လံာ်မၤလကံ 3:16 - Sgaw Karen Common Bible

¹⁶ တုၤနုၤတစု, ပှၤလၢအပျံၤယွၤန့ၣ်စံးလိာ်အသးတဂၤဒီးတဂၤ, ဒီးယွၤဒိကနၣ်, ဒီးနၢ်ဟူတၢ်လၢအဝဲသ့ၣ်စံးဝဲဒၣ်န့ၣ်လီၤ. လၢအဝဲအမဲာ်ညါန့ၣ်, တၢ်ကွဲးနီၣ်အိၣ်ကွဲးလီၤအသးလၢလံာ်တဘ့ၣ် အပူၤဘၣ်ထွဲဒီးပှၤလၢအပျံၤယွၤဒီးယူးယီၣ်ပာ်ကဲအီၤန့ၣ်လီၤ.

လံာ်မၤလကံ 3:16 Iomraidhean Croise

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 7:1

စီၤပၤဒၤဝံးအိၣ်ဂၢၢ်ဆိးကျၢၤဝဲလၢအနူၢ်ပူၤစီၤပူၤဒီး ယွၤကဟုဘံၣ်ကယာ်ဘၢအီၤပူၤဖျဲးဒီးကယဲၢ်အဒုၣ်အဒါတဖၣ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 18:12

တုၤယဟးထီၣ်တဘျီဃီဒီးယွၤအသးမ့ၢ်စိာ်ကွံာ်နၤဆူတၢ်လီၢ်လၢ ယတသ့ၣ်ညါဘၣ်တပူၤပူၤဒီးတၢ်ကမၤအသးဒ်လဲၣ်. ဒီးတုၤယတဲဘၣ်စီၤအၤဃာ်လၢနအိၣ်ဖဲအံၤ, ဒီးအဝဲဃုနၤမ့ၢ်တဘၣ်န့ၣ်ဒီးအဝဲကမၤသံယၤလီၤ. သ့ၣ်နီၣ်ထီၣ်က့ၤလၢယမ့ၢ်တ့ၢ်ပှၤတဂၤလၢအအဲၣ်ထူအဲၣ်ယွၤစးထီၣ် လၢယဖိသၣ်လံၤလံၤန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 18:3

အဃိ, စီၤအၤဃာ်ကိးန့ၢ်စီၤဧိၤဘါဒယၤလၢအမ့ၢ်ပှၤကွၢ်ထွဲ တၢ်အခိၣ်လၢနီပူၤန့ၣ်လီၤ. (စီၤဧိၤဘါဒယၤမ့ၢ်ပှၤအဲၣ်ထူအဲၣ် ယွၤဒိၣ်မးတဂၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 6:7

ဒီးစီၤၡလိၤမိၤစံးထွဲကဒီးဝဲ, “ယပၢ်စီၤဒၤဝံးတိာ်ကျဲၤ ပာ်တ့ၢ်ဝဲလၢကသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်ဘူၣ်ထီၣ်ဘါထီၣ် ယွၤ, အံၣ်စရ့လးအကစၢ်ယွၤအဂီၢ်,

လံာ်စီၤနဃ့မယၤ 1:11

ဒီးခဲကနံၣ်အံၤဒိကနၣ်လၢ်ယတၢ်ထုကဖၣ်ဒီးကယဲၢ်နခ့နပှၤခဲလၢာ် လၢအသးအိၣ်ပာ်ထီၣ်ထီနၤအတၢ်ထုကဖၣ်န့ၣ်တက့ၢ်. တနံၤအံၤဟ့ၣ်လၢ်ယၤတၢ်မၤနၢၤဒီးမၢစီၤပၤသးကညီၤယၤတက့ၢ်. ဒီးလၢမုၢ်နံၤတဖၣ်အံၤန့ၣ်ယမ့ၢ်ပှၤစိာ်စီၤပၤဖးဒိၣ်အလီခီအီတၢ်န့ၣ်လီၤ.

