣ်ယကထီဒါအီၤဒီးယ တပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်.

လံာ်မံကၤ 1:2

ပှၤကလုာ်ခဲလၢာ်သ့ၣ်ဧၢ, နၢ်ဟူတၢ်အံၤတက့ၢ်. ပှၤလၢအမူဝဲလၢဟီၣ်ခိၣ်အဖီခိၣ်ခဲလၢာ်သ့ၣ်ဧၢ, ဒိကနၣ်တက့ၢ်. ယွၤလၢအစိကမီၤဒိၣ်ကအုၣ်အသးထီဒါသုလီၤ. ဒိကနၣ်တက့ၢ်. ယွၤကတိၤတၢ်လၢမူခိၣ်အတၢ်လုၢ်လီၢ်လီၤ.

လံာ်ဃဘးကူာ် 1:12

ယွၤဧၢ, လၢထံးလၢမကိာ်လံၤလံၤန့ၣ်နမ့ၢ်ကစၢ်ယွၤလီၤ. နမ့ၢ်ကစၢ်ယွၤ, တၢ်စီတၢ်ဆှံဒီးတၢ်လီၤထူလီၤယိာ်လီၤ. ယွၤ, ယကစၢ်ယွၤဒီးပှၤလၢအကဟုဘံၣ်ကယာ်ဘၢယၤဧၢ, နဃုထၢတ့ၢ်ပှၤဘၤဘူၤလိၣ်ဖိတဖၣ်ဒီးဒုးမၤထီၣ်အ ဂံၢ်အဘါဒ်သိးစံၣ်ညီၣ်ပှၤကသ့အဂီၢ်လီၤ.

လံာ်စကၤရယၤ 11:12

ယစံးဘၣ်အဝဲသ့ၣ်, “သုသးမ့ၢ်အိၣ်ဒီးဟ့ၣ်ယၤယဘူးယလဲတက့ၢ်. ဘၣ်ဆၣ်သုသးမ့ၢ်တအိၣ်န့ၣ်, တဘၣ်ဟ့ၣ်ယၤတဂ့ၤ.” လၢတၢ်န့ၣ်အဃိအဝဲသ့ၣ်ဟ့ၣ်ယၤလၢစ့အဘ့ၣ်သၢဆံဒ်ယဘူးယလဲအသိး န့ၣ်လီၤ.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်မၤလကံ 2:14

ဒီးသုသံကွၢ်, ဘၣ်မနုၤလၢအတတူၢ်လိာ်လၢၤတၢ်လုၢ်သ့ၣ်တဖၣ်န့ၣ်လဲၣ်. တၢ်န့ၣ်မ့ၢ်ဒၣ်လၢအဝဲသ့ၣ်ညါသုမၤဟးဂီၤသုတၢ် အၢၣ်လီၤဒီးသုမါလၢသုဒိးတ့ဒိးဖျီတ့ၢ် သုသးဖဲသုသးစၢ်အခါအဃိန့ၣ်လီၤ. သုမါမ့ၢ်သုသကိးဒီး, သုအၢၣ်လီၤလၢကစၢ်ယွၤအမဲာ်ညါလၢသုကတီဒီးအီၤဘၣ်ဆၣ်, သုမၤဟးဂီၤကွံာ်သုတၢ်အၢၣ်လီၤဒီးအီၤန့ၣ်လီၤ.

လံာ်မၤလကံ 2:17

သုမၤဘှံးယွၤအသးလၢသုတၢ်ကတိၤန့ၣ်လံ. ဘၣ်ဆၣ်ဒီးသုသံကွၢ်, “ပမၤဘှံးအသးလၢမနုၤတမံၤန့ၣ်လဲၣ်.” ခီဖျိသုစံးလၢယွၤသ့တၢ်လၢာ်ဆိကမိၣ်လၢကယဲၢ်ပှၤမၤတၢ်အၢ ခဲလၢာ်မ့ၢ်ပှၤအဂ့ၤဒီးဘၣ်သူၣ်ဘၣ်သးဝဲန့ၣ်လီၤ. မ့တမ့ၢ်ဘၣ်ဒီးသုသံ ကွၢ်, “ကစၢ်ယွၤလၢအစံၣ်ညီၣ်တၢ်တီန့ၣ်, အိၣ်ဖဲလဲၣ်” န့ၣ်လီၤ.

လံာ်လူၤကၣ် 23:40

ဘၣ်ဆၣ်ဒီးပှၤအၢဖိအဂၤတဂၤဒူအလိၤဒီးစံးဝဲ, “နတပျံၤကစၢ်ယွၤဘၣ်ဧါ. နအိၣ်လၢတၢ်စံၣ်ညီၣ်တမံၤဃီအဖီလာ်လီၤ.

