လံာ်မၤလကံ 3:10 - Sgaw Karen Common Bible

¹⁰ ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.

လံာ်မၤလကံ 3:10 Iomraidhean Croise

လံာ်တၢ်ကဲထီၣ်အခီၣ်ထံး 28:22

တၢ်သ့ၣ်နီၣ်ထီၣ်အလၢၢ်လၢယပာ်လီၤအီၤအံၤကမ့ၢ်တၢ်လီၢ်လၢနဘၣ်တၢ်ဘူၣ်ထီၣ်ဘါထီၣ်နၤဒီးယကဟ့ၣ်နၤကယဲၢ်တၢ်လၢနဟ့ၣ်ယၤအကျါဆံဆဲၣ်ပူတပူန့ၣ်လီၤ.”

လံာ်တၢ်ကဲထီၣ်အခီၣ်ထံး 7:11

ဒီးတုၤစီၤနိအၤအသးအိၣ်အနံၣ်ဃုကယၤ, လါခံလါတလါ, ထီၣ်တဆံနွံသီအနံၤန့ၣ်ထံမိၢ်ပှၢ်ဖးလဲၢ်လၢဟီၣ်ခိၣ်လာ်အထံ ထီၣ်ပၢၢ်အလီၢ်တဖၣ်ပိၢ်ဖးထီၣ်ဝဲဒီးကယဲၢ်ထံလုၣ်ဘၢတၢ်အတြဲၤ တဖၣ်လၢမူခိၣ်အိးထီၣ်အသး,

လံာ်စီၤပၤခံဘ့ၣ်တဘ့ၣ် 7:19

တၢ်ဂ့ၢ်အံၤပဒိၣ်ဖးဒိၣ်န့ၣ်စံးဆၢတ့ၢ်ဝဲလၢ, ယွၤအကစၢ်ဒၣ်ဝဲ မ့ၢ်ဆှၢလီၤဘုဧိၤဟုဧိၤတဘျီဃီဒၣ်လဲာ်န့ၣ်မၤအသးတသ့ဘၣ် န့ၣ်လီၤ. ဒီးစီၤအလံၤၡါစံးဆၢဝဲ, “နကထံၣ်တၢ်အံၤမၤအသး, ဘၣ်ဆၣ်နတအီၣ်ဘၣ်တၢ်အီၣ်န့ၣ်နီတစဲးဘၣ်” န့ၣ်လီၤ.

လံာ်စီၤပၤခံဘ့ၣ်တဘ့ၣ် 7:2

ပှၤကွၢ်ထွဲမၤစၢၤစီၤပၤစံးဘၣ်စီၤအလံၤၡါ, “ယွၤအနီၢ်ကစၢ်ဒၣ်ဝဲမ့ၢ်ဆှၢလီၤဘုဧိၤဟုဧိၤတဘျီဃီဒၣ် လဲာ်န့ၣ်, မၤအသးတသ့ဘၣ်.” စီၤအလံၤၡါစံးဆၢဝဲ, “နကထံၣ်ဘၣ်တၢ်န့ၣ်မၤအသး, ဘၣ်ဆၣ်နတအီၣ်ဘၣ်တၢ်အီၣ်န့ၣ်နီတမံၤဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 26:20

အဝဲသ့ၣ်အပှၤလ့ၤဝံဖိကဒဲကဒဲအဂၤတဖၣ်ဘၣ်ကဲခိၣ်ကဲနၢ်လၢတၢ် လုၢ်ဟံၣ်အစ့ပာ်ဖှိၣ်အလီၢ်အဂီၢ်ဒီးလၢတၢ်ပာ်ဖှိၣ်အဒၢးတဖၣ်ဖဲ တၢ်ဟ့ၣ်တဖၣ်လၢဘၣ်တၢ်ပာ်စီဆှံတ့ၢ်အီၤလၢကစၢ်ယွၤအဂီၢ် အိၣ်ဝဲအလီၢ်န့ၣ်လီၤ.