လံာ်နီၢ်အ့ၤစတၢ် 2:23

တၢ်လူၤဃုသ့ၣ်ညါတၢ်ဂ့ၢ်တမံၤအံၤ, ဒီးတၢ်ထံၣ်လၢအမ့ၢ်ဝဲတီဝဲ အဃိဒီးပှၤခံဂၤလိာ်အံၤဘၣ်တၢ်စၢသံကွံာ် အီၤလၢတၢ်စၢသံအလီၢ်န့ၣ်လီၤ. ဒီးစီၤပၤမၤလိာ်ဝဲဒၣ်လၢတၢ် မၤအသးတမံၤအံၤကဘၣ်တၢ်ကွဲးနီၣ်အီၤလၢဘီမုၢ်အလံာ် ကွဲးနီၣ်တၢ်အပူၤန့ၣ်လီၤ.

လံာ်နီၢ်အ့ၤစတၢ် 6:1

ဖဲမုၢ်တနၤဃီန့ၣ်, စီၤပၤမံတန့ၢ်ဘၣ်အဃိ, အဝဲမၤလိာ်ဝဲလၢပှၤကဟဲစိာ်န့ၢ်အီၤဘီမုၢ်အတၢ်ကွဲးနီၣ် တဖၣ်ဒီးဖးန့ၢ်အီၤန့ၣ်လီၤ.

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 10:4

လၢအတၢ်ပာ်အသးထီၣ်ထီအပူၤန့ၣ်ပှၤတတီတလိၤ, အသးတအိၣ်ဃုယွၤဘၣ်. လၢအတၢ်ဆိကမိၣ်ခဲလၢာ်အပူၤန့ၣ်, “ကစၢ်ယွၤတအိၣ်ဘၣ်.”

စံးထီၣ်ပတြၢၤ 104:33

ယသးသမူအဖၢမုၢ်ဒီးယကစံးထီၣ်ပတြၢၤယွၤ, ဒီးဖဲယအိၣ်ဒံးအဖၢမုၢ်ဒီး ယကသးဝံၣ်ယကစၢ်ယွၤလီၤ.

စံးထီၣ်ပတြၢၤ 111:10

တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ်ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ်ပၢၢ်တၢ်ဂ့ၤဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ်ဆိးကျၢၤ လီၤစိၤလီၤထီလီၤ.

စံးထီၣ်ပတြၢၤ 115:13

အဝဲကဆိၣ်ဂ့ၤပှၤကိးဂၤဒဲးလၢအမၤလၤကပီၤအီၤ, ပှၤအဒိၣ်ဒီးပှၤအဆံးဒ်သိးသိးန့ၣ်လီၤ.

စံးထီၣ်ပတြၢၤ 119:63

ယဒီတံၤဒီသကိးဒီးကယဲၢ်ပှၤလၢအပျံၤနၤ, ဒီးတိၢ်န့ၢ်ဖံးဃာ်နတၢ်မၤလိာ်တဖၣ်န့ၣ်လီၤ.

စံးထီၣ်ပတြၢၤ 139:4

တချုးလၢယကတိၤတၢ်ဒံးဘၣ်န့ၣ်, နသ့ၣ်ညါတ့ၢ်လံတၢ်လၢယကစံးကတိၤန့ၣ်လီၤ.

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

စံးထီၣ်ပတြၢၤ 16:3

ယွၤအပှၤဂီၢ်မုၢ်လၢအသးတီသ့ၣ်တဖၣ်န့ၣ် ဂ့ၤဆံးဒိၣ်လဲၣ်. ယတၢ်သးခုအဒိၣ်ကတၢၢ်န့ၣ် မ့ၢ်ဝဲယကအိၣ်ဘၣ်ဒီးအဝဲသ့ၣ်န့ၣ်လီၤ.

