လံာ်မၤလကံ 3:12 - Sgaw Karen Common Bible

¹² တုၤနုၤတစု, ကယဲၢ်ပှၤကလုာ်ခဲလၢာ်ကကိးသုလၢပှၤဘၣ်ဆိၣ်ဂ့ၤ, မ့ၢ်လၢသုထံသုကီၢ်ကမ့ၢ်တၢ်လီၢ် အမုာ်လၢတၢ်အိၣ်တၢ်ဆိးအဂီၢ်အဃိန့ၣ်လီၤ.”

လံာ်မၤလကံ 3:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 32:23

ပှၤဂီၢ်မုၢ်အါမးဟဲဆူဝ့ၢ်ယရူၤရှလ့ၣ်, ဟဲစိာ်ဃုာ်ဒီးတၢ်လုၢ် တဖၣ်ဆူယွၤဒီးတၢ်ဟ့ၣ်တဖၣ်ဆူစီၤဃံးစကံယၤအအိၣ်တုၤဒၣ်လဲာ်, စးထီၣ်ဖဲန့ၣ်, ပှၤကလုာ်ခဲလၢာ်ပာ်လၤပာ်ကပီၤစီၤဃံးစကံယၤ န့ၣ်လီၤ.

စံးထီၣ်ပတြၢၤ 72:17

မ်စီၤပၤအမံၤကအိၣ်လီၤထူလီၤယိာ်, အတၢ်မံၤဟူသၣ်ဖျါကအိၣ်ဝဲတထံၣ်ဃီ ဒ်မုၢ်အိၣ်ဝဲအသိး, မ်ပှၤကိးကလုာ်ဒဲးဘၣ်ဆိၣ်ဂ့ၤခီဖျိအီၤဒီးအဝဲသ့ၣ် ကကိးအီၤလၢ ပှၤဘၣ်ဆိၣ်ဂ့ၤန့ၣ်လီၤ.

လံာ်ယၡါယၤ 61:9

အဝဲသ့ၣ်အမံၤကဟူသၣ်ကဖျါလၢ ပှၤကလုာ်တဖၣ်အကျါ, ပှၤတဂၤလၢ်လၢ်လၢအထံၣ်အဝဲသ့ၣ်န့ၣ် ကသ့ၣ်ညါဝဲလၢ အဝဲသ့ၣ်မ့ၢ်ပှၤဂီၢ်မုၢ်တဖုလၢ ယဆိၣ်ဂ့ၤတ့ၢ်လံအီၤန့ၣ်လီၤ.”

လံာ်ယၡါယၤ 62:4

တၢ်တကိးလၢၤဘၣ်နၤနီတဘျီလၢ “တၢ်ဘၣ်လဲၤသဒၣ်” မ့ၢ်ဂ့ၤ, နထံနကီၢ်တဘၣ်တၢ်ကိးစ့ၢ်ကီးအီၤလၢ “မါလၢအဘၣ်တၢ်ပာ်လီၤတဲာ်ကွံာ်အီၤ” မ့ၢ်ဂ့ၤဘၣ်. နမံၤအသီကမ့ၢ်ဝဲ, “ကစၢ်ယွၤဘၣ်သူၣ်ဘၣ်သးတ့ၢ်အီၤ” လီၤ. နထံနကီၢ်ကဘၣ်တၢ်ကိးအီၤလၢ, “တၢ်သူၣ်ဖှံသးညီအတၢ်တ့တၢ်ဖျီ” လီၤ. အဂ့ၢ်ဒ်အံၤ, ယွၤဘၣ်သူၣ်ဘၣ်သးလၢနၤဒီးအဝဲကလီၤဂာ်ဒီး ဝၤတဂၤလၢနထံနကီၢ်အဂီၢ်လီၤ.

လံာ်ယၡါယၤ 62:5

ဒ်ပိာ်ခွါသးစၢ်တဂၤဟံးန့ၢ်မုၣ်လိၤဘိတဂၤဒ် တလးမူးပိာ်မုၣ်အသိးန့ၣ်, ပှၤလၢအတ့လီၤတ့ၢ်နၤကဖျီအသးဒီးနၤလီၤ. ဒ်တလးမူးပိာ်ခွါတဂၤသူၣ်ဖှံသးညီဒီး တလးမူးပိာ်မုၣ်အသိးန့ၣ်, နကစၢ်ယွၤကသူၣ်ဖှံသးညီလၢနပူၤလီၤ.

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်ဒၤနံးယ့လး 11:41

ကဟဲနုာ်လီၤဒုးဒၣ်လဲာ်ကီၢ်တၢ်စံးပာ်ဒီးမၤသံကွံာ်ပှၤလၢအကလး တဖၣ်လီၤ. မ့မ့ၢ်ထံကီၢ်ဒ်ကီၢ်အဒိၣ်, ကီၢ်မိၤအးဒီးတၢ်အိၣ် လီၤတဲာ်လၢကီၢ်ဧၣ်မိၣ်, တဖၣ်န့ၣ်ကပူၤဖျဲးဝဲလီၤ.

လံာ်ဒၤနံးယ့လး 8:9

လၢတၢ်အနၢၤလွံၢ်ဘိအကျါတဘိအလိၤန့ၣ်တၢ်အနၢၤဖိတ ဘိဟဲထီၣ်ဝဲဒီးအစိကမီၤလဲၢ်ထီၣ်ဆူကလံၤထံးဒီးဆူမုၢ်ထီၣ်ဒီး ဆူကီၢ်တၢ်စံးပာ်န့ၣ်လီၤ.

လံာ်စကၤရယၤ 8:23

လၢမုၢ်နံၤတဖၣ်အပူၤန့ၣ်, တခီဘီမုၢ်ဖိအဂၤတဆံကဟဲဆူပှၤယူဒၤဖိတဂၤအအိၣ်ဒီးစံး, ပအဲၣ်ဒိးလဲၤသကိးဃုာ်တၢ်ဒီးသု, ဆူတၢ်လီၢ်လၢသုကလဲၤတုၤဃီၤသပှၢ်ကတၢၢ်, မ့ၢ်လၢပနၢ်ဟူတ့ၢ်လၢကစၢ်ယွၤအိၣ်ဒီးသုအဃိန့ၣ်လီၤ.”

လံာ်မၤလကံ 3:13

ယွၤစံးဝဲဒၣ်, “သုစံးတ့ၢ်လံတၢ်တဂ့ၤထီဒါယၤလီၤ.” ဘၣ်ဆၣ်ဒီးသုစံး “ပကတိၤတၢ်ထီဒါနၤလၢမနုၤလဲၣ်.”

လံာ်လူၤကၣ် 1:48

အဂ့ၢ်ဒ်အံၤအဝဲသ့ၣ်နီၣ်ထီၣ်ယၤ, ပှၤလၢအမ့ၢ်အဝဲဒၣ်အခ့အပှၤအဆံးတဂၤလီၤ. စးထီၣ်ခဲကနံၣ်အံၤဒီးဆူညါန့ၣ်, ပှၤကိးကလုာ်ဒဲး ကကိးယၤလၢပှၤဘၣ်ဆိၣ်ဂ့ၤတဂၤ,

လံာ်သိၣ်လီၤသီလီၤတၢ် 11:12

ယွၤ, သုကစၢ်ယွၤအံးထွဲကွၢ်ထွဲကီၢ်အံၤဒီးကွၢ်လီၤအီၤ စးထီၣ်လၢနံၣ်အခီၣ်ထံးတုၤလၢနံၣ်အကတၢၢ်န့ၣ်လီၤ.