လံာ်စီၤနဃ့မယၤ 12:44

ဖဲအကတီၢ်န့ၣ်, ပှၤပိာ်ခွါတဖၣ်ဘၣ်တၢ်ပာ်လီၤအီၤလၢပှၤကွၢ်ထွဲ တၢ်ပာ်ဖှိၣ်အဒၢးတဖၣ်လၢတၢ်ဟ့ၣ်မၤဘူၣ်တဖၣ်လၢအဘၣ် တၢ်ဟ့ၣ်အီၤဆူယွၤအတၢ်လုၢ်ဟံၣ်, ဘၣ်တၢ်ပာ်အီၤအိၣ်ဒီးတၢ်မၤဘူၣ်ဆံဆဲၣ်ပူတပူတဖၣ်ဒီးဘုခ့ လၢတၢ်ကူးအီၤအဆိကတၢၢ်ဒီးတၤသူတၤသၣ်လၢတၢ်ဒဲးအီၤအဆိ ကတၢၢ်ကိးနံၣ်ဒဲးန့ၣ်လီၤ. ပှၤတဖၣ်အံၤအိၣ်မူအိၣ်ဒါလၢတၢ်ထၢဖှိၣ်တၢ်လၢပှၤလုၢ်တၢ်အခိၣ် တဖၣ်ဒီးပှၤလ့ၤဝံဖိတဖၣ်အဂီၢ်ဒ်ယူဒၤတၢ်သိၣ်တၢ်သီဃ့ဝဲ အသိးဖဲစံာ်ပျီတဖၣ်လၢအအိၣ်ဘူးဒီးဝ့ၢ်တဖၣ်န့ၣ်လီၤ. ကယဲၢ်ကီၢ်ယူဒၤအပှၤဂီၢ်မုၢ်ခဲလၢာ်ဘၣ်သူၣ်ဘၣ်သးပှၤလုၢ်တၢ် အခိၣ်တဖၣ်ဒီးပှၤလ့ၤဝံဖိတဖၣ်န့ၣ်လီၤ.

လံာ်စီၤနဃ့မယၤ 12:47

လၢစီၤစရူၤဘၤဘ့လးဒီးစီၤနဃ့မယၤအမုၢ်နံၤတဖၣ်အပူၤန့ၣ် ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ဟ့ၣ်မၤဘူၣ်တၢ်လၢတၢ် မၤစၢၤပှၤသးဝံၣ်တၢ်ဖိတဖၣ်ဒီးပှၤခိးတၢ်လုၢ်ဟံၣ်ဖိတဖၣ်အဂီၢ် ကိးနံၤဒဲးန့ၣ်လီၤ. ပှၤဂီၢ်မုၢ်ဟ့ၣ်တၢ်မၤဘူၣ်စီဆှံဆူပှၤလ့ၤဝံဖိတဖၣ် အအိၣ်, ဒီးပှၤလ့ၤဝံဖိသ့ၣ်တဖၣ်ဟ့ၣ်နီၤတၢ်ဆူပှၤလုၢ်တၢ်အခိၣ်သ့ၣ် တဖၣ်ဒ်အကြၢးဝဲလၢကဘၣ်ဟ့ၣ်ဝဲအသိးန့ၣ်လီၤ.