စံးထီၣ်ပတြၢၤ 20:7

ပှၤတနီၤပာ်ကဖၢလၢအသးလၢ အလ့ၣ်ကဟၣ်ဒုးသုးတဖၣ်အပူၤ ဒီးတနီၤလၢအကသ့ၣ်တဖၣ်အဃိ, ဘၣ်ဆၣ်ပပာ်ကဖၢလၢပသးလၢ ယွၤပကစၢ်ယွၤအမံၤအဃိန့ၣ်လီၤ.

စံးထီၣ်ပတြၢၤ 33:18

ယွၤကွၢ်လီၤပှၤလၢအယူးယီၣ်အီၤ, ပှၤလၢအနာ်အတၢ်အဲၣ်အဂၢၢ်အကျၢၤ,

စံးထီၣ်ပတြၢၤ 34:15

ယွၤကွၢ်လီၤပှၤတီပှၤလိၤဒီး ဒိကနၣ်အတၢ်ကိးထီၣ်အီၤန့ၣ်လီၤ.

စံးထီၣ်ပတြၢၤ 56:8

နသ့ၣ်ညါယဘၣ်ကိၢ်ဘၣ်ဂီၤဆံးအါလဲၣ်, နပာ်ကီၤဃာ်ယမဲာ်ထံအတၢ်ကွဲးနီၣ်လီၤ. အိၣ်ကွဲးအသးလၢနလံာ်ပူၤတမ့ၢ်ဘၣ်ဧါ.

စံးထီၣ်ပတြၢၤ 56:9

မုၢ်တနံၤလၢယကိးထီၣ်နၤန့ၣ်, ယဒုၣ်ယဒါသ့ၣ်တဖၣ်ကဃၣ်ကဒါက့ၤအသး ဆူလီၢ်ခံန့ၣ်လီၤ. တၢ်အံၤယသ့ၣ်ညါလၢကစၢ်ယွၤအိၣ်ဒီးယၤ,

စံးထီၣ်ပတြၢၤ 66:16

ပှၤလၢအပျံၤကစၢ်ယွၤခဲလၢာ်သ့ၣ်ဧၢ, ဟဲကနၣ်တက့ၢ်. ဒီးယကတဲတၢ်လၢအမၤတ့ၢ်ဝဲလၢယဂီၢ်န့ၣ်လီၤ.

စံးထီၣ်ပတြၢၤ 94:19

ဖဲယဘၣ်ယိၣ်ဘၣ်ဘီတၢ်ဒီးယသူၣ်ကိၢ်သးဂီၤအခါန့ၣ်, နမၤမုာ်ယၤဒီးမၤသးခုယၤလီၤ.

လံာ်တၢ်ဟးထီၣ်ကွံာ် 32:32

ဝံသးစူၤပျၢ်လၢ်အတၢ်ကမၣ်တက့ၢ်. ဘၣ်ဆၣ်ဒီးနမ့ၢ်တပျၢ်ဘၣ်န့ၣ် တြူာ်ကွံာ်ယမံၤလၢလံာ်လၢနကွဲးတ့ၢ်နပှၤဂီၢ်မုၢ်အမံၤတဖၣ်အပူၤန့ၣ်တက့ၢ်.”

တၢ်ကတိၤဒိ. 13:20

လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ယၡါယၤ 26:8

ပမၤထွဲတၢ်ဘၣ်နသးဒီးပာ်ပတၢ်မုၢ်လၢ်လၢနပူၤလီၤ. ကယဲၢ်ပတၢ်သးအိၣ်န့ၣ်မ့ၢ်ထဲနၤတဂၤလီၤ.