ရိမ့ၤ 3:8

မ့မ့ၢ်ဒ်န့ၣ်ဒီးမ့ၢ်ပကစံး, “မ်ပကမၤသကိးတၢ်အၢဒ်သိးတၢ်ဂ့ၤကမၤအသးအဂီၢ်န့ၣ်ဧါ.” ပှၤတနီၤနီၤဒုၣ်ဒွဲၣ်စံးအၢယၤဒီးပာ်တၢ်ကမၣ်လၢယလိၤလၢယစံး ကတိၤတၢ်ဒ်အံၤန့ၣ်လီၤ. အဝဲသ့ၣ်ကဘၣ်တၢ်စံၣ်ညီၣ်ဃၣ်အီၤဒ်အကြၢးဝဲဒီးအီၤအသိး န့ၣ်လီၤ.

လံာ်သိၣ်လီၤသီလီၤတၢ် 15:13

တုၤသုပျၢ်ဖျဲးကွံာ်အီၤန့ၣ်, ပျၢ်ဖျဲးကွံာ်အီၤစုယၢ်ခီတဂ့ၤ.

လံာ်သိၣ်လီၤသီလီၤတၢ် 18:10

လုၢ်ထီၣ်ပာ်ထီၣ်သုဖိတဖၣ်လၢမ့ၣ်အူအပူၤလၢသုတၢ်လုၢ်လီၢ်တဖၣ် အဖီခိၣ်တဂ့ၤ. ဒီးပျဲသုပှၤဂီၢ်မုၢ်မၤတၢ်ဒုၣ်တၢ်ထုမ့ၢ်ဂ့ၤ, သံကွၢ်တၢ်လၢပှၤကွၢ်တၢ်ပနီၣ်တဖၣ်အအိၣ်မ့ၢ်ဂ့ၤ, အူတၢ်အူတၢ်သမူတဖၣ်မ့ၢ်ဂ့ၤ,

လံာ်သိၣ်လီၤသီလီၤတၢ် 24:17

ဟံးန့ၢ်ကွံာ်ပှၤတခီဘီမုၢ်ဖိတဖၣ်ဒီးပှၤဖိၣ်ဃဲတဖၣ်အတၢ်ခွဲးတၢ်ယာ်တဂ့ၤ, ဒီးဟံးန့ၢ်ကွံာ်ပှၤမုၣ်ကမဲတဂၤအဆ့ဖးထီဒ်တၢ်အုၣ်ကီၤအသိး လၢတၢ်ဒုးလိၢ်တမံၤအဂီၢ်တဂ့ၤ.

လံာ်သိၣ်လီၤသီလီၤတၢ် 27:19

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအထုးထီၣ်ကွံာ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်လၢအဝဲသ့ၣ်အတၢ်ခွဲးတၢ်ယာ် တဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 5:11

သူယမံၤလၢတၢ်အၢတၢ်သီအတၢ်တိာ်ပာ်တဖၣ်အဂီၢ်တဂ့ၤ. အဂ့ၢ်ဒ်အံၤ, ယၤယွၤ, သုကစၢ်ယွၤအံၤ, ကစံၣ်ညီၣ်ပှၤတဂၤလၢ်လၢ်လၢ အသူကမၣ်ယမံၤန့ၣ်လီၤ.

၁ သ့းစၤလနံ 4:6

ဖဲလၢအဘၣ်ဃးဒီးတၢ်ဂ့ၢ်အံၤန့ၣ်, ပှၤတဘၣ်မၤကမၣ်ဒီးဃုအဘျုးဒၣ်ဝဲလၢအဒီပုၢ်ဝဲၢ် ပှၤစူၢ်က့ၤနာ်က့ၤတၢ်အဖီခိၣ်နီတဂၤဘၣ်. ပစံးဘၣ်တဲဘၣ်တ့ၢ်လံသုလၢအပူၤကွံာ်, ဒီးပဟ့ၣ်ပလီၢ်သုဆူၣ်ဆူၣ်ကလဲာ်လၢကစၢ်ကစံၣ်ညီၣ်ပှၤလၢ အမၤတၢ်န့ၣ်တဖၣ်လီၤ.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.

ယၤကိာ် 5:12

ယဒီပုၢ်ဝဲၢ်သ့ၣ်ဧၢ, လၢတၢ်ခဲလၢာ်အဖီခိၣ်တဘၣ်သူတၢ်ဆိၣ်လီၤ သုသးဖဲသုအၢၣ်လီၤတၢ်တမံၤမံၤအခါန့ၣ်တဂ့ၤ. တဘၣ်ဆိၣ်လီၤသုသးလၢမူခိၣ်မ့တမ့ၢ်ဟီၣ်ခိၣ်, မ့တမ့ၢ်တၢ်အဂၤတမံၤမံၤအမဲာ်ညါန့ၣ်တဂ့ၤ. တၢ်မ့မ့ၢ်ဘၣ်နၤဒီးစံး “မ့ၢ်” ဒီးတၢ်မ့တမ့ၢ်ဘၣ်နၤဒီးစံး “တမ့ၢ်ဘၣ်” န့ၣ်တက့ၢ်. အန့ၣ်ဒီးကစၢ်ယွၤအတၢ်စံၣ်ညီၣ်တလီၤဘၣ်သုန့ၣ်ဘၣ်လီၤ.

ယၤကိာ် 5:4

ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.