လံာ်စီၤနဃ့မယၤ 13:5

အဝဲပျဲတ့ၢ်စီၤတိၤဘံယၤလၢကသူဝဲဒၢးဖးဒိၣ်တဖျၢၣ်လၢတၢ် ပာ်လီၤဆီအီၤထဲဒၣ်လၢတၢ်ကပာ်တၢ်မၤဘူၣ်လၢဘုဧိၤဟုဧိၤဒီး တၢ်နၢမူ, တၢ်ပီးတၢ်လီလၢတၢ်သူအီၤလၢယွၤအတၢ်လုၢ်ဟံၣ်အပူၤ, တၢ်မၤဘူၣ်တဖၣ်လၢပှၤလုၢ်တၢ်အဒိၣ်တဖၣ်အဂီၢ်, ဒီးတၢ်ဆံဆဲၣ်ပူတပူတဖၣ်လၢဘုဧိၤဟုဧိၤ, စပံးထံ, သ့ၣ်စၤယံးအသိလၢအဘၣ်တၢ်ဟ့ၣ်အီၤဆူပှၤလ့ၤဝံဖိ တဖၣ်ဆူတၢ်လုၢ်ဟံၣ်အပှၤသးဝံၣ်တၢ်ဖိတဖၣ်ဒီးဆူပှၤခိးတၢ်လုၢ် ဟံၣ်တဖၣ်အဂီၢ်န့ၣ်လီၤ.

စံးထီၣ်ပတြၢၤ 37:3

သန့ၤနသးလၢယွၤဒီးမၤတၢ်ဂ့ၤတက့ၢ်. အန့ၣ်ဒီးနကအိၣ်နဲကဆိးနဲလၢထံဧိၤကီၢ်ဧိၤအပူၤ ဒီးမုာ်လၤသးခုလၢတၢ်ပူၤဖျဲးအပူၤန့ၣ်တက့ၢ်.

စံးထီၣ်ပတြၢၤ 78:23

အန့ၣ်ဒၣ်လဲာ်ယွၤမၤလိာ်တၢ်အၢၣ်တဖၣ်လၢထးခီ ဒီးအိးထီၣ်မူခိၣ်အတြဲၤ,

လံာ်ပှၤစံၣ်တဲၤတဲလီၤတၢ် 11:3

သ့ၣ်တထူၣ်မ့ၢ်လီၤတကူၢ်ဆူလဲၣ်ဂ့ၤဆူလဲၣ်ဂ့ၤန့ၣ်တမ့ၢ်တၢ်အမိၢ် ပှၢ်ဘၣ်. ကအိၣ်မံလီၤဒၣ်ဖဲအလီၤတကူၢ်ဝဲအလီၢ်လီၤ. တုၤတၢ်အၢၣ်တဖၣ်ပှဲၤဝဲဒီး, တၢ်ဟဲစူၤလီၤလီၤ.

လံာ်ယဃ့းစက့လး 34:26

ယကဆိၣ်ဂ့ၤအဝဲသ့ၣ်ဒီးဒုးအိၣ်ဆိးအဝဲသ့ၣ်ဝးတရံးယတၢ်လူၢ်စီဆှံ န့ၣ်လီၤ. ဖဲန့ၣ်ယကဆိၣ်ဂ့ၤအဝဲသ့ၣ်ဒီးမူခိၣ်အတၢ်စူၤထံဖဲအဝဲသ့ၣ် လိၣ်ဘၣ်ဝဲအခါန့ၣ်လီၤ.

လံာ်ယဃ့းစက့လး 44:30

ပှၤလုၢ်တၢ်အခိၣ်တဖၣ်ကဘၣ်မၤန့ၢ်တၢ်အဂ့ၤကတၢၢ်လၢတၤသၣ်ဆိ တဖၣ်ဒီးတၢ်ခဲလၢာ်လၢတၢ်လုၢ်ထီၣ်ယၤအကျါန့ၣ်လီၤ. တဘျီလၢ်လၢ်ဖဲပှၤဂီၢ်မုၢ်ကုၢ်ကိၣ်န့ၣ်အဝဲသ့ၣ်ကဘၣ်ဟ့ၣ် ကိၣ်အဆိကတၢၢ်တဖျၢၣ်ဆူပှၤလုၢ်တၢ် အခိၣ်တဖၣ်အအိၣ်ဒ်တၢ်လုၢ်တၢ်ပာ်တမံၤ အသိးဒီးယတၢ်ဆိၣ်ဂ့ၤကလီၤဘၣ်လၢအဝဲ သ့ၣ်အဟံၣ်တဖၣ်အလိၤန့ၣ်လီၤ.