လံာ်ယၡါယၤ 4:3

ပှၤကိးဂၤဒဲးလၢအအိၣ်လီၤတဲာ်တ့ၢ် လၢဝ့ၢ်ယရူၤၡလ့ၣ်အပူၤပှၤလၢယွၤ ဃုထၢတ့ၢ်အီၤလၢကမူဒံးတဖၣ်ကဘၣ် တၢ်ကိးအီၤလၢပှၤစီဆှံလီၤ.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်ယၡါယၤ 65:6

ယပာ်လီၤတ့ၢ်တၢ်စံၣ်ညီၣ်လၢအဝဲသ့ၣ်အဂီၢ်, ဒီးအဝဲသ့ၣ် အတၢ်စံၣ်ညီၣ်အဂ့ၢ်ဘၣ်တၢ်ကွဲးလီၤအီၤလံလီၤ. ယတကွၢ်ကပာ်ကွံာ်တၢ်လၢအဝဲသ့ၣ်မၤတ့ၢ်ဝဲဘၣ်, မ့မ့ၢ်ယကဟ့ၣ်ကၣ်အဝဲသ့ၣ်,

လံာ်ယံးရမံယၤ 31:18

ယနၢ်ဟူ ကီၢ်အံၣ်စရ့လး အပှၤဂီၢ်မုၢ် စံးကတိၤတၢ်လၢ တၢ်သူၣ်အုးသးအုးအပူၤ စံးဝဲ, ‘ယွၤဧၢ, ပလီၤဂာ်ဒီး ဆၣ်ဖိကီၢ်ဖိတဒုလၢတၢ်တမၤဘှါအီၤဘၣ်, ဘၣ်ဆၣ်ဒီး နသိၣ်လိတ့ၢ်ပှၤလၢ ပကစူၢ်တၢ်န့ၣ်လီၤ. ဟဲက့ၤစိာ်ကဒါက့ၤ ပှၤတက့ၢ်. ပအိၣ်ကတဲာ် ကတီၤလံပသးလၢ ပကဟဲက့ၤကဒါက့ၤဆူ နအိၣ်လံ, ယွၤပကစၢ်ယွၤဧၢ.

လံာ်ယံးရမံယၤ 8:6

ယဒိကနၣ်တၢ်လီၤတံၢ်လီၤဆဲး, ဘၣ်ဆၣ်ဒီးသုတကတိၤတၢ်မ့ၢ်တၢ်တီဘၣ်. သုတသးအုးလၢသုတၢ်အၢတၢ်သီအဃိနီတဂၤဘၣ်. သုတသံကွၢ်တ့ၢ်နီတဂၤလၢ ‘မ့ၢ်ယမၤကမၣ်တၢ်မနုၤလဲၣ်’ န့ၣ်ဘၣ်. ပှၤကိးဂၤဒဲးလဲၤဒၣ်လၢအကျဲဒၣ်ဝဲ, ဒ်ကသ့ၣ် တဒုဃ့ၢ်သဖှိဃီၤဆူတၢ်ဒုးအပူၤအသိးန့ၣ်လီၤ.

လံာ်ယဃ့းစက့လး 9:4

လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

လံာ်ဒၤနံးယ့လး 12:1

မူခိၣ်ကလူးလၢအသိးဆ့ဖှီဝါကဆှၣ်စံးဝဲ, “အကတီၢ်ဖဲန့ၣ် မူခိၣ်ကလူးဖးဒိၣ်မံၤက့လး, ပှၤလၢအပၢၤဃးနပှၤဂီၢ်မုၢ်က အိၣ်ဖျါထီၣ်ဝဲလီၤ. ဒီးဖဲန့ၣ်တၢ်ကီတၢ်ခဲတဖၣ် အကတီၢ်ကတုၤဝဲ, တၢ်ကီတၢ်ခဲအနးကတၢၢ် လၢအတမၤတ့ၢ်အသးဒံးဘၣ်, စးထီၣ်လၢပှၤတကလုာ်ကဲ ထီၣ်ဝဲတုၤမုၢ်တနံၤန့ၣ်လီၤ. ဘၣ်ဆၣ်ဒီးအကတီၢ်ဖဲန့ၣ်န့ၣ်, နပှၤဂီၢ်မုၢ်ကဘၣ်တၢ်မၤပူၤဖျဲးအီၤ, ကယဲၢ်ပှၤလၢအမံၤအိၣ်ကွဲးအသး လၢကစၢ်ယွၤအလံာ်ပူၤန့ၣ်ကတုၤလၢတၢ်အုၣ်က့ၤခီၣ်က့ၤန့ၣ်လီၤ.

လံာ်ဒၤနံးယ့လး 7:10

ဒီးမ့ၣ်အူအထံကျိဖိတဘိပုာ်ထီၣ်ယွၤလီၤလၢလီၢ်ပစိာ်အပူၤလၢအ မဲာ်ညါန့ၣ်လီၤ. အိၣ်ဝဲဒၣ်ဒီးပှၤအကထိအကထိတဖၣ်လၢ ကမၤအတၢ်မၤဒီးပှၤအကကွဲၢ်တဖၣ်ဆၢထၢၣ်လၢအမဲာ်ညါ န့ၣ်လီၤ. ကွီၢ်ဘျီၣ်စးထီၣ်တၢ်စံၣ်ညီၣ် ဒီးလံာ်တဖၣ်အိၣ်အိးထီၣ်တ့ၢ်အသးန့ၣ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်လူၤကၣ် 2:38

ဖဲအနၣ်ရံၣ်တကတီၢ်ဃီအဝဲန့ၣ်, အဝဲဒၣ်ဟဲတုၤဒီးစံးထီၣ်ပတြၢၤယွၤ, ဒီးကတိၤတၢ်ဘၣ်ဃးဖိသၣ်တဂၤန့ၣ်အဂ့ၢ် လၢပှၤကိးဂၤဒဲးလၢအအိၣ်ခိးကစၢ်ယွၤ အကဒုးထူၣ်ဖျဲးထီၣ်ကွံာ်ဝ့ၢ်ယရူၤၡလ့ၣ်န့ၣ်လီၤ.

မၤတၢ် 1:13

တုၤအက့ၤတုၤလၢဝ့ၢ်ယရူၤရှလ့ၣ်န့ၣ်ဒီး, အဝဲသ့ၣ်လဲၤထီၣ်ဝဲဆူဒၢးတဖျၢၣ်အပူၤလၢဟံၣ်ထးခီတဆီ, ဒၢးတဖျၢၣ်ဃီလၢအဝဲသ့ၣ်အိၣ်ဆိးဝဲတစိၢ်တလီၢ်လၢအပူၤ န့ၣ်လီၤ. ပှၤအိၣ်ဖဲန့ၣ်တဖၣ်မ့ၢ်ဝဲစီၤပ့းတရူး, စီၤယိၤဟၣ်, စီၤယၤကိာ်, စီၤအၣ်ဒရ့း, စီၤဖံလံးပူး, စီၤသိၤမါ, စီၤဘၢ်သလီးမဲ, စီၤမးသဲ, စီၤအၤလဖဲအဖိခွါစီၤယၤကိာ်, ပှၤအဲၣ်အထံအကီၢ်စီၤၡံမိၣ်, ဒီးစီၤယၤကိာ်အဖိခွါ စီၤယူဒၤတဖၣ်လီၤ.

မၤတၢ် 10:2

အဝဲဒၣ်မ့ၢ်ပှၤလၢအအဲၣ်ထူအဲၣ်ယွၤဒီးအပှၤဟံၣ်ဖိ ဃီဖိဒီဒူၣ်ညါမ့ၢ်ပှၤတဖၣ်လၢအယူးယီၣ်ဒီးပျံၤကစၢ်ယွၤန့ၣ်လီၤ. အဝဲဒၣ်မၤစၢၤပှၤယူဒၤဖိအဖှီၣ်အယာ်တဖၣ်အါမးဒီးဃ့ ဘါထုကဖၣ်ယွၤတထံၣ်ဃီလီၤ.