လံာ်ဟိၤၡ့ 2:21

ဖဲအကတီၢ်အဝဲန့ၣ်, ယကစံးဆၢယပှၤဂီၢ်မုၢ်အံၣ်စရ့လးအတၢ်ထုကဖၣ် တဖၣ်န့ၣ်လီၤ. ယကဒုးစူၤလီၤတၢ်လၢဟီၣ်ခိၣ်အဖီခိၣ်,

လံာ်ယိၤအ့လး 2:19

ဒီးယွၤစံးဆၢအပှၤဂီၢ်မုၢ်, ခဲကနံၣ်အံၤ, ယကဟ့ၣ်လီၤသု လၢဘုဧိၤဟုဧိၤ, စပံးထံဒီးသ့ၣ်စၤယံးအသိ, ဒီးသုကအိၣ်ဒီးတၢ်သူၣ်မံသးမံလီၤ. ဒီးပှၤကလုာ်ဂၤတဖၣ်တဒုၣ်ဒွဲၣ်စံးအၢလၢၤဘၣ်သုဘၣ်.

လံာ်ယိၤအ့လး 2:24

ကြဲၢ်ပူၤတဖၣ်ကပှဲၤဒီးဘုဧိၤဟုဧိၤ, သပၢၤလၢဆၢၣ်ဂူာ်ကပၤတဖၣ်ကပုာ်ထီၣ် ယွၤလီၤဝဲဒီးစပံးထံဒီးသ့ၣ်စၤယံးအသိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:10

သုဘုဧိၤဟုဧိၤတဖၣ်ကအိၣ်အါအါကလဲာ်တုၤဒၣ်လဲာ်သုအီၣ်အီၤ ဒီတနံၣ်ညါတလၢာ်ဘၣ်အဃိသုကဘၣ်စူးကွံာ်အီၤဒ်သိးသုကပာ်ဖှိၣ် က့ၤသုဘုဧိၤဟုဧိၤအသီတဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:3

သုမ့ၢ်အိၣ်မူဒ်ယတၢ်သိၣ်တၢ်သီအသိးဒီးတိၢ်န့ၢ်ယတၢ်မၤလိာ်တဖၣ်န့ၣ်,

လံာ်တၢ်ဘူၣ်ထီၣ်ဘါထီၣ် 27:30

ဒီးတၢ်ဆံဆဲၣ်ပူတပူလၢကယဲၢ်ဟီၣ်ခိၣ်အတၤသၣ်ဒ် ဘုဧိၤဟုဧိၤမ့ၢ်ဂ့ၤ, တၤသူတၤသၣ်တဖၣ်မ့ၢ်ဂ့ၤန့ၣ်ဘၣ်ဃးဒီး ယွၤန့ၣ်လီၤ.

လံာ်ဃးကဲ 2:19

ဘုဧိၤဟုဧိၤမ့ၢ်တအိၣ်တ့ၢ်လၢၤဘၣ်ဆၣ်, စပံးမုၢ်တဖၣ်, ချၢၣ်ဒၢအထူၣ်တဖၣ်, သ့ၣ်သလဲတဖၣ်ဒီးသ့ၣ်စၤယံးတဖၣ်မ့ၢ်တသၣ်ထီၣ်ဒံးဒၣ်လဲာ်, စးထီၣ်ခဲအံၤဒီးဆူညါန့ၣ်ယကဆိၣ်ဂ့ၤသုလီၤ.”

လံာ်တၢ်ဂံၢ် 18:21

ယွၤစံးဝဲဒၣ်, “ကယဲၢ်တၢ်ဆံဆဲၣ်ပူၤတပူလၢကီၢ်အံၣ်စရ့လး အပှၤဂီၢ်မုၢ်ဟ့ၣ်ထီၣ်ယၤန့ၣ်ယဟ့ၣ်လီၤအီၤဆူပှၤလ့ၤဝံဖိတဖၣ် အအိၣ်လီၤ. တၢ်အံၤမ့ၢ်တၢ်အဘူးအလဲလၢအဝဲသ့ၣ်မၤတၢ်အခ့အပှၤအတၢ်မၤ လၢတၢ်အံးထွဲကွၢ်ထွဲယအိၣ်ယဆိးအဒဲစီဆှံအဂီၢ်န့ၣ်လီၤ.

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

လံာ်သိၣ်လီၤသီလီၤတၢ် 12:6

ဒီးဖဲန့ၣ်သုကဘၣ်လုၢ်ထီၣ်တၢ်လုၢ်တၢ်ပာ်တဖၣ်လၢတၢ်ဆိၣ်ကဲၤထီၣ် အဂီၢ်ဒီးတၢ်လုၢ်တၢ်ပာ်အဂၤတဖၣ်ဒီးတၢ်မၤဘူၣ်တဖၣ်, သုတၢ်ဟ့ၣ်လၢသုအၢၣ်လီၤဒီးယွၤ, သုတၢ်သူၣ်အိၣ်သးအိၣ်အတၢ်မၤ ဘူၣ်တဖၣ်ဒီးသုဂီၤဘုၣ်ဂီၤဖံးဒီးသုသိအဝဲၢ်ကိတဖၣ်န့ၣ်လီၤ.

လံာ်သိၣ်လီၤသီလီၤတၢ် 14:22

ပာ်လီၤဆီတၢ်ဆံဆဲၣ်ပူတပူလၢကယဲၢ်တၢ်လၢသုစံာ်ဧိၤပှဲၤဧိၤ ဟ့ၣ်ထီၣ်ဝဲကိးနံၣ်ဒဲးအပူၤတက့ၢ်.

လံာ်သိၣ်လီၤသီလီၤတၢ် 14:29

တၢ်အီၣ်အံၤမ့ၢ်လၢပှၤလ့ၤဝံဖိတဖၣ်အဂီၢ်မ့ၢ်လၢအဝဲသ့ၣ်တအိၣ် ဒီးအတၢ်ဖိတၢ်လံၤဒၣ်ဝဲဘၣ်, ဒီးမ့ၢ်လၢပှၤတခီဘီမုၢ်ဖိတဖၣ်ပှၤဖိၣ်ဃဲတဖၣ်ဒီးပှၤမုၣ်ကမဲ တဖၣ်လၢအအိၣ်ဆိးလၢသုဝ့ၢ်တဖၣ်အပူၤအဂီၢ်န့ၣ်လီၤ. အဝဲသ့ၣ်ကဘၣ်ဟဲဒီးဟံးန့ၢ်ကယဲၢ်တၢ်လၢအလိၣ်ဘၣ်ဝဲန့ၣ်လီၤ. မၤတၢ်အံၤ, ဒီးယွၤသုကစၢ်ယွၤကဆိၣ်ဂ့ၤသုလၢကယဲၢ်တၢ်လၢသု မၤအီၤတမံၤလၢ်လၢ်အပူၤန့ၣ်လီၤ.

လံာ်သိၣ်လီၤသီလီၤတၢ် 28:12

အဝဲကဒုးစူၤလီၤတၢ်လၢအဆၢကတီၢ်ဒၣ်ဝဲအပူၤ, လၢအတၢ်ပာ်ဖှိၣ်အဟံၣ်အထူးအတီၤလၢအအိၣ်ဝဲလၢမူကပိာ်လိၤန့ၣ်, ဒီးဆိၣ်ဂ့ၤသုတၢ်မၤခဲလၢာ်တုၤဒၣ်လဲာ်, သုကဒုးလိၢ်ဘၣ်တၢ်ဆူပှၤအါကလုာ်, ဘၣ်ဆၣ်သုလိၢ်န့ၢ်တၢ်လၢအဝဲ သ့ၣ်တကလုာ်ဂ့ၤတကလုာ်ဂ့ၤအအိၣ်, အလီၢ်တအိၣ်ဘၣ်န့ၣ်လီၤ.