မၤတၢ် 2:1

ဖဲဘူၣ်ယဲၢ်ဆံအမုၢ်နံၤတုၤဃီၤဝဲန့ၣ်, ပှၤစူၢ်က့ၤနာ်က့ၤတၢ်ခဲလၢာ်ပာ်ဖှိၣ်ထီၣ်အသးလၢတၢ်လီၢ် တပူၤဃီန့ၣ်လီၤ.

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

အ့းဖ့းစူး 5:19

ကတိၤလိာ်သုသးတဂၤဒီးတဂၤလၢထါစံးထီၣ်ပတြၢၤ, ထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်တဖၣ်အတၢ်ကတိၤတက့ၢ်. သးဝံၣ်ထါသးဝံၣ်, ဒီးထါစံးထီၣ်ပတြၢၤတဖၣ်အိၣ်ဒီးတၢ်စံးထီၣ်ပတြၢၤကစၢ်လၢ သူၣ်ကံၢ်သးလဲအပူၤတက့ၢ်.

၁ သ့းစၤလနံ 5:11

မ်ဒ်န့ၣ်ဒီး, ကတိၤဟ့ၣ်ဆူၣ်ထီၣ်လိာ်သုဂံၢ်သုဘါတဂၤဒီး တဂၤ, ဒီးမၤစၢၤလိာ်သုသးဒ်သုမၤတ့ၢ်လံခဲကနံၣ်အံၤအသိး န့ၣ်တက့ၢ်.

၁ သ့းစၤလနံ 5:14

ပဒီပုၢ်ဝဲၢ်သ့ၣ်ဧၢ, ပမၢန့ၢ်ဆီၣ်ခံသုလၢသုကဟ့ၣ်ပလီၢ်ပဒီ ပှၤကၢၣ်ပှၤကျူတဖၣ်, သုကဟ့ၣ်ဆူၣ်ထီၣ်ပှၤအိၣ်ဒီးတၢ်သူၣ်ပျံၤသးဖုးတဖၣ်အဂံၢ်အဘါ, သုကမၤစၢၤပှၤဂံၢ်စၢ်ဘါစၢ်, ဒီးသုကသူၣ်စူၤသးစူၤလၢပှၤကိးဂၤဒဲးအဖီခိၣ်န့ၣ်လီၤ.

ဧ့ၤဘြံၤ 10:24

မ်ပကွၢ်တၢ်လၢတဂၤဒီးတဂၤအဂီၢ်ဒီးထိၣ်ဂဲၤလိာ်ပသးဒ်သိး ပကအိၣ်ဒီးတၢ်အဲၣ်တၢ်ကွံဒီးတၢ်မၤဂ့ၤတၢ်န့ၣ်တက့ၢ်.

ဧ့ၤဘြံၤ 12:15

ပလီၢ်သုသးဒ်သိးပှၤသုတဃၣ်ဒူချၢကွံာ်အသးလၢ ကစၢ်ယွၤအဘျုးအဖှိၣ်နီတဂၤတဂ့ၤ, ဒီးဒ်သိးတၢ်အခၣ်တမုၢ်န့ၣ်အသုတမဲထီၣ်လၢသုသိးသုကျါဒီး ကဲထီၣ်တၢ်ကီတၢ်ခဲလၢသုဂီၢ်ဒီးတၢ်မၤဘၣ်အၢသုန့ၣ်တဂ့ၤ.

ဧ့ၤဘြံၤ 3:13

မ့မ့ၢ်, ဖဲ “မုၢ်တနံၤအံၤ” ဘၣ်ထွဲဒီးပှၤအဖၢမုၢ်န့ၣ်, ဒ်သိးသုသုတဘၣ်တၢ်လီန့ၢ်သုလၢတၢ်ဒဲးဘးဒီးကဲထီၣ်ပှၤလၢ အခိၣ်ကိၤနီတဂၤတဂ့ၤအဂီၢ်န့ၣ်, သုဘၣ်မၤစၢၤဟ့ၣ်ဂံၢ်ဟ့ၣ်ဘါလိာ်သုသးသကိးသကိး, ကိးနံၤဒဲးလီၤ.